أدخل وقوووول رأيك ؟

اولا..كل سنة وحضراتكم بخير بمناسبة الشهر الكريم

من غير كلام كتير كانت فى فكرتين لرمضان عايزة اعر ف رأيكم فيهم

الفكرة الاولى....

ان كل حد فينا يختار حد محتاج ويفطره...واحنا مش حنتعب فى الفكرة دى لأن الاكل بيكون

موجود كتير والحمد لله مش حنخسر حاجة يعنى ...ونفتكر ان ده مكسب لينا اولا واخيراً

يعنى بدل صيام مرة واحدة حتصوم مرتين فى يوم واحد

وده تصديق لكلام حبيبنا صلى الله عليه وسلم

الإجابة تكمن في حديث رسول الله صلى الله عليه وسلم : ( من فطر صائم كان له مثل أجره،

غير إنه لا ينقص من أجر الصائم شيء ) حديث صحيح .

يعنى اجر يومين

واللى مش امكانياته كل يوم ممكن يومين فى الاسبوع او يوم

وكله فى الاخر لحسابك

الفكرة التانية...

الخيمة الرمضانية

ايه خيمة رمضانية!!!

بس مش زى الخيمة اللى نعرفها اللى يدوب واخدة من رمضان اسم

الخيمة الرمضانية بس ادخل جوة وشوف رمضان بقى

اغانى ومسلسلات وفقرات كوميدية ورقص(فى رمضان)

والخيمة دى مش بتتعمل فى اى شهر هو رمضان بس لاحياء الشهر الكريم(استغفر الله العظيم)

المهم الخيمة اللى انا اقصدها..هى خيمة صغيرة بعد صلاة التراويح بنجمع فيها الاولاد

الصغيرين يعنى من سادسة ابتدائى الى تالتة اعدادى كدة

ونعمل ندوة صغيرة عن حد من الصحابة مثلا او اى حاجة تانية

نعرفهم بيها دينهم وعبادتهم

وبعد الندوة يكون فى اسئلة فى الحاجات اللى اتقالت فى الندوة

ويتجمع نقاط وكل تلات ايام يكون اعلى واحد فى النقط هو فارس الخيمة

وبكدة حيكون رمضان لهم فيه حاجة مختلفة يعنى بدل مايكون

رمضان بالنسبة لهم بس لعب كورة او تلفزيون وكدة

يكون حاجة جديدة فيه صيام وعبادة وبرضة جوايز وحب لدينهم وتشجيع على المنافسة فى

حاجة مفيدة

ياريت تكون الافكار دى تعجبكم وياريت اعرف رأيكم

وايه الفكرة اللى ممكن تحققها بنسبة اكبر

وصلى اللهم وسلم وبارك على سيد المحبين والحبوبين ( صلى الله عليه وسلم )

[ندعوك للتسجيل في المنتدى أو التعريف بنفسك لمعاينة هذه الصورة]

فكرة جميلة جدا
بارك الله فيكى أختى الكريمة
وكل عام وحضرتك بخير

وبارك الله فيك أستاذ / محمد على

وجزاك الله كل الخير

وانت طيب والامه الاسلاميه بخير

[ندعوك للتسجيل في المنتدى أو التعريف بنفسك لمعاينة هذه الصورة]

» و أنت ما رأيك؟؟؟؟؟؟؟؟؟؟؟؟؟
» ما رأيك بصنع المعروف مع الناس؟؟؟؟؟؟؟؟؟؟
» مفاجأة مفرحة..... أدخل ولن تندم
» ما رأيك فى هذا الحب؟
» من يستحق التضحية في رأيك ؟