منتدى الدكتور ياسر عبدالله
مرحباً بكم في منتدى الدكتورياسرعبدالله للتأصيل الإسلامي








منتدى الدكتور ياسر عبدالله

إسلامـــــــي - تربـــــــــوي - تعليـــــــمي - إجتماعــــــي- تكنولوجـــــــي
 
الرئيسيةالبوابةس .و .جبحـثالتسجيلدخول

شاطر | 
 

 مش مهم نعم مش مهم لا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هيام هاشم
عضو برونزي
عضو برونزي
avatar

عدد المساهمات : 294
تاريخ التسجيل : 23/08/2010
العمر : 29

مُساهمةموضوع: مش مهم نعم مش مهم لا   السبت 19 مارس 2011 - 14:36


انا هتجنن يا جماعه من الفرحه
قلت اجى و اشارككوا معايا فى فرحتى
لاول مرة فى حياتى احس ان مصر دى بلد كريمه
لاول مرة فى حياتى اشوف ابن بلدى حر و له راى
لاول مرة فى حياتى الاقى كل طوائف الشعب بتتكلم فى مستقبل مصر
لو ركبت الميكروباص او روحت تشترى عيش من الفرن
او حتى نزلت ترمى الزباله
فى كل مكان فى مصر
قادره استنشق عبير الحرية
كل الناس بقت عايزة مصر تبقى احسن
كل انسان حاسس انه بجد يقدر يشكل مستقبل بلده
كل واحد حاسس ان صوته قوى و انه مؤثر
زمان ما كناش بننزل نقول صوتنا لاننا كنا عارفين ان صوتنا لن يسمع
دلوقتى بقى لنا صوت مؤثر
كنا اموات و اصبحنا احياء لنا صوت يسمع
لو شوفتوا الناس فى الشوارع واقفين بالساعتين قدام اللجان الانتخابيه علشان يدخلوا يقولوا رايهم و مستحملين الطابور الطويل و الشمس هتحسوا فعلا قد ايه المصريين دول بجد بيعشقوا تراب البلد ده
هتعرفوا ليه ربنا ذكر مصر فى القران
علشان بلد كلها طيبه و عظمه
انا بحب مصر اوى
و سعيده لاول مرة فى حياتى انى مصريه
و هعيط من الفرحة
شكرا كل الشكر لابطال الثورة
تحيه من القلب لارواح الشهداء

بجد يا جماعه مصر عمرها ما كان فيها حرية زى النهارده
لا ايام فاروق و لا قبلها و لا ايام جمال و لا السادات و لا مبارك
عارفين ليه
علشان الثورة دى مش ثورة احزاب و لا ثورة جيش و لا ثورة شباب
دى ثورة الشعب
الشعب المصرى ثار على الظلم
قوم يا مصرى
افخر ببلدك و ابنيها
من يوم 25 تاريخ مصر بيتغير و لازم يكون لك دور فى التغيير ده
احنا اللى هنكتب التاريخ
الفترة الجايه
كلنا هنشترك فى احزاب و كلنا هنهتم بمستقبل بلدنا و كلنا هنساهم فى صنع القرار






تحيا مصر
الرجوع الى أعلى الصفحة اذهب الى الأسفل
غاده ربيع
مشرف سابق
مشرف سابق
avatar

عدد المساهمات : 1173
تاريخ التسجيل : 13/06/2010
العمر : 31

مُساهمةموضوع: رد: مش مهم نعم مش مهم لا   السبت 19 مارس 2011 - 18:56

فعلا هيام معاكى حق
النهارده انا روحت ولسه راجعه
دى اول مره احس انى صوتى ليه قيمه
سواء نعم او لا مش مهم الاهم المشاركه
فعلا النهارده مارسنا الديمقراطيه بحق

تحيا جمهوريه مصر العربيه
الرجوع الى أعلى الصفحة اذهب الى الأسفل
ساره الملقب
مشرف سابق
مشرف سابق
avatar

عدد المساهمات : 1056
تاريخ التسجيل : 12/06/2010

مُساهمةموضوع: رد: مش مهم نعم مش مهم لا   السبت 19 مارس 2011 - 21:49

فعلا حبيبتى هيام انا كنت مستغربه جدا النهارده اول مره اشوف
كل الناس دى مهتمه تدلى بصوتها بالطريقه دى
ودى ان شاء الله بداية خير لمصر
ولكل المصريين ويارب دايما نعيش جو الحريه دا يا بنات
الرجوع الى أعلى الصفحة اذهب الى الأسفل
 
مش مهم نعم مش مهم لا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدكتور ياسر عبدالله :: قسم الموضوعات والآراء المختلفه :: الموضوعات والآراء المختلفه :: الموضووعات والآراء الإجتماعيه والأُسرية-
انتقل الى: