نتيجة الدبلومة وآخر الأخبار

استاذ خالد بعد التحية
اتمني اذا اتيحت لك الفرصة وخلي بالك من كلمة إذا إذا إذا

انك تحاول تجيب النتيجة بتاعتي نتيجة لاني مسافر خارج مصر

طه حسين رمضان صديق
قسم حاسب الي رقم الجلوس 170 وخلى بالك في واحد معاي اسمة طه حسين علشان كدة كتبتلك الاسم رباعي

طبعا دة في حالة اتاحة الفرصة فقط او انك روحت بالصدفة غير كدة فلا يكلف الله نفسا الا وسعها

وفي كل الاحوال بارك لك فيك على مجهوداتك الطيبة

يا ريت حد يقوللنا اى اخبار عن نتيجة شعبة تجارة خاصة ونحن من اسوان
على انور محمد
عبدة محمود احمد

السلام عليكم ورحمة الله وبركاته . جميعًا

كل ما قيل في حق الأستاذ خالد آراه أقل كثيرًا من حقه وذلك لأكثر من سبب :-

- الأستاذ خالد يعرف نتيجتة من أول شهر رمضان ومع ذلك لم يفصح عنها

تقديرًا لمشاعر مشاعر الآخرين فهذا قمة الإحساس والشعور بالآخرين .

- لو أن لنا أخًا من أب وأم والله لن يفعل هذا في الذهاب في أشد درجات

الحرارة وربما أن البعض في نوم سبات تحت أجهزة المكيفات .

- يؤجل سفره من أجل الاطمئنان بنفسه على البقية الباقية .

أتوجه بالشكر والتقدير لكل من أبو عمر الأقصري ، الأستاذ محمود عبد الحليم

، الأستاذه ساره فهؤلاء لم تظهر نتيجتهم حتى الآن ولكنهم باركوا وأدلوا بما

هو مستحق للتحية .

قريبا بإذن الله أسمع خبر نجاحكم لكل من خادمة القرآن ، كنزي ( هون عليك

يا أخي ) ، الأستاذه نفيسة أبوضيف ، الأستاذه هبة الله ، الأستاذه فرحة ،

ماجي اليمني وكل الأعضاء الكرام وكل طلاب الدبلومة .. اللهم آمين .

أم محمد بالتوفيق بإذن الله في امتحان الدور الثاني لمادة علم النفس التعليمي

والفروق الفردية ، gaaamaaal موفق إن شاء الرحمن

كان لابد من إعطاء كل ذي حق حقة - يارب أكون وُفقت في ذلك - قبل

التهنئة لكل الأعضاء الكرام الأستاذ خالد السيد ، الأستاذ أحمد سيد أحمد طه ،

الأستاذ محمد اسماعيل ، الأستاذ صبري سلامة ،الأستاذ طارق أبو شاكر ،

الأستاذه إلهام ، الأستاذه نجلاء صبحي ، الأستاذه غاده ربيع ..

يارب يا ذا الجلال والإكرام اللهم يا من لك الحمد كما ينبغي لجلال وجهك وعظيم

سلطانك وفق طلبة الدبلومة إلي تحقيق النجاح أنت أعلم بحالنا يارب من لنا غيرك

ندعوه ، أمرتنا فدعونا فاللهم استجب لنا

وصلِــي اللهم على سيدنا محمد وآله وصحبه وسلم .

أي استفسار موجه للأستاذ خالد فضلا وليس أمرا الانتظار بعد العوده من صلاة

الفجر وهذا تصريح منه شخصيا ... تقبلو وافر التحية والتقدير

الحمدلله رب العالمين
الله أكبر ولله الحمد لاخوانا الناجحين
يارب العالمين عقبال باقى الاخوة

بجد يا عبد الفتاح هبقى فرحان جدا لو تيجى تفطر معاى يوم فى رمضان بمناسبة نجاحك مش ينفع أشوفك فى المواصلات وخلاص يا حج عيب إحنا صعايدة وهات الحج محمد معاك ويبقى الحج خالد نور الأقصر لو يجى يزورنا ويفطر معانا ، وياريت والله والله كل المنتدى يشرفونا ويبقى إفطار جماعى بالمرة

يلا عشان أروح أصلى الفجر عشان إنت بتعرف يا عبد الفتاح الإمام عندنا ممكن اللى بيقيم الصلاة تفوته ركعة [ندعوك للتسجيل في المنتدى أو التعريف بنفسك لمعاينة هذه الصورة]
يلا السلام عليكم

السلام عليكم ورحمة الله وبركاته
جزاك الله كل خير برجاء معرفة نتيجتى رندا حسن ابو القاسم حسن قسم علم اجتماع وصديقتى لمياء عبد الرسول عبد الرحيم احمد قسم علم اجتماع ولكم منى جزيل الشكر

السلام عليكم و رحمة الله و بركاته
الف مليون مبروك للاخوة و الاخوات الناجحين والناجحات . و اخص بالشكر والتقدير الدكتور ياسر عبد الله على فكرة هذا المنتدى الطيب .. واقدم الشكر ايضا لاخى فى الله مستر خالد على ما قدمه ويقدمه من مجهود جبار للاخوة الاعضاء ..ومهما شكرته على ما قدمه لنا فى ايام الامتحانات على صفحات هذا المنتدى فلن أوفيه حقه .. انا اعتقد انى لو نجحت فى الامتحانات ان شاء الله .. فسيكون ذلك بفضل الله اولا ثم بفضل ما قدمه لنا الاخوة فى هذا المنتدى وعلى رأسهم الاستاذ خالد من خدمة تعليمية راقية ومتميزة أفادت الجميع.. يا مستر خالد ان شاء الله كل خطوة بتمشيها فى الخير ان شاء الله ربنا يكتب لك بها جبال من الحسنات و اللى زيك فى الزمن ده قليل .. احيانا الاخ الشقيق لا يقوم تجاه اشقاءه بما تقوم به انت تجاهنا..يا مستر خالد انا لن انسى لك ما حييت هذا الموقف الراقى الشهم النبيل الذى صدر منك عقب انتهاء امتحان علم النفس التعليمى .. بعدما انهرنا جميعا .. واصابنا اليأس حتى من استكمال الامتحانات المتبقية .. انت بصراحة قدمت موقف انسانى نبيل و هو طمأنتك لنا بأن الدكتور ياسر اعطى الجميع الدرجة النهائية وان الجميع ناجح وبنسبة وتقديرات مرتفعة وان الدكتور محسوب اعطى اقل حاجة 10 من 15 فى الشفوى .. لا تتخيل وقع كلامك و تأثيره على انفسنا فى تلك الفترة العصيبة وكان ذلك طاقة امل ودفعة قوية لنا على مواصلة الامتحانات ونفسياتنا مرتاحة.. ولولا هذا الكلام المطمئن الذى اثلج صدورنا ربما عجز البعض عن استكمال بقية الامتحانات عقب صدمة علم النفس التعليمى .. لن انسى لك هذا الموقف الانسانى الرائع يا مستر.. اللى كان طاقة امل لعشرة الاف طالب فى الدبلومة.. ان شاء الله ربنا يعطيك قد عددهم مليار مرة حسنات.. والحمد لله معظم الاخوة اللى عرفوا نتيجتهم لغاية الان لم يرسب منهم احد فى مادة علم النفس والفروق الفردية وهذا فضل من الله..وهذا جعلنى الى حد ما مطمئنة بعد ان كنت فاقدة الامل فى النجاح فى هذه المادة .. بس انا دلوقتى الحاجة الوحيد اللى مخوفانى هى امتحان طرق تدريس انجليزى لأن امتحانها كان صعب ومعظم الاسئلة غير مباشرة .. واملنا فى ربنا كبير هو اللى عالم بحالنا ..ولن يصيبنا الا ماكتب الله لنا .. و الحمد لله رب العالمين

