منتدى الدكتور ياسر عبدالله
مرحباً بكم في منتدى الدكتورياسرعبدالله للتأصيل الإسلامي








منتدى الدكتور ياسر عبدالله

إسلامـــــــي - تربـــــــــوي - تعليـــــــمي - إجتماعــــــي- تكنولوجـــــــي
 
الرئيسيةالبوابةس .و .جبحـثالتسجيلدخول

شاطر | 
 

 البنت ... إذا أرادت .. ثورة تاني من جديد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: البنت ... إذا أرادت .. ثورة تاني من جديد   الخميس 21 يونيو 2012 - 2:20

البنت ... إذا أرادتْ

(( 1 مقدمة لابد منها


بطبيعة عملِنا كـكـُتَّابٍ , نحب أن نتوغل َ في قلبِ القوقعة التي يعيش فيها أمر موضوع بحثنا

فننتشل من داخل أعماق وجدان موضوعنا ما نريده لبحثنا ... تستطيع حضرتك أن تصف

أعمالنا ببعض (( الراديكالية )) التفصيلية ..

لذلك قمت بالتوغل داخل التشريح النفسي للبنت المصرية ووجدت كثيرا مما عبرت عنه في

مقالاتي السابقة هنا ... واعلم أنني ( جاي عليهن شويه )

لكن اليوم ثمة حقيقة غريبة قد حثتني للكتابة وهي إرادة البنت في كل أطوار حياتها ..

بداية منذ لعبها مع عروستها البيضاء وعبثها بالدمية التي تقوم بتربيتها وتعليمها ,

مروراً بمرحلة اللعب مع أولاد وبنات (( الشارع )) لعبها البريء الطاهر سواء كان ( كوتشينة أو السبع طوبات أو حتى استغماية )

ختاما ً بضجر وغضب أخيها من عدم ارتدائها للحجاب إذا خرجت للدرس

أو إذا وقفت على عتبة البيت أو على باب الشقة ...

حيث وجدت أن حياتها تبدأ بالفطرة السليمة النقية البريئة ثم لا تلبث أن تتلوث بشوائب حياة

ينظر فيها الناس للمرأة من منظور ( ألحق البنت كبرت وجسمها ظهر ) أقصد منظور شكلي

خارجي فقط بالإضافة إلى ذلك لا تلبث أيضا أن تتلوث من المنظور الداخلي الباطني

وبمكر وكيد النساء فيغطي براءتها خبثــُـها ودهاءُها وإعجابُها بجمالها ودلالها وحسبها ونسبها ..

ونحن نعلم أن الجمال نسبي وأنه إعارة واقتراض من رب العباد لأنها ليست صاحبته

ولو كانت تملكه لدام لها حين من الدهر ,,


لكن ما يشوه عقول الذين في قلوبهم مرض أنهم يعشقون قبحا فظيعا يتستر تحت المساحيق

والماكياج والبودره و(الميك آب) فقسوة قلبها تظهر على جفنيها رغم أن الماسكرا تغطيها ..

وعلى الرغم من أن هؤلاء المعجبين بسيادتها قد يفوقوا يوما ً من تلك الصدمة ويعانوا

ويتعذبوا ويندموا أنهم عشقوا جمالا زائفا وقناعا كاذبا ,, إلا أنهم لا يلبثوا أن يعودوا لما

صُدِموا منه فينزلقوا إلى وهم جديد وغفلة جديدة مستمرة إلى أن يستيقظوا مرة أخرى من

سباتهم العميق ..

(( 2 ))


البنت منذ أن كانت صغيرة تتدلل وترغب وتريد فتكون كل طلباتها أوامر ومعظم حيلها – في اعتقادي -

الكذب والخداع والمكر والدهاء والكيد العظيم لدرجة أنها إذا أرادت – في فترة مراهقتها

أن توقع شابا ً , استطاعت ,, وان أرادت استدراجه للرزيلة , قدرت ,,

وان شاءت أن تجعل كل من يهيم بها يركع تحت رجليها , استطاعت ..

