منتدى الدكتور ياسر عبدالله
مرحباً بكم في منتدى الدكتورياسرعبدالله للتأصيل الإسلامي








منتدى الدكتور ياسر عبدالله

إسلامـــــــي - تربـــــــــوي - تعليـــــــمي - إجتماعــــــي- تكنولوجـــــــي
 
الرئيسيةالبوابةس .و .جبحـثالتسجيلدخول

شاطر | 
 

 في المنتدى( أشعاري )

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 27 يونيو 2014 - 14:26

شيماء حبيبتي ربي يسعدك على طول ويبارك فيكي يا اختي والله انا بحبك في الله ..

وانت يافاطمه يا جميلة القلب والروح ربي يبارك فيكي ويسعدك على طول ويجمعنا مع المصطفى في ظله يوم لا ظل إلا ظله .. احبك في الله ..
وربنا يبارك فيكم جميعا ولا يحرمني من هذا المكان الرائع جزاكم الله خيرا
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 27 يونيو 2014 - 15:51

&&& رمضان &&&

رمضان بالخير هل علينا

بالفرحة خلاص اهو جاى لينا

يااارب اسعدنا واهدينا

حقق احلامنا وامانينا

وارحمنا وارحم اهالينا

‏*******************


رمضان يا خير الشهور

فيك الهناء والسرور

فيك الوفاء فيك النور

والود فيك يدور

من السحور للسحور


‏******************

رمضان يا قلب السنه

فيك الضياء والسنا

فيك الامل فيك العمل

وبعدك لا للكسل

أولك رحمه واسعه

أوسطك غفران الذنوب

آخرك منة رائعة

تنجو من النار القلوب

‏¥¥¥¥¥¥¥¥¥_¥_¥_¥_

يارب يا حنان يا منان

تقبل منا فى رمضان

صوما وصلاة وقرآن

يارب يارب يارب اجعلنا من العتقاء

وبلغنا ليلة القدر وارحمنا ياذا العزة والفضل

اللهم انك عفو تحب العفو فاعفو عنا

‏*****

اقول لكم اخوتى مقدما

وقبل ان ياتى الضيف الكريم

‏: صوما شهيا صافيا ونقيا

‏: وإفطارا مقبولا

فيه جبنة وفولا

وسحورا مستورا

فيه بركة وسرورا

كل لحظة وانتم فى ذكر وشكر

كل لحظة وانتم الى الله اقرب

كل لحظة تمر عليكم بالخير

تقبل الله منا ومنكم

لا تنسونى من صالح دعاءكم احبتى واخوتى فى الله
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   السبت 28 يونيو 2014 - 23:08


ألف شكر يافاطمة على كلامك الطيب

وإنتي ياأسماء موهوبة وتستاهلي كل خير

وأنا مش بجامل والله فعلاً أنا سعيد جداً وأنا بقرأ أشعارك

وأبحث عنها في المنتدى وبالنسبة للعنوان كده أفضل طبعاً

وإستمري بكتاباتك الجميلة هذه بارك الله فيكِ


الرجوع الى أعلى الصفحة اذهب الى الأسفل
http://dryasser73islam.ahlamountada.com
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 30 يونيو 2014 - 13:45

شكرا استاذ خالد وفيك بارك الله .. واتمنى ان اكون دوما عند حسن ظنكم بي جزاك الله خيرا
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 30 يونيو 2014 - 14:02

&&& فى المشمش &&&

بياع كلام جاي لينا بياع لكن مريش

رمى السلام علينا ازاى يعنى ماتردش

رد يا واد عليه لحسن اديك تتكلبش

مش انت نور عنيه رد وبلاش تطنش

قال البياع يا ساحبي عشان تعرف تنعنش

انا اللى جاى بحبى اضحك واقول وافرفش

حل المشاكل عندي اغرف يا غالى واكبش

عمرى ما خلفت وعدى وعد الوعود ماوعدتش

انا مش قادر اديك مش مش عايز ماقولتش

روحى وعنيا ليك وكلام كتييير محبش

بص يا بياع كلام مين يشترى ؟ : محدش

هاتبيع لينا بكام ولا انت جاى تروش

تآخد منا التمام بعدين تقول ماخدتش

فين الفعل إللى هوه فعلك اقتل وكووش

دا الشعب تاه وجاااع وتعب واحتار وفنش

ابن الشوارع ضاع تايه سكران محشش

طالب فى كتابه قال (صواريخ وغاز ) ماذكرتش

دا باردو كلام يتقال نجحت لأ مانجحتش

اصل دا طالب ضعيف ع القتل ليه ماصبرتش !

بتقول طالب عنيف !!! ليه مالأول ماعرفتش

فين السلاح يا ساحبى فتشنى ياللا فتش

دا انت قتلت صاحبي اوعى تقول ما قتلتش

وجاى تدي وعود عشان تعرف تعشش

والجودة مالموجود بأشش علينا بأشش

وهانربط الحزام مفيش غير عيش ومش

ولافى تنفيذ كلام يا ساحبى فى المشمش

‏_____________________________________________

ايه رأيكم فى المشمش حلو ولا مش ؟؟؟؟؟

بصراحة النور عندنا مقطوع والماء كمان

يعنى هاتموت مالحر وكمان مفيش ميه كدا كدا ميت

تعددت الاسباب والموت واحد
الرجوع الى أعلى الصفحة اذهب الى الأسفل
فاطمة حمدى حسن
المشرف المميز
المشرف المميز


عدد المساهمات : 3015
تاريخ التسجيل : 21/02/2013
العمر : 33

مُساهمةموضوع: رد: في المنتدى( أشعاري )   الإثنين 30 يونيو 2014 - 20:27

هههههههههههههه كلمات جميلة ومعبرة خالص أنا بجد عاجزة
عن التعبير ربى يسعدك أضعاف ما تسعدينا والمشمش حلو مفيش كلام .
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الثلاثاء 1 يوليو 2014 - 1:56

الأجمل والأروع هو ضحكتك دي وكلامك الطيب يااا رب يعطيكي كل خير يا فاطم
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: $$$ اليوم سأكتب أشعار $$$   الإثنين 7 يوليو 2014 - 1:47

$$$ اليوم سأكتب أشعار $$$                                    

‏      اليوم سأكتب أشعار

‏      لأحطم كل الأسوار

‏      الآن أقول بإصرار

‏     سأعيس بليل ونهار

‏     والأمل معى بإستمرار

‏     ربما اجزع ربما احزن

‏     ضعفى فى نفسى لا يسكن

‏      وبرغم دموعى وآلآمى

‏      لن أترك أبدا احلامى

‏     سأظل اجاهد وأقاوم

‏     قلبى محارب ليس مسالم

‏       انا بنت الماضى والحاضر

‏      والمستقبل يأتى زاهر

‏     أشكو ضعفى ولا أتململ

‏    إن غابت شمسى لن أرحل

‏     سأضيئ طريقى بعيونى

‏      وأكون رفيقى فى سجونى

‏      أبحث عن معنى الحريه

‏     فى شوارع قلبى والدنيا

‏      أنا لا اعرف معنى لمحال

‏      إن المحال لديا محال
‏  
‏    أكتب اشعارى بأنوار

‏  اليوم سأكتب أشعار
‏________________________________

مهما مرت بنا الصعوبات

وزادت بقلوبنا الحسرات

واختنقت فى اعيننا العبرات

لن نيائس ابدا

لأن لنا رب

هو رب الأرض والسموات

لا ينقطع الأمل فى الله

فكن معنا يااااااااا الله
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   الإثنين 7 يوليو 2014 - 18:21


الله ينور عليكي ياأسماء

كلامك روعة


الرجوع الى أعلى الصفحة اذهب الى الأسفل
http://dryasser73islam.ahlamountada.com
أريج
عضو ملكي
عضو ملكي


عدد المساهمات : 5089
تاريخ التسجيل : 02/08/2010
العمر : 23

مُساهمةموضوع: رد: في المنتدى( أشعاري )   الإثنين 7 يوليو 2014 - 18:45

ايوة كدا يا اسماء

تفاااااااااااااااااؤل Smile

ربنا يسعدك ياااااااارب ويحققلك اللى بتتمنيه
الرجوع الى أعلى الصفحة اذهب الى الأسفل
حسانية عبدالراضى
مشرف
مشرف


عدد المساهمات : 510
تاريخ التسجيل : 09/08/2013

مُساهمةموضوع: رد: في المنتدى( أشعاري )   الخميس 10 يوليو 2014 - 13:52

ألف مبروك يا أسماء على اللقب فعلا تستحقيه

يااااااارب من نجاح لنجاح ان شاء الله
الرجوع الى أعلى الصفحة اذهب الى الأسفل
فاطمة حمدى حسن
المشرف المميز
المشرف المميز


عدد المساهمات : 3015
تاريخ التسجيل : 21/02/2013
العمر : 33

مُساهمةموضوع: رد: في المنتدى( أشعاري )   الجمعة 11 يوليو 2014 - 0:04

كلام جمييييييييييييل ورووووووووووووعة ياقمر وفى الجوووووووووون
ربنا يسعدك دايما ويملئك تفاؤل وأمل عالطووووووووووول .
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 11 يوليو 2014 - 4:24

استاذ خالد : ربنا ينور طريقك في الدنيا والآخرة ..

والأروع مرورك الطيب
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 11 يوليو 2014 - 4:27

اريج ربنا يسعدك ويملأ حياتك كلها تفاؤل ويعطيكي كل الخير ..
اسعدتيني بهذا المرور الطيب
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 11 يوليو 2014 - 4:33

اختي حسانيه .. ربنا يسعدك قلبك على طووووول .. ويملأ حياتك نجااااح وفلاح ..
بالنسبه للقب فوالله انا لا أراها من الأساس وكل إللي بيعنيني هو إني أكون معاكم والله دا السعادة بالنسبه لي .. انا بشكركم إنكم سمحتوا لي اكون هنا معاكم بس يارب ماكونش ثقيله وغلسه

ربنا يبارك فيكي يا حسانيه وياااارب تدخلي الجنه وكل المسلمين
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 11 يوليو 2014 - 4:39

فطوم حبيبتي ازيك وحشاني ..

انت إللي جميله وحلوه ربنا يسعد أيامك
اقولك هو فعلا شعري المره دي تفاؤل وفي الجون

انا بفرح بالجوووون شويه وبعدين يطلع تسلل وما تحسبش هههههههه
بس ان شاء خير اكيد في مره من المرات آخد ضربه جزاء أو اجيب جووون ويتحسب .. بس خايفه الماتش يخلص وانا لسه بفكر .. ههههههههه
ربنايسعدك يافاطمه زي ماانت دايما بتسعديني
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   الثلاثاء 22 يوليو 2014 - 3:48



ملاحظ غيابك من 11 يوليو ياأسماء

يارب تكوني بخير


الرجوع الى أعلى الصفحة اذهب الى الأسفل
http://dryasser73islam.ahlamountada.com
فاطمة حمدى حسن
المشرف المميز
المشرف المميز


عدد المساهمات : 3015
تاريخ التسجيل : 21/02/2013
العمر : 33

مُساهمةموضوع: رد: في المنتدى( أشعاري )   الثلاثاء 22 يوليو 2014 - 12:04

يارب يكون خير أنا كنت متواصلة معاها لحد يوم 7 يوليو ربى يطمنى عليها دايما بالخير ياااااااااااارب .
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 28 يوليو 2014 - 3:11

استاذ خالد ... فاطمة حبيبتي انا بخير طول مانتم بخير...

معلش ظروف كدا منعتنى ولا زالت موجودة بس خير إن شاء الله ...
محتاجه دعاكم ليا
سامحونى جميعا
كل ثانية وانتم بخير وعيد سعيد
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الثلاثاء 29 يوليو 2014 - 4:12

بمناسبة العيد انا النهارده جبت لكم مفاجأه .....

أشعارى فى الطفوله ....

مش عارفه إذا كان يصح اقول عليها شعر ولا لأ ؟

يعنى ممكن نقول خواطر طفلة ..

اضكوا ماشى ....يالا سمع هووووووس ::

اول قصيدة ( الصداقة )

أخلصى لى يا صديقة

انت اسم جميل فيه معانى رقيقه

وكونى بى رفيقه

وجاورينى فى كل ضيفه

وتبسمى فى كل دقيقه

واجمعى لى زهره انيقه

وإذا لم اراكى يوما فإنى أكون عليكى قليقه

واسعد عندما أراكى فكأنى رأيت حديقه

‏___________________


القصيدة الثانيه ( يا رسولى )

يا رسولى يا خير الأنام

انت نورى وانت الوئام

نورك هدايه لكل الأنام

صورتك أمامى فى كل مكان

يا محمد يا خير الأنام

انت رحمه وانت السلام

‏....
يا شافيعى فى يوم الحساب يا معينى من كل عذاب

‏.........

القصدة الثالثه ( القدس ارض النعم )

يا قدس يا ارض النعم

ما بقى لكى بعد الندم

ما بقى بعد المذلة والألم

ما بقى بعد شئ واصبح عدم

ندافع عنك مهما طال الزمن

ندافع عنك حتى ان كنا فى محن

سندافع وندافع حفظا على الكرامه

سندافع وندافع حتى تقوم القيامه

‏_________<<<

فى اشعار تانيه فى الطفولة نكتفى بهذا القدر

كنت كتبت كراسه كلها اشعار عن فلسطين لسه موجوده معايا

بس فى قصايد كتيييييير ضاعت منى

كنت بكتب من الابتدائى

بس طبعا دى مجرد خواطر طفله لانها مش مظبوطه

الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   الثلاثاء 29 يوليو 2014 - 5:35


بصراحة لما طفلة تكتب الكلام ده تبقى طفلة رائعة

بارك الله فيكي يارائعة


الرجوع الى أعلى الصفحة اذهب الى الأسفل
http://dryasser73islam.ahlamountada.com
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 4 أغسطس 2014 - 16:51

والله يا استاذ خالد حضرتك إللي رائع وبالمناسبه حضرتك بتفكرني بأستاذي في المرحله الإبتدائيه هو إللي اكتشفني وخلاني اقول في الإذاعه المدرسيه ..

بس في كل الأحوال دا مجرد كلام لكن افعالي ....!!!!!!
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   الثلاثاء 5 أغسطس 2014 - 1:19


على فكرة ياأسماء أنا المسئول عن الطلاب الفائقين والموهوبين

في أي مدرسة عملت فيها وكنت بأبحث عن أي طالب موهوب

في أي شيء وأعمله لوحة شرف فيها صورته وسجل خاص فيه

صورته وبياناته وأكرمه في طابور الصباح وأسلمه الجوائز

وأقدمه في الأيام الإذاعية والإحتفالات

ولذلك كنت سعيد جداً عندما إكتشفت موهبتك الشعرية في المنتدى

ولقبتك رسمياً لأول مرة بشاعرة المنتدى

ربنا يبارك فيكي تستهلي والله أحسن حاجة في الدنيا


الرجوع الى أعلى الصفحة اذهب الى الأسفل
http://dryasser73islam.ahlamountada.com
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 6 أغسطس 2014 - 16:00

وفيك بارك الله ..استاذ خالد ويا بخت الطلبه بالجوائز لا لا قصدي يا بخت الطلبه بحضرتك
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 6 أغسطس 2014 - 16:05

وإيمان عبد الحميد .. قاضي حكم أحكام

بحكمها المفيد نكتب احلى كلام

صلاه على النبي افضل صلاه وسلام

ربي يرضى عليها تآخد كل السعاده

في الدنيا تعيش سعيدة في الآخره كمان زيادة

مع الرسول تكون مع كل الصالحين

واحنا معاه نكون ياللا قولوا آمين
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 6 أغسطس 2014 - 16:21

تنفيذا لحكم ايمان عبد الحميد فى محكمة المنتدى اكتب قصائد فى حب النبى هبدأ بأشعارى فى الثانوى ....

قصيدة : النبى المختار

القلب يزيد العين شوقا .... تشتاق بليل ونهار

فلا الشوق إلا لحبيب ...ولا حبيب سوى النبى المختار

العين تسأل أين الحبيب ... فيجيب القلب بإصرار

هو لم تره عين فهو بداخل أسوار

اسوار القلب تحيطه فيضيئ القلب بأنوار

تبكى العين تريد الرؤيا رؤية خير الأبرار

وتدعو الله بدموع فيض من فيض الأنهار

وتقول إلهى أحيينى ولا تدخلنى فى النار

فيقول القلب صبرا فالصبر سمة الأخيار

لكن الصبر قد فنيى فأراه منى على فرار

رحماك يا إلهى فارحم وانت رحيم غفار

واعنى بصبر وتحمل وانت قوى جبار

ويطول حديثى عن شوقى وحديثى ليس بمقدار

فشوقى شمس مشتعله جفت انهار وبحار

فأريد الماء لأطفئها من ماء سماء الأمطار

وأخيرا ادعو إلهى عالم كل الأسرار

أن يرحم قلبى بضياء مسك ورحيق الأزهار

‏______________

اللهم صلى على محمد وعلى آل محمد كما صليت على ابراهيم وعلى آل ابراهيم وبارك على محمد وعلى آل محمد كما باركت على ابراهيم وعلى آل ابراهيم فى العالمين انك حميد مجيد

‏........ انتظروا المزيد ........

مفااااااااااااااااااجأه قريبا .............
الرجوع الى أعلى الصفحة اذهب الى الأسفل
سارة جمال
مشرف سابق
مشرف سابق


عدد المساهمات : 567
تاريخ التسجيل : 30/01/2012
العمر : 27

مُساهمةموضوع: رد: في المنتدى( أشعاري )   الأربعاء 6 أغسطس 2014 - 19:27

عليه الصلاة والسلام ....ما شاء الله ايه الجمال ده يا سمسم
الرجوع الى أعلى الصفحة اذهب الى الأسفل
فاطمة حمدى حسن
المشرف المميز
المشرف المميز


عدد المساهمات : 3015
تاريخ التسجيل : 21/02/2013
العمر : 33

مُساهمةموضوع: رد: في المنتدى( أشعاري )   الأربعاء 6 أغسطس 2014 - 19:44

عليه أفضل الصلاة والسلام روووووووووعة
ياسمسمة أقصد ياشاعرتنا العظيمة ربى يسعدك
يارب وتمتعينا تانى بأشعارك ويطمنا عليكى دايماً بالخير .
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 8 أغسطس 2014 - 2:09

اختى ساره ربنا يبارك فيكى يارب ويسعدك دايما

اختى فاطمه انت رووووووووعه واخت فوق الوصف وانا لا شاعرتنا ولا عظيمه هههههههه انا اختك الهبله اسماء وبس اختك ماشى ربنا يسعدك دايما

‏ _________________

واستكمال للحكم اكتب قصيده من اشعارى فى الثانوى عن خير الانام عليه افضل الصلاه والسلام

مناسبة القصيدة الرسوم الدنماركيه لو تذكروا هذا الامر ..... .._________

‏ ***¥¥¥ محمد رسول الله ¥¥¥***

محمد رسول الله فجر يبدد الظلام

بمولده ولد الهدى واشرق وجهه البسام

يا خير من صلى ومن مشى فأنبتت الأرض بمشيه سلام

يا خير من قال ومن حكى قولا يثبت القلوب والأقدام

ملك القلوب بضياء وضحى وتوجهت أقدامنا إلى الأمام

يا من بعثت رحمة لنا من الإله الواحد العلام

يا من تجلى فى المكانة وارتقى فعجز وصفى وعجز الكلام

أأنت نور أشرق فى الدجى أم انت مصباح كشف الغمام

أنت محبة ونور وتقى ملأ الكون كله وئام

انت النبى الخاتم فلما يجنى على محبتك الأنام

أيسخرون من الذى دعا الى الهدى فأيقظ النيام

أم يسخرون من نور التقى بوجه الله ذى الجلال والإكرام

ام يسخرون بصبره على الأذى وتحمله المتاعب والآلآم

أيسخرون بتسبيح الحصى أم نسج العنكبوت وتسبيح الحمام

ايسخرون بمن حسن خلقه وخلقه فتجلى فيه كمال الروح والأجسام

ام يسخرون من تعلم علمه من ربه فأصبح للعلم مقام

أم يسخرون بمن حن له الجذع ونطقت بحبه الأنعام

أيجهلون بقدره ام إنهم لا يعلمون أنه للرسل إمام

أيجهلون ويسخرون بفضله فقد غاب العقل وأفلت الزمام

أيجهلون بوجهه الذى صفا أم يجهلون أنه مسك الختام

أيجهلون بمعجزاته كلها فتوحدوا يا مسلمين لنصرة الإسلام

فتوحدوا توحدوا توحدوا فقد حانت ساعة الإقدام

فأخرسوا من تكبر وطغى ومن تكلم وادعى أوهام

وأخرسوا من تكلم بالأذى ولا تكونوا جمادا أو عظام

وإذا عزمتم فاستعينوا بالإله فإنه قوى عزيز ذو انتقام

‏___________________________________________________

اقول لكل من سخر وتحدث بالأذى عن نبينا صلى الله عليه وسلم او عن ديننا

انت عدو لنفسك وما سخرت الا من نفسك

لقد اهلكت نفسك بحماقه

اللهم اهدنا الصراط المستقيم وادخلنا الجنه مع خير المرسلين صلى الله عليه وسلم
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   الإثنين 11 أغسطس 2014 - 8:12


اللهم صل وسلم وبارك على سيدنا محمد

روعة ياأسماء ربنا يبارك فيكِ


الرجوع الى أعلى الصفحة اذهب الى الأسفل
http://dryasser73islam.ahlamountada.com
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 18 أغسطس 2014 - 16:20

ربنا يبارك فيك استاذ خالد ...

وتنفيذا لحكم المحكمه والقاضى جناب الكموندا المهم الاستاذ خالد السيد ....لازم نكتب حاجه تضحك ويااااارب يموت من الضحك بقى عشان نخلص بقى ههههههه

دى قصيده كتبتها فى الصف الثانى الثانوى ...واتمنى ان تنال اعجابكم

‏**** إنفلونزا الطيور ***

إنفلونزا الطيور علينا فاتت

خلت طيورنا وفراخنا ماتت

بط ووز دا كان زمان

دا احنا موتنا بيها كمان

لحم ودم وجثث مرميه

ياللى عندكو دم حسوا شويه

والتلفزيون شغال ع طول

تحذير إرشاد وكلام معقول

مره يقولوا البيت بيتك

ومره اتكلم علي صوتك

والقصه وما فيها حياتنا تساويها

وشويه شويه الموضوع ناام

وخلاص خلصنا من الزكام

رجع الفيروس من تانى يحوس

ربينا فراخ ودبحنا نفوس

والأسعار ولعت نار

ويدوب نشترى ريشه ومنقار

لو هاتجيب لحمه بقى ليها معاد

والفرخه خلاص عملولها مزاد

والناس دلوقتى هاتآكل ايه

دي البيضه الواحده بقت بجنيه

مين المسؤل مين المدهول

لو عارف قول وبلاش تستهبل

مين السبب إللى بيتلائم

مين فينا غلط علشان يتحاكم

إللى بنعملو إننا نتكلم

والعالم كان مننا يتعلم

وف وسط العالم بقى ملناش لزمه

مش عارفين نطلع من أزمه لأزمه

واهي أزمه وعدت دا كلام يتقال

دي بلدنا خربت مالإستهبال

أصحوا وقوموا يا مصريين

ما تشوفوابلدنا وصلت فين

ليه دايما نمشي في طريق مسدود

ليه كل مانطلع من أزمه نعود

ناس بتهوش ونا بطنش

وناس تنهب في فلوس وتحوش

ناس من كل نوع من كل شكل

إللي يموت مالجوع وإللي يموت مالأكل

ناس مريشين شحاتين وهما يشحتو كحل العين

دا مثل وقالوه زمان الأحباب

ميملاش العين إلا التراب

ونقرا الفاتحه على إللي مات

ونستنى إللي بيموت

وخلاص ننسى إللي فات مات

وملوش لزمه نعلى الصوت

‏-

ملحوظه القصيده دي كانت قبل أي ثوره بس تحسوا إنها ماشيه خالص ع الوضع الحالى وسبب ذلك إن التاريخ بيعيد نفسه .....

انتظر يا استاذ خالد حاجه تضحك بجد ماشي
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 18 أغسطس 2014 - 16:41

عشان انا حسيت ان القصيده إللي فاتت مش مضحكه بما فيه الكفايه .. خدوا بقى دي :

موال من عند ابو العيال

‏ وصعيدي يا بوي على طول

وصعدي عشان أقول

وصعيدي يا بوي على طول


أحنا الصعايده جدعان

مش مانخلو حد جعان

وبلاش تقول فجعان

عشان تقول بلسان

لازم تعرف تقول



وصعيدي يا بوى على طول..
خلص موال ابو العيال

بس لو لسه عايش ومش مت من الضحك ... انتظر موضوع في الطرائف .. عباره عن قنبله انتظر قريبا .. ليس قصائد ..

وبمناسبه وصعيدي .. احنا بنقول لما حد يسألنا أزيك : تكون الإجابه : رايق .. مش كويس .. لأ وطبعا رايق معناها احلى لأنها من الروقان .. أزيكو بقى ؟
الرجوع الى أعلى الصفحة اذهب الى الأسفل
فاطمة حمدى حسن
المشرف المميز
المشرف المميز


عدد المساهمات : 3015
تاريخ التسجيل : 21/02/2013
العمر : 33

مُساهمةموضوع: رد: في المنتدى( أشعاري )   الإثنين 18 أغسطس 2014 - 23:34

ههههههههههههههههه ده أنا اللى مت من الضحك ياسمسمة ربى يسعدك يارب وما يحرمك من بسمتك

ويطمنى عليكى دايماً بالخير ياقمرى .
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الثلاثاء 19 أغسطس 2014 - 1:12

اكتر ما أسعدني اليوم ضحكتك دي يا فاطمه .. ربنا يجعل كل أيامك سعاده ..
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأحد 24 أغسطس 2014 - 21:45

ازيك كيف الحال

ازيك قول يا خال

ايه اخبار العيال

رايقيين وعال العال ؟

وام العيال يا خال

رد عليي فى الحال

يالا يا خال تعال

وقولنا الموال ...

‏________________
موال من عند الخال
بشرب لوحدى الشاي ....وبقول يا ود يا خليل

قال لى ادينى جاي ... فى الصبح بعد الليل

لعب الولد بالناي ....وخلص المواويل

ومشيت الف وادور ..واعيط على عوض

عوض بقي مسحور .....باع الناي وقبض

والساقيه مش بتدور ....وخلاص عليه العوض

الشاى منى برد ....وقليل يا صبري قليل

بشرب لوحدى الشاي .....وبقول يا ود يا خليل
الرجوع الى أعلى الصفحة اذهب الى الأسفل
شيماء حسن عادل
عضو فضي
عضو فضي


عدد المساهمات : 399
تاريخ التسجيل : 18/09/2011
العمر : 24

مُساهمةموضوع: رد: في المنتدى( أشعاري )   الأحد 24 أغسطس 2014 - 23:05

طيب مافيه اهو شاى هنا ياجدعان وانتم حرمنا منه
جميييييييييييل ياسماسم
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 25 أغسطس 2014 - 0:19

انا مليش دعوة دا الخال هو اللي شرب الشاى وقال الموال ...

أنت اجمل يا شيمو .. ربنا يبارك فيكي يا أختي
الرجوع الى أعلى الصفحة اذهب الى الأسفل
أريج
عضو ملكي
عضو ملكي


عدد المساهمات : 5089
تاريخ التسجيل : 02/08/2010
العمر : 23

مُساهمةموضوع: رد: في المنتدى( أشعاري )   الإثنين 25 أغسطس 2014 - 0:49

انتى عسوووولة يا اسماء
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 25 أغسطس 2014 - 2:18

الله يسعدك يا أريج في الدنيا والآخره ...

وانت جميله جدا .. ربي يبارك فيكي
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 3 سبتمبر 2014 - 19:43

من أشعارى فى اصف الثانى الثانوى :

‏( من أنتم ومن أنا )

لقد وجدت ألسنة بلا بشر .. ووجدت بشرا بلا ألسنه

رأيت نجوم صماء حجر ... رأيت حجرا فى علو وسنا

قرون مرت فى لمح البصر ...ولمحت بصر مرت فى سنه

أصبحت الحياة موت وخطر ...وأصبح الموت حياة ومنى

تركتنا الدنيا فى طول سفر .... فتركناها كما فعلت بنا

وغربت الشمس وأظلم القمر ... فلم نجد غير الظلام يضمنا

وغاب العقل والقلب انتحر .. فالجنون والعذاب مصيرنا

عندما نخطئ نقول هذا قدر ... وعندما نجد القدر لا نجد صبرنا

وتدور الأمور ولا نعرف عنها خبر ... وإذا عرفنها فلا تهمنا

وإذا أهمتنا الأمور لا نجد عبر .. وإذا اعتبرنا زاد حزننا

والحزن يفيض ماءا منهمر ..والماء يغرقنا فمن ينجنا

وإذا نجونا نسينا ما صدر ...

‏ فإين نحن ومن انتم ومن أنا ؟؟!!
‏_____

‏_________________________

قولتها سابقا التاريخ يعيد نفسه ما شعرت به بالأمس

يأتى الآن

هذا هو التكرار الذى تحدثت عنه

لم اكن اهذى ... بكلمات

بل ان كل كلمه لها معنى

حتى وان اختفت معانيها لكم

اتذكر الآن كلمه تتردد فى أذنى

للشيخ الحويني .. [ انت الجماعه ولو كنت وحدك ]

هذا شعور نشعر به دوما او احيانا كل حسب حاله

الوحده والغربه

وحينها لابد ان تقول

انت الجماعه ولو كنت وحدك

لا لا لا يائس

ورغم الحزن لابد ان ترى بريق الأمل القادم

انت الجماعه ولو كنت وحدك

لا تنتظر احد سوى الله الأحد هو خير مؤنس لك فى وحدتك

انت الجماعه ولو كنت وحدك

لا يغرك كثرة الأخلاء

فهم لبعض عدو إلا المتقين

انت الجماعه ولو كنت وحدك

اقولها لنفسى قبل اى احد

تمسكى يا نفسى بتقوى الله ودعى الظنون

انت الجماعه ولو كنت وحدك

انت الجماعه ولو كنت وحدك

انت الجماعه ولو كنت وحدك
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: في المنتدى( أشعاري )   الخميس 4 سبتمبر 2014 - 0:47


بارك الله فيكِ ياأسماء

وزادك الله من فضله وإحسانه


الرجوع الى أعلى الصفحة اذهب الى الأسفل
http://dryasser73islam.ahlamountada.com
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 10 سبتمبر 2014 - 1:16

