إعلان نتائج الدبلومة ......

تم إعلان نتائج الدبلومة الخاصة الخميس الماضى ، نتائج الدبلومة العامة لم تعلن بعد ولم
تعلق حتى الأن وكفاية إشاعات لأن ممكن واحد من آخر الدنيا يجى الجامعة مخصوص عشان
الخبر ويعذب نفسه على الفاضى فى الجو النار دا حرام عليكم . الرجاء الهدوء النتيجه هتظهر
هتظهر بس الصبر وربنا هيوفقنا إنشاء الله فى الأيام المفترجة دى ربنا هيكرمنا أنا حاسس كدا.
الخلاصة أن النتائج اللى اتـعلقت يوم الخميس الماضى هى نتائج الدبلومة الخاصة فقط لا غير
وكل سنة وأنتوا طيبين وربنا هيوفقنا متقلقوش والنتيجة خلال الأسبوع القادم أكيد.

شكرا بس بجد والله اعصابنا تعبت خالص وربنا يوفقنا جميعا

مشكور يااخ نبيل ويارب النجاح للجميع

النجاح للجميع ان شاء الله

بارك الله فيك
والنجاح للجميع انشاء الله

انا باكد انى شفت الفراش جايب النتيجة لصاحبتى امبارح قبل المغرب وخد الحلاوة وهى طلعت بجيد جدا والله ده حصل مش اشاعات وقال لسة باقي الاقسام ماطلعتش وهي قسم مكتبات واتاكدو من حد في قنا لان موقع الجامعه مقفول من امبارح وانا بحلف وانا صايمة ان ده حصل مش اشاعات

السلام عليكم ورحمة الله وبركاته
أخى نبيل أنت صادق في كلامك
أختى منى أنت صادقة فى كلامك
بالفعل النتيجة لم تعلق ولم تعلن ولم تعتمد حتى الآن وذلك لتعديل النتائج لصلحنا بقدر المستطاع
وبالفعل أيضا استطاع العمال فى الجامعة أن يحصلوا على نسخة ورقية من النتيجة من الكنترول وقبل اعتمادها لتوزيعها وأخذ الحلاوة كما أسلفتى يا أختى منى
وعموما أبشروا أبشروا أبشروا
اللهم إن كان من خطأ أو نسيان فمنى ومن الشيطان
وإن كان من توفيق فمن الله وحده وهو بكل شئ عليم
وصلى اللهم علي سيدنا محمد وعلى آله وصحبه وسلم

صلى اللهم علي سيدنا محمد وعلى آله وصحبه وسلم
يارب العالمين النجاح للجميع

يا أخت منى بالنسبة للفراشين بيخطفوا أى نتايج من الكنترول وخلاص وينزلوا جرى بيها على الناس مثلا فى واحد صاحبى قاله الفراش أنت ناجح بتقدير جيد واحد تانى من الكنترول قاله جيد جدا وأحيانا الفراشين بيجيبوا نتايج غلط فى غلط وربنا يوفقنا جميعا......

شكرا ليكم جميعا علي ردكم وربنا يستر معانا كلناوتفرح بالنجاح قريب ان شاء الله بس لو حدعرف حاجه ياريت يطمنا

يارب نطمن كلنا لان بجد الواحد بقى على اعصابه

اتمنى اشوف الردود الخاصه بالمشرفين على المنتدى فيما يخص النتيجه علشان الكلام يبقى على ثقه ونعرف الموعد الحقيقى لظهور النتيجة

بصراحة الموضوع طول والناس بقت فى قلق ( وفقنا الله واياكم لما فيه الخير)

السلام عليكم ورحمة الله وبركاته
النتيجة لم تظهر حتى الآن
والنتيجة منتهية
وما تأخيرها إلا لمحاولة رفع نسبة النجاح لأعلى درجة ممكنة
والنتيجة فوق المتوقع ومبشرة جدا جدا فأبشروا فأبشروا
وصلى اللهم على سيدنا محمد وعلى آله وصحبه وسلم

بشرك الله بالخير ويارب ننجح كلنا

ان شاء الله كلنا ناجحين بأذن الله تعالي

السلام عليكم .يا جماعه متقلقوش من تأ خير النتيجه لأن ده في صالحنا وان شاء الله الكل ناجح