منتدى الدكتور ياسر عبدالله
مرحباً بكم في منتدى الدكتورياسرعبدالله للتأصيل الإسلامي








منتدى الدكتور ياسر عبدالله

إسلامـــــــي - تربـــــــــوي - تعليـــــــمي - إجتماعــــــي- تكنولوجـــــــي
 
الرئيسيةالبوابةس .و .جبحـثالتسجيلدخول

شاطر | 
 

 شوفووو الشعر ده ..بس في سركم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نونا
عضو فعال
عضو فعال


عدد المساهمات : 39
تاريخ التسجيل : 25/05/2010

مُساهمةموضوع: شوفووو الشعر ده ..بس في سركم   الأحد 1 أغسطس 2010 - 22:48

نؤيد سيادتك
نؤيد سيادتك لفترة جديدة * نكمل خلالها المسيرة السعيدة
و بالمرة فيها نبيع الحديدة * مفيش حاجة تانية نبيعها خلاص
نؤيد سيادتك لأجل المزيد * من اللي تحقق بفضلك أكيد
بقينا خلاص ع الحميد المجيد * و ربك لوحده ف ايده الخلاص
نبايع سيادته ولا حد غيره * كفايا علينا نبرطع في خيره
و نوم شعب مصر العظيمة و شخيره * يقول للحرامي ما تسرق كمان
نبايع سيادته وابنه وحفيده * مفيش زي فكره قديمه و جديده
خرابك يا مالطة حيحصل بايده * ومين فيكي يعني بيسمع آذان
نبوس ايد سيادتك و رجلك كمان * تخليك معانا يا ريس عشان
وجودك ضرورة فرضها الزمان * و من غير وجودك حقيقي نضيع
دي مصر بتاعتك و احنا ضيوفك * كفايا علينا يا ريس نشوفك
و عاذرين سيادتك و فاهمين ظروفك * عليك بس تؤمر و احنا نطيع
في جزمة سيادتك كلابك يبوسوا * و فوق الغلابة بجزمهم يدوسوا
و شعبك ليلاتي يا ريس غموسه * مذلة و مهانة و حوجة و مر
لكن يعني ما دمنا شعب انتساب * و دايما وأبدا ف حالة غياب
متعملش لينا يا ريس حساب * دي عزبة سيادتك و فيها انت حر
و دستور مدستورش مش فارقة خالص * كلام فاضي كله يا فندم بناقص
كفايا علينا الفساد اللي ماصص * عرقنا و معشش و ضارب جذوره
و ايه يعني تهري جتتنا البلاوي * يوماتي كوارث فضايح رشاوي
كفايا علينا القعاد في القهاوي * بنستنى لما الوريث ييجي دوره[/center][/justify][/left][/center][/color]
الرجوع الى أعلى الصفحة اذهب الى الأسفل
مازن الشريــف
مشرف سابق
مشرف سابق


عدد المساهمات : 213
تاريخ التسجيل : 08/06/2010

مُساهمةموضوع: رد: شوفووو الشعر ده ..بس في سركم   الأحد 1 أغسطس 2010 - 23:25

السلام عليكم ورحمة الله وبركاته
يااخت نونا ليه الكلام الى يزعل دا ، احنا عايشين فى نعيم بنقبض الف دولار من مرتب العقد ، وكل واحد فينا معاه شقتين ، وبنشرب ميا معدنية، ومفيش ازمة بطالة وكل الى بيتخرج بيشتغل وبيختار الشغل الى عاجبه ، عاشت الحكومة ربنا يبارلكنا فيها فعلا مش عارف من غير الحكومة دى كنا هانعمل ايه
وبطلو حقد ياجماعة احنا فى عصر الحكومة الذكية .وتحيا الحكومة
الرجوع الى أعلى الصفحة اذهب الى الأسفل
استاذ/محمود
المستشار الفني للمنتدى
المستشار الفني للمنتدى


عدد المساهمات : 1298
تاريخ التسجيل : 09/06/2010

مُساهمةموضوع: رد: شوفووو الشعر ده ..بس في سركم   الأحد 1 أغسطس 2010 - 23:39

بارك الله فيكِ يانونا

كلام جميل

استمرى وعبرى عن اللى فينا

انا بقترح ان يتفتح قسم خاص لمواهب الشعر دى

فعلا حاجات روعه
الرجوع الى أعلى الصفحة اذهب الى الأسفل
http://baltagy.blogspot.com/
نونا
عضو فعال
عضو فعال


عدد المساهمات : 39
تاريخ التسجيل : 25/05/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 1:12

شكرا زملائي علي مروركم وكمان اراءكم .

