بسبوسة بطريقة سهلة واللي بتشتكي م البسبوسة خلاص مفيش شكوي

السلام عليكم ورحمه الله وبركاته

كل سنه وانتم طيبين وان شاء الله تكون ايامكم كلها خير وسعاده وفرح

طبعا دلوقتى كلنا اخدنا الاجازة ولازم يكون تركيزنا الايام الجايه للمطبخ وتنضيف البيت

النهاردة يا جماعة ويصفتى اخدت الاجازة هتبدا مغامراتى فى المطبخ والبيت هقول ليكوا علي

طريقة البسبوسة السهلة جدا اللي باعملها من زمان واللي مش بتعرف تعمل البسبوسة او
بتلاقي

مشاكل فيها تجربها ومش هتبطل تعملها ......ابطل رغي وادخل في الموضوع ؟ حاضر يا ستى

المقادير: احفظيها بالطريقة دي 3 ـ 2 ـ 1 ازاي ؟ هاقولك

3 كوب دقيق سميد(من السوبر ماركت او محل لوازم الحلويات او العطار)وماينفعش كيس

البسبوسة الجاهز

2 كوب زبادي (علبة الزبادي اللي عند اللبان ووزن العلبة الواحدة 150 جرام)

1 كوب سكر عادي مش بودرة

معلقتين مليانين سمنة +معلقة جوز هند +باكو فانيليا

باكو بيكنج بودر (ايوة باكو بحاله)

الطريقة: هنخلط المقادير الجافة علي بعض(دقيق السميد والبيكينج بودر والسكر وجوز الهند

والفانيليا)

-وبعدين نحط السمنة ونخلطها شوية وبعد كدة الزبادي ونعجن

-بعد كدة هندهن الصينية

-لوعايزة تسويها كدة ماشي عايزة تحطي عليها مكسرات ماشي اللي يريحك

- وندخلها الفرن ونحط الشربات لاننا بنسقي الشربات سخن وهي سخنة ومقادير الشربات 2

كوب سكر +1كوب ماء يغلوا 5 دقايق ونحط عليهم فانيليا ونصف ليمونه ونطفي

-وسيبيها تبرد الاول وبعد كدة قطعيها وبالهنا والشفا

يارب تعجبكوووووووووووو

حمدلله علي السلامة يااجمل شيف
وحشتنا وصفتك الجامدة للمطبخ
طريقة البسبوسة اكتر من راااااااااااااااااااااااااااااااااااااااااااااااااائعة
سلمت يدايكي
ونطمع في المزيد من الوصفات[center]

الله يسلمك يارب ياشيماء ياقمر ويباركلك ياجميله

وانا اتمنى انك تجربيها وان شاء الله كل حاجه بعملها هكتب هنا وصفاتها

وان شاء الله دايما تعجبكم

جميل اختي صفاء تسلم ايديكي وان شاء الله اجربها

ربنا يخليكى يا استاذه كرامات

وان شاء الله هتعجبى بيها

3
2
1
هو حضراتكو هتلعبوا ضد مركز شباب النحال هههههههههههههههههههههه

هي صينية بسبوسة لا راحت ولا جات اللي هتزلونا عليها دي

انا بقا عندا ً فيكو هقوم ادخل المطبخ بكره ان شاء الله وهعمل حاجه حلوة

هعمل بقا كيكه بقا

وهزلكو عليها

هههههههههههههههه

منورة ميس صفاء وعودا حميدا وبون فاكانس (اجازة سعيدة يعني ) Smile

ههههههههههههههههههههه

هتزلنا ماشى طيب عايزين اختراعتك ياكوتش هنا علشان نستفاد كتييير اكيد حضرتك طريقتك مختلفه خاااااااالص للبسبوسه وكمان كلنا هنا فى المنتدى منتظرين الكيكه هههههههههههه انا واثقه انها هتطلع كيكه عمر ما حد شافاها قبل كده
ربنا يكرمك وبسعدك يارب وشكرا جدا لحضرتك

طريقة سهلة بجد تسلم ايديك ياصفاء عايزة طريقة عمل الكنافة بالقشطة وتكون سهلة ومضمونة وفي اسرع وقت هههههههههههه

ربنا يخليكى ياجنه الرحمن

وان شاء الله هنزل طريقه الكنافه بالقشطه فى اقرب وقت انتى تؤمرى والله

بالهنا والشفا ليكى

هات حته هات حته
تسلم ايديكى
معلش هوميعاد العزومةامتى علشان مكنتش موجوده
بكرة شكرا شكرا
خلاص خلاص متحلفيش انا حاجى
بس لو مكنتيش تحلفى

على فكرة ان شاء الله حجربها وابقى اقولك لانى انا بعملها بالدقيق الجاهز

بس كنت عايزة اعرف حجم الصينية الى عملتى فيها المقدار
وياترى حتطلع طريه اهم حاجة

صفــــاء حمدا لله على سلامتك ..وكمان رجعالنا بصينية بسبوسة مرة واحدة ..
لا لا لا ده كتير ياصفاء يعنى انتى مصرة .. ماشى ماشى Embarassed

بس انا بحب الحتة اللى بتبقى على جنب .

ههههههههههههههههههههههههه انت تؤمرى يادعاء وكمان خدى الصينيه كلها بس بس

يارب تطلع معاكى حلوه وجميله وياريت تجبيلى حته منها ادينى بقول اهو

وانا بعمل فى الصينيه العاديه بتاعت البسبوسه الوسط

الله يسلمك يادعاء ياقمر ربنا يخليكى ياجميله

ده اقل حاجه والله وانا ياستى حجزتلك الحته بتاعتك

جميلة الوصفة دى انا بعملها بالكيس الجاهز وبتطلع حلوة ومفيش مانع اجرب طريقتك

تسلمى ياامانى

ان شاء الله تجربيها وتطلع معاكى حلوه

وان شاء الله تكونى مستفيده

يا ريت كله زى البسبوسة

تسلمى يا صفاء

هههههههههههههههههههههههههههههههههه ياريت ياريج

نورتى ياقمر

بسبوسة جميلة جدااااااااااااااا ياأحلى بسبوسة وأنا شفت الطريقة بس ما اكلت منها بعد ما سقتيها بالشربات وعلى فكرة البسبوسة من الحلويات المفضلة لى يعنى تبعتيلى صنية خااااااااااااااااصة ومليش دعوة.

تســـلم ايديـــــكي يــا صـــــافي
انا هقوم اعملها دلوقتي وياااارب تطلع مظبوطه
لانها دايما بتبوظ مني

عموما لو باظت هجيبهالك هنا ههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

» خلاص تعبنا
» طريقة عمل البسبوسة بالزبادى
» أكون أختك مفيش مانع .
» مفيش حد يجيب لنا نتائج إعلام
» عمل كيكة سهلة وسريعة