مليييييييييون كداب.....

في البر حداية
بس احنا برضو صقور
وهانحكي الحكاية
ف كلمتين وسطور
هانوضحه بالقول
بكلام رزين معقول
وازاي يصيب العفن
ملايكة وكمان حور
مين قال الدفة
هاتكون ليكوا سبيل ؟؟
مين قال العفة
ف قلب أسود وعليل ؟؟
مين قال ف يوم هايعوم
ف بحر أو مية
وبالكدب يبني قصور
لو واحد أو مية
لموا حيتان البحر
ما يفهموش في العوم
وازاي يكون اللوم
بالكدب ولا الصوم ؟؟
وإزاي هاتجدف
غرقان ومتكتف
وزي خروف مدبوح
بتصرخ وتتأفف
دوقها حلاوة الروح
وبحروفهم روح شخبط
مين قال إن الطهر
يتغمس لو بالزور
مين قال لون الزهر
يعيبه شوك أو نور
باكتب كلام م القلب
بضمير صاحي ونضيف
وغيري مليون كداب
وبحارب كدب وزيف
المصدر: وفاء محمود

أنتى الأجمل ياسمسمة ربنا يبارك فيكى يااااااااارب ويستعملك فى طاعته .

رائع فاطمة، بارك الله فيكى