السلام عليكم ورحمة الله وبركاته ... رجاء المساعدة من أعضاء المنتدي الكرام...

مشكلتي تتخلص في ان جهازي اصابه فيروس فاضطررت لتنزيل نسخة ويندوز جديدة وبعدها حذف برنامج المحادثة الاسكاي بي ثم حملت البرنامج من الموقع الخاص به وبعد التحميل وفي كل مرة احاول ان اسطبه تظهر لي هذه الرسالة: (skype setup.exe is not availd win32 application ) بالرغم اني حاولت ان اغير البرنشر في كل مرة اقوم فيها بتحمليه ...رجاء المساعدة وجزاكم الله خيرا وايضل عندى مشكلة فى برنامج اسمه multiyahoo هو ايضا مش بيشتغل معايا ارجو المساعده وللعلم نزلت نسخة وندوز كذا مرة وفى كل مرة البرامج مش بترضى تتسطب معايا وتظهر لى هذة الرسالة

اختى منى

السلام عليكم ورحمة الله وبركاته

المشكله عندك سهله بإذن الله ولكن تحتاج منك شوية تركيز

اولا انتِ بتظنى انك مسحتى الفيروس من الجهاز ولكن للاسف الفيروس لسه موجود عندك على الجهاز

موجود فى باقى البارتيشنات .... فأنتِ بكل بساطه بتفرمتى بارتيشن السى وتقومى بتنزيل ويندوز جديد

وتظنين ان الفيروس تم حذفه ... لا بكل تأكيد فالفيروس مازال موجود على باقى البارتشنات

وبعد تنزيل الويندوز يبدأ من جديد فى اصابة الجهاز مره أخرى

اذاً وما الحل

الحل بسيط جدا ولكن يحتاج تركيز كما ذكرت من قبل ......... لذلك أرجو ا المتابعه جيدا

بعد تنزيل الويندوز على الجهاز يراعى عدم فتح ايقونة ماى كمبيوتر نهائيا

وعدم الدخول على الجهاز .... فقط الوقوف على سطح المكتب دون فعل شيئ

اول شيئ هنعمله نحضر اسطوانة تعريف كارت اللان ( تعريف كارت النت ) ولازم تكون بتشتغل

اوتورن يعنى مينفعش اسطوانه تفتح ملف زى مثلا الفلاشه ... لا لا بد من اسطوانه تشتغل اوتورن

هنسطب منها كارت اللان ( كارت النت ) وكده اول خطوه

تانى خطوه هيكون النت اشتغل تدخلى على الموقع التالى وهتنزلى برنامج انتى فيرس اسمه Nod32

من هنا تنزلى النود 32

طبعا البرنامج هيتسطب لوحده بمجرد ماتضغطى عليه اول مره

بعد ماتسطبى البرنامج تعمليله تحديث

علشان يحدث معاكى لازمله اليوزر نيم والباسورد

دا اليوز

TRIAL-45963338

ودا الباسوورد

8bm64ncbvj

فى بداية التديث سيطلب البرنامج تغيير الفيرجن دا يرجعلك اما توفقى واما لا

تنتظرى لحد مايخلص تحديث من غير ماتفتحى حاجه ولا تشغلى حاجه فى الجهاز

بعد ما يخلص البرنامج تحديث هتظهر رساله بجوار الساعه من اسفل توضح انه تم ت عملية التحديث

وبها تاريخ اليوم الذى يدل على تمام عملية التحديث

بعد كده سيبى الباقى على البرنامج واشتغلى زى ما انتى عاوزه على الجهاز

والبرنامج كل ماتفتحى بارتيشن او ملف فيه فيروس سيعطيكى رساله بحذف الفيروس

البرنامج مجرب وبستخدمه انا شخصيا

أرجوا ان يكون الشرح بسيط وسهل

كما ارجوا منك المتابعه واعلامنا بالنتيجه حتى يكون الموضوع مرجع لكل الحلات المماثله

السلام عليكم ورحمة الله وبركاته
شكرا خالص للرد يا استاذ محمود وفعلا عملت زى ما حضرتك قلت بس لما بسطب البرنامج مش ظهر عندى الباسورد ولااليوز بس الحمد لله اتسطب البرنامج بس للاسف المشكلة هى نفسها ومعظم البرامج عندى بتدينى نفس الجملة اشكرك مرة تانى واسفه لو تعبت حضرتك بس هو البرنامج ده جميل لما استخدمته فيروسات كتير ظهرت
بارك الله فيك

الاخت منى ... السلام عليكم ورحمة الله وبركاته

للاسف الفيروس مازال موجود عندك ولازم من عملية التحديث للبرنامج
وانا هشرحلك كيفية عملية التحديث بالصور دلوقتى باذن الله
بالنسبه للبرامج اللى عندك اكيد دى الفيروس قضى عليها ( متفيرسه )
وبالتالى انسى البرامج اللى عندك دى لان بعد تحديث برنامج النود سوف يحذفها
من الجهاز نهائيا لانها مصابه ولذك هى مش بتتسطب معاكى ... وحاولى تنزلى
غيرها تانى من النت .... دلوقتى انت المفروض تعملى الخطوات من الاول مره اخرى
يعنى تنزلى ويندوز تانى وتعملى الخطوات السابقه مره اخرى
بالنسبه لعملية تحديث البرنامج تابعى الصور وانت هتفهمى كل حاجه

[ندعوك للتسجيل في المنتدى أو التعريف بنفسك لمعاينة هذه الصورة]

ودا يوزر تانى
TRIAL-46016254
والباسوورد
u5p2etasu4
وانا متابع معك لحل المشكله

السلام عليكم ورحمة الله وبركاته
اسفه اتاخرت فى الشكر لحضرتك فعلا عملت كده والحمد لله اتحلت المشكلة بارك الله فيك

monaa كتب:: السلام عليكم ورحمة الله وبركاته
اسفه اتاخرت فى الشكر لحضرتك فعلا عملت كده والحمد لله اتحلت المشكلة بارك الله فيك

الحمد لله رب العالمين على حل المشكله

والف مبروك

منتدى الدكتور ياسر دائما فى خدمة الاعضاء

بارك الله فيك أستاذ/ محمود
وجعله الله فى ميزان حسناتك

مى محمد كتب:: بارك الله فيك أستاذ/ محمود
وجعله الله فى ميزان حسناتك

شكرا لكِ يا مى على مرورك الطيب

ونتمى من الله أن يستفيد الجميع من الموضوع

ربنا يبارك فيك ياأبوعلياء

أنا سعيد بوعدتك لقسمك ومنتداك كسابق عهدنا بك

جزاك الله خير الجزاء

خالد السيد كتب:: ربنا يبارك فيك ياأبوعلياء

أنا سعيد بوعدتك لقسمك ومنتداك كسابق عهدنا بك

جزاك الله خير الجزاء

أولا الحمد لله على سلامتك يا استاذ خالد

واحمد الله على عودتك وظهورك على المنتدى

والله بجد وبدون رياء المنتدى من غيرك ليس له طعم

وأسأل الله العظيم أن يتم عليك شفائك

ربنا يبارك فيك أخي الفاضل

والله هذا من نُبل أخلاقك

وجزاك الله خير الجزاء

» السلام عليكم ورحمة الله وبركاته ارجو المساعدة
» السلام عليكم ورحمة الله وبركاته
» السلام عليكم ورحمة الله وبركاته
» كيفية رفع الصور من جهازك ووضعها بالموضوع
» استفسار هام جدا