""احنا عايشين فى نعيم بنقبض الف دولار من مرتب العقد ، وكل واحد فينا معاه شقتين ، وبنشرب ميا معدنية، ومفيش ازمة بطالة وكل الى بيتخرج بيشتغل وبيختار الشغل الى عاجبه ، عاشت الحكومة ربنا يبارلكنا فيها فعلا مش عارف من غير الحكومة دى كنا هانعمل ايه
وبطلو حقد ياجماعة احنا فى عصر الحكومة الذكية .وتحيا الحكومة""ههههههههه
طبعا كلامك مظبوت > داهماادونا العقد وباصين فيه شكلهم ندمو عليه علشان كده كل يوم والتاني يطلبو طلب جديد واول منخلص حاجه يطلبو منينا حاجه تاني .هما شكلهم عايزينا نستسلم ونسيبلهم العقد بتاعهم علشان يقولو الناس مش عايزه تشتغل..يله حنعمل ايه لينا رب اسمه الكريم... .بس قول الصراحه وخليك جرئ .وبلاش نفاق .ok

وشكرا استاذ محمود علي صراحتك .وعل فكرة الشعر ده مش تبعي ,دا كان عندي وانا رفعتهلكم .واوعدكم لو لقيت حاجه زي كده تاني حنزلهالكم علي طوووول.
الرجوع الى أعلى الصفحة اذهب الى الأسفل
مازن الشريــف
مشرف سابق
مشرف سابق


عدد المساهمات : 213
تاريخ التسجيل : 08/06/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 1:26

السلام عليكم ورحمة الله وبركاته
اولا يانونا انا جرىء جدا لابعد الحدود وليس منافقنا ، وعجبت لعدم فهمك لكلامى فانا انتقد الحكومة ولكن باسلوب ساخر المفروض تفهمى كلامى لانك مثقفة اكيد وصلك كلامى.
وبدون الاسلوب الساخر اقول، حكومة نظيف نظفت الشعب وبهدلته فارخص شىء فى هذا البلد هو الانسان وليس له قيمة اقصد الانسان الغلبان
وبصى بئا للنفاق اقروا


ما تلاقى رئيس فى الحكم لمدة ربع قرن .. يبقى أنت أكيد .. أكيد فى مصر

لما تلاقى البلد بتتخصخص بثمن بخس .. يبقى أنت أكيد .. أكيد فى مصر

لما تلاقى خراب و فساد فى البلد مالهوش حصر .. يبقى أنت أكيد .. أكيد فى مصر

لما تلاقى نائب الشعب بيهرب بفلوس البنك .. يبقى أنت أكيد .. أكيد فى مصر

لما تلاقى أحزاب ورقية مالهاش أصل .. يبقى أنت أكيد .. أكيد فى مصر

لما تلاقى عبارة بتغرق بألف شخص .. يبقى أنت أكيد .. أكيد فى مصر

لما تلاقى جريدة قومية بتسبح بحمد القصر .. يبقى أنت أكيد .. أكيد فى مصر

لما تلاقى مظاهرة لكفاية بيفضوها بالقوة والقسر .. يبقى أنت أكيد .. أكيد فى مصر

لما تلاقى أمن الدولة فوق راسك الفجر وتحس بظلم وعجز وقهر .. يبقى أنت أكيد .. أكيد فى مصر

لما تلاقى التعذيب إنتشر فى كل قسم وتحس بنفسك جواها كسر .. يبقى أنت أكيد .. أكيد فى مصر

قلتيلى بجراة وعدم نفاق لغاية ماودتينى فى داهية يانونا ، متنسيش العيش والحلاوة ، استودعكم الله مشوار لغاية المعتقل وجاى
الرجوع الى أعلى الصفحة اذهب الى الأسفل
نونا
عضو فعال
عضو فعال


