قال تعالى فى سوره البقره " يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا "
ـ
تعالو نشوف مع بعض ليه ربنا سبحانه وتعالى حرم علينا الخمر والميسر ؟
ايه هو الخمر ؟
- الخمر: هو اى حاجه تغيب العقل وتخلى الانسان مش مركز او مش فى كامل وعيه
طيب وليه ربنا حرمه ؟
- اول حاجه :
ربنا حرم الخمر لانه بيتعمل من ماده اسمها " الكحول الايثيلى "
وهى من اقوى المذيبات العضويه اللى اكتشفها الانسان ..
وجسم الانسان ربنا سبحانه وتعالى خلقه مكون من مركبات عضويه
فلما الواحد يشرب خمور .. المذيبات العضويه دى بتدخل جسم الانسان وتعمل التهاب فى الغشاء بتاع الجهاز الهضمى والجهاز التنفسى
وبسبب كده يقوم يحصل قرحه فى المعده ومع الوقت القرحات دى بتتحول لاورام سرطانيه اعاذنا واعاذكم الله ...
المشكله الاكبر انها بتدمر خلايا الجهاز العصبى وخلايا الجهاز العصبى لما بتبوظ مش
بتتجدد تانى ابدا ولا فى حاجه ممكن تعوضها .
- تانى حاجه :
ان الواحد بيخلص الفلوس عليها سواء فى الشرب سواء فى العلاج
-
تالت حاجه :
ان اغلب الجرائم اللى بتحصل فى المجتمعات بتكون بسبب ان الواحد مش بيفكر فى العواقب لان عقله بيكون مغيب فربنا سبحانه وتعالى حب يحمينا من الامراض الخطيره والجرائم الكتير بتحريم الخمر - طبعا انت ممكن تقول انا مبشربش خمره .. بس ياترى انت ياترى متأكد انك مبتساعدش فى توصيلها لغيرك باى طريقه ؟ 
-
عَنِ ابْنِ عُمَرَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَعَنَ اللَّهُ الْخَمْرَ ، وَشَارِبَهَا ، وَسَاقِيَهَا ، وَعَاصِرَهَا ، وَمُسْتَعْصِرَهَا ، وَحَامِلَهَا ، وَالْمَحْمُولَ إِلَيْهِ ، وَبَائِعَهَا وَآكِلَ ثَمَنِهَا ، وَمُبْتَاعَهَا " .
- "عن ابن عمر ، عن النبي صلى الله عليه وسلم ، قال : كل مسكر خمر ، وكل خمر حرام "
- عن النبي صلى الله عليه وسلم أنه قال: ما أسكر كثيره فقليله حرام. رواه الترمذي.
ــــــــــــــــــــــــــــــــــــــــــــــــــــــــــــــــــــــــــ
طيب نيجى للميسر ..
؟ ليه الميسر حرام مع انه مش بيغيب العقل
- الميسر هو القمار .. وهو وسيله لكسب الفلوس بطريقه سهله .. او خسارتها منغير سبب
طبعا بتسال نفسك طيب وايه المشكه لما اكسب فلوس بطريقه سهله ؟
اولاً
- المشكله انك لما تكسب الفلوس بطريقه سهله .. مش هتشتغل ولا هتفيد غيرك يعنى هيكون وجودك فى المجمتع زي عدمه
تانى حاجة
انك اكيد مش هتكسب على طول لازم فى مره هتخسر وساعتها هتلعب تانى يمكن تكسب وبردو ممكن تخسر وتكون فلوس انت محتاجها او غيرك محتاجها من اهلك او صحابك يبقى انت بتنفق الفلوس دى فى مكان غير مكانها الصحييح
تالت حاجه:
انك ممكن لما تخسر تحس انك اتظلمت لان البشر ربنا خلقهم بيحبو الفلوس وصعب يتقبلو الخساره الماديه .. ساعتها مش هتسكت وهتتخانق وتعمل مشكله وغالبا هتوصل للقتل
واخيراً
يبقى كده القمار زيه زي الخمره وسيله لنشر الجرائم فى المجتمع
وعلشان كده ربنا قال اثمهما اكبر من نفعهم
لان حتى لو كسبت من الخمره او الميسر ربنا عمره ماهيبارك فى الرزق ده
موضوع: الاعجاز العلمى فى القران الكريم(تحريم الخمر والميسر) 
الإثنين 17 ديسمبر 2012 - 18:09