أبو عمر الأقصرى كتب:: بجد يا عبد الفتاح هبقى فرحان جدا لو تيجى تفطر معاى يوم فى رمضان بمناسبة نجاحك مش ينفع أشوفك فى المواصلات وخلاص يا حج عيب إحنا صعايدة وهات الحج محمد معاك ويبقى الحج خالد نور الأقصر لو يجى يزورنا ويفطر معانا ، وياريت والله والله كل المنتدى يشرفونا ويبقى إفطار جماعى بالمرة

أن شاء الرحمن وقريب جدًا بس اختار فطار ولا عشا هتقول هي ..هي
هقولك لع فطار يعني آخري البلحة والعصير ... بس بصراحة أنا أحب أدخل على تقيل
وياريت تشوف 30 ، 40 طباخ علشان نقدر نكفي أعضاء المنتدى اللي وصلو 5000
الله أكبر ... ده على بال الواحد فيهم يقول عطشان يكون التاني مات هههههههههههههه
ربنا يقدرك على فعل الخير يا أبو عمر وبإذن الله قريب خاااالص

يلا عشان أروح أصلى الفجر عشان إنت بتعرف يا عبد الفتاح الإمام عندنا ممكن اللى بيقيم الصلاة تفوته ركعة

الحمد لله انا لحقتو ههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]
يلا السلام عليكم

السلام عليكم ورحمة الله وبركاته
لو حضرتك فاكرنتيجة الاسم الى تحت منى عبد الرحيم قسم اجتماع ورقم جلوس 1441 ولو مش فاكر جزاك الله كل خير

الف مبروك لجميع الاعضاء فى المنتدى
ويارب نلتقى كلنا فى الدبلومة الخاصه
لان الواحد بجد نفسه اتفتحت للدراسات العليا وشكر خاص ليكى ياستاذ / خالد وبارك الله فيك يااخى

رسالة خاصه للاستاذ خالد ياريت تقول لينا شروط التقدم للدبلومة الخاصه علشان الواحد يعمل حسابه ليها ويتقدم ليها فى اوائل الشهر المقبل ولك جزيل الشكر ياستاذنا الغالى

السلام عليكم ورحمة الله وبركاته

* ليه ياعبدالفتاح بتقول الكلام ده لاحول ولاقوة إلا بالله ده عمل أولاً لوجه الله

ثم لأخوة وأخوات وكل واحد منهم عنده ظروف لايعلمها إلا رب العباد

* الأخ TAHA344 أنا كتبت بياناتك وربنا يسهل إن شاء الله بشرط عاوزعقد

ليه وعقد لعبدالفتاح وعقدلأبوعمرالأقصري الراجل عازم كل المنتدى على الإفطار

*ياعبدالفتاح سارة عرفت نتيجتها وجايبة جيد وجداً كمان إنت نايم في العسل

*الأخ على أنور من أسوان تحت امرك وسلامي لكل أهل أسوان

*الأخت راندا والأخت لمياء قسم إجتماع ربنا يسهل إن شاء الله

* الأخت الفاضلة منى عبدالرازق حفني -- كلامك والله على رأسي من فوق

وكلامك يدل على أصلك الطيب وربنا يطمني عليكي إن شاء الله وربنا يسترك

* الأخت منى عبدالرسول أنا فعلاً متذكر إسمك وأنا بأقرأ الكشف وأعتقد إنك

نجحتي ولو تيسرت لي هذه الفرصة مرة أخرى سوف أتأكد إن شاء الله

* الأخ عبدالرحمن إنتظرني غداً في قسم التعريف بالمنتدى سوف أتحدث

في طلبك وهو التقديم إن شاء الله مستمر حتى 30سبتمبر والرسوم 720جنيه

ويشترط الحصول على جيد في الدبلومة العامة وإنتظر المزيد عصر اليوم

الجمعة لأنني تعبت خالص وعاوز أنام شويه

شكرا ليكم اخوانى اعضاء المنتدى على المشاعر الجميلة دى ودا المتوقع من اسرة المنتدى وعقبال الباقى ان شاء الله مبروك ليك يااستاذ عبد الفتاح والهام وغادة وحبيبتى حنان خليفة واستاذ احمد سيد وطبعا مش عايزة انسى حد

