لمن له الخبره فى مجال الكنترول المدرسى

اخوانى واخواتى اعضاء منتدى الدكتور ياسر عبدالله

السلام عليكم ورحمة الله وبركاته

بما أن اغلبنا معلمين واغلبنا يعمل بالفعل فى مجال التدريس

عاوزين نشارك مع بعض موضوع العمل داخل الكنترول المدرسى

بمعنى من يعمل داخل الكنترول المدرسى ولديه الخبره يشاركنا فى موضوعنا

وايضا من يريد ان يتعلم وليس لديه خبره يشاركنا فى موضوعنا هنا

عاوزين الكل يشارك حتى نكتسب الخبره كامله

دى مجرد فكره ويارب الاقى ترحيب من الاعضاء والكل يشارك

تحياتى للجميع

فكرة متميزة بارك الله فيك

وطبعا أنا مليش خبرة لكن أكيد حستفيد للمستقبل ان شاء الله

نور عبدالله كتب:: فكرة متميزة بارك الله فيك

وطبعا أنا مليش خبرة لكن أكيد حستفيد للمستقبل ان شاء الله

وهو دا المطلوب

اللى معاه معلومه يفيد بيها اللى ممعهوش

وكلنا نتعلم

يارب الموضوع يعجب باقى الاعضاء خلينا نبدأ

شكرا لمرورك يا نور

توكل على الله وإشرح ياأستاذ محمود

بصراحه مش فاهمه حاجه خالص يعني ايه كنترول مدرسي يا استاذ محمود ؟
ربنا يبارك فيك

خالد السيد كتب:: توكل على الله وإشرح ياأستاذ محمود

ربنا يسهل يا استاذ خالد

ونفسك معانا انت أكيد خبره فى مجال التربيه والتعليم

اسماء سليمان كتب:: بصراحه مش فاهمه حاجه خالص يعني ايه كنترول مدرسي يا استاذ محمود ؟
ربنا يبارك فيك

فى حد ما يعرفش الكنترول يا اسماء

الكنترول هو اللى بيتحكم فى نتيجة الامتحانات

وتابعى معانا هنا .. ان شاء الله تستفيدى من الموضوع دا

بس ياريت باقى الاعضاء تشارك معانا عاوزين نحس بالتفاعل

مشرف عدد المساهمات : 512 تاريخ التسجيل : 09/08/2013

فكرة ممتازة أ / محمود

بصراحة أنا معنديش أى خبرة فى الكنترول المدرسى

وأتمنى أستفيد من أى حد عنده خبرة فى هذا المجال

جزك الله خيرا

ايوا انا عارفه كنترول الكلية الناس إللي ليها واسطه بتجيب النتيجة منه بس احنا غلابه بنستنى لما النتيجة تظهر
بس إللي مش فاهماه ماذا سوف تشرح لنا فيه ؟

في حاجه كمان بس اعتقد إنها بعيده عن الموضوع
بس حابه اعرضها انا حاليا على اعتاب أن اكون معلمه احتمال مش في المسابقه دي بس خلاص عندي احساس إني هاشتغل قريب والمشكله مش عارفه ازي اشرح للتلاميذ وخايفه وسؤالي بخصوص إذا حد يعرف مكان بيعمل تدريب للمعلمين يقولي عليه وياريت لو يكون في فرشوط أو نجع حمادي أو قنا نفسها
وانا اسفه يا استاذ محمود خرجت عن الموضوع

حسانية عبدالراضى كتب:: فكرة ممتازة أ / محمود

بصراحة أنا معنديش أى خبرة فى الكنترول المدرسى

وأتمنى أستفيد من أى حد عنده خبرة فى هذا المجال

جزك الله خيرا

تمام كده وهو دا اللى احنا عاوزينه

والمقصود من الموضوع

ان الكل يستفاد .... مش عاوزين المنتدى يقتصر على الدبلومه فقط

عاوزين الكل يشارك حتى بعد الدبلومه

شكرا لمرورك أختى حسنايه

اسماء سليمان كتب:: ايوا انا عارفه كنترول الكلية الناس إللي ليها واسطه بتجيب النتيجة منه بس احنا غلابه بنستنى لما النتيجة تظهر
بس إللي مش فاهماه ماذا سوف تشرح لنا فيه ؟

هههههههههههههههههههههههههههههههههههههه

احنا يا اسماء هنشرح العمل الذى يتم فى الكنترول

وما هى الاوراق المطلوبه داخل الكنترول

ومعلومات اخرى ستأتى اثناء الشرح

اسماء سليمان كتب:: في حاجه كمان بس اعتقد إنها بعيده عن الموضوع
بس حابه اعرضها انا حاليا على اعتاب أن اكون معلمه احتمال مش في المسابقه دي بس خلاص عندي احساس إني هاشتغل قريب والمشكله مش عارفه ازي اشرح للتلاميذ وخايفه وسؤالي بخصوص إذا حد يعرف مكان بيعمل تدريب للمعلمين يقولي عليه وياريت لو يكون في فرشوط أو نجع حمادي أو قنا نفسها
وانا اسفه يا استاذ محمود خرجت عن الموضوع

اولا : ان شاء الله يا اسماء هتشتغلى وان شاء الله يكون ليكى نصيب فى العمل كمربيه للاجيال .... ما أعظمها شغلانه

ثانيا : ازاى تشرحى

الموضوع مش مستاهل انك تروحى مركز للتدريب ولا حاجه

انا عارف ان الموضوع بيبقى صعب فى الاول ... وكلنا واجهنا هذه المشكله .... ولكن انا هديلك خبرتى فى الموضوع

وان شاء الله يفيدك .... ودا مجرد رأى يعنى ممكن يعترض عليه احد الاحوه او الاخوات .... ولكن لك واحد اسلوب

بداية ... حطى فى بالك ان التلميذ دا مستواه اقل بكثير من مستوى المعلم ولا يفقه شئ

هتلاقى طلبه مستواهم عالى وممكن يصححولكى معلومه ... ولكن قليل ما بيحصل ... وفى بداية المشوار فقط

مش عاوزك تخافى وتترهبى من التلاميذ ... اعتبرى الفصل فاضى وان الكل مش موجودين

هتلاقيهم مركزين عليكى قوى فى الاول ... ولا يهمك تطفل منهم فى البدايه فقط

كمان حاولى تبنى شخصيتك فى الفصل من اول لحظه .... لان شخصيتة المعلم من اللحظه الاولى

وخلى بالك مش شرط تبنى شخصيتك بالتعصب والضرب والشتم ..... لالالالالالالالالالالالالالالالالا

ابنى شخصيتك بالاحترام وحبهم لكى ... خلى التلميذ يحب المعلم ويحترمه باسلوب تربوى ... دى افضل طريقه

بالنسبه للشرح ....

حاولى توصلى المعلومه باى اسلوب للتلميذ

لازم تنزلى لمستواهم .... كلميهم على قد عقولهم .... كررى لهم المعلومه اكثر من مره

وحاولى كل ما تشرحى جزء فى الدرس ... تطرحى عليه اسئله

وخليهم يجاوبوا عليها بانفسهم وشجعى اللى يخطأ فى الاجابه .... وتفهميه الاجابه الصحيحه

تعيدى شرحها تانى علشان يفهم .... ودايما لما تلميذ يكون بيجاوب لازم تخلى الكل يسكت ويستمعله

دى بتأثر كتير فى نفسيت التلميذ .... وبتخليه يحب معلمه

ولو الفصل كله ما عرفش اجابة السؤال .... عيدى شرحه تانى باسلوب غير الاسلوب اللى شرحتى بيه الاول

.....

انتى بعد كده هتعرفى التلميذ اللى فهم الدرس والتلميذ اللى مافهمش من خلال نظرك لهم

انا شكلى كده حكيت كتير

وانا متابع معك فى اى شئ تسألى عنه

وياريت لما يكون فى سؤال زى دا تعملى بيه موضوع جديد علشان لا نخرج خارج موضوعنا الاساسى

موضوع جديد ومميز أستاذ محمود ربى يجزيك عنا كل خير أنا بقى

دخلت فى الكنترول لى سنتين دلوقتى والحمد لله أعرف الكثير وإن شاء

الله أقولكم علي شغله كله بس معلش دلوقتى مشغولة لما أدخل مرة تانية .

فاطمة حمدى حسن كتب:: موضوع جديد ومميز أستاذ محمود ربى يجزيك عنا كل خير أنا بقى
دخلت فى الكنترول لى سنتين دلوقتى والحمد لله أعرف الكثير وإن شاء
الله أقولكم علي شغله كله بس معلش دلوقتى مشغولة لما أدخل مرة تانية .

اولا شكرا لمرورك يا فاطمه والف مليون مبروك الخطوبه وعقبال الزفاف باذن الله

والحمد لله انى وجدت حد عنده خبره فى الكنترول

وهمتك معايا وباذن الله نبدأ هنا مع بعض فى امور الكنترول

الله عليك يااستاذ محمود

هو ده الشغل

الله يباركلكم ان شاء الله

دى نبذة عن الكنترول :-

أولا : لازم يخصص مكان للكنترول لا يدخله إلا أعضاؤه فقط حتى يكون هناك تركيز وشغل جيد .

ثانيا : يجب اختيار أعضاء أو مدرسين أكفاء لذلك .

ثالثا : يبدأ المدرسون فى كتابة أرقام الجلوس داخل الفصول ثم يتم بعد تقسيم اسماء الطلبة إلى لجان

وكل لجنة تحوى أرقام جلوس مثلا من 1 إلى 15 ثم من 16 إلى 31 وهكذا ويتم عد ورق الأسئلة والإجابة

لكل لجنة وبعد خروج اللجان يتم نزع تكت الإجابة ( السلبسات ) وترتيبها ثم إعطاء ورق الإجابة للمدرسين

المختصين لكل مادة وبعد الإنتهاء من التصحيح يتم رصد الدرجات لكل مادة أول بأول لكى تظهر النتيجة فى وقت

قليل كما ان هناك محضر لكل مادة يكتب ويأخذ الموجه نسخة والمختصون بالكنترول نسخة وقبل ظهور النتيجة طبعاُ

يبدأ رفع الدرجات أو إعطاء الطالب درجات الرأفة كى ينجح دى كل معلومات ياأستاذ محمود ونسيت حاجة فى ورقة توزع وهى استمارة غياب للطلبة الذين لم يحضروا الإمتحان . .

روضة الهادي كتب:: الله عليك يااستاذ محمود
هو ده الشغل
الله يباركلكم ان شاء الله

ان شاء الله ياروضه ربنا يقدرنا ويكون الموضوع مفيد بجد

اولا مبارك الزفاف يا فاطمه

ثانيا كلامك كله تمام بس

انتى كده ذكرتى حاجات على السريع وبدون تفصيل

كده ما حدش هيتعلم

احنا عاوزين نمسك حاجه حاجه ونفصلها كده

وان شاء الله هبدأ معاكم أولا بالاوراق المطلوبه فى الكنترول

تمام واحنا معاك ربنا يباركلكم

الاوراق المطلوبه فى الكنترول

1- محضر فتح حجرة الكنترول

2- محضر غلق وتشميع حجرة الكنترول

3- كشوف المناداه ( اسم الطالب - رقم لجنته - رقم جلوسه )

4- استمارة غياب طالب

5- محضر تصحيح

6- محضر تسليم واستلام أوراق الاجابه

7- استمارة حصر غياب

8- كشوف رصد نصف العام

9- بيان درجات نصف العام للطالب ( شهادة نصف العام )

10- كشوف باسماء الناجحين

11- كشف باسماء الراسبون وباقون للاعاده

12- كشف باسماء الراسبون ومحولون مسار خاص

13- كشف بارقام سريه للطلبه الذين يستحقون درجات الرأفه

14- محضر اثبات حاله ( من غش او تمزيق ورقة الاجابه اوخلافه )

15- محضر تعديل درجات نتيجة الخطأ فى الجمع

دى الاوراق المطلوبه فى كنترول النقل ويارب ما يكون نسيت حاجه

ما شاء الله عليك أستاذنا ونسيت طبعا Smile

الأقلام والمساطر ولا هى مش
من ضمن المطلوب أصلى مش عارفه تتحسب تبع كل ده ولا طبيعى إنها تكون موجودة .

فاطمة حمدى حسن كتب:: ما شاء الله عليك أستاذنا ونسيت طبعا الأقلام والمساطر ولا هى مش
من ضمن المطلوب أصلى مش عارفه تتحسب تبع كل ده ولا طبيعى إنها تكون موجودة .

والله بارك الله فيكى يافاطمه

تصدقى نسيتهم .... دا أكيد لازم نوفرهم فى الكنترول

وكمان بتبقى أقلام بكذا لون علشان يعمل شغل فى كتابة الشيت كنترول

ايوه كده ساعدينى الله يكرمك

وطبعا هنتابع الموضوع بس اشوف متابعة الاعضاء

وكمان أفتكرت لازمن نطبع الشهادات ونجهزها لرصد النتيجة بها .

اقتباس :: فاطمة حمدى حسن
وكمان أفتكرت لازمن نطبع الشهادات ونجهزها لرصد النتيجة بها .

لا دى بطلت من زمان يا فاطمه

انا بشتغل ببرنامج أكسل

مجهزه انا بيطبع الشهادات وبها الدرجات والتقدير لكل مادة والمجموع الكلى والتقدير

وكمان بيطبع كشوف الناجحين وكشوف من لهم دور ثان وكمان كشف باسماء العشره الاوائل

انتى كل اللى عليكى تدخلى الدرجات فى البرمانج وهو يعمل كل حاجه

ودا نموذج من شهاده لطالب ناجح

ودا نموزج من شهادة طالب له دور ثان

[size=24]كويس والله معلومات جميله
بس هنا فين توزيع الادوار يعني كل حاجه ليها شخص معين ولا ممكن واحد يمسك اكتر من حاجه[/size]

مشرف عدد المساهمات : 512 تاريخ التسجيل : 09/08/2013

جزاكم الله خيرا جميعا على هذه المعلومات

سؤالى للأستاذ / محمود

حضرتك ذكرت الأوراق المطلوبة فى الكنترول بطلب من حضرتك توضيح أكثر مثلا المحاضر

بتكون موجهة من مين لمين ؟؟؟ ، عدد الطلبة فى اللجنة ايه المعيار اللى بيخضع ليه ؟

وهل ده مسئولية الكنترول أم رئيس اللجنة أم أن رئيس اللجنة هو من أعضاء الكنترول ؟؟؟؟؟

من المستحقين لدرجات الرأفة بالضبط وما مقدارها ؟؟؟

وهكذا جزاك الله خيرا

حسانية عبدالراضى كتب:: جزاكم الله خيرا جميعا على هذه المعلومات

سؤالى للأستاذ / محمود

حضرتك ذكرت الأوراق المطلوبة فى الكنترول بطلب من حضرتك توضيح أكثر مثلا المحاضر

بتكون موجهة من مين لمين ؟؟؟ ، عدد الطلبة فى اللجنة ايه المعيار اللى بيخضع ليه ؟

وهل ده مسئولية الكنترول أم رئيس اللجنة أم أن رئيس اللجنة هو من أعضاء الكنترول ؟؟؟؟؟

من المستحقين لدرجات الرأفة بالضبط وما مقدارها ؟؟؟

وهكذا جزاك الله خيرا

أهلا وسهلا حسانيه وربنا يبارك فيكى يارب

1- المحاضر دى بتكون حماية لاعضاء الكنترول ... مثلا محضر الغلق يفيد بان حجرة الكنترول تم غلقها فى الساعه كذا ...

بالشمع الاحمر وبخاتم كذا .... واعضاء اللجنه كذا .... بما فيهم العمال

2- عدد الطلبه بيتحكم فيها الكنترول وبيكون على حسب عدد الفصول بالمدرسه وكذلك عدد الملاحظين ..... ليست مقيده بعدد معين

3- رئيس اللجنه له مسئولية حجرة الاسئله وكل ما يتعلق بها وتوزيع الملاحظين على اللجان واعتماد النتيجه فى النهايه

4- رئيس الكنترول له مسئولية الكنترول وكل ما يتعلق بأوراق الاجابه قبل وبعد الامتحان وكذلك كل ما يتعلق بالطالب من ارقام جلوس

وارقام سريه وغياب ...... الخ

5- المستحقين درجات الرأفه ..... لها منشور خاص سأرفقه فى رد أخر

هذه هى قواعد الرفع ومن يستحق درجات الرأفه

مشرف عدد المساهمات : 512 تاريخ التسجيل : 09/08/2013

معلومات قيمة جزاك ربى الفردوس الأعلى

عذرا أنا لم أعرف قواعد الرفع مش عارفة هو رابط تحميل أم فيديو لانى شغالة على فلاشة

والفلاشة مش محملة كويس

فى انتظار مزيد من المعلومات عن الكنترول ان كان هناك اضافة

جزاك الله خيرا معلمنا .

السلام عليكم ورحمة الله وبركاته

وأخيييييرا موضوع الكونترول بشكر روضة لانهاهى اللى فتحت الموضوع من جديد

جزاكم الله خيرا جميعا وشكرا للأستاذ محمود وفاطمة على المعلومات القيمة

وجميل جدا ان يتم تفصيل الموضوع للتوضيح

وسؤالى ما معنى محضر تصحيح وليه مسمى محضر كذا وكذا يعنى ايه الصيغة

اللى بيتكتب بيها ياريت لو مثال لكل محضر من المحاضر السابقة

وبكرر سؤال روضة عن توزيع الأدوار وحسانية عن الطلاب المستحقون لدرجات الرأفة

وياريت لو بإمكان حضرتك ذكرها بدون روابط تحميل