حتى لو تزوجت نجدها ( هتموت وتخلي جوزها خاتم في صباعها )

لكن كل إرادة وكل رغبة تستطيع أن تقوم بها تستخدم في ذلك شيئين لا ثالث لهما ؛ أولـَـهما

المكرُ والدهاءُ والخبثُ والكذبُ وأخرهما النفوسُ الضعيفة التي تتبعها والشياطين البشرية

المسخرة إليها من الرجال والنساء .. الكل يرغب في جمالها ودلالها ومالها ..

(( 3 ))


أشعر انك حتى تلك اللحظة لا تعي ما اقصده لذلك أعود من حيث بدأت

وأقول أن المرأة من وجهة نظري الآن .. نعم الآن ..

إما أن تكون بيضاء القلب أو سوداء اللب .. لا رمادية الطبع ...


فالبيضاء تجدها متآلفة مع نفسها متكاتفة مع غيرها ,

والسوداء تجدها تتبع الماكرات الخادعات المنتشرات المتوغلات في حياة الشباب كأذرع

الإخطبوط ,,, وما بين هذه وتلك كل راحة النعيم وكل بؤس الجحيم ..

واخص بالذكر هنا بنات كنت قد حسبتهن مسلمات مؤمنات قانتات عابدات متصدقات

ومنفقات ومجاهدات في سبيل الله وفي سبيل العلم والأدب والأخلاق ,,

لكن ظني فيهن قد خاب ,, وإيماني بهن قد خسر ..

فأصبحت – بالرؤى الشاملة لا بالتعميم – اشك لا أثق ,,

أمسيت ارتاب لا اطمئن ,, وغدوت غيرَ مؤمن ولا مصدق لمعظمهن ؛ لأنني تيقنتُ

بأن وجوههن ملساء ناعمة ( طريه ) مدهونة بكريم ( إيفا )

الجذاب الكذاب وبأن نظراتهن خادعة خائنة ولمساتهن ثعبانية لادغة ..

هـُـن بناتٌ قد غطين وجوهـَـهن بمساحيق حتى لا تبدو ألوانهن وطبائعهن على حقيقتها

ولكي تصبح بشرتهن مشدودة وجلودهن مكوية وشعرهن ( مستشوَر)

وخطواتهن غدت حربائية وأرجلهن تمشي كالرياح مسرعة لتتسلل يدها إلى قلوب الشباب

كي تسرقه بكلمات لزجة جذابة معسولة مطلية بماء العسل الذي إذا شرب منه الشاب

اختنق من حلاوته ويموت بلزوجته ..

(( 4 ))


هذا الارتياب لا يحدث معي فقط إنما – و رب محمد – لكل شباب المسلمين يتكرر معنا كل

يوم منذ آدم وحواء ويحدث كلما اجتمع ابن لآدم وبنت لحواء ..

تتكرر الخيبة والخذلان والفشل في الإيمان بصدقهن ,,

ولا أحد من الشباب يريد أن يعتبر ولا يكتف ِ الآملون بخيبة الأمل التي حلـَّت ,,


وما زالوا جميعا صبايا وشباب مقيدين غارقين في بحر صبابتهم العميق

وأصبحتُ أنا ممن لا يطيق وجودهن في أي عمل ولا في أي وقت ولا أي مكان

إلا من رحم ربي ,, و إلا من اتخذت عائشة مثالا وفاطمة قدوة وأم سلمة أسوة


وأقول لك شباب الإيمان احفظوا أنفسكم من لعنة الخبيثات لأنهن اضللن كثيرا من العباد ..
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 9:39

(( 5 ))

دي بقا 4 نماذج مـُـشرَّفة لبنات المسلمين
================


1- الصحفية إيثار كمال الكتاتني


أفضل صحفية افريقية لعام 2011 طبقا لـوكالة ال CNN الإعلامية

اصغر باحثة في الجامعة الأمريكية عندها الوقتي 23 سنة ماشاء الله

شاركت في برنامج مجددون مع الدكتور عمرو خالد

قابلتها مرة واحده في دورة في مدينة نصر وبجد بتشرف اوووي اوووي بيها

===================

2- الدكتورة / غادة شريف

أستاذ مساعد بمعهد الأورام بجامعة القاهرة

ولها أبحاثا دولية عديدة شاركت فيها عن تحورات جينات الخلايا السرطانية،

كاتبة صحفية بجريدة المصري اليوم تكتب كل ثلاثاء ,,

وتمتلك ثلث سلسلة مدارس شهيرة..

هااي آااي هي مش متحجبة بس تستحق اننا ندعيلها بالهداية لانها فخر لبنات المسلمين


========================


3- الدكتورة عزيزة


هي عزيزة محمد أحمد آدم مقيمة بقرية الحميدات مركز إسنا في الأقصر يعني صعيدية زينا

يعني مننا وعلينا يعني احترام وأدب وأخلاق بائعة طيور أمية قهرت الجهل

وحصلت على ليسانس آداب علم اجتماع ومعاها شهادات كومبيوتر
×××××××××××
دي بس عينات قليلة جدااااا من البنات اللي نتشرف بيهم

واللي بجد نفسي اختي تبقى زي واحده منهم

واي بنت مهياش حاطه في دماغها هدف تحققه ياريت تتعلم منهم

بجد بفرح اوووي لما يقولوا الحق الواد الفلاني من قنا والاقصر وسوهاج واسوان

حصل على شهادة كذا والحق البنت فلانية حصلت على شهاده كذا

بحس بفخر وبمسؤلية كبييرة اني هبقى زيهم ان شاء الله

يارب يكون كلامي مش تقيل عليكن

دمتن بود ٍ
[/color]




عدل سابقا من قبل طه محمد عبد الحميد في الخميس 9 أغسطس 2012 - 3:52 عدل 1 مرات
الرجوع الى أعلى الصفحة اذهب الى الأسفل
حنين الى الاسلام
مشرف
مشرف
avatar

عدد المساهمات : 2734
تاريخ التسجيل : 09/05/2010

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 16:24



نماذج رائعة ومشرّفة ، ولكنك تنسى أن الفتاة فى الصعيد لا تُعطى لها

المساحة الكافية من الحرية لتحقيق أحلامها وطموحاتها ، واذا تحدثت عن احلامها

امام الاخرين لاقت الانتقادات الشديدة من من هم فى سنها ولن اقول من كبار

السن ( ايه اخرة اللى بتعمليه ، اخرتها هتقعدى فى البيت وتعبك ده كله مش

هييجى باى نتيجة ) ، وكأن احلامها ستُعيق زواجها وتكوينها لاسرة مسلمة سعيدة

، او أن زواجها سيعيق تحقيق أحلامها ..

أثق تمام الثقة ان اى فتاة لديها طموح اذا وُضعت فى بيئة إيثار الكتاتنى

ستصبح بإذن الرحمن أفضل من إيثار نفسها ..

ستقول لى أن الدكتورة عزيزة وإيثار خالد من الصعيد أيضا

ومع ذلك فهن على ذات المنوال ..

سأقول لك أن ليس كل عائلات الصعيد يسمحون لبناتهم بتحقيق احلامهم

وطموحاتهم ..

أحييك هذه المرة لكونك لم تعمم ،وإن شاء الله النموذج الخامس سيكون الأستاذة الدكتورة

والكاتبة الصحفية رشا محمد ..




الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 16:46

ووقتها لما يكون النموذج االخامس د/رشا محمد

هيبقى موضوع وحده وكلااام اتقل من كده

واصلا وقتها مش هعرف اعبر لان لساني هيعجز على وصف نجاح حضرتك

حضرتك تعلمين انني من اشد الناس اعجابا بقلمك

وحضرتك ايضا تعلمين انكِ من النادرات هنا في المنتدى

لكن ما كنت اود سماعه منكِ هو تعليقك على الاربع نقاط السابقة لرقم 5

وبالتالي سيظهر تفكيرك عمن قد سبقك

بارك ربي فيكِ دكتورة حنين

جزاكِ ربي الفردوس الاعلى
الرجوع الى أعلى الصفحة اذهب الى الأسفل
ايمان الشريف
عضو برونزي
عضو برونزي
avatar

عدد المساهمات : 203
تاريخ التسجيل : 15/03/2012
العمر : 25

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 18:06

بارك الله فى بنات المسلمين واعفهن وسترهن اللهم اميييييييييين

ردى على موضوع حضرتك انك متحامل جدا على البنات رغم انك خبير تنميه بشريه بس مفهمتناش كويس انا لا انكر ما زكرته ولكن هل تعرف ما سببه ؟
السبب من حولنا من شككوا فينا فى طبيعتنا فى اننا مثلهم نعم انتم الشباب او الرجال عموما من تسببتم فى هزا انتم من قهرونا فى البيوت عاملتونا كاننا من خلقوا لخدمتكم وانتم الاسياد فكرتم فى قوامه الله انكم اصحاب القرار والراى والسلطه والصوت القوى لم تفكروا فيها انكم حمايه للمراه الضعيفه الامان بالنسبه لها الحب المتمثل فى الاب الاخ الزوج الابن وايضا قلتم ان كيدنا عظيم الا تدرى ان المراه حينا تكيد فده بسبب جرح لا يداوى بداخلها المراه بطبيعتها تمتلك الحنان والحب والعاطفه وده سبب نقصها للعقل لان عاطفتها اقوى حتى توفر الحب والحنان للرجل القاسى .

اما سبب تغيير شكلنا هل نسيت اقوال الشباب اريدها ممشوقه وبيضاء ومودرن ده طلبكم هل تظن انى ده فراغ ولكن النظره المتخلفه وقله ايمان من الشباب ونسى صاحبه الخلق والدين رغم ما تفعله المراه على مر السنيين الا انها بالنسبه لكم درجه تانيه وانتم الاولى .

اطلب منك معلمى نظره اكثر عمقا للفتاه ومعرفت اعماقها وما هى فى الاصل ولتعلم ان من حولها سبب تغيرها ..................

(اسفه على العصبيه فى الموضوع وعلى التطويل بس ده شعورى ويا رب يوصل ) فتاه وافتخر ******************
الرجوع الى أعلى الصفحة اذهب الى الأسفل
اسراء ابراهيم رضوان
عضو سوبر
عضو سوبر


عدد المساهمات : 165
تاريخ التسجيل : 09/03/2012

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 18:31

فعلا ياستاذ طه انت جاى على البنات جامد وهذا رايك الشخصى وارجوووووووو منك عدم التعميم ولاتشعرنى باننا نحن اصحاب المكر والدهاء وانتم الطيبون
(انا طيب .....كم انت اوغاد هكذا شعور كل انسان) حكمة وحتى لوتقصد جنس الاولاد وانت ليه مش شايف فينا غير كدا فعلا ربنا قال عن النساء انهم ماكرات لكن وانت فين عقلك لما حد يمكر بيك انت هتقولى ليه اصلا يكونوا كدا هقولك دى طبيعة ربنا اتكلم عنها ربنا فى القران على فكرة المكياج دا حرية شخصية ومفيش بنت بتضرب ولد على ايده عشان يكون معاها الابارادته يبقى هو عارف وراضى بكدا وربنا اللى بيحاسب وحضرتك مش شايف انتو ايه فى نظرنا متفتكرش ان احنا شايفينكم ملائكة ياخى كنا زمان نحس باننا فى امان وسط اولاد شارعنا وشبابنا دلوقت الواحدة بتخاف من خيالها
على فكرة زى ماالبنت انت شابفها كدا احنا بقى شايفنكم امر من كدا وانا مش غضبانه من راى حضرتك بس حبيت اوضحلك مش اكتر وربنا يعلم بنيتى
الرجوع الى أعلى الصفحة اذهب الى الأسفل
هبة الله
مشرف
مشرف
avatar

عدد المساهمات : 2310
تاريخ التسجيل : 23/05/2010

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 18:39

موضوع جميل جدا لأنه يكشف عن كاتب جرئ اتخذ من القلم سلاحا ليدافع به عن دينه بارك الله فيك أخي الكريم طه ولكني أري أنك قاسي بعض الشئ علي البنات

عندما أقرأ كلامك وكلام الكثيرين غيرك علي بنات جنسي أشعر وكأنني من عالم آخر

ولكني أعلم حقا أن الفتاة التي تلجأ للزينه والتزين واستخدام صنوف المساحيق ما هي إلا فتاة بها نقص تحاول إخفاءه بهذه البويات التي تضعها

ولكنك فعلا متحامل عليهن لا أتصور فعلا كيف للفتاة أن تتخلي عن وداعتها وصورتها التي أوجدها الله فيها فتاة مصانة مكنونه عندما أحد يخبرها بشئ يحمر وجهها خجلا وحياءً ، حياء لا يمنعها من الدراسة وطلب العلم هذه هي الفتاة التي أعرفها ، ولكن من تتحدث عنهن بحيلهن ومكرهن لا أعلمهن وأسأل الله ألا أعرفهن طوال حياتي وأن يعافي جميع بنات المسلمين .

ومن ذكرتهن ممن دخلن في لوحة الشرف فهن حقا يستحقوا كل إجلال وتقدير واحترام وهن حقا مثال يحتذي بهن ... بارك الله فيهن ونفع بهن الإسلام والمسلمين وأكثر الله من أمثالهن .

الرجوع الى أعلى الصفحة اذهب الى الأسفل
طه حسين محمد احمد
عضو ذهبي
عضو ذهبي


عدد المساهمات : 520
تاريخ التسجيل : 04/03/2012

مُساهمةموضوع: رد: البنت ... إذا أرادت .. ثورة تاني من جديد   الخميس 21 يونيو 2012 - 19:33

ازيك يا استاذ طه
الموضوع اكبر مما تتصور ولا انت استغليت فترة الامتحان وحولت تمرر الموضوع
بس اوعدك ان الموضوع مش هيمر وانا بس اخلص امتحانات وسوف ادلى بدلوى فى مواضيع شتى ان تخطها بقلمك وللاسف ارى فيها جزء من العصبيه لابناء جنسك مع انى منهم ولكن لى تعقيبات عديده
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 3:56

[ندعوك للتسجيل في المنتدى أو التعريف بنفسك لمعاينة هذا الرابط] كتب:
بارك الله فى بنات المسلمين واعفهن وسترهن اللهم اميييييييييين

ردى على موضوع حضرتك انك متحامل جدا على البنات رغم انك خبير تنميه بشريه بس مفهمتناش كويس انا لا انكر ما زكرته ولكن هل تعرف ما سببه ؟
السبب من حولنا من شككوا فينا فى طبيعتنا فى اننا مثلهم نعم انتم الشباب او الرجال عموما من تسببتم فى هزا انتم من قهرونا فى البيوت عاملتونا كاننا من خلقوا لخدمتكم وانتم الاسياد فكرتم فى قوامه الله انكم اصحاب القرار والراى والسلطه والصوت القوى لم تفكروا فيها انكم حمايه للمراه الضعيفه الامان بالنسبه لها الحب المتمثل فى الاب الاخ الزوج الابن وايضا قلتم ان كيدنا عظيم الا تدرى ان المراه حينا تكيد فده بسبب جرح لا يداوى بداخلها المراه بطبيعتها تمتلك الحنان والحب والعاطفه وده سبب نقصها للعقل لان عاطفتها اقوى حتى توفر الحب والحنان للرجل القاسى .

اما سبب تغيير شكلنا هل نسيت اقوال الشباب اريدها ممشوقه وبيضاء ومودرن ده طلبكم هل تظن انى ده فراغ ولكن النظره المتخلفه وقله ايمان من الشباب ونسى صاحبه الخلق والدين رغم ما تفعله المراه على مر السنيين الا انها بالنسبه لكم درجه تانيه وانتم الاولى .

اطلب منك معلمى نظره اكثر عمقا للفتاه ومعرفت اعماقها وما هى فى الاصل ولتعلم ان من حولها سبب تغيرها ..................

(اسفه على العصبيه فى الموضوع وعلى التطويل بس ده شعورى ويا رب يوصل ) فتاه وافتخر ******************

انتي فهمتي نص كلاااامي غلط

بداية من الشكل انا عمري ما تحدثت عن شكل البنت انا بس كاتب اوصاااف واستعارات

فهمااني؟

تاني حاجه الرجالة يعني الي بيخلوكوا قاسيين ولا اييه انا مش فاهمك

تالت حااجه انا كاتب كلمة (( بالرؤى الشاملة لا بالتعميم ))

يعني مش بعمم
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 5:23

[ندعوك للتسجيل في المنتدى أو التعريف بنفسك لمعاينة هذا الرابط] كتب:
فعلا ياستاذ طه انت جاى على البنات جامد وهذا رايك الشخصى وارجوووووووو منك عدم التعميم

والله ما عممت يا ميس اسرااااء انا بقول بعض ده حتى حنين اول مرة توافقني وتقولي انك مش عممت ههههههههههههههه
ولاتشعرنى باننا نحن اصحاب المكر والدهاء وانتم الطيبون
(انا طيب .....كم انت اوغاد هكذا شعور كل انسان) حكمة وحتى لوتقصد جنس الاولاد وانت ليه مش شايف فينا غير كدا فعلا ربنا قال عن النساء انهم ماكرات لكن وانت فين عقلك لما حد يمكر بيك انت هتقولى ليه اصلا يكونوا كدا هقولك دى طبيعة ربنا اتكلم عنها ربنا فى القران على فكرة المكياج دا حرية شخصية ومفيش بنت بتضرب ولد على ايده عشان يكون معاها الابارادته يبقى هو عارف وراضى بكدا وربنا اللى بيحاسب وحضرتك مش شايف انتو ايه فى نظرنا متفتكرش ان احنا شايفينكم ملائكة ياخى كنا زمان نحس باننا فى امان وسط اولاد شارعنا وشبابنا دلوقت الواحدة بتخاف من خيالها
على فكرة زى ماالبنت انت شابفها كدا احنا بقى شايفنكم امر من كدا وانا مش غضبانه من راى حضرتك بس حبيت اوضحلك مش اكتر وربنا يعلم بنيتى


يا الله

والله مبتكلم عن شكل البناااات ولا عن مكياجها

ده انا بمثلها وبعمل استعارات ادبيه يا جمااااعه

وغير كده مقلتش كلكو انا بقول البنات اللي بتضحك ع الاولاد واللي بتاخد اي حاجه عاوزها بالمكر

ده بس اللي اقصده وربي

انما في ناس كويسة جداااا ماشاء الله

وبجد هناهو فيه كتييير من الناس اللي نتشرف بيهم انهم اخواتنا

دمتي بود يا ميس اسراء ومش تفهميني غلط الله يعزك ههههههههههه
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 5:25

[ندعوك للتسجيل في المنتدى أو التعريف بنفسك لمعاينة هذا الرابط] كتب:
موضوع جميل جدا لأنه يكشف عن كاتب جرئ اتخذ من القلم سلاحا ليدافع به عن دينه بارك الله فيك أخي الكريم طه ولكني أري أنك قاسي بعض الشئ علي البنات

عندما أقرأ كلامك وكلام الكثيرين غيرك علي بنات جنسي أشعر وكأنني من عالم آخر

ولكني أعلم حقا أن الفتاة التي تلجأ للزينه والتزين واستخدام صنوف المساحيق ما هي إلا فتاة بها نقص تحاول إخفاءه بهذه البويات التي تضعها

ولكنك فعلا متحامل عليهن لا أتصور فعلا كيف للفتاة أن تتخلي عن وداعتها وصورتها التي أوجدها الله فيها فتاة مصانة مكنونه عندما أحد يخبرها بشئ يحمر وجهها خجلا وحياءً ، حياء لا يمنعها من الدراسة وطلب العلم هذه هي الفتاة التي أعرفها ، ولكن من تتحدث عنهن بحيلهن ومكرهن لا أعلمهن وأسأل الله ألا أعرفهن طوال حياتي وأن يعافي جميع بنات المسلمين .

ومن ذكرتهن ممن دخلن في لوحة الشرف فهن حقا يستحقوا كل إجلال وتقدير واحترام وهن حقا مثال يحتذي بهن ... بارك الله فيهن ونفع بهن الإسلام والمسلمين وأكثر الله من أمثالهن .



ربنا يباركلك يارب والله وكذلك حضرتك معلمتي انتي تستحقي الثناء والمدح وشرف ليا انك اختي الكبيره

واحب اعيد الي قلته انا مقصدش اتكلم عن الظاهر والله

انا بس بتكلم عن الباطن الخفي اللي عند بعض منكو بس كده

عموما ربنا يجازيكي كل خييير ياااارب
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 5:25

طه حسين كتب:
ازيك يا استاذ طه
الموضوع اكبر مما تتصور ولا انت استغليت فترة الامتحان وحولت تمرر الموضوع
بس اوعدك ان الموضوع مش هيمر وانا بس اخلص امتحانات وسوف ادلى بدلوى فى مواضيع شتى ان تخطها بقلمك وللاسف ارى فيها جزء من العصبيه لابناء جنسك مع انى منهم ولكن لى تعقيبات عديده

ربنا يعزك يا باشا

بس انت كده شكلك مستني النتيجه وتجيب العيال كمان ههههههههههههههههه
الرجوع الى أعلى الصفحة اذهب الى الأسفل
فاطمة جمعة
مشرف سابق
مشرف سابق
avatar

عدد المساهمات : 2437
تاريخ التسجيل : 08/08/2010
العمر : 26

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 19:28


أسلوبك في الكتابه رائـــــع فهو يجمع بين العامي والفصحي وده جميل طبعا

لانه سهل وسلس يصل سريعا الي الذهن .....


بالنسبه للموضوع فبتتكلم عن مجموعه من البنات والسيدات بالفعل موجوده في

بيئتنا مش المصريه بس ولكن من حولنا جميعا والكلام ده بنشوفه كتير

في الشارع والجامعات وكل مكان وطبعا ما اكثر البنات اللي بيخبوا كل حاجه

وراء المكياج وفي مثل كمان بيتقال "" من بره هَلَ هَلَ ومن جوه يعلم الله "

وبالنسبه لتوقيع الشباب شوفت بعيني وسمعت طبعا واكيد اي واحده بتحب

لما تتجوز يكون جوزها حاجه ملكها والغيره شئ اساسي للمرأه ..

وبالعقل كده اصلا مش معقوله البنت بتحط ميك اب لنفسها اكيد عايزة تسمع

كلمه من شاب والكل يقولوا عليها حلوة يعني مش بتحطوا لنفسها لغيرها اكيد

يعني مافيش بنت مثلا مش متجوزة بتحطوا في البيت ؟؟

................... بس في الأول والأخر مش كل البنات ولا الشباب واحد

وزي ماحضرتك كاتب النماذج الجميله دي .... اكيد ممكن نلاقي نماذج تاني كويسه فعلا

بس مش مشهورين وانت كتبت النواحي السيئه في معظم البنات عايزين الكويسين بقي

في النهايه طبعا موضوعك جميلا وربنا يهدي البنات والولاد كمان

جزاك الله خيرا استاذ طــــــــــه جعله الله في ميزان حسناتك




الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 22:00

تصدقي وتامني بربي

انا كان نفسي الناس الي علقت تقول زي كلااامك ميس فاطمة

واكرر بردو انا والله مقصدش اتكلم خالص عن شكل البنت انا بتكلم عن اللي جواها

وبتكلم ع الشباب اللي عاوزين يتجوزوها كشكل بسسسس لا جوهر


بجد الله يباركلك واكيد فيه ناس كتيييرة مهياش مشهورة

ربنا يجعلنا ممن يستمعون القول فيتبعون احسنه

بارك ربي فيكي يا حجه فاطمة Smile
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الخميس 9 أغسطس 2012 - 22:00

ومتقلقيش فيه موضوع كاتبه عن الحاجات الكويسه
الرجوع الى أعلى الصفحة اذهب الى الأسفل
طه حسين محمد احمد
عضو ذهبي
عضو ذهبي


عدد المساهمات : 520
تاريخ التسجيل : 04/03/2012

مُساهمةموضوع: رد: البنت ... إذا أرادت .. ثورة تاني من جديد   الجمعة 10 أغسطس 2012 - 0:10

انا جيت
سيدى الفاضل الموضوع اكبر مما نتصور هو ثقافه وفكر وفالاول والاخر بعد عن تعاليم دينا الحنيف مش من البنات بس لالالالالالالا دا كمان من اولى الامر يعنى تخيل معى لو ان الايام دى زى ايام سيدنا النبى يا ترى كان هيبقى فيه عنوسه وبنات علشان تتغلب على العنوسه تتجمل اكتر واكتر ولو سئلنا نفسنا مين السبب هقلك كلنالاننا اخترعنا حاجات غريبه مش موجوده فالدين يعنى يتقدم واحد لفتاه غالبا ما اول حاجه هو معاه وظيفه طيب معاه شقه طيب هيدفع مهر زى اللى اندفع فبنت خالة عم امها عمر ما حد سأل (الاما رحم ربى ) هو بيصلى طيب حافظ كام جزء من القرآن ولا الكلام ده بتتجاب سيرته يبقى الموضوع دينى فالمقام الاول يا عم والله العظيم بسمع حاجات غريبه فموضوع الجواز بتجيبلى احباط واعتقد كلنا (( لازم يكون معاها عدد معين من الفوط والهدوم وما الى ذلك وهو لازم شقته يكون فيها كذاوكذا ))
يبقى علشان صلح العيوب دى كلها لازم نحاول نرجع الى ما كان عليه مسلمى القرون الاولى ونحاول قدر المستطاع ان نقتدى بهم دور كده معاى وشوف مهر السيده فاطمه كان ايه ؟؟؟؟؟؟؟؟؟ ولا السيده عائشه وساعتها بس هتعرف ان البنات مظلومين زيينا واكتر شويه

وللموضوع بقيه
الرجوع الى أعلى الصفحة اذهب الى الأسفل
طه محمد
مشرف سابق
مشرف سابق
avatar

عدد المساهمات : 2820
تاريخ التسجيل : 06/06/2010
العمر : 27

مُساهمةموضوع: رد: البنت ... إذا أرادت .. ثورة تاني من جديد   الجمعة 10 أغسطس 2012 - 4:38

فوط وهدووم؟؟ ههههههههههههههههههههههههههههههههههههههههه

فوط هههههههههههههه

ياااعم ربك يصلح الحاااال احنا تعبنا يا ابو طوااب ههههههههه
الرجوع الى أعلى الصفحة اذهب الى الأسفل
أريج
عضو ملكي
عضو ملكي
avatar

عدد المساهمات : 5089
تاريخ التسجيل : 02/08/2010
العمر : 23

مُساهمةموضوع: رد: البنت ... إذا أرادت .. ثورة تاني من جديد   الجمعة 10 أغسطس 2012 - 16:49

الموضوع جميل جدااااا

وبيناقش قضية مهمة جدا وهى اوضاع البنات واللى بيعملوه فى نفسهم

وفى الغالب دا بيحصل نتيجة تقليد اعمى على اللى بيشفوه فى الاعلام

وبنشوف البنات كمان فى الجامعة غير البيت ودا نتيجة عدم ثقة

معظم البنات فى شخصيتهم ....

ودا كلوا بيرجع الى التربية فى البيت والمجتمع اللى عايشين فيه

وبالنسبة للشخصيات فى كتيرزيهم بس مش مشهورين

والانسان لازم يكون عنده طموح ودافع علشان يقدر يسجل اسمه فى التاريخ

ويحقق له مكانة عالية فى المجنمع ...

وفى الاول والاخر كله بمشيئة الله

"" أنا أريد وأنت تريد والله يفعل ما يريد ""

بارك الله فيك أخ طــــه

جعله الله فى ميزان حسناتك
الرجوع الى أعلى الصفحة اذهب الى الأسفل
 
البنت ... إذا أرادت .. ثورة تاني من جديد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدكتور ياسر عبدالله :: قسم الموضوعات والآراء المختلفه :: الموضوعات والآراء المختلفه :: الموضووعات والآراء الإجتماعيه والأُسرية-
انتقل الى: