منتدى الدكتور ياسر عبدالله
مرحباً بكم في منتدى الدكتورياسرعبدالله للتأصيل الإسلامي








منتدى الدكتور ياسر عبدالله

إسلامـــــــي - تربـــــــــوي - تعليـــــــمي - إجتماعــــــي- تكنولوجـــــــي
 
الرئيسيةالبوابةس .و .جبحـثالتسجيلدخول

شاطر | 
 

 يمه لا تعصبين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شموخ
مشرف سابق
مشرف سابق


عدد المساهمات : 703
تاريخ التسجيل : 14/10/2010

مُساهمةموضوع: يمه لا تعصبين    الثلاثاء 26 يونيو 2012 - 11:05


السلام عليكم ورحمة الله وبركاته

يمه بقول لك شي بس لا تعصبين ..//




يمه بقول لك شي بس لا تعصبين ..//
يمه كتابي بالمدرسه نسيته..!




و دفتر الأملاء بالغلط شقيته ..!
ونسيت الالوان..//
ودفتر التلوين ..//


و المريول يالغاليه لا تنسين ..//
بالالوان و المزيل وسخيته ..!
وانا مع صاحباتي المزايين ..//
يمه صبعي بالمقص جرحيته ..!
بس صدقيني ترى مايعور الحين ..//

لاني في المدرسه بالماي غسليته ..!
و نشفته وحطيت صبغة الايدين ..//
وبلزقه الجروح و الكلينكس لفيته ..!
اكلت العلكة وجبنه لوزين ..//
و العصير ما عجبني طعمة ورميته ..!

ايه يمه ابله العربي الي تعرفين ..//
يمه الجوال منها سرقيته ..!
قريت الرسايل المرسله و الجايين ..//
وفيها كلامن كثير ما فهميته ..!
بس والله يايمه تصدقين ..//
بسرعه وبدون ما تحس رجعيته ..!
يمه وبقول لك شي بس ابوي لا تخبرين ..//
شعري امس بالمكوى حرقيته ..!
و روجك الوردي الي تحبين ..//
يمه خذته معي و في الباص ضيعيته ..!
تكفين يا يمه لا تزعلين ..//
لاني روجة الباربي و العطرلك شريته ..!

يمه اسناني تعورني من الصبح للحين ..//

وضرسي الي يتخلخل بالغصب قبعيته ..!
و غسلت فمي و بالماي وللحين ..//
القطن بفمي من الصبح ما شليته ..!
يمه حصة القران تدرين ..//
والرياضيات والعلوم ما حظريته ..!
جلست العب في الساحه مع صابرين ..//
وضيعت شرابي وللحين ما شفيته ..!

ورحت مع احمد للمدرسه تصدقين ..//

وكل الي نسيته من هناك جبيته ..!
ردفني بالسيكل وسرعنا مثل المجانين ..//
و شرابي الوردي وربي لقيته ..!


وفي طريقنا واحنا ع المحل مارين ..//

وقفته و من يده للمحل نزليته ..!
وهذا الكتكات و السنكرز لا تزعلين ..//
و االببسي والبونتي لك شريته ..!
وترى نص الكتكات لي لا تفرحين ..//
و البونتي والسنكرز لك مابغيته ..!
وهذي هي اللصقه و غرشة الايدين ..//
وترى من غرفة الارشاد سرقيته ..!

يمه تعبت من الحكي وبنام هالحين ..//

وبكره اكمل لك الي سويته ..!
اووه صحيح الحليب الي شريتيه ..//
تراه انكب بالمطبخ وما غسليته ..!

والنيفيا وعلبه الفازلين..//
و المشط و الشرايط بالصندوق خشيته ..!
واخوي الصغير يبكي من جيت للحين ..//
مو راضي يسكت بالعصا طقيته ..!
يمه تكفين بالزعل لا تعاقبين ..//
لان ابوي توي من شوي راضيته ..!
هذا يايمه الي صار لا تكفين ..//
لا تزعلي ترى الزعل عمري ما قويته ..!
ودخلت الطفله في عالم الحالمين ..//
نامت الطفله و هي تتمتم الى الحين ..//
يمه السمك ترى للقطو حطيته ..!

يمه المريول اغسليه لا تنسين ..//
و علي واجب لبكره ما حليته ..!
اخذت يمه نجمتين بالدين ..//
واختفى صوتها والباقي ماسمعته ..!
مسحت دمعتها و قبلت الجبين ..//
و شعرها المنثور بيديني جمعته !
طفلتي جننت من البشر ستين ..//
و الميه الحين اتوقع وصلته ..



منقول


بس بصراحه مين كانت مثلها
اعترفوا [ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
حنين الى الاسلام
مشرف
مشرف


عدد المساهمات : 2734
تاريخ التسجيل : 09/05/2010

مُساهمةموضوع: رد: يمه لا تعصبين    الخميس 28 يونيو 2012 - 16:28



جميل ياشموخ ...

أكيد كلنا احنا وصغيرين كنا أشقياء ..
الرجوع الى أعلى الصفحة اذهب الى الأسفل
سامية جمال
مشرف سابق
مشرف سابق


عدد المساهمات : 902
تاريخ التسجيل : 20/12/2011

مُساهمةموضوع: رد: يمه لا تعصبين    السبت 6 أكتوبر 2012 - 20:25



رائع شموخ

بارك الله فيك

الرجوع الى أعلى الصفحة اذهب الى الأسفل
 
يمه لا تعصبين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدكتور ياسر عبدالله :: الترويح عن النفس :: الترويح عن النفس :: جنة المواهب والابداعات-
انتقل الى: