من ركل القطة ؟؟ لو عرفت اتصل بـ 09003034 واكسب قطتين

رب اشرح لي صدري ويسر لي امري واحلل عقدة من لساني يفقهوا قولي

اهلا وسهلا بحضراتكم

وكل سنة وانتم طيبون بمناسبة قرب حلول شهرنا العظيم

جعلنا الله واياكم من عتقاء هذا الشهر الكريم

من ركل القطة سؤال طرحه الدكتور محمد بن عبد الرحمن العريفي وهو مثلي الاعلى بعد رسول الله صلى الله عليه وسلم وبعد ابي حفظه الله

سكرتير كان يعمل لمدير شركة سيء الخلق ,,,

لا يطبق مهارة وحدة من مهارات التعامل مع الناس .........

كان هذا المدير يراكم الأعمال على نفسه ويحملها ما لا تطيق

فيوم من الأيام صاح بسكرتيره ,,, فدخل له ووقف بين يديه وقال له : نعم يا فندم

قال له المدير : اتصلت بيك في مكتبك أكتر من مرة و مرديتش عليا

قال السكرتير : اسف كنت في المكتب اللي جنبي

قال المدير : كل مرة اسف اسف انا زهقت منك خلااااااص

خد الاوراق دي وناولها لرئيس قسم الصيانه وتعالى بسرعة

مشي السكرتير وراح لرئيس قسم الصيانة وهو في غضب شديد ورمى الورق على مكتبه

وقال له خد الاوراق دي ومتتأخرش علينا

قال له رئيس القسم : طيب اوك براحة بس حطها بأسلوب مهذب شويه !!!!

قال له السكرتير : مهذب مش مهذب المهم تخلصها بسررررررعة

اتخانقوا الاتنين و ارتفعت اصواتهم

وبعد ساعتين جاء للرئيس واحد من الموظفين عايز يستأذن لكي يخرج اولاده من المدرسة و يرجع

صرخ الرئيس في وشه قال له : انت كل يوم تخرج تخرج

قال الموظف : يا رئيسي ده حالي من عشر سنين وحضرتك عمرك ما اعترضت على

خروجي وانا برجع دايما بسرعه

قال الرئيس : انت مينفعش معاك غير العين الحمرا ,,, روووح على مكتبك

رجع الموظف المسكين لمكتبه وقد تولى احد المدرسين انه يوصل اولاده للبيت بعد ما تأخر عليهم

رجع الموظف البيت فلما شافه ولده قال له : بابا ,, شوف اللعبة اللي اهدهالي استاذي

قام الموظف : صرخ في وش ابنه وقال روووح عند امك الوقتي ودفعه بيديه بشدة .

رجع الولد لامه بيبكي ويصرخ عشان ابوه زعقله

وجاءت قطته الجميلة البيضاء تتمسح برجله كالعاده

فلما شافها ركل القطة برجله فخبطت في الحيطة وماتت

الوقتي واخيراااااااااااااااا

من ضرب القطة ؟؟؟؟؟؟

اسف ع الاطاله

بس يارب حد يجاوب ع السؤال ويقول استفاد ايه ؟؟؟؟

دمتم بخير دائما احبائي

فى الاول حمد لله على السلامة أستاذ طه

وايه الغيبة الطويلة دى على المنتدى

اللى ضرب القطة المدير

بارك الله فيك

أخى العزيز طه حمدا لله على سلامتك ، وشكرا لك وبارك الله فيك على هذا الموضوع القيم ،

عن أبي هريرة رضي الله عنه قال : قال رسول الله - صلى الله عليه وسلم - :
" ليس الشديد بالصرعة وإنما الشديد الذي يملك نفسه عند الغضب "
و الصرعة تعني الذي يصرع غيره بقوة و يغلبه ،

ومن وجهة نظرى المتواضعة التى قد تحتمل الصواب وقد تحتمل الخطأ :

أن الذى ضرب القطة هو العصبية الزائدة بداية من المدير سئ الخلق ونهاية بالطفل الذى ركل القطة ، وعدم تحكم الجميع فى غضبهم ، مما أدى آخرا الى ضرب الطفل للقطة .

أريج كتب:: فى الاول حمد لله على السلامة أستاذ طه

وايه الغيبة الطويلة دى على المنتدى

اللى ضرب القطة المدير

بارك الله فيك

وعليكم السلام ورحمة الله وبركاته

ازيك يا ميس اريج ربنا يخليكي يارب

والله انا وجودي مرتبط بالاجازة بتاعت الجيش وكده

وعلى اد ما اقدر هدخل والله معلش بقا

وكلامك جميل اللي ضربها هو عصبية المدير فعلا

ربنا يوفقك يارب دايما

أحمد سلامه كتب:: أخى العزيز طه حمدا لله على سلامتك ، وشكرا لك وبارك الله فيك على هذا الموضوع القيم ،

عن أبي هريرة رضي الله عنه قال : قال رسول الله - صلى الله عليه وسلم - :
" ليس الشديد بالصرعة وإنما الشديد الذي يملك نفسه عند الغضب "
و الصرعة تعني الذي يصرع غيره بقوة و يغلبه ،

ومن وجهة نظرى المتواضعة التى قد تحتمل الصواب وقد تحتمل الخطأ :

أن الذى ضرب القطة هو العصبية الزائدة بداية من المدير سئ الخلق ونهاية بالطفل الذى ركل القطة ، وعدم تحكم الجميع فى غضبهم ، مما أدى آخرا الى ضرب الطفل للقطة .

السلام عليكم ورحمة الله وبركاته

حبيبي في الله ومعلمي مستر احمد سلامة

والله غصب عني بغيب عليكو والله عشان الجيش استحملوني بالله هههههههههههههههه

فعلا كلامك صحيح يا استاذ احمد عصبية المدير هي سبب موت القطة

وبالتالي على المدير ان يتححاسب ويتحاسب معه الكل ايضا

فإذا كان المدير اخطأ فكيف يخطأ من هم تحته في العمل

وكان يجب عليهم ان يتحلوا بروح الصبر وان يتعلموا مهارات التعامل

يلا الحمد لله جت على كده ههههههههههههه

منورني دايما يا استاذ احمد

صحيح يا ميس اريج انتي والاستاذ احمد

مش اتصلتوا ليه ب0900 هههههههههههههههه

جزاكم الله كل خير

منورين وربنا

موضوع فوق الرائع استاذ طه ؛ بارك الله فيك ورزقك ربى الفردوس الاعلى

قصة جميلة وفيها عبر جزاك الله خيرا استاذ طه

ميرسيي يا الاء ربنا يكرمك يارب

ميرسي يا ميس فتاة

» اتصل علي صديقه
» فضلاً اتصل بي please call me
» لعبة جميلة _ شارك معانا واكسب حسنات :)
» مكرونة بالخيار *** حلها واكسب معانا الجائزه الكبرى***
» لو عرفت قدرها .