أنا المهاجره
مشرف سابق
عدد المساهمات : 387
تاريخ التسجيل : 10/08/2010
العمر : 32
 |  موضوع: عارفه يامه..  الخميس 24 مارس 2011 - 21:39 | |
| السلام عليكم ورحمه الله وبركاته
شعر قراته اعجبنى فنقلته
للشاعر على سلامه
عارفة ياما
أنا حاسس إن الموت
ماخدش منك غير الطرحة
والجلابية السودة
ما أنا كل ما أعدي جنب الأوضة
أسمع صوتك
وانتي بتضحكي ع الدنيا
وبتدعيلي
روح
ربنا معاك
هاتسافر
وهاترجع مجبور الخاطر
وهاستناك
طب إسندي علي كتفي
بكره تقومي
بكره تخفي
عارف مين يا ابني بيقع ويقوم
أوعي تدور ع الدفا
في فلوس وهدوم
ومتنساش تحوش شوية أصحاب
وافرح أوي لما يدق الباب
وتلاقي حد بيحضنك
لوجه الله
ياه
فاكره يامه لما كنتي
تعملي البصارة
وتدي منها لأبلة سارة
يرجع الطبق رز بلبن
يروح لأم حسن
يرجع صنية بسيسة
تدي منها لخالتي بيسة
ويرجع الطبق مليان حب
معقول كل ده قلب
عارفة يامه
النهارده بقيت بخاف بجد
بخاف من أي حاجة
ومن أي حد
بخاف غصب عني
اتخبط ف حد
لحسن يعملي محضر
ويطلب تعويض
مشيت كتير يامه
بس الفرح لسه بعيد
ياتري لسه بتدعيلي
ياتري لسه بتدعيلي
| |
|
فرح
عضو جديد
عدد المساهمات : 1
تاريخ التسجيل : 02/04/2011
| | موضوع: رد: عارفه يامه.. الأربعاء 6 أبريل 2011 - 1:55 | |
| الموضوع حلوجدا ربنا يوفقك ويحميك وتدى كمان وكمان | |
|
عاشقة المطر
عضو فضي
عدد المساهمات : 416
تاريخ التسجيل : 24/02/2011
| | موضوع: رد: عارفه يامه.. الأربعاء 6 أبريل 2011 - 14:38 | |
| | |
|
