منتدى الدكتور ياسر عبدالله
مرحباً بكم في منتدى الدكتورياسرعبدالله للتأصيل الإسلامي








منتدى الدكتور ياسر عبدالله

إسلامـــــــي - تربـــــــــوي - تعليـــــــمي - إجتماعــــــي- تكنولوجـــــــي
 
الرئيسيةالبوابةس .و .جبحـثالتسجيلدخول

شاطر | 
 

 عبد الرحمن الأبنودي: قصيدة الميدان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نجلاء صبحى
مشرف سابق
مشرف سابق


عدد المساهمات : 1601
تاريخ التسجيل : 23/05/2010

مُساهمةموضوع: عبد الرحمن الأبنودي: قصيدة الميدان    الخميس 10 فبراير 2011 - 15:51


--------------------------------------------------------------------------------

أيادي مصرية سمرا ليها في التمييز

ممدودة وسط الزئير بتكسّر البراويز

سطوع لصوت الجموع شوف مصر تحت الشمس

آن الآوان ترحلي يا دولة العواجيز


عواجيز شداد مسعورين

أكلوا بلادنا أكل.. ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة.. صحّوا القتيل من القتل


اقتلني! قتلي ما هيعيد دولتك تاني

باكتب بدمي حياة تانية لأوطاني

دمي ده ولّا الربيع؟ الاتنين بلون أخضر

وبابتسم من سعادتي ولّا أحزاني؟


تحاولوا ما تحاولوا.. متشوفوا وطن غيره

سلبتوا دم الوطن وبشيمتوا من خيره

أحلامنا.. بكرانا.. أصغر ضحكة على شفة

شوفتوشي صياد ياخلق بيقتله طيره؟


السوس بينخر وسارح تحت إشرافك

فرحان بهم كنت وشايلهم على اكتافك

وأما أهالينا من زرعوا وبنوا وصنعوا

كانوا مداس ليك ولولادك وأحلافك


ويامصر قام العليل رجعتله أنفاسه

وباس جبين الوطن.. مال الوطن باسه

من قبل موته بيوم صحوه أولاده

من كان سبب علّته محبته لناسه


الثورة فيضان قديم محبوس ماشافوش زول

الثورة لو جت ماتبنش في كلام أو قول

تقلب وتعتل في سرية

تفور في القلب وتنغزل فتلة فتلة في ضمير النول


متخافش على مصر يابا.. مصر محروسة

حتى من التهمة دي اللي فينا مدسوسة

ولو انتا أبوها بصحيح وخايف عليها قوي

تركتها ليه بدن بتنخره السوسة؟!


وبيسرقوك يالوطن قدامنا عيني عينك

ينده بقوة الوطن ويقولي: قوم.. فينك؟!

ضحكت علينا الكتب.. بعدت بنا عنك

لولا ولادنا اللى قاموا يسددوا دينك


لكن خلاص ياوطن صحيت جموع الخلق

قبضوا على الشمس بإديهم وقالوا لأ

من المستحيل يفرطوا عُقد الوطن تاني

والكدب تاني محال يلبس قناع الحق


بكل حب الحياة خوَّط في دم أخوك

قول إنت مين للي باعوا حلمنا وباعوك.. أهانوك وذلّوك

ولعبوا قمار بأحلامك

نيران هتافك تحرر صاحبك الممسوك


يرجع لها صوتها.. مصر تعود ملامحها

تاخد مكانها القديم والكون يصالحها

عشرات سنين تسكنوا بالكدب في عروقنا؟

والدنيا متقدمة ومصر مطرحها


كتبتوا أول سطور في صفحة الثورة

وهما عُلما وخٌبرا مِداورة ومناورة

وقعتوا فرعون هرب من قلب تمثاله

لكن جيوشه مازالوا يحلمه ببكره


صباح حقيقي.. ودرس جديد قوي في الرفض

أتاري للشمس صوت.. وأتاري للأرض نبض

تاني معاكم رجعنا نحب كلمة مصر

تاني معاكم رجعنا نحب ضحكة بعض


مين كان يقول ابننا يطلع بنا من نفق

دي صرخة ولّا غنا؟ وده دم ولّا شفق؟

أتاريها حاجة بسيطة الثورة ياخوانّا

مين اللي شافها كده؟ مين أول اللي بدأ؟


مش دول شبابنا اللي قالوا كرهوا أوطانهم؟!

ولبسنا توب الحداد وبعدنا قوي عنهم؟!

همّا اللي قاموا النهارده يشعلوا الثورة

ويصنّفوا الخلق مين عانهم ومين خانهم


يادي الميدان اللي حضن الفكرة وصهرها

يادي الميدان اللي فتن الخلق وسحرها

يادي الميدان اللي غاب اسمه كتير عنه وصبرْها

ما بين عباد عاشقة وعباد كارهة


شباب.. كإن الميدان أهله وعنوانه

ولا في الميدان نسكافيه ولا كابتشينو

خدوده عرفوا جمال النوم على الأسفلت

والموت عارفهم قوي وهمّا عارفينه


لا الظلم هين يا ناس ولا الشباب قاصر

مهما حاصرتوا الميدان عمره ما يتحاصر

فكرتني يالميدان بزمان وسحر زمان

كرتني بأغلى أيام في زمن ناصر


شايل حياتك على كفّك.. صغير السن

ليل بعد يوم المعاناة وإنت مش بتئن

جمل المحامل وانت غض

باتعجب إمتى عرفت النضال إسمحلي حاجة تجنّ


أتاريك جميل ياوطن مازلت وهاتبقى

زال الضباب وانفجرت بأعلى صوت.. لأه

حرضتنا نبتسم ودفعت إنت الحساب

وبنبتسم بس بسمة طالعة بمشقة


فينك يا صبح الكرامة الّا البشر هانوا

وأهل مصر الأصيلة إتخانوا واتهانوا

بنشتري العزة تاني والثمن غالي

فتح الوطن للجميع قلبه وأحضانه


الثورة فيض الأمل وغنوة الثوار

الليل إذا خانه لونه يتقلب لنهار

ضج الضجيج بالنِدا إصحى يافجر الناس

فينك ياصوت الغلابة وضحكة الأنفار؟


واحنا وراهم أساتذة خايبة تتعلم

إزاي نحب الوطن وإمتى نتكلم

طال الصدأ قلبنا ويأسنا من فتحه

قلب الوطن قبلكم كان خاوِ ومضلّم


أولنا في الجولة. لسّه جولة ورا جولة

ده سوس بينخر يابويا في جسد دولة

أيوة الملك صار كتابة

إنما أبدا لو غفلت عينّا لحظة هيقلبوا العملة


لكن خوفي مازال جوة الفؤاد يكْبِش

خوف اللي ساكن شقوق القلب ومعشش

يقوللي مش راح يسيبه

ولسه هيقبّوا وهيلاقولهم سكك وبِبان متتردش


وحاسبوا قوي من الديابة اللي في وسطيكم

وإلّا تبقى الخيانة منّكم فيكم

الضحكة عالبُق بس الرك عالنيات

فيهم عدوِّين أشد من اللي حواليكم

الرجوع الى أعلى الصفحة اذهب الى الأسفل
فاطمة جمعة
مشرف سابق
مشرف سابق


عدد المساهمات : 2437
تاريخ التسجيل : 08/08/2010
العمر : 26

مُساهمةموضوع: رد: عبد الرحمن الأبنودي: قصيدة الميدان    الأربعاء 16 فبراير 2011 - 21:37


بارك الله فيك نجــــــــــلاء

دومتي متميزة وكمان الابنودي شاعر جميييل
الرجوع الى أعلى الصفحة اذهب الى الأسفل
نجلاء صبحى
مشرف سابق
مشرف سابق


عدد المساهمات : 1601
تاريخ التسجيل : 23/05/2010

مُساهمةموضوع: رد: عبد الرحمن الأبنودي: قصيدة الميدان    الخميس 17 فبراير 2011 - 19:18

وفيكى اختى فاطمة اسعدتنى زيارتك الكريمة
الرجوع الى أعلى الصفحة اذهب الى الأسفل
غاده ربيع
مشرف سابق
مشرف سابق


عدد المساهمات : 1173
تاريخ التسجيل : 13/06/2010
العمر : 30

مُساهمةموضوع: رد: عبد الرحمن الأبنودي: قصيدة الميدان    الخميس 17 فبراير 2011 - 21:59

بارك الله فيكى غاليتى نجلاء
وفعلا الابنودى شاعر ممتاز
الرجوع الى أعلى الصفحة اذهب الى الأسفل
نجلاء صبحى
مشرف سابق
مشرف سابق


عدد المساهمات : 1601
تاريخ التسجيل : 23/05/2010

مُساهمةموضوع: رد: عبد الرحمن الأبنودي: قصيدة الميدان    الخميس 17 فبراير 2011 - 22:07

وفيكى حبيبتى غادة اسعدتنى اطلالتك الرائعة جزيتى الجنة
الرجوع الى أعلى الصفحة اذهب الى الأسفل
دموع تائبة
عضو ملكي
عضو ملكي


عدد المساهمات : 2109
تاريخ التسجيل : 21/11/2010

مُساهمةموضوع: رد: عبد الرحمن الأبنودي: قصيدة الميدان    الخميس 17 فبراير 2011 - 22:23

[ندعوك للتسجيل في المنتدى أو التعريف بنفسك لمعاينة هذه الصورة]
هذا الشاعر رااااائع جدا يا نجلاء

حياكى الله
الرجوع الى أعلى الصفحة اذهب الى الأسفل
نجلاء صبحى
مشرف سابق
مشرف سابق


عدد المساهمات : 1601
تاريخ التسجيل : 23/05/2010

مُساهمةموضوع: رد: عبد الرحمن الأبنودي: قصيدة الميدان    السبت 19 فبراير 2011 - 17:41

اسعدتنى اطلالتك الكريمة دموع جزيتى الجنة
الرجوع الى أعلى الصفحة اذهب الى الأسفل
 
عبد الرحمن الأبنودي: قصيدة الميدان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدكتور ياسر عبدالله :: الترويح عن النفس :: الترويح عن النفس :: جنة المواهب والابداعات-
انتقل الى: