ممكن حد يقولى المسائل دية تتحل ازاى

السلام عليكم ورحمة الله وبركاته
بالنسبة لأخي الكريم محمد سال عن المتغير التابع والمتغير المستقل .
المنغير المستقل : هو أي متغير ( يعالجه ) المجرب أي يتناوله بتغير مع محاولة ضبط جميع الشروط الأخري للتحقق من علاقته بموضوع الدراسة أو الظاهرة المدروسة ( وتسمي بالتغيير التابع ) ويمكن تمييز الانواع التالية من المتغيرات المستقلة , مثل متغيرات مستقلة موقفية وتمثل معالجات جانب ما من جوانب البيئة الفيزيقية ( الصوت - الضوء- صدمة كهربائية ما - ....) كذلك البيئة المحيطة للفرد والمعالجة المنظمة لها من حيث نوع محتواها ( مجرد / محسوس - ذات مغزي / المعني ) زمعدل عرض محتوي مادة السليمة ونوع التعليمات المعطاة لكيفية أداء المهمة , وايضا الموقف الاجتماعي أو المتوسط الاجتماعي الذي يؤدي فيه الفرد مهمة ما ( حجم العينة الضغط الذي تمارسه الجامعة علي الفرد ودرجته )
متغيرات مستقلة خاصة بالفرد الذي تجري عليه التجربة ( ويسمي المفحوص ) مثل دوافع الفرد , وخبراته السابقة , عمره الزمني , ذكائه , جنسه , الاسلوب المعرفي . وبصفة عامة لا تكون متغيرات قابلة للمعالجة المباشرة بل يتم ترتيبها وتنظيم تأثيرها علي الأداء .
المتغير التابع : هو الظاهرة أو موضوع الدراسة ( السلوك ) التي يقترح الفرض ( أو فروض المجرب ) حدوثها أو تغيرها نتيجة للمتغير المستقل , أي أنه متغيرات الأداء التي تعكس آثار المتغير المستقل , وتعكس هذه المتغيرات في أشكال متعددة مثل عدد الاستجابات الصحيحة في كل محاولة إجراء التجربة تكرار الاستجابات في وحدة الزمن المستغرق لحدوث الاستجابة وزمن بقاء واستمرار هذه الاستجابة .
المتغير المتوسط : أن المتغيرات التي تعبر عن علاقة المتغير المستقل بالمتغير التابع تسمي المتغيرات المتوسطة أو التكوينات الفرضية التي نفترض وجودها بصورة منطقية وتدل علبها تجريب من المتغيرات القابلة للملاحظة وهي مثل عملية التعلم والتذكر والتفكير .
" كل ما يملكه المتعلم من ميول وقدرات .
مثيرات خارجية تؤثر فيه تسمي متغيرات مستقلة , مثيرات خارجية لا تؤثر فيه تسمي متغيرات وسيطة . قدرات المتعلم كل ما يرجع إلي الطالب أو المتعلم وميوله . المثيرات التي تحدث له وطريقة معالجته لها . التابع التحصيلي في علم النفس التعليمي , كل ممتلكات المعلم استعدادات وقدرات وسمات شخصية تعود للمتعلم تسمي وسيطة وهي تؤثر علي المتعلم وما اكتسبه هي حالته في التحصيل الدراسي .
لقد بحثت عنهم وعثرت عليهم في كتاب العام الماضي . اتمني أن اكون أفدتك .
والله المستعان .

أريد الاجابة على سؤال
ان عمل المخ يحاكى نظام الحاسوب ------وشكرا .

السلام عليكم الشكر الي الاخت ساره الملقب
ياختى احنا بندور علي الاسئله المكررر علي امل انها تجى منها حاجه ونعدى من المنحه دي لانى كلما تذكر فروق تنسي علم نفس تعليمى والعكس
ربنا يستر وشكر مره ثانيه علي مجهوداتك ومساهمتك
والي اسئله اخري قريبا
اللهم صلي علي طب القلوب ودوائها سيدنا محمد صلي الله علية وسلم

شكرا للاخت هبة الله بالنسبة للاسئلة دى فهى ليست علينا لان الدكتور ياسر قبل كده والسنة اللى فاتت كان بيدى علم تعليمى وليس فروق فردية

اذا كان الاختبارات 15 اختبارا ؟ فكم عدد مرات تطبيق معادله الفروق الرباعيه؟
قانونها ن×ن_1×ن_2×ن_3 ÷ 8 يعنى حتساوى 4095
حد يقلي جات ازاي دي
في عملي ضرب الاول وبعد كد قسمه
رقم 15 اي دوره في الليله دي

السلام عليكم ورحمه الله وبركاته
شكرا ياساره على مجهوداتك الرائعه وبارك الله فيكى وجعله فى ميزان حسناتك
بالنسبه للنموذج بنيه العقل ودا على حد فهمى من الدكتور ودا لايتعارضمع كلامك بل هو صح زى ما فهمت كدا
انى بعد رسم الرسمه وكتابه البيانات عليها بنأخد الشكل المطلوب
وبنمشى مع السهم على حسب المحتوى الاول وبعدين النواتج والعميات
وهى بأختصار لازم تكون جمله مفيده
ويارب التوفيق للجميع

السلام عليكم ورحمة الله وبركاته
شكرا ليكى يا شيماء وبارك الله فيكى وربنا يستر
اما بالنسبه للاستاذ احمد يا اخى ن ديت هى 15 واحنا بنقول 15 ×14×13 ×12 وبعدين بنقسم على 8 ويارب يكون قصدى وصل والله اعلى واعلم

السلام عليكم ورحمة الله وبركاته
اختى سارة احب اولا اشكرك على استمرارك فى تقديم الاجابات والمساعدات للجميع
اما بخصوص المسالة :-

فانتى قلتى " الدكتور قال انى الوجه ده يناظر المحتوى فلو خدتى الصف الثالث فوق فى المحتوى حتلاقى انه بياخد المحتوى كله "
انا معاكى فى الكلام ده الصف الثالث هياخد المحتوى كله ( بصرى - سمعى- رمزى - معانى - سلوكى )
لكن بالنسبة للنواتج خدى بالك الصف الثالث يقابله علاقات ؟ ياريت تمسكى محاضراتك وتطايقى كلامى وشوفيه هتلاقيه صح .
والعمليات الوجه A واخد اخر حاجة اللى هى التقويم
وياريت تشوفى كلامى وبعدين ترسلى الشرح بطريقة اوضح لو كنتى لسة مصرة ان كلامى خطأ

شكرا

وعليكم السلام ورحمة الله وبركاته
يا سيدتى الفاضله انا مش مصره انك خطا والدليل انى قلت فى اول كلامى انى غير متاكده من الاجابه بس اصل انتى مش بتناقشينى فى الجزء اللى انا شاكه فى وهو اننا ناخد اى قدره من المحتوى انتى بتناقشينى فى النواتج وهى الدكتور قال اننا لازم احنا وبنسمى فوق فى المحتوى يبقى ننزل ونثبت الوحدات يعنى لازم ناخد الوحدات من النواتج وعدين بننزل على طول بالصف الثالث حنلاقيه انتاج تباعدى فى العمليات
يعنى التقويم ملوش دخل
وبعدين يا ستى الاختلاف فى الراى لا يفسد للود قضيه ويمكن السؤال ده ميجيش او ييجى بشكل تانى
وانا عن جد استمتعت بالنقاش معاكى رغم انى مفيش حد اقتنع براى التانى بس مش مشكله
وفى الاخر برضو قليلى ايه رايك فى اللى قلته وصل

السلام عليكم ورحمة الله وبركاته
الاخت سارة انا مش قصدى انك مصرة على خطئى انا بس حبيت اوضحكلك الاجابة علشان ربنا يسهلهالينا كلنا -ان شاء الله - كلنا فنعرف نحلها واللى حله صحيح يستفيد منه التانى
عموما انا تقريبا فهمت الخطأ فين فى وجهات النظر لما بعتى رسالتك الأخيرة تقريبا احنا مش بنتكلم على وجه واحد لأن وحدات تباعدى فى العمود الثالث وجه B
وعموما الاختلاف لايفسد للود قضية واتمنى اننا كلنا نحل فى الامتحان - ان شاء الله -
ربنا مش هيخزلنا لأننا فعلا تعبنا
تمنياتى للجميع بالتوفيق
شكرا

تسلم تسلم الاخوه اللى شاركو فى حل السؤال القيم والهادف وجزاك الله خيرا وجعله بميزان حسناتكم وادامكم الله لنا بالخير حاضرون اقلام مميزه حضور مستمر لاحرمنا الله منكم ولا من اعمالكم
تقبلوا مرورى بين ايديكم