استاذى الفاضل خالد السيد مفيش اى كلام ممكن يوصف شكرى وامتنانى لحضرتك تعبت نفسك وجبتهالنا بس دا مش جديد على مصرى اصيل ربنا يكرمك فى اولادك كمان انا بشكر الدكتور ياسر اللى هو سبب فى تجميعنا وان خلانا اسرة واحدة ربنا يباركله ويكرمه بحق هذا الشهر الكريم

لكل الناجحين أقول لهم

[ندعوك للتسجيل في المنتدى أو التعريف بنفسك لمعاينة هذه الصورة]

خالد السيد كتب:: السلام عليكم ورحمة الله وبركاته

* الأخ TAHA344 أنا كتبت بياناتك وربنا يسهل إن شاء الله بشرط عاوزعقد

ليه وعقد لعبدالفتاح وعقدلأبوعمرالأقصري الراجل عازم كل المنتدى على الإفطار

الف شكر ليك يا استاذ خالد
اما بالنسبة للعقود فانا تحت امركم ان شاء الله كلكم الا طبعا ابوعمر الاقصري
الراجل عازم كل المنتدي عندة ومش عامل حساب الناس اللى مسافرة بري

يعني المفروض يتصرف ..... ازاى معرفش

يلا يا عم عمر منتظرين عزومة للمسافرين وكمان خدمة التوصيل يعني على كل بلد هترسل مندوب
وربنا يعينك بقى

الي الاستاذ خالد الاخ الكبير لنا جميعا
السلام عليكم ورحمه الله وبركاته
كيف حالك اتمني ان تكون في احسن حال انت والاسرة واشكر تعبك وخدمتك للمنتدي
لكن ليا رجاء بما ان حضرتك اطلعت علي النتيجه الخاصه بقسم علم اجتماع ياريت تقولنا ايه نسبة النجاح اللي انت شوفتها كبيرة ولا فيه ناس كتير هاتدخل دور عشرة ياريت تطمني لاني بجد قلقت من التأخير اللي حاصل في النتيجه دا
وربنا يجعلك المبشر بالخير دائما

يا حج طه أنا عيونى ليك ، ده كفاية إنك مصرى ، شكلك هتقولى للأسف أيوة مصرى هههههههههه

بس قولى أزاى أبعتلك المنسف والكبسة والعيش المصرى اللى أكيد مش موجود عندك لانو للمصريين وبس [ندعوك للتسجيل في المنتدى أو التعريف بنفسك لمعاينة هذه الصورة]

حج عبد الفتاح هبقى أتصل عليك ، وإياك مش تيجى ،أحسن يبقى فيها حق عرب وغرامة ، وأنت حر [ندعوك للتسجيل في المنتدى أو التعريف بنفسك لمعاينة هذه الصورة]

الأخت خامة القرآن نتيجة قسم اللغة الفرنسية جيدة ومبشرة إنشاء الله ولا داعى للقلق وألف مبروك مقدما وألف مبروك لكل الناجحين ....

