هااااااااااااااااااااااااااااام جدا

بالله عليكم يا جماعه لو حد عارف إجابه لسؤالى يجاوبنى .....

سؤلى بخصوص دورة التنميه البشريه ...

انا عايزة اخد دورة تنميه بشريه ولما سألت عليها النهارده قالوا لى انها كورسات كتير خالص ....يعنى فى حاجات متعلقه بالتسويق وحاجات تانيه .....بالنسبه لى انا محتاجه شئ ليه علاقه بالتعاملات الاجتماعيه والمشاكل النفسيه الإكتئابيه وكدا ومش عارفه دا ازاى

مش عارفه يعنى ابدأ بأى كورس محتاره ....

ياريت لو حد عنده فكره يقول لى

دا شئ حيوى جدا بالنسبه لى وهااااااااااام جدا

ولكم جزيل الشكر

الرد المؤكد عند مدرب التنمية البشرية

ومشرف قسم التنمية البشرية بالمنتدى

الأستاذ طه محمد

طب يا أستاذ خالد هو فين الأستاذ طه محمد يعني هو بيدخل المنتدى .. وهل ممكن يجاوبني ولا أيه .. قصدي يعني أنا مش بشوفه هنا

أول مايدخل هيجاوب

وممكن تتركي له رسالة في بريده

طيب انا في انتظار دخوله .. ملحوظه رغم إن الكهربا جات وانا بكتب تعليق في محكمة المنتدى .. إلا أنها قطعت الآن .. واضح إنه مفيش فايده

أنا ياأسماء سألت لكى الدكتورة منى الناغى مدربة معتمدة فى التنمية البشرية
على الفيس ولسه ما ردت عليا وقت ما ترد أبلغك ياقمرى لكن قوليلى
بقى إيه الشطارة دى أمسك الخشب يعنى ههههههههه .

الله يبارك فيك يا فطوم .. مش عارفه والله ازاي أشكرك ربنا يسعدك في الدارين .. بس انا لسه مع نفسي في الموضوع دا ولم افتحه مع أهلي وربنا يستر ويوافقوا

السلام عليكم ورحمة الله وبركاته

اسف جدا على تقصيري في المنتدى

وبعتذر اعتذار شديد للاستاذ خالد وبردو بشكره انه بلغني بسؤال حضرتك ميس اسماء

بداية لو حضرتك حابة انك تتعلمي بدايات التنمية البشرية

فأول خطوة هي قراءة كتاب اسم علم نفس النجاح

متتخضيش حضرتك من الاسم بس هو ده يعتبر (أ-ب) تنمية بشرية

ورابط الكتاب اهوه يا فندم اتفضلي

[ندعوك للتسجيل في المنتدى أو التعريف بنفسك لمعاينة هذا الرابط]

تاني حاجة حضرتك

التمنمية البشرية مقسمة لاقسام وعلوم من داخلها وهي :-

1- علم البرمجة اللغوية العصبية (( الاهتمام بطبيعة المخ وتغيير الاحساس والتفكير ))

2-ادارة الذات

3-علم الاتصال

4- علم التسويق

5-الذكاءات وعلم الادارة

فحضرتك هتختاري القسم الاصلح لرغبتك وهو علم ادارة الذات

وبالتالي هتدوري على دورات او كورسات في العلم ده

والاصلح ليكي حضرتك لو من قنا تروحي لسنتر (فيوتشر جيت )

بصراحة ناس محترمة اووي وهيفيدك اكتر في الموضوع ده اختنا مروة بركات

وانا تحت امر حضرتك في اي استفسار ومعذرة بجد على تقصيري بس والله بسبب امتحاناتي

شكرا لحضرتك على تفاهمك مسبقا ً

وعليكم السلام ورحمة الله وبركاته ..

والله انا إللي متأسفه جدا جدا جدا عشان تعبت حضرتك أستاذ طه .. وربنا يوفق حضرتك في الإمتحانات وفي كل شيئ في الدنيا والآخره .. بجد والله أسفه ..

بالنسبه للكتاب انا مش اتخضيت من أسمه لأ انا أتخضيت من كلمة قراءة ..بس هاحاول اقرأه إن شاء الله ..

متشكره خالص ربنا يجعلك بكل حرف حسنه وعشرة أمثالها وأضعاف ذلك ويكتب لك الخير كله في الدنياوالآخره ‏
وأسفه مره تانيه ‏
ويارب في الآخر اعرف اعمل بكلام حضرتك ‏
بشكرك جدا جدا وبشكر الإستاذ خالد وسامحوني جميعا ‏‎ ‎

فيه كمان يااسماء كورس انشاء فى فيوتشر جيت ده فيه كذا مادة بتدرسيها وهيفيدك جدا ..

ولو فيه اى سؤال انا تحت امرك كمان فى اى وقت ..

الله يبارك فيكى يا حنين متشكر ه خالص ربنا يسعدك دنيا واخره
ملحوظه انا معجبه باسمك جدا جدا جدا حنين إلى الإسلام بيحسسنى بكل الحاجات الحلوه

ان شاء الله ربنا يسهل فى الموضوع دا والأهل يوافقوا بقى

ربنا يكرمك يارب بجد

وانا فعلااا نسيت ان الاستاذة بتاعتي موجودة وهي ميس رشا حنين الى الاسلام

معلش العين لا ترتفع عن الحاجب ههههه ومعلش نسيت فعلااا اختي حنين انك مسيطرة على عرش فيوتشر جيت ربنا يكرمك يارب

بالنسبة لاختي اسماء بصي انتي لو مش حابة القراءة او عندك صعوبة في اخد دورات

يبقى الحل ان حضرتك تدخلي على يوتيوب واكتبي حلقات نجاح بلا حدود بس خديها من الحلقة الاولى وتمسكي ورقة وقلم وتدوني كل معلومة للدكتور الفقي

وانا عندي الحلقات دي مفرغة لاني حضرتها معاه هو الله يرحمه بالقاهرة وبردو لو حضرتك احتجتيها انا تحت امرك

ربنا يكرمك يارب ويسعدك دايما

و

شكرا خالص استاذ طه إن شاء الله اشوف المحاضرات دي .. انا كنت قبل كدا شاهدت حلقات لدكتور ابراهيم الفقي الله يرحمه . برنامج نادي النجاح وكمان الطريق إلي النجاح .. وكنت بكتب كل كلامه .. وأثر فيا خالص .. واكيد إللي حضرت قولت عليه بخصوص دكتور ابراهيم مفيد جدا إن شاء الله اسمعها ... مش عارفه اشكرك ازاي .. يا رب تدخل الجنه من غير حساب مع رسول الله صلى الله عليه وسلم وجميع الأمه الإسلاميه

على ايه بس والله معملتش حاجة ربنا يسعدك وربنا يتقبل دعااااءك ياااااارب

الله يبارك فيك ..
معلش كنت عايزه أسأل حضرتك على حاجه كمان :

كنت عايزه انشر ديوان شعر عن طريق النت ومش عارفه ازاي اضمن حقوق الملكيه الفكريه .. يا ترى عند حضرتك فكره ؟ اسفه شكلي كدا أثقلت على حضرتك

لالالالالالا والله مفيش تقل ولا حاجة حضرتك اختي الكبيرة والله

بصي حضرتك مفيش حقوق ملكية فكرية ع النت خالص

انتي جمعي كل اشعارك في ديوان وهتروحي مكانين

الاول الشهر العقاري هنا ف قنا هتسجليه باسمك ضمن حقوق الملكية الفكرية

والتاني بالقاهرة دار المحفوظات تقريبا وبردو هتاخدي رقم ايداع باسمك وهتدفعي تقريبا 180 جنيه او 150 مش فاكر اووي

لكن ع النت مفيش خالص

انا مسجل 6 كتب ليا في التنمية البشرية

ومسجل 9 ابحاث تربوية ف الشهر العقاري

لكن النت مش مضمووون خالص خالص خالص

ماشي يا أستاذ طه .. بس في حاجه زعلتني موضوع اختك الكبيره دا .. أيوه طبعا بجد انا زعلت ..

بس انا متشكره جدا على الإجابه .. طب هو لازم اروح القاهره ؟ يعني لا تكفي قنا ؟

حضرتك اذا لم تكوني اختي الكبيرة سنا فاكيد الكبيرة علما ومقاما

حضرتك اعملي اول خطوة بتاعت قنا دي وتتسهل بعدها بتاعت القاهرة

لا باردو انا مش كبيره علماولا مقاما ودي حقيقه لا شك فيها .. أنا أسفه وشكرا خالص

ألف شكر ياطه على إهتمامك بالموضوع