فاطمة حمدى حسن المشرف المميز
عدد المساهمات : 3178 تاريخ التسجيل : 21/02/2013 العمر : 41
| موضوع: يوم ولادتى ... الأحد 23 مارس 2014 - 1:29 | |
| الكلام ده هو حوار دار بين زوج وزوجته عندما أنجبت بنتاً حاولت كتابته كتجربة لشعر بالعامية يارب يعجبكم /// الزوجة : يوم ولادتى قالوا لى بنية . صدمت وأتحطيت شوية . لأن أبوها هيقلب الدنيا عليه . ويشيل ويحط فيه . كيف جبتله بنية !!! . قلتله ده مش بإيديه . الزوج : أخرسى ياوليه . كمان بتردى عليه . والله لأجبلك ضرة عفية . تنفعنى يوم ما أكبر وأنتى بلية . الزوجة : ياراجل حرام عليك أنا بلية . الزوج : أيوه مش جبتيلى بنية . الزوجة : حرام عليك أنا مش هفية أنا برضو بنت ناس ومتربية . الزوج : ههه ههه ههه حلوة بنت ناس ديه . الزوجة : ياسلام أومال واخدنى من غير أهل ليه . الزوج : ياشيخة أتوكسى هما دول يسقوا ميه . الزوجة : اّاّاّاّاّه ياميلت بختى يانى طول عمرى حمالة أسية . الزوج : ههه ههه ههه بخت إيه ياصفية ده أنتى بعملتك ديه صفيحة مصدية . الزوجة : اّاّاّاّاّه والله ما أنا قاعدة فى البيت لا صبح ولا عشية . الزوج : مع السلامة والقلب بيدعى ما ترجعى ولا عمرى أشوف السحنة ديه .
| |
|