الي استاذي واخويا الاستاذ/ خالد ربنا يكرمك ويجعل فرحتنا ديما بايدك
حضرتك نشرت الفرحة بيننا ووضعت الامل بداخلنا والله انا فرحت بجد
بنتيجة صحابي واخواتي في المنتدي وعقبالي انا وجميع الاعضاء اللي لسه ما
ظهرت نتيجتهم وربنا يباركلك في الحسن والحسين ويجعله في ميزان حسناتك
ااااااااامين والف مليون مبروك لكل الاعضاء عقبالي يااااااااااااااارب

الف مبروك للجميع وعايزين اى خبر عن اللغة العربية ياجماعة؟ Question

السلام عليكم ورحمة الله وبركاته

* الأخوة والأخوات إلي بيسألوا على نسبة النجاح في التخصصات المختلفة

مثل إجتماع ولغة عربية وحاسب وغيرها -- العملية مش بتتحسب كده هي

بتتحسب بالنسبة للمواد أي نسبة النجاح في المادة كذا كم % -- وعامة النتيجة

تم رفعها أكثر من مرة -- وبفضل الله ثم كرم الرجل الفاضل الدكتور ياسر

الذي أعطى الدرجات النهائية في الجزء الخاص به والله كانت بقت كارثة

بجد لأن كان هيبقى في الدور الثاني في المادة لايقل عن 8000 طالب

ولكن الحمد لله ربنا سترونسبة النجاح كويسة خالص

* الأخت نجلاء صبحي لاشكر على واجب هو ده أقل شيء يقدمه المسلم لأخيه

*الأخ ريمون جوزيف كوهين نسبة النجاح في إجتماع وفي كل التخصصات

مرتفعة ولاتقل عن 80 % بل ممكن تزيد إن شاء الله

* الأخت ماجي اليمني ألف شكر على كلامك الرقيق وياريت أعرف الإسم

بالكامل والتخصص علشان لوتيسر لي مرة أخرى أي شيء عن النتيجة

نقدر نفرحك إن شاء الله -- وسلامي للاخ طه والاخت هبة الله وكل الناس

رينا يكرمك يا استاذ خالد
انا اسمي ." ماجدة يمني محمد عبد الله"
شعبة اللغة العربية - رقم الجلوس 1905

الف شكر ياستاذ خالد والله مجهود رائع منك

معلش يا استاذ خالد انا والله طمعانه في كرمك وسعة صدرك
اذا تيسر لحضرتك معرفة نتيجة تاريخ تجيب نتيجة
" ابتسام محمود السعيد" شعبة تاريخ
ربنا يجعله في ميزان حسناتك ااااااااااامين

شكراً ياعبدالرحمن وتحت أمركم ياماجي بس ربنا ييسر لي الأمور

الف مبروك ونشكر الاستاذ خالد على المجهود المبذول

شكر ليك يا استاذي خالد علي ردك وكم اتمني لو كان بمقدورك لو اتيحت ليك الفرصه انك تشوف النتيجه تاني ياريت تبلغني بيها
وهذا رجاء من اخ صغير لاخوه الاكبر
رقم جلوسي 644
اللجنه 13 وشكرا ليك استاذي الفاضل

السلام عليكم
لو سمحت استاذ خالد
حضرتك قلت انك كنت مع المشؤل الاول للدبلومة وقلك ان النتيجه هتظهر قبل الخميس والنهارده الجمعة
واحنا من اسوان الرجاء التعاون معنا لصعوبه حصولنا على اى معلومات الى عن طريق هذا المنتدى (والف مبروك استاذ خالد وعقبال الجميع والسلام عليكم

شكرا وبارك الله فيك اخى خالد

الف مبروووووووووووووووك لكل الناجحين واللى معرفوش نتيجتهم زى حالاتى ربنا يصبرهم ويصبرنىىىىىىى ويجعل اخرة صبرنا نجاح يارب العالمين[img][ندعوك للتسجيل في المنتدى أو التعريف بنفسك لمعاينة هذه الصورة] Uploaded with ImageShack.us[/img]

الله يبارك فيك وعقبال مانقوللك مبروك ياداليا ان شاء الله

ياااااااااااااااااااارب يسمع منك ياغدغوده ياسكرة Crying or Very sad

السلام عليكم
شكرا لاهتمامك بالرد وان شاء الله البشرة على ايدك يا استاذ خالد
وجزاك الله كل خير

سلام عليكم
لو سمحتوا عايزين نعرف النتيجه ممكن حد يطمنا و يقولنا ازاى

السلام عليكم
الف مبروك يانورا
وعقبالى ان شاء الله

السلام عليكم
الف مليون مبروك لكل اللي نجحوا

ياريت يا استاذ خالد لو قدرت تعرف اى حاجة عن نتيجة قسم الانجليزى ترد على (عبدالراضى على مدنى) والف شكر وانا عارف ان احنا بنتقل عليك قوى بس احنا قلقنين ومش عارين نوصل اى حاجة ,والف شكر ليك مرة تانية ,والف مبروك مرة كمان للناجحين

مبرووووووووووووووووووك لكل الناجحين وعقبالي يارب Embarassed

[img][/img]

بس كنت احب اسأل الاستاذ خالد هل نسبة المواد عاليه ولا متوقعة ولا قليله

مبارك للاخ خالد حب الاعضاء له وهو يستحق ذلك

الف مبرووووووووووووووووووك لكل اللى نجحه وعقبال كل الناس يارب ويكون ختامها مسك ان شاء الله

السلام عليكم ورحمة الله وبركاته

ألف شكر لكل الأخوة إلي كتبوا تعليقات -- والأخوة إلي تركوا أسمائهم والله

لو تيسر لي لن أقصر مع أي أحد مهما كان ورجاء إذا لم يتيسر ذلك أرجو ألا

يزعل مني أحد ويتهمني بالتقصير لأن هذا الشيء لاأملكه وليس لي عليه سلطة

وشكراً للأخ gaaamaaal وبارك الله فيك - أما نسبة النجاح عامة مرتفعة

وأتمنى التوفيق لجميع الأخوة والأخوات وبالنجاح للجميع بعون الله

بارك الله الله فيك يا استاذ خالد وجزاك الله خيرا لمجهودك الرائع ويكفى انه فى رمضان وفى هذا الحر الشديد :flower:

الف مبروك للنجحين ونتمنا لكل من فى الدبلومه النجاح لان بصراحه الكل متوتر

وارجوامن الاستاذ خالد لو شاف اسمى وفاء عبد الستار على [قسم اجتماع]يطمنى

وربنا يجعل مجهودك فى فرحه الاخوةوادخال السرور فى نفوسهم فى ميزان حسناتك
وفرحة فى الاخره cheers

الف مليون مشكووووووووووووووور اخى العزيز خالد السيد على هذا المجهود الرائع

نسأل الله ان النتيجة تتعلق فى اقرب وقت لأجل راحة الجميع، وكما اسأله النجاح للجميع، وسلامى للأستاذ خالد اللى تاعبينه معنا.
و أخيراً رفعت النقاب عن وجهك الجميل يا ريحانة الرسول. :D

السلام عليكم
مبروك لكل الناجحين
مفيش اى اخبار عن نتيجة نظام العامين؟
على فكرة انا ابن عمى دكتور بالجامعة ولم ألجأ -والله- إليه فى أى شىء بخصوص الدبلومة وحتى الآن لم أعرف نتيجتى ...بس يصراحة تأخرت جدا ومفيش أى كلمة نثق بها

السلام عليكم ورحمة الله وبركاته
استاذ خالد انا كنت سالت حضرتك عن قسم صحافه لانى مش بسمع عنه اى خبر فى المنتدى ياريت لو تيسر لك الامر كما قلت واحنا مش ممكن نزعل منك ودا مجهود كبير ربنا يجعله فى ميزان حسناتك انا اسمى سحر عمر عبدالعزيز قسم صحافه

» أخبار نتيجة الدبلومة
» نتيجة الدبلومة الخاصة
» تهنئة وسؤال عن نتيجة الدبلومة
» نتيجة الدبلومة نظام العام واحد
» نتيجة الدبلومة الفرقة الثانية ظهرت بجد