عارفة يا حبيبتي

انا بجد قررت اكتب حاجه لحبيبتي والوقتي كمان

وهنا ع المنتدى

وتسمحولي ادخلها معانا واخليها تشوف الكلام كله

وانتو كمان شوفوا كل كلااامي لحد اخر حرف ارجوكم لانه بجد طالع من قلبي بجد

1- عارفه يا حبيبتي انا اول ما فتحت عيني وشفتك قلبي طار من فرحته اللي حس بيها ..

حسيت ان قلبي هو اللي شافك مش عيني واتأكدت فعلا وقتها

انك صاحبة اجمل قلب في الدنيا دي كلها .. صدقيني بجد انتي حبيبة قلبي وعينيا

***

2- عارفة يا حبيبتي انا لما بكون جنبك بحس ان الدنيا دي كلها جنبي

واما اكون مخنوق واجيلك ببقى عاوز اترمي في حضنك واضمك وتضميني اووووي

وببقى عاوزك تمسحي اي دمعه تنزل غصب عني ..

انا عارف انك بتعملي كده وبتسمعي اللي جوايا من غير ما اقوله ,,

وساعتها بحس ان الدنيا دي كلها متساويش ولا حاجه لو انتي بعدتي عني

او بعدت انا عنك

***

3- عارفه يا حبيبتي لما بنسهر مع بعض وخلااااص بيبقى النوم على عنيا

وتقوليلي يلالا يا حبيبي قوم ناام عشان تقدر تصحى الصبح ..

بحس وقتها اني نفسي افضل صاحي لحد ما انتي تنامي عشان اطمن عليكي

وببقى نفسي اصحى بدري عشان اكون اول حد يقولك صباح الخير

وتكوني انتي اول حد اشوفه في بداية يومي

***

4- عارفة يا حبيبتي .. نظرتك .. ابتسامتك .. فرحك ... زعلك .. خوفك عليا ..

همس صوتك اما بتناديني يا طه .. طعم مشاعرك اما تكوني جنبي ...

بيحسسوني انك فعلا مش انسانه طبيعية

لانك ببساطه انسانة ملائكية اوووي وقلبك ابيض اوووووي

***

5- اخيييييرا يا حبيبتي

خلاااااص قررت اني عمري ما هبعد عنك ابدا ولا عاوزك تبعدي عني لاني بحبك

بجد بحبك وبعشقك والله وبموت فيكي كمان

يا حبيبتي انتي اجمل انسانة شفتها في حياتي

وارق مخلوقة في الدنيا دي كلها

بحبك يا

يا امي

ربنا يخليكي ليا وميحرمنيش منك ابدا يا ماما

ابنك

طه محمد

( دماغكو مترحش لبعيييد )

السلام عليكم

مشكور علي هذا الكلام الصادق ،منذ البدايه والله وانا أشعر أن الكلام عن الام يمكن لما بعيده عنها حسيت بكل كلمه انها ليها

جزاك الله خيرا

شكرا لحضرتك يا فندم ربنا يعزك

والكلام ده فعلا كتبته لامي وانا بعيد عنها

ربنا يخليلك والديكي يارب

شكرا لحضرتك ثانية

جميل الكلام يا طه

هي اول شخص القلب يدق بحبها

وحبها يدوم ولو القلب مات بعدها

الأم
**************
الأم .. وما أدراك ما الأم .. إنها إحساس ظريف .. وهمس لطيف .. وشعور نازف بدمع جارف ..
الأم .. جمال وإبداع .. وخيال وإمتاع .. وجوهره مصونة ولؤلؤه مكنونه ..
الأم .. كنز مفقود لأصحاب العقوق .. وكنز موجود لأهل البر والودود ..

بارك الله فيكى استاذ طه
كلام جميل جدا ربنا يبارك لك فيها

بارك ربي في مروركن

ربنا ياااارب يغفر لنا ولوالدينا وللمؤمنين والمؤمنات يوم يقوم الحساب

جزاكن ربي الفردوس الاعلى

» عارفة يا حبيبتي
» إنها حبيبتي .
» إليكِ حبيبتي خطيبتي .....
» أسئلة إمتحانات سابقه للدبلومة العامة