الضحك برده مفيد ادخل وجرب.....

*عجوزة خيروها بين الحج والجوازوطت راسها مكسوفة وقالت: هى مكة هاتطير

*غبى واقف فى ميدان التحرير بيقلع هدومه سألوه: ليه بتعمل كده؟ فقال: أصل الكمسرى قال لى علشان أروح شبرا لازم أغير فى التحرير

*واحد اشترى لمامته علبة كبريت
قالت له: مش بتولع
قال: ازاى؟ أنا مجربهم عود عود

*ولد مامته حامل فبيسأل باباه: ايه اللى فى بطن ماما ده يابابا
الاب: ده اخوك ياحبيبى
تانى يوم فى المدرسه الابله بتسأل الولد انت عندك أخوات قلها ايوة بس ماما اكلته...

*مدرس رياضة بيسأل ولد :لو باباك اخد من جاركم الف جنيه ومن البنك الفين جنيه يبقى المفروض يرجع كاام؟
الولد: مش هيرجع حاجة
الاستاذ: اقعد انت متعرفش حاجة فى الحساب
الولد: انت اللى متعرفش بابا

*واحد اتصل بمراتة قالها حضري المية السخنة راح صاحبة قالة انت حمش قوي قالو امال هاغسل المواعين بمية باردة

*واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب عقلك بوظت الكمين.


*اتنين مساطيل واقفين مستنيين الاوتوبيس فالاول بيسأل : هنعرف الاتوبيس ازاى التاني قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللي حيحط ايده على كتفك يبقى الكومسارى ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهاله فقالهم : انا مش الكومسارى انا ضابط بحريه قاله شوفت شورتك المنيله ادينا ركبنا باخره


*الوحدة اسمها على تليفون اللى بيحبها *من احب*
ولما يخطبها بيبقى اسمها *المدام مستقبلا*
ولما يتجوزها بيبقى **الحكومة**

واحد انجليزي وواحد فرنساوي وواحد صيني راحوا يجربوا صدى الصوت*
الانجليزي قال هاللو فرد عليه صدى الصوت و قال: هالوووو هالوووو هالوووو
الفرنساوى قال بنجور رد عليه صدى الصوت و قال: بنجوووور بنجوووور بنجوووور
الصينى قال شونجا كونجا هونجاهى فرد عليه صدى الصوت و قال: ايييييييه ايييييييه.... ايييييييه

*واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى

*مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما بكون واقف فى المحل مع ابويا ينابيع يا ابويا يبيع


**صحفى فى مستشفى المجانين
الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره ... وندي المريض معلقة وكوباية وجردل ... وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم ... هو عامة، العاقل حيرمي ده كله ويشيل سدادة البانيو ... تحب اوضتك على الشارع ولا بتبص على الجنينة ؟؟

**مقاول من مصر...
تم طرح مناقصة لصيانة سور البيت الابيض
تقدم 3مقاولين امريكاني و مكسيكي وواحد من عندنا للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما الراجل بتاعنا فراح من غير ماياخد أي مقاسات و قال للمسئول: أنا هاخد 2700 دولار في الحوار دة كله ياباشا
المسئول رد علية و قالة: لية يا عم كل دة
رد علية وقاله: 1000 دولار ليا و 1000 دولار ليك و نجيب المكسيكي يعمل الشغلانة بـ 700