تحذيررررررررررررر

السلام عليكم ورحمة الله وبركاتة
أولا انا اسف على الغياب الطويل عن المنتدى وكل سنة وحضراتكم بخير
ثانيا بعد الطقس الدافىء جدا فى الأربع ايام اللى فاتو واللى كان يميل للحرارة فى فترة الظهيرة كل التوقعات وصور الأقمار الصناعية بتشير إلى الآتى :بدأ حالة من حالات عدم الاستقرار الشديدة صباح يوم الاربعاء حيث تتكاثر السحب الممطرة على معظم أنحاء الجمهورية يصاحبها سقوط الامطار الغزيرة والرعدية تصل لحد السيول على جنوب البلاد وسيناء وسلاسل جبال البحر الاحمر ويصاحبها نشاط للرياح تصل لحد العاصفة على المناطق الجنوبية والغربية وتؤدى الى تدهور الرؤية الافقية و اضطراب الملاحة البحرية فى البحرين.
الرجاء من الاخوة اللى بسافروا وبيترددوا على مدن البحر الاحمر خاصة الغردقة والقصير وشرم الشيخ ان ينتظروا حتى تتحسن الاحوال الجويه اللى من المنتظر انا تبدأ الأحوال الجويه فى التحسن بدأ من مساء الجمعة القادم والله أعلى وأعلم وربنا يعديها سلامات .