مش عادى ********

ماتقوليش عادي .. علشان دا مش عاااااااادي

مش هقلع طرحتي يوم فرحي عشان ليلة العمر... عشان ده مش عادي

مش هرقص في فرح بنت خالي عشان صلة الرحم... عشان ده مش عادي
...
... مش هحكي لزميلي في الشغل مشاكلي العائلية.. عشان ده مش عادي

مش هروح البحر والبس مايووه..عشان ده مش عادي

وكفايا بقى كلمة عادي.. لاننا متخلقناش عادي

ولا هنقف نقول يارب معلش... اصله كان عادي

عادي كل البنات مصاحبين.. وانا يلا اصاحب عشان مبقاش معقده.. لا مش عادي

عادي كلهم مسافرين شلة ولاد وبنات ...وانا اسافر معاهم .. لا مش عادي

عادي تقصير الجيب على البووت.. عشان ابقى على الموضة.. لا مش عادي

عادي البنطلون ابو وسط ساقط ... عشان ابقى روش... لا مش عادي

عادي البدي الملزق وهيتفرتك من على الجسم... لا مش عادي

عادي اركب عربية زميلي.. مهو زي اخويا... لا مش عادي

وعادي ابن عمي يبعت لي رسايل تهريج خارجة.. اصله زي اخويا.. لا مش عادي

وعادي اكدب على أهلي ..مهي كدبة بيضا... لا مش عادي

عادي اروح شغلي متاخر وازور امضتي..مهو كله عادي اشمعنى انا.. لا مش عادي

عادى اكون محجبة واقف انشر الغسيل من غير حجاب مانا فى بيتى ومحدش باصص اوى
.. لا مش عادى

عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك عادي ....لا مش عادي

عادي اكتب رقم تليفوني وبياناتي الشخصية. محدش هيعمل لي حاجه..لا مش عادي

عادي اشوف واحدة بتتعاكس واسكت.... مهو ده بقى عادي ..... لا بقى مش عادي

بس العادى بقى انى اكون كنت بعمل اى حاجة من الحاجات ده وأحس انى كنت غلط وصحح غلطتى ده بقى اكبر عاااااااااااااادى عشان الواحد عايش فى الدنيا ده بيتعلم منها...وعشان عنده امل كبيييييييييير اووووى فى ربنا يغفرله ويسامحه

وكفاية بقى عيشه عادي .. عشان حبنـــــــــــــــا للــــــــــــه

اكبر من اى كلمـــــــــه عادى

و لاننا مش عايزين ينكتب على قبرنا

هنا يرقــد السيد عــادي

عادي بن عادي آل عادي

جمييييييييل جدا ايمان
بتحكي فعلا اشياء بتحصل وناس كتييييييييير تفتكر ان ده عادي
بس لازم نفتكر اننا بنتحاسب عن كل شئ بنعمله حساب مش عادي

شكرا جزيلا اختنا إيمان على هذا الموضوع الجميل.
ونرجوا من الله ان يكون كل البنات على تلك الاخلاق والتمسك بمبادى الدين ،فسبحان الله انتشرت مصطلحت غربية فى مجمعتنا اليومين دول فنجد ياعم فك،ياعم رَوش ،ساعة لقلبك وساعة لربك،ده انت دقة قديمة ،ياعم عيش حياتك ،وللاسف الشديد نجد الاسرة والمجتمع ينظرون الى الفتاة والفتى من هذا النوع على انهم هم الصح ومن يفعل غير ذلك يصبح ملخوم ومعقد ،فسبحان الله نسأل الله ان يرد شباب المسلمين ونساء المسلمين وفتيات المسلمين الى دينه رداً جميلاً ..........
وشكرا لك اخت ايمان على هذا الموضوع

رائــــــــــــــعه يا إيمان ربنا يبارك فيكي ويهدي بنات المسلمين أجمعين يارب