يوضع سره فى اضعف خلقه .

السلام عليكم ....دى اول مساهمة لى خارج نطاق الدبلومة والمحاضرات والكلام الكتير ده يارب تعجبكم.

الموضوع بقى ان دى معلومة قديمة قريتها من سنين فى احدى كتب د/ نبيل فاروق بس مش نسيتها وكل ما فتكرها اقول سبحان الله وهى طلبت معايا انى اقولكم عليها دلوقتى ... ماشى هابطل رغى وادخل فى الموضوع على طول بس لازم اسالكم سؤال الاول
هو ممكن نملة تقتل انسان كبير وناضج ؟؟

سمعاكم بتقولوا ولا حتى عيل صغير .... طيب ليه الاستعجال ده ؟
الحقيقة ان ده ممكن يحصل بس فى حالة نادرة جدا ... وهى انك لما تيجى حضرتك تقتل النملة وتفعصها بايديك من باب الافترى عليها يعنى ..هى بتطلع سلاحها و بتفرز مادة اسمها حمض النمليك وده اللى بيسبب الشعور بالالم مكان القرصة بتاعتها ...المهم بقى ان فى نسبة ضئيلة ونادرة من البشر عندها حساسية من الحمض ده وأول ما النملة تفرز الحمض ده تبدأ تظهر مجموعة اعراض من تسارع فى ضربات القلب، وشحوب الجلد، وانخفاض ضغط الدم، مع صعوبة في التنفس، وتشنج في عضلات البطن و........... .
وينتهي الأمر بالوقوع في حالة إغماء وخلال دقائق معدودة قد يفقد المريض حياته إذا لم يتلقى العلاج اللازم.

(فسبحان الخالق )
علشان تحرموا تانى مرة تقربوا للنملة وتسيبوها فى حالها.

موضوع جميل ميس دعاء

لكن ثمة سؤاااال ع الهامش

هل المعلومة محققه ومقننة وموثقة ؟

مظنيش اني مصدق غير لما حضرتك تتاكدي من وجودد مصدر البحث الاساسي

دي نقطة

النقطة الثانية معظم الناس في الفترة دي بيحاولوا يقربونا من ربنا باللمسات الصغيرة الي زي دي وهم اساسا نيتهم جميلة وطيبة ومباركة لكن استخدامهم للاسلوب ده بيخليني نتشتت فكريا

النقطة الثالثة انا لا اريد ان انتقد معلومات او موضوعات حضرتك

لا والله بالعكس حضرتك حد نشيط جدا ماشاء الله

وموضوعاتك هادفه

لكن ليس كل ما يُكتبُ يُصدَقُ

لكِ مني جزيل الشكر وباترك ربي فيكِ وفي اعمالك

سدد الله خطاكِ وجزاكِ الفردوس الاعلى

بارك الله فيك يا استاذ طه بس على فكرة انا كتبت مصدرى ( د/ نبيل فاروق )لأنى واثقة جدا من مصداقية معلوماته العلمية وكمان متقلقش انا بحثت تانى عن المعلومة وتأكدت من صحتها قبل كتابة الموضوع . وعايزة اقول لحضرتك حاجة ان ده مش غريب لان حمض النمليك ده مادة كيميائية والحساسية منها شئ مش مستبعد زى مثلا الحساسية من الفستق او غيره
انا فاهمة قصد حضرتك ولا ضرر من النقد الهادف بس بقول كده للتوضيح

وده رابط ممكن تلاقى فيه اعراض لدغة النملة لعامة البشر ولمن يعانون من الحساسية لحمض النمليك .
[ندعوك للتسجيل في المنتدى أو التعريف بنفسك لمعاينة هذا الرابط]
معلش انا عارفة ان المعلومة غريبة شوية وحضرتك ليك حق تشك فيها.

جميل جداا ماشاء الله على حضرتك

ده بالظبط اللي اقصده

اننا نتأكد من مصداقية الخبر والمعلومة

عشان ميبقاش كلامنا هراء وهرتلة غوغاء

وعشان بردو منغرسش في عقول الناس معلومات خاطئة من الممكن يكون لبعض اعداء الاسلام غرض في نشرها

وعارفه يا ميس دعاء

الوقتي الفيس كله ملياااان من الاخبار والمعلومات اللي كل غرضها تشويه عقول المسلمين بافكار مزيفة وخاطئة

عشان ندمر وهو ده فعلا الحرب الثقافي والغزوو والفكري

شكرا لحضرتك جدااا

وبجد انا بعتز جدا بحضرتك لانك جبتي السورس والمصدر بتاع المعلومة

وجزاكي عني وعن الااسلام والمسلمين خير الجزاء

ونتمنى ان نرى نشاطكِ في قسم التنمية البشرية

دمتِ بود

الاستاذ/ة ( خالد - اريج - هبة الله )
شكرا...شرفنى مروركم وردودكم العطرة.

(استاذة ايمان واستاذ اشرف )بارك الله فيكما وشكرا على مروركم الكريم