عاجل .....اسباب وقفه 10/9/2011

_ لما الكادر يديلك... الحق إنك تأخد الحوافز 200% وييجى الوزير يلتف عليه ليحرمك من حقك .... يبقى أكييييد لازم تشارك .

2_ لما المحترم رضا أبو سريع مستشار الوزير يقول على المعلمين سيبهم يهوهو شوية زى... هايتعبوا وهايمشوا ( فى جريدة اليوم السابع ) .... يبقى أكيد لازم تشارك .

3_ لما الوزير يتلاعب بدرجاتك ويقولك اللى قضى 8 سنين يترقى وبعدين يتراجع ويقول خمس سنين !! هو الكادر بقاله أد إيه ......!!! يبقى أكيد لازم تشارك .

4_ لما المكافأة تبقى 200 يوم وفى الوزارة بيآخدوا 900 يوم ، وأقل عامل فى الكهرباء أو الضرائب أو غيرهم بيآخد 900 يوم غير توزيع أرباح وغيره ... يبقى أكيد لازم تشارك

5_ لما الدنيا كلها بتآخد شهور هدايا فى رمضان والعيد وغيره حتى الوزارة والمديرية إلا أنت محروم بطريقة مريبة ..... يبقى أكيد لازم تشارك .

6_ لما يكون راتب العامل فى المحاسبات أو الإتصالات أو المالية أكبر من راتبك 10 مرات ، وإنت ساكت عايز اللى يجيبلك حقك ، ولما يكون عندنا مستشفى بندفع فيها بقالنا سنين ونقابة بتنهبنا من سنيييييييييييين ....... يبقى إمتى هاتشااااااااارك .

7_ لما تقعد فى البيت وفاكر انى هاجيبلك حقك ... يبقى حقى وحقك مش هاييجى وحقنا كلنا هانضيييييييييييع .... أظن يبقى كلنا لازم نشااااااااااااااارك وننزل .

8_ لما يكون الدنيا كلها بتآخد مكافأة نهاية الخدمة 200 و 300 الف جنيه وإنت بتآخد 24 الف جنيه .... يبقى خساااااااارة فيك لو انت مش هاتشارك .

لمهم خليك معانا وخليك فاكر وناوى على : ا

وقفة 10-9-2011 أو عصيان أول الدارسة ، حقك لازم تكون أول من يطالب بيه

يعنى مش الناس ترضي بالحد الادني وننسى الـ 200% عشان أولادك وانت تقدروا تعيشوا .

حقك بس مش فلوس ، حقك فى وزير منك ومنى ويحترمك ، مش كل يوم يكذب فى الإعلام ويشوه صورتك !!

حقك في وزير ونقابة بيخافوا على شغك وعلى حقوقك

حقك في قوانيين تحمى المعلم و وتاخدله حقه

حقك في طالب جاي يتعلم منهج سليم مش عشان الغياب يحضرلك.

حقك في غرفة للمدرسين للبنى ادميين.

حقك في مدير زي الناس المحترمة بالانتخاب.

حقك في تعيين وتكليف ورقابة من الوزارة على العقود الخاصة.

حقك وحق ابنائك في رؤيتك بعد الساعة 3 في المنزل مش عندك شغلة تانية .

حقك في استراحات للبنى ادمين مش أي حاجة والسلام .

حقك انك تفتخر انك معلم ومصرى وابنك لما يسألوه نفسك تطلع ايه ...

يجاوب بكل فخر ..... مــعـــلــم

[b]اللى حيشارك هم الناس البتحس بكل الاهانات وحسيين ان فيه منظومة خربة اسمها التربية والتعليم محتاجة لطفرة تغيير علشان البلد تتصلح ............؟ لكن عرفين مين الى وصلنا للمستوى ده من الاهانة هم ناس فى التربية والتعليم برده ولكن ..................!!!!!!!!!!!!!اخلاقيا لا يصلحوا لتربية معيز اكيد كل واحد منيننا بيشوفهم كتير طبعا.
:lol!:

الاخوه الاستاذ محمود و رجائى من الله شكرا لتفاعلكما

الاستاذه ام صافى والاستاذه بشرى شكرا لتفاعلكما

المعلم اكتر الناس فالدوله اللى حقه مهدور مع انه اكتر واحد لازم ياخد حقه لانه اهم مقومات النجاح فالدوله
ربنا المستعان

سعيد جدا لانضمامك لنا استاذه راجية