عدد المساهمات : 39
تاريخ التسجيل : 25/05/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 1:41

بعد الشر عليك ,وعموما متخافش احنا مش حنسيبك كمان حنجبلك العيش والحلاوه والسجاير كمان لوكنت بتشربها هههههههه.وانا خلي الراي العام كله تبعنا "علشان انا صحافه واعلام"
وبعدين اناعارفه انك جري وشجاع طبعا.بس انا قصدي انك تقول الكلام بصراح .وبدون مجامله .وعموما احنا خلاص روحنا في داهيه والي كان كان.والكلام الي كاتبه حلو خالص , ايوه كده امال ايه....
الرجوع الى أعلى الصفحة اذهب الى الأسفل
منيرة محمد
مشرف سابق
مشرف سابق


عدد المساهمات : 120
تاريخ التسجيل : 01/06/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 15:24

وانا يانونا هاديك فازورة شعرية بس يارب تعرفى تحليها من عندى
على اسم بلدى تقدر تقول ماتشاء
دى بلدى فيها اغرب واعجب الاشياء
فيها الحرامى حاكم يقول ماشاء
وطبال بيحكم فى الحديد وطويل نظيف عليها بلاء
نضف جيوب شعبها خلى بيوتها خلاء
وفيها بدر البدور حول نهارها مساء
وفيها الغالى من غير تمن فى الاسواق
ارخص مافيها ولادها والفقر فبها للاغبياء
ولا اقولك المهم انك بتاكل وتشرب وعايش حياتك
ولو فكرت ف يوم, هتلاقى ايدين بتسلم على قفاك
ما اهو لازم عشان امك تعيش
النهب ماشي والكلاب تعوى كما تشاء
ومازلت اقول على اسم بلدى تقدر تقول ماتشاء
ماهى نصيبى وقدرى مهما شوفت فيها من اشياء



اكيد طبعا عرفتى بلدى ... شباية الميمونة مش ع الخريطة هههههههههههههه
الرجوع الى أعلى الصفحة اذهب الى الأسفل
منيرة محمد
مشرف سابق
مشرف سابق


عدد المساهمات : 120
تاريخ التسجيل : 01/06/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 15:28

وخدى دول برضه من عندى يالا كده كده ضايعييييييييييييييييين
مصر هى امى ولا مرات ابويا
لاجل تعيش هى مات فيها اخويا
قولت اعلى وابنى فو ق ارضهاحيطان
وافتح للمجد فيها وللانسانية ببان
واعلم ولدى كيف يكون حُبها وكيف يكون عطشان
...لمية نهرها وبشمسها ولهان
لكنى يابلدى بين ايدين سجان
وولدى لمية نيلك فضل عمره حرمان
وانت يابلدى لا سائلة فيه ولا فيا
ياترى فعلا تبقى امى
ولا انت اصلا مرات ابويا ...
الرجوع الى أعلى الصفحة اذهب الى الأسفل
مازن الشريــف
مشرف سابق
مشرف سابق


عدد المساهمات : 213
تاريخ التسجيل : 08/06/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 16:40

السلام عليكم ورحمة الله وبركاته
الاستاذة منيرة حجزنالك زنزانة رقم 3 ، متقلقييش هى زنزانة مكيفة وبتدخلها الشمس كل قرن.
نونا هاتحبس كل الى فى المنتدى ، خلو بالكو منها ههههههههه
الرجوع الى أعلى الصفحة اذهب الى الأسفل
أريج
عضو ملكي
عضو ملكي


عدد المساهمات : 5089
تاريخ التسجيل : 02/08/2010
العمر : 23

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 17:42

بارك الله فيكى
على موضوعك الجميل
انا اشك انك شاعرة
هههههههههههه
انا بهز ر معاكى
الرجوع الى أعلى الصفحة اذهب الى الأسفل
منيرة محمد
مشرف سابق
مشرف سابق


عدد المساهمات : 120
تاريخ التسجيل : 01/06/2010

مُساهمةموضوع: رد: شوفووو الشعر ده ..بس في سركم   الإثنين 2 أغسطس 2010 - 22:13

يارب ننجح كلنا كتب:
السلام عليكم ورحمة الله وبركاته
الاستاذة منيرة حجزنالك زنزانة رقم 3 ، متقلقييش هى زنزانة مكيفة وبتدخلها الشمس كل قرن.
نونا هاتحبس كل الى فى المنتدى ، خلو بالكو منها ههههههههه
لا ماتقلقش محجوزلى من بدرى وممكن استضيفكم كمان بس حضرتك اللى مش واخد بالك
الرجوع الى أعلى الصفحة اذهب الى الأسفل
نونا
عضو فعال
عضو فعال


عدد المساهمات : 39
تاريخ التسجيل : 25/05/2010

مُساهمةموضوع: رد: شوفووو الشعر ده ..بس في سركم   الثلاثاء 3 أغسطس 2010 - 21:28

شكرا ياجماعة علي تعليقاتكم الجميله دي .وشكرا لمنيرة علي كلامك الحلو ده .ونتقابل بقي في الي الزنزانه ,بس حديبلغني المعاد بدري علشان احضر نفسي ههههههه
الرجوع الى أعلى الصفحة اذهب الى الأسفل
eldery
عضو جديد
عضو جديد


عدد المساهمات : 7
تاريخ التسجيل : 20/05/2010

مُساهمةموضوع: رد: شوفووو الشعر ده ..بس في سركم   الأربعاء 4 أغسطس 2010 - 20:04

اسمعونى
كلكم بتحملوا الحكومة الذنب .. ساعات نحول الحكومة لشماعة نعلق عليها اخطاءنا وانتم كشعب .. هل الشعب المصرى محترم .. شعب يأكل مال اليتيم .. يتعامل فى السوق السوداء .. يشترى الدقيق المدعوم .. لا ينظر الا لنفسه.. وعشان تعرف المصريين هات 10 مواطنين ووقفهم امام اتوبيس .. رضه هيتعركوا ويتضاربوا رغم كثرة المقاعد .. انت مش عارف بتكلم مين عبارة مش موجودة غير فى الشعب المصرى .. وعسكرى المرور يطنش الجب والمرسيدس ويمسك الغلبان اللى مركب الزباين مش برضه مصرى
اسكتوا عشن انتوا شعب متخلف بدرجة غريبة وبعدين تعالوا :.. ارجو ايضا الا تنسوا ان تحملوا الحكومة مسئولية طلاق الفتيات واهمال المواطن المصرى فى الشارع وفى المصالح الحكوميةوتبول المتخلفين وهم وقوف على جانبى الشوارع وجشع التجار والتهرب الضريبى .. لا ننسى ايضا ان نذكر ان مبارك هو من دعا بالابتعاد عن تعاليم الشرع بالمغالاة فى المهور والبحث عن الوجاهة الاجتماعية فالمجتمع برىء ولا يطعن نفسه بنفسه بخنجر مسموم من صنع يداه وليس المجتمع ايضابعاداته وسخافاته هو الذى يحول الشباب الى ذئاب مفترسة ثم يبكى على عتبة الحكومة كى تحميه .. كأن مبارك هو المسئول عنا فى كل شىء وفى كل مكان حتى فى غرفة النوم .. تنسين انت ان هناك مصالح شخصية وبحث عن المجد الذاتى وتدينين فى بداية كلماتك وان لم تذكرى وزارة الداخلية .. صدقينى رغم ما بها من مساوىء وتجاوزات فنحن فى حاجة اليها فعلا .. الطابور ايا كان بلا ضابط شرطة لا يعنى شيئا سوى موت الضعفاء ... اننا متخلفين بمعنى الكلمةولا نبحث عن شىء سوى المال .. ولا ننسى ان من كان له قريبا فى مجلس محلى قد يحصل على الماء والكهرباء مجانا .. هل لمبارك يد فى هذا ايضا .. ثم ... من اجبرك على ان تنال الصفعة من الكف ايا كان صاحبها .. ضابطا او مخبرا او حتى صاحب مخبز..وتنكس راسك وتنصرف ؟؟؟!!! وسلام عاطف عطيت الله محمد قنا ابومناع بحرى
الرجوع الى أعلى الصفحة اذهب الى الأسفل
محمد صلاح
مشرف سابق
مشرف سابق


عدد المساهمات : 559
تاريخ التسجيل : 30/05/2010
العمر : 28

مُساهمةموضوع: رد: شوفووو الشعر ده ..بس في سركم   الأربعاء 4 أغسطس 2010 - 20:53

ولا الهوا لو واحد اتمسك واترمى فى السجن ولا الهوا زى حاجة مفيش ولا حد يسأل عليك ولو حد سأل عليك محدش يعرف طريقك ولو حد عرف طريقة محدش يقدر يجيبك ولا الهوا احنا خلاص ماتت ارادتنا قصدى احنا خلاص متنا ورحمنا الله باذنه
الرجوع الى أعلى الصفحة اذهب الى الأسفل
TAHA344
عضو نشيط
عضو نشيط


عدد المساهمات : 128
تاريخ التسجيل : 30/06/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 0:53

استاذ eldery ( عاطف عطيت الله محمد قنا ابومناع بحرى ) للعلم اولا انا من ابومناع بحري مثلك
لكن للاسف شتاااااااااان ان يكون هذا تفكير شاااااب في مقتبل العمر
انا على استعداد لان ارد على كل موضوعك بالكامل ولكن سيكون رد شديد
وسيطول بنا المقام بالرد
من ضمن كلامك ان الازمة كلها محسوبية ومال ورشوة وتخلف
كلها سلسلة واحدة وفي نهاية السلسلة ستجد رجل واحد يمسك بهذه السلسلة
انه المغضوب عليهم والضالين هو المتحكم بكل ذلك
هو المسئول عن انتشار الثروة حتى يتم تفكيك المجتمع وهضم حقه
هو المسئول عن انتشار التخلف لانه من اعداء الوعي حتى تصبح البلد له ولاسرته
هو المسئول عن المحسوبية واخرها طبعا انتخاب ابنه رئيسك القادم
يا سيدي الفاضل اتمني ان تظر للامر نظرية جوهرية اكثر من ذلك
لا تنظر نظرة خاطفة للسلوك ولكن انظر لاسباب السلوك
اما التخلف فانا اؤيدك في يذلك
عندما ياخذ الرئيس اعلى نسبة تصويت من الصعيد ونحن اكثر كارهين له
فنحن حقا متخلفين
عندما يكون اكثر محافظة تصوت للمادة 67 هي قنا فتصبح فعلا هي اكثر تخلفا
عندما يصبح لدينا بعض الافراد المؤيدين لمبارك فنعم نحن متخلفين
عندما يمثلونا نواب مجلس شعب متخلفين ويصبحون اضحكوة في المجلس
نصبح نحن المنتخبين متخلفين ايضا كما قال سرور ( بئس الناخب والمنتخب )

اما الداخلية فحدث ولا حرج .... لكن للاسف سيطول الموضوع اكثر من ذلك

اسف على الهجوم الشرس على كل من يؤيد معذبة
الرجوع الى أعلى الصفحة اذهب الى الأسفل
إلهام
مشرف سابق
مشرف سابق


عدد المساهمات : 447
تاريخ التسجيل : 30/05/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 2:27

اناااااا انا بريئه يابيه

انا دخلت الصفحه دى غلط

انا هاعترف بكل حاجه يا سعادة الباشا

ههههههههههههههههههههههه

والله العظيم انتم هتودونا فى داهيه

مع كل الضغط الى الناس شايفاه لازم نتكلم ماينفعش نسكت

اكتر من كده وماعادتش تفرق كده كده الضرب فى الميت مش حرام

فى بلدى000000000 وعجبى
الرجوع الى أعلى الصفحة اذهب الى الأسفل
مازن الشريــف
مشرف سابق
مشرف سابق


عدد المساهمات : 213
تاريخ التسجيل : 08/06/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 3:34

السلام عليكم ورحمة الله وبركاته


نورتى الزنزانة ياالهام ، نتمنى لكى اقامة سعيدة.
الرجوع الى أعلى الصفحة اذهب الى الأسفل
إلهام
مشرف سابق
مشرف سابق


عدد المساهمات : 447
تاريخ التسجيل : 30/05/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 3:42

ده نورك والله ياباشا

يلا بقى شوفوا لنا حد يبعت لنا باتييه بالجبنه

عشان العيش والحلاوه بطل

مع انى اعترفت بكل حاجه
الرجوع الى أعلى الصفحة اذهب الى الأسفل
مازن الشريــف
مشرف سابق
مشرف سابق


عدد المساهمات : 213
تاريخ التسجيل : 08/06/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 3:50

السلام عليكم ورحمة الله وبركاته

ههههههههههههههه باتييه بالجبنة


مفيش غير فول وطع 100 عند الحكومة
وعايزين الاستاذ خالد يشرف الصفحة ، قصدى الزنزانة
الرجوع الى أعلى الصفحة اذهب الى الأسفل
إلهام
مشرف سابق
مشرف سابق


عدد المساهمات : 447
تاريخ التسجيل : 30/05/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 3:58

حرام عليك كفايه الى هو فيه

ده الى حصله الاسبوع ده ما حصلش لحد

ربنا يشافيك ويعافيك يارب

وسلا مى لاخواتى بشرى وزينب
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 6:10

عاوز مني إيه ياعم مازن أنا بحب الحكومة وبحب الريس ومرات الريس

وسي علاء وسي جمال وكمان من أجل عيونهم مستعد أعصر على نفسي

ليمونة وأحب لهم أحمد عز كمان عيب عليكم ياجماعة اللحمة المدودة متوفرة

في كل مكان ببلاش وزيت التموين النقي المستورد من بلاد نمنم ولاسكرالتموين

ياروحي عليه وعلى بياضه وياسلام على التراب والصراصير إلي فيه

تخليك كده تغمس الشاي منه فيه وياسلام على سي بطرس غالي بتاع النقدية

كتر ألف خيره لقى فلوس المعاشات مرمية في البنوك ماقدرش يسكت وراح

خسرها في البورصة فليحيا العواجيز بتوع المعاشات هيلاقوا لقمتهم عند

المساجد الخير كتيرو ربنا يخليك ياسي نظيف الشعب ده طول عُمره

مابيستحماش كتر ألف خيرك حميتهم ونضفتهم وكمان ماهنش عليك تسيب

جيوبهم وسخة من طيبة قلبك نضفت الجيوب كمان وماتنساش ياحبيبي والنبي

تمسيلي على بتوع البرلمان وتبوسهم واحد واحد شعب وشورى مساكين

إيدهم إنهرت وتعبت من التصفيق والموافقات بتاعة حبيبنا الشريف المسرور

كنت هنسى وزعل مني بتوع المحليات الناس العفيفة الشريفة النزيهة لما تروح

تعمل طلب عداد كهربا أومايه الموظف يقوم واقف ويقعدك مكانه ويعملك

واجب الضيافة ولومعكش رسوم العداد موظف المجلس يفتح الدرج ويطلع

الفلوس من جيبك لا لا أقصد من الدرج ويدفعلك الرسوم والعداد يركب في

نفس اليوم وماتدفعش أي فواتير مدى الحياه ياسلام على محافظ قنا مجدي أيوب

ياسلام بيلف على البيوت ويفتح التلاجة ولومكانيتش مليانة لحمة وبيض ولبن

يبعت الواد السواق على أكشاك المحافظة إلي مفيهاش ولاطابور ويعبيلك العربية

لعنات قصدي خيرات ياسلام تحيا مصر وتحيا الحكومة وتحيا جامعة جنوب

الوادي وتحيا الدبلومة إلي السنة الجاية هتبقى ب2500 جنيه بس
 



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://dryasser73islam.ahlamountada.com
حنين الى الاسلام
مشرف
مشرف


عدد المساهمات : 2734
تاريخ التسجيل : 09/05/2010

مُساهمةموضوع: رد: شوفووو الشعر ده ..بس في سركم   الخميس 5 أغسطس 2010 - 10:19

السلام عليكم ورحمة الله وبركاته
بمناسبة كلامكم الجميل حبيت ارد عليكم بقصيدة بالعامية هى مش ليا بس عجبتنى فحبيت اقولهالكم
نصائح مصرى تعبان لابنه
حبيبى لو ناوى تعمل مشاكل
لو ناوى تعارض تقاوم تناضل
صدقنى الحكومة مش هيسبوك
وفى اقرب معتقل هينفخوك
هتكون منافق تبوس الايادى
هتعيش كريم وتسكن فى المعادى
هتفضل تكاكى بلادى بلادى
هتعيش حقير فى العتبة تنادى
ونصيحة يابنى بصفة ابوية
بلاش تدور على الديمقراطية
طول ماانت عايش فى الجمهورية
يابنى اصل دول ناس مفترية
خليك انت بس فى الكلية
خليك فى حالك متشغلش بالك
الدنيا ولعت ياعم انت مالك؟
واوعى تيجى جنب الريس
ادينى قلتلك بلااااااااااش الريس

فى ايه ياجماعة بقى ،، حد مش عاجبه بابا حسنى .. ولا ماما سوزان ولا حاجة
ولايمكن مش عجبكم اخوكم الطيوب الحبوب جمولة .. ولا عمو نظيف بقى ربنا يخليه للشعب .. بيعملكم كل اللى فى نفسكم اهو من غير ماتقولوا ، الراجل كتر خيره بيحس بيكم ... ياسلام عليهم والله الواحد مش عارف يودى جمايلهم فين .. من كتر جمايلهم اللى مشيلينها للواحد مش عارف يمشى منها ..الله يعينا بقى على رد جمايلهم الكتيييييييييييييييرة
الرجوع الى أعلى الصفحة اذهب الى الأسفل
نونا
عضو فعال
عضو فعال


عدد المساهمات : 39
تاريخ التسجيل : 25/05/2010

مُساهمةموضوع: رد: شوفووو الشعر ده ..بس في سركم   الجمعة 6 أغسطس 2010 - 1:29

السلام عليكم ورحمة الله وبركاتة.
شكرا لحنين علي الكلام الجميل الي انتي منزلاه .وعايزين من ده كتير .اما الاستاذ خالد فليه بس الزعل ده كله .ده حتي حضرتك معاك عيال عايز تربيهم يعني لو مش خايف علي نفسك خاف عليهم وعلي المدام .ولا ايه هههههه
الرجوع الى أعلى الصفحة اذهب الى الأسفل
خالد السيد
نائب المديرالعام
نائب المديرالعام


عدد المساهمات : 5709
تاريخ التسجيل : 19/05/2010

مُساهمةموضوع: رد: شوفووو الشعر ده ..بس في سركم   الجمعة 6 أغسطس 2010 - 1:42

يانونا أنا ماقولتش أي حاجة إنتي إلي كتبتي كُل الصفحة لوحدك

والناس كلها شاهدة عليكي أنا بحب الحكومة فلتحيا الحكومة الذكية

حُرة مستقلة
الرجوع الى أعلى الصفحة اذهب الى الأسفل
http://dryasser73islam.ahlamountada.com
نونا
عضو فعال
عضو فعال


عدد المساهمات : 39
تاريخ التسجيل : 25/05/2010

مُساهمةموضوع: رد: شوفووو الشعر ده ..بس في سركم   الجمعة 6 أغسطس 2010 - 1:52

ايه ده كله ياستاذ خالد بقي بتبيع زميلك في اول محطه ماشي ياعمبس ماكنتش اعرف انك كده .ولايهمكم يعم انا فدا الشعب الغلبان .
الرجوع الى أعلى الصفحة اذهب الى الأسفل
عبدالفتاح جمعه
مشرف سابق
مشرف سابق


عدد المساهمات : 607
تاريخ التسجيل : 10/06/2010
العمر : 32

مُساهمةموضوع: رد: شوفووو الشعر ده ..بس في سركم   الجمعة 6 أغسطس 2010 - 2:30



[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://www.shtary2010.hostwq.net/vb/
 
شوفووو الشعر ده ..بس في سركم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدكتور ياسر عبدالله :: الترويح عن النفس :: الترويح عن النفس :: جنة المواهب والابداعات-
انتقل الى: