-طبعا يا جماعه كلو ملاحظ ان فيه لغة جديده انتشرت بين مستخدمي الانترنت اللي هيا الفرانكو ارب وطبعا كتير منكم بيكتب باللغه دي وكمان بيستخدمها في حياته العمليه ومش على النت وبس ..وعلى النقيض في ناس منكم مش بتكتب باللغه دي ولما بيقراوها بيبقو عاملين كانهم بيفكوا شفره معقده او بيتعلموا القراءه من اول وجديد . وحبيت في اول الموضوع احكلكم ايه حكاية الفرانكو ارب ده وظهر ازاي بما انها بقت لغه منتشره وبنكتب بيها كتير
طبعا فيه ناس كتير فاكره ان اللغه دي موضه جديده طلعت وانها ما بقالهاش اكتر من كام سنه وخلاص لكن في الحقيقه يا جماعه ان اول ظهور للنوع ده من اللغات ظهر من ايام احلال الفرنجه (الفرنسيين) للاندلس وايام محاكم التفتيش الاوروبيه....طبعا كانت الاندلس مليانه مسلمين بعد ما احتلها الاسبان دا غير الناس اللذين هاجروا الى المغرب والى الاراضي العربيه.... بس كانوا بيتعاملوا بقسوه شديده جدا من قبل محاكم التفتيش...في البدايه اخدوا المصاحف ومنعوا الصلاه في المساجد وبعدين عملوا حاجه خطيره جدا.....
ايه هي الحاجه دي؟
خلوا الناس تتكلم عربي عادي بس خلوهم يكتبوا اللغه العربيه بحروف لاتيني اللى احنا عارفينه بالفرانكو اراب الان وللاسف فضلو يضيقوا عليهم جدا لحد ما طلع منهم جيل ميعرفوش هما مسلمين ولا مش مسلمين والناس دول كان اسمهم الموريسكيين او اختصارا" المور"
ظهر ناس كتير مؤييدين للفكرة دى ومن ابرزهم القاضي الانجليزي "ويلمور" وهو مستشرق مشهور وكانت له دعوه بجعل "لغه الخطاب هي لغه الكتاب" يعني العاميه تكون هي لغه الكتابه والعلم
وظهر فى القرن العشرين بعض المثقفين قالوا ان الحرف اللاتيني اصلح من الحرف العربي شكلا وموضوعا وقالوا انه من الافضل اننا نبدل الحرف اللاتيني بدلا من الحرف العربي في كتابتنا
ومن ابرزهم الشاعر اللبنانى سعيد عقل الشاعر ده كتب ديوان اسمه "يارا" بالفرانكو في بيروت بس ازاي...ده في حروف في العربيه ليس لها بديل في اللغه اللاتينيه!!
ايوه ...هو كتب في المقدمه الحروف التي سيستخدمها وضاف من عنده كام حرف كدا عشان يغطي قصور الحرف اللاتيني...والنتيجه ان ابجديته صار فيها اكثر من ثلاثين حرف... بس الديوان فشل ولم يلاقى نجاح
طب وبعدين: االلي حصل ان اللغه اختفت عن الانظار مده كبيره جدا لحد من فتره بدات تظهر تاني والسبب اللي خلاها تتولد من جديد هما العرب اللي بيسافرو للبلاد الاجنبيه وكتير منهم طبعا كان بيستخدم الانترنت كوسيلة اتصال بس كان فيه مشكله...المشكله ان الكيبورد هناك مش بالعربي !!ده انجليزي بس ..طب والحل ايه قالو نستعمل لغة الفرانكو ارب نكتب بالحروف اللاتينيه (الانجليزيه) بس بنطق عربي ومن هنا ظهر الفرانكو ارب من تاني..طبعا كتير منهم بيكلمو ناس هنا في بلاد عربيه والناس دي عجبتهم اوي الفكره هما كمان او اتعودو عيها فبقو يكتبو بيها هما كمان وطبعا احنا العرب نحب جد نقلد بعض في اي ظاهره جديده تظهر مش مهم نعرف اصلها ومش مهم يكون ليها هدف او سبب المهم نقلد وخلاص وانتشرت لغة الفرانكو ارب من العرب مستخدمي الانترنت في البلاد الاجنبيه الى وطننا العربي
طب ايه هيا الفرانكو ارب وازاي بتتكتب ؟؟ هو بكل بساطة مكس بين العربى والانجليزى هتقولى يعنى ايه مكس هقولك يعنى بناخد الحروف الانجليزى والنطق من العربى ونعمل منهم الفرانكو او بمعنى ابسط اننا بنكتب الكلمات العربى زى ما بننطقها بس بالحروف الانجليزى
2 = همزة مثل كلمة سؤال تكتب so2al و كلمة سبأ تكتب saba2 3 = ع ويمكن كتابة حرف غ بالشكل التالي '3 6 = ط 7 = ح 5 = خ ويمكن أن تكتب '7 8 = ق 9 = ص أما ما عدا ذلك فيكتب بتغيير الحرف العربي بمقابل من اللاتيني. وفي ما يلي الأبجدية العربية مع مقابل كل حرف: ا = a ب = b ت = t ث = 't كما ويمكن استعمال الثاء الانكلزيية المركبه th ج = j ح = 7 خ = 5 أو '7 د = d ذ = 'd ر = r ز = z س = s ش = ^s ويمكن ان تكتب sh ص = 9 أو S مع مراعاة الحالة الكبيرة للحرف اللاتينيه ض = '9 أو ممكن ان تكتب D مع مراعاة الحالة الكبيرة للحرف اللاتينيه ط = 6 ظ = '6 أو ممكن Z مع مراعاة الحالة الكبيرة للحرف اللاتينيه ع = 3 غ = '3 أو ممكن أن تكتب gh ف = f ق = 8 أو ممكن أن تكتب q ك = k ل = l م = m ن = n ه = h و = w كما تستعمل o أو حتى u وذلك حسب قوة الواو في الكلمة ي = i وفي حالة الياء الخفيفة يستخدم e وفي حالة وقوعها في نهاية العبارة يستخدم Y
وادى انتشار اللغة دى بين الشباب ان بعض الكتاب ابتدوا فعلا يكتبوا بيها علشان يوصلوا بسرعة للشباب
وكمان اخر حاجه طلعت ان شركة مايكرو سوفت عملت برنامج يحول الكتابه من عربي لفرانكو ارب (عشان لو مش بتعرف تكتب فرانكو وعايز تتكلم فرانكو) والعكس برضو وكمان جوجل عملت نفس الكلام مترجم عشان يحول ما بين المستخدمين وكمان ممكن تستخدمو على الماسنجر
بس انا في الاخر احب اطرح سؤال عليكم وعايز اجابات واقعيه منكم :هل انتو شايفين اننا كعرب المفروض نكتب بلغه زي دي وهل ده شئ عادي ما يضرناش كعرب ومسلمين ..وهل اتجاه جوجل ومايكروسوفت والشركات العالميه دي انها تسهلنا كمان الموضوع ده بالبرامج والحاجات دي وتشجيعنا على اللغه دي طبيعي ؟؟ هو ده اللي عايز اعرف رايكم فيه بصراحه شديده وعايز الناس اللي بتكتب باللغه دي يتكلمو ويقولو رايهم عادي لان الموضوع ده مش هجوم على حد او على لغه دي مناقشه ليها هدف واتمنى انها تكون مناقشه بناءه ومعلش لو طولت عليكم ..
أسماءعبد الجابرمحمد عضو برونزي
عدد المساهمات : 223 تاريخ التسجيل : 27/03/2011 العمر : 29
هذا احتلال ثقافي ... وطمس هويه ... وانكار حضارة كانت سراج لكل حضارات الدنيا ... ومحاولات شتي يمارسها أعداء العرب والاسلام للقضاء على مالم تستطع الحروب العسكرية القضاء عليه ......
حفظنا الله وحفظ لغتنا العربية لغة كتابنا القرآن الكريم ... لغة تراثنا العربي الرائع الجم من كل سوء
غاده ربيع مشرف سابق
عدد المساهمات : 1173 تاريخ التسجيل : 13/06/2010 العمر : 31
هذا احتلال ثقافي ... وطمس هويه ... وانكار حضارة كانت سراج لكل حضارات الدنيا ... ومحاولات شتي يمارسها أعداء العرب والاسلام للقضاء على مالم تستطع الحروب العسكرية القضاء عليه ......
حفظنا الله وحفظ لغتنا العربية لغة كتابنا القرآن الكريم ... لغة تراثنا العربي الرائع الجم من كل سوء
انا برضه مش بحبها خااااااااااااااالص
بس المشكله دلوقتى بقيت فعلا لغه منتشره جدااااااااااا لدرجه ان بعض الكتاب بيكتبوا بيها مؤلفاتهم ليوصلوا لاكبر شريحه فى المجتمع الى هما الشباب والى مش فاهم اللغه دى يبقى مش عايش فى الدنيا بمعنى اصح موضه والشباب بس بيقلدوا مش كلهم طبعا بس الاكتر منهم
ما أجمل لغتنا لغة القرآن وصدق المولى حين قال"بلسان عربى مبين" لماذا يعتبر الشباب ان يكون الشخص مختلف ليكون مميز هل اخالف لغتى وشكلى وهويتى لاكون مميز؟ ينظر الكثير ممن يستخدمون هذه اللغه وغيرها من التقليعات والموضات الى من لايسايروهم نظره سيئه على انهم متأخرين ان أكره هذه اللغه تماما وارفض التعامل بها
موضوع: الفرانكو ارب لماذا انتشرت؟؟؟؟؟؟؟؟؟؟؟؟؟؟؟ 
الأحد 2 أكتوبر 2011 - 15:36
