ومنين أجيب الصبر
ومنين أجيب الصبر والصبر مني بيخلع .
أجيله يمين أجيله شمال يقولي معتش ينفع .
يا دنيا كفايه كده مقسمانا أربع تربع .
ناس ع الشقا مولودة وناس زي البامية تتقمع .
وواحد مش لاقي عيش والتاني ع الكيزر بيدلع .
وواحد ع الدهب يدوس والتاني ع الحديدة ومستبيع .
والواد ده فافي ودولسي والتاني من الفقر بيقربع .
خلاص يا صبر طريقك معايا سد وأنا قررت أفرقع .
هقول وعلي صوتي ونادي وزعق وبعبع .
هخلي الكل يسمعني حتي التخين لازم يسمع .
أنت ياللي همك ع الدنيا الدنيا راحه ما بترجع .
روح أسرق أنهب بس عمرك ما هتشبع .
جمع وحوش بس عمرك يا صحبي ما هتقنع .
وأنت ياللي الفقر ضيفك وتقول دي حاجة تفقع .
أوعي تغرك المظاهر دي المظاهر خاينة وبتخدع .
أصبر دا الصبر رزق وإياك تقول مش ينفع .
في ناس مش لاقيه الصبر وأنت تقول وإيه يمنع .
ومنين أجيب الصبر والصبر مني بيخلع .
المصدر : من المنتدى التعليمى .
موضوع: ومنين أجيب الصبر . 
الأربعاء 16 أبريل 2014 - 13:46