وفيكم بارك الله
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 10 سبتمبر 2014 - 1:28

من اشعارى فى الثانوى

‏ >>>>> صديقة العمر <<<<<<

يا من أقرب لى منى انت فى قلبى

انت الجمال ووجهك ملمح القمر

انت ضياء يسكننى ويملأنى

رؤياكى عطر المسك والزهر

إذا ما غبت غابت عنى دنيايا

فأنت بسمه فى عالم الشر

الصمت يملأنى جسد بلا روح

وهل يرجى كلاما من الحجر

وتسألينى كم انا احبك

يا بلسم القلب يا شمعة الفجر

وتغيبى عنى يا شمس احلامى

فيغيب النور عن بصرى

وتعودى إلي فى عجل

وتذهبى كلمح البصر

يا خالق الأكوان كن معنا

تحاببنا فيك يا خالق البشر

وفى يوم من الايام إجمعنا

وألبسنا ثيابا من سندس خضر

وتسألينى كم انا احبك

وانت توأم الروح صديقة العمر

‏§§§§§§§ صديقة العمر §§§§§§§
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   السبت 13 سبتمبر 2014 - 18:15

&&&&& بلا عنوان
‏ &&&&&

ابيات ....كلمات كتبتها متناثره بلا عنوان :

حزن قلبى يقتلنى ودموع العين لا تجرى

الروح تكاد تفارقنى وانطفأ النور فى بصرى

القلب يأن من حزنى وينادى قلبى يا أمى

وقلب امى يرفضنى فماذا أفعل يا أبتى

أبى يذهب ويتركنى فأظل اعانى فى سفرى

انادى من سيسمعنى من يسمعنى لا أدرى

ظللت وهمى يؤلمنى ونادى الهم فى صدري

وظل الحزن يقتلنىى ملئت الحزن فى قلبى

فقال القلب من انت فقلت له لا أدرى

الوقت يمر من حولى وغدا انا ادخل قبرى

فيارباااااه ارحمنى نقى قلبى من الكدر

وكن معى يا ربى فالهم بداخلى يسرى

إلهى ...................................لا تتركنى

‏____ بلا عنوان ______
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأحد 14 سبتمبر 2014 - 22:08

^^^^ إليك ^^^^ [ ملحوظه الكاف مكسوره خطاب للمؤنث ]

أراكى مظلمه ....دميمة الشكل .... قاتمة الألوان

أراكى مؤلمه ...مليئه باليائس ...مليئه بالاحزان

آه منك ....وآه عليك ...نفسى الحائره حواليك

بعيدة عنك ذاهبة إليك

الناس جميعا عاشقون لك

الناس جميعا كارهون لك

وأنا لا أعلم ماذا أفعل بك؟

ماذا افعل بك ؟ ماذا افعل بك ؟

‏....اضحك احيانا فتضحكى علي

ابكى فتأتى مسرعة إلي

فأسير نحوك وإليك

لأرمى احزانى عليك

لأرسم أحلامى بين ذراعيك

أسير نحوك مقبلة عليك

فتديرى ظهرك وتغلقى عينيك

وتذهبى ......


وتذهبى وتتركينى فى وسط الزحام

وتذهبى ....وتتركينى والعين تنام

‏...وعندما تنام العين ....

ويموت القلب

ويضيع العمر

تأتى .....!!!

تأتى باسطة ذراعيك تأتى بنور الفجر

تأتى وبين يديك باقة من الزهر


لما أتيتى ؟؟ ؟ ولما ذهبتى

لما اختفيتى ولما ظهرتى

آه منك وآه عليك

كم احبك وكم اكرهك

كم انا فى شوق وكم انا فى شك

اما زلت تخدعينى وتتظاهرى بالعطف واللين

اما زلتى تكذبى وفى قلبى تعذبى

تأتى يوما وتنادى

يخترق السهم فؤادى

يأخذنى أمل زائف

ويزلزل قلبى الخائف

اخشى منك وعليك

من غدرك من حنانيك

آه منك وآه عليك

آه منك ثم آه آه

آه منك أيتها الحياه

‏___________________

دى كلمات كتبتها فى المرحله الجامعيه

وزى ما قولت التاريخ بيعيد نفسه

والتكرار لا يزال مستمر

فى سنة 2012عندما ارتديت النقاب

كنت طلقت الدنيا بالتلاته

بس هى راحت تزوجت محلل واطلقت منه

وانا بضعفى راجعتها تانى

عشان كدا بعانى

‏ ودا مش ضحك دا ألم ممزوج بضحك

وشر البلية ما يضحك

ياااااااااااااااااااااااااااارب ازل حب الدنيا من قلبى

وابعد اذى نفسى عنى

يا حى يا قيوم برحمتك استغيث اصلح لى شأنى كله

ولا تكلنى إلى نفسى طرفة عين
الرجوع الى أعلى الصفحة اذهب الى الأسفل
فاطمة حمدى حسن
المشرف المميز
المشرف المميز


عدد المساهمات : 3015
تاريخ التسجيل : 21/02/2013
العمر : 33

مُساهمةموضوع: رد: في المنتدى( أشعاري )   الأحد 14 سبتمبر 2014 - 23:25

الله عليك ياجاااااااااااامد إيه الروعة دى

قال تسبينا قال عايزه تحرمينا من الكلام الحلو ده حرام عليكى ياشيخة Smile Smile .
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الإثنين 15 سبتمبر 2014 - 0:30

ربنا يكرمك يا فاطمة انت اللى روعه
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الجمعة 17 أكتوبر 2014 - 14:07

§§§§§ بدون عنوان §§§§§

دع الفؤاد تحت الثرى .. فإن الموت لنا قريب

ومن يسمع ومن يرى ... بعد الممات لا يجيب

من مات شيخا او فتى .. عاش المريض مات الطبيب

حزنك بقلبك قد بدا ... زاد البكاء والنحيب

تحزن لفقد من انتهى ...من هم دنياه عجيب

عجبت لأمر من هوى ...دنيا فيها الحق غريب

مصيبه حلت فى الدجى ...الموت سهم لا يخيب

من منا خالد بعدما ...مات ابن هاشم الحبيب

مااااااااااااات ابن هاشم الحبيب

عليك الصلاة والسلام يا رسول الله يا خير الأنام

دنيا مات الرسول صلى الله عليه وسلم وتركها

لا تساوى ان نحزن لأجلها

يااااااااارب عفوك ورضاك عنا

اغفر لنا

ربى اخرج من قلبى حب الدنيا

ولا تجعل حزنى الا على ذنبى

واغفر لى كل مافعلت

واعفو عنى وعن امى وابى والمؤمنين والمؤمنات

يا حى يا قيوم برحمتك استغيث اصلح لى شأنى كله ولا تكلنى لنفسى طرفة عين

رب ارحم موتنا وموتى المسلمين

وادخلهم فى رحمتك مع الصالحين

اللهم آتنا فى الدنيا حسنه وفى الآخرة حسنه وقنا عذاب النار
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   السبت 18 أكتوبر 2014 - 0:11

~~~~ يا منتدى ~~~~

يا منتدى يا جميل معااااك تحلى الحياه

قلبى اصبح عليل مليان جروح واه

وخلصت المواويل وبدأت اقول لله

هاشحت يا محسنين وافضل اعيد وازيد

عدو منى يومين ولا شايفه حد سعيد

يا منتدى انت فين دى خلصت المواعيد

يا منتدى فى قلبى كل مكان فيك معايا

وشوقى ليك وحبى قصه ملهاش نهايه

بس كان كل ذنبى انى كسرت المرايه

يامنتدى يا غالى انا مش قادره ابعد عنك

دايما بتكون فى بالى من راح ياخدنى منك!!

بتدور بيا الليالى وشكلى كدا ادمنتك

يا منتدى انا ليه شيفاك كدا حزين

حصل معانا ايه جايب حزنك منين

قلبى الغلط عليه يا فرحه انت فين

غلطت انا من جهلى وعقلى تاااه ولا اهتدى

وحزنت حزنى على اهلى وحزنى من تانى ابتدا

انا بقولك واسمح لى : حقك عليا يا منتدى

حقك عليا

يا منتدى ~~~~~~
الرجوع الى أعلى الصفحة اذهب الى الأسفل
اسماء سليمان
شاعرة المنتدى
شاعرة المنتدى


عدد المساهمات : 1206
تاريخ التسجيل : 26/03/2014

مُساهمةموضوع: رد: في المنتدى( أشعاري )   الأربعاء 12 نوفمبر 2014 - 7:51

&&&&& يا بنت الإسلام &&&&&&

بصى يا اختى يام الفهم

اسمعى وافهمى معنى كلامى

بكره يا حلوه هاتكونى ام

متقولى ليش دا فارس احلامى


خلى قلبك ملك لربك

وجمالك دايما بحجابك

وإللى يحبك مش هايقولك

يجى لأهلك يطرق بابك

اى كلام فى حرام وسواس

وظلام ايام ولا ليالى

دا الرخيص بيلم الناس

والماس دايما عالى وغالى

عانس دى كلمة محذوفه

من قاموس علمك وايمانك

اوعى تكونى بكلام ملهوفه

ومتنسيش فى الجنة مكانك

وحياءك عفه وسعادة

ورضا ربك هو شعارك

فى الاخرة جنه وزيادة

والدنيا مشاكل ومعارك

خليكى فى ايمانك ماسكه

بالقرآن تحلى الأيام

اوعى تروحى للسكه الهالكه

يا اختى اسمعى منى كلام

هاتكونى بإيمانك ملكه

ملكه انت يا بنت الإسلام

‏¤¤¤¤¤¤¤¤¤¤¤¤¤¤¤¤¤¤¤


ربى عفوك ورضاك عنا

لا توآخذنا بما نسينا او اخطأنا

لا اله الا انت سبحانك انى كنت من الظالمين

سبحانك ربى رب العزة عما يصفون

وسلاما على المرسلين

والحمد لله رب العالمين

الحمد لله رب العالمين

الحمد لله رب العالمين


بحبك يا رب
الرجوع الى أعلى الصفحة اذهب الى الأسفل
 
في المنتدى( أشعاري )
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى الدكتور ياسر عبدالله :: الترويح عن النفس :: الترويح عن النفس :: جنة المواهب والابداعات-
انتقل الى: