حان الان موعد تعلم الفرمته وعدم الوقوع ضحية اصحاب المراكز1

الى جميع الاعضاء والزوار الكرام المرة دى مختلفة عن اى مرة سابقة هنبتدى باذن الله نتعلم :-
1- ازاى افرمت الجهاز
2- ازاى ننزل نسخة ويندوز (فى الغالب نسخة اكس بى علشان الناس كلها بتستخدمه)
3- بعد ما ننزلها ازاى نعرف- وحطوا على حرف الراء شدة- (المذر برود-اللوحة الام- كارت الشاشة- كارت الصوت-كارت الشبكة علشان النت - الناس بتوع وصلات النت واصحاب خطوط الدى اس ال )
*ملحوظة الناس اللى عندهم كارت مودم ده حاجاة تانى هنبقى نوضحها باذن الله
4- ازاى ننزل البرامج الاساسية ( برنامج الضغط وفكه-مشغل الفلاش - الجافا -الياهو ماسنجر - الانتى فيرس وكيفية تحديثة باذن الله - مشغل الصوتيات والفيديو - مشغل الملفات بامتداد بى دى اف - الاوفيس) اى برامج تانى عاوزين تسطبوها تقولوا واحنا باذن الله ننفذ
5 - دى زياده بقى وهى اللى عاوز ياخد نسخة احتياطية للويندوز علشان ميقعدش يفرمت كل شوية

======================================

ربنا يسهل واخلص من السلسلة دى ادعولى ياجماعة بالله

======================================
اول حاجة ياجماعة علشان يبقى شغلنا منظم ونكون ناس محترفة مش هواه لازن يكون فى معانا الحاجات دول
1- مشغل اسطوانات (السى دى روم)كويس واتجرب وعارفين تماما انه بيشغل اسطوانات تمام كده
2- نسخة ويندوز اكس بى نضيفة(مش متجرحة وليها خمس سنين علشان متوقفش اثناء التسطيب) وممكن نجيبها من اى سيبر نت او مركز وهى مش هتعدى خمسة جنيه باذن الله
3- اسطوانة التعريف اللى جات مع الجهاز وهى اسطوانة البورده او اسطوانة المذر بورد او اسطوانة اللوحة الام اى اسم من اللى فات دول ودى حاجة مهمة طبعا
4- اذا كان الجهاز مضمون ميه فى الميه انه مش عليه فيروسات نقدر نستخدم البرامج اللى عليه طاب لو الجهاز متفيرس نعمل ايه؟ نجيب فلاشة نضيفة من واحد صاحبنا ونحط عليها البرامج اللى فاتت وكتبناها فوق طاب لو مفيش فلاشة نرمى الجهاز يعنى ؟لا مش للدرجة احنا بعد ما نعرف كارت الشبكة اللى بنسميه ساعات كارت النت هندخل على روابط ههحطها ونحمل البرامج بسهولة كده مفيش حجة بقى
5- برضه دى زيادة وهى اسطوانة هيرنز بوت او اسطوانة جوست ودى بتاخد لقطة من الويندوز علشان نستعيده بسرعة بدل ما نفرمت تانى لو الجهاز لا قدر الله باظ تانى من الفيروسات

======================================

جهزنا اللى فات ده كله يبقى كده انت جاز ندخل على الخطوة التانية
وهى موجودة فى الموضوع اللى جاى وهسميه باذن الله :-
حان الان موعد تعلم الفرمته وعدم الوقوع ضحية اصحاب المراكز2

======================================

ياجماعة اللى جهز الحاجات يقول هنا فى الردود انه جاهز يتعلم ويدعيلى استمر يارب

======================================

باذن الله بعد ما نخلص من السلسلة دى هنعمل موضوع جديد للمناقشة والطلبات الخاصة

======================================

باجماعه طلب شخصى بالله اللى مش بيعرف يفرمت والكلام ده بالله اتعلم وانا هحط صور باذن الله وواحدة واحده بجد مش عاوزين نوقع ضحية لاصحاب المراكز ويقعد يلعب بينا فى مشكلة مش هتاخد ساعة الا ربع ويقولنا 15 جنيه 20 جنيه 50 جنيه طاب وليه ده كله نتعلم ونبقى واعيين ولا نسيب الناس دول تضحك علينا


السلام عليكم ورحمة الله وبركاته
======================================





بسم الله الرحمن الرحيم

نستكمل ثانى دروسنا باذن الله فى سلسلة
حان الان موعد تعلم الفرمته وعدم الوقوع ضحية اصحاب المراكز
=============================
ده رابط الدرس الاول

[ندعوك للتسجيل في المنتدى أو التعريف بنفسك لمعاينة هذا الرابط]

==================================
معلش ياجماعه هرط معاكم فى شيوة كلام بس علشان نكون ملمين شوية بمعلومات مهمة :-
1- الفرق بين المسح والفرمته delet & format
المسح ياجماعة وهى انى اشيل وجود الحجة نفسها والفرمتة ان اشيلها من جزورها
وابنى جزور جديدة يعنى اعادة تهيئة زى اللى بنشوفها فى كروت الميمورى فى الموبايل
2- يعنى ايه بوت boot يعنى الجهاز بيبقى واخد امر انه لما يبتدى يقرا ويشتغل علشان
يقرا الهارد مثلا او يقرا السى دى روم مثلا او اى درايف تانى بمعنى انا عندى هاردين
وحد عليه نسخة ويندوز والتانى لا وعاوز الجهاز لما يقرا يقرا اللى عليه النسخة فبديله
امر بوت وده بيكون من اللوحة الام او حتى عندى هارد والنسخة ضربت زى اغلب
الناس وجب اسطوانة وعاوز اشغلها فى السى دى روم يبقى اديله امر انه يقرا
السى دى روم الاول بدل الهارد
* المهم علشان منطولش معظم نسخ الويندوز بتبوت وحدها من السى دى
==============================
يالا بينا بقى ندخل فى الفرمته
===============================
جهزنا السى دى روم اللى شغال كويس نحط فيه اسطوانة الويندوز اللى لسه
مشترينها ونعيد تشغيل الجهاز
==============================
نركز لغاية ما تطلع لينا رسالة وغالبا بتظهر بعد ما نعيد التشغيل بنص دقيقة
او اقل وهى هتكون باسم
Press any key to boot from Cd
اول ما نشوفها نضغط على زرار يعجبك من لوجة المفاتيح (الكيبورد)
ودول صورتين للشكل اللى هيظهر على حسب نوع جهازك
===============================
دى الصورة الاولى
[ندعوك للتسجيل في المنتدى أو التعريف بنفسك لمعاينة هذه الصورة]
===========
دى الصورة التانية

[ندعوك للتسجيل في المنتدى أو التعريف بنفسك لمعاينة هذه الصورة]

شايفين اهى الرسالة من تحت خالص
الحق بقى ووس على اى زرار
============================
تمام يا جماعة اول ما تخلصوا كل اللى جاى سهل باذن الله وواحدة
واحدة بالصور
هنسيب الجهاز يشغل الاسطوانة يعنى هيبدى من الصورة

[ندعوك للتسجيل في المنتدى أو التعريف بنفسك لمعاينة هذه الصورة]

ونسيبه يخلص براحته

===============================
ندخل على الصورة التانية
[ندعوك للتسجيل في المنتدى أو التعريف بنفسك لمعاينة هذه الصورة]
===============================
[ندعوك للتسجيل في المنتدى أو التعريف بنفسك لمعاينة هذه الصورة]
=================================

خلوا بالكم فى الخطوة اللى جايه
[ندعوك للتسجيل في المنتدى أو التعريف بنفسك لمعاينة هذه الصورة]

D بعد ما نحدد السى نضغط على حرف
علشان نمسح الملفات التالفة اللى عليه من زمان
================================
[ندعوك للتسجيل في المنتدى أو التعريف بنفسك لمعاينة هذه الصورة]

================================
[ندعوك للتسجيل في المنتدى أو التعريف بنفسك لمعاينة هذه الصورة]
بس كده ياسدى تسيب الماوس وتروح تشرب ميه او عصير او تاكل لقمة وترجع
لو مش عاوز اتفرج على الصور اللى جاية علشان هتظهر بعدين بس انت مليكش
دخل بيها ما هو لو تسمع الكلام وتروح تشرب او تاكل كان احسن
==================================
[ندعوك للتسجيل في المنتدى أو التعريف بنفسك لمعاينة هذه الصورة]
=================================
[ندعوك للتسجيل في المنتدى أو التعريف بنفسك لمعاينة هذه الصورة]
=================================
[ندعوك للتسجيل في المنتدى أو التعريف بنفسك لمعاينة هذه الصورة]
وبكده الجهاز هيعيد تشغيله نفسه مرة تانى متقلقش من حاجة ومتتغطش على حاجة خالص
=================================
اهو كده خلصنا درس الفرمتة شفت بقى سهلة ازاى يالا ياجماعة لو فيه استفسار قولوا
علشان ندخل فى الرس التانى ويهكون عنوانه

حان الان موعد تعلم الفرمته وعدم الوقوع ضحية اصحاب المراكز 3

السلام عليكم ورحمة الله وبركاته

================================





بسم الله الرحمن الرحيم

ورجعنا تانى الحمد لله للدرس الثالث من سلسلة
حان الان موعد تعلم الفرمته وعدم الوقوع ضحية اصحاب المراكز
=================================

بعد ما الجهاز خلص فرمته واعاد تشغيل نفسه هنسيبه يشغل نفسه وهيدخل اتومتيك
على تنزيل نسخة الويندوز

ودى الصورة اللى هتقابلك
[ندعوك للتسجيل في المنتدى أو التعريف بنفسك لمعاينة هذه الصورة]
=======================================

هتستنى لما الشاشة دى تظهر وتبتدى شغلك على خفيف من تانى خليك جمب الجهاز ومتتحركش
[ندعوك للتسجيل في المنتدى أو التعريف بنفسك لمعاينة هذه الصورة]
==========================================
[ندعوك للتسجيل في المنتدى أو التعريف بنفسك لمعاينة هذه الصورة]

ظبط الاعدادات زى ماانت عاوز يعنى ممكن تحت تختار مصر مثلا او اى دولة علشان
بس اعدادات الوقتوالكلام ده
======================================

[ندعوك للتسجيل في المنتدى أو التعريف بنفسك لمعاينة هذه الصورة]
===========================================

[ندعوك للتسجيل في المنتدى أو التعريف بنفسك لمعاينة هذه الصورة]
==========================================

[ندعوك للتسجيل في المنتدى أو التعريف بنفسك لمعاينة هذه الصورة]
========================================

[ندعوك للتسجيل في المنتدى أو التعريف بنفسك لمعاينة هذه الصورة]
========================================

[ندعوك للتسجيل في المنتدى أو التعريف بنفسك لمعاينة هذه الصورة]
=======================================

[ندعوك للتسجيل في المنتدى أو التعريف بنفسك لمعاينة هذه الصورة]
========================================

[ندعوك للتسجيل في المنتدى أو التعريف بنفسك لمعاينة هذه الصورة]

نعمل علامة صح على اللغة العربية ونضغط اوكى

[ندعوك للتسجيل في المنتدى أو التعريف بنفسك لمعاينة هذه الصورة]
=========================================

[ندعوك للتسجيل في المنتدى أو التعريف بنفسك لمعاينة هذه الصورة]
======================================

[ندعوك للتسجيل في المنتدى أو التعريف بنفسك لمعاينة هذه الصورة]

=====================================

[ندعوك للتسجيل في المنتدى أو التعريف بنفسك لمعاينة هذه الصورة]

خدوا بالكم ياجماعة حكياة السيريال ده ايه بقى
ده زى شفرة الويندوز بيطلبها علشان يعرف انك واخد النسخة منه المهم السريال ده تجيبه ازاى
يااما تنسخ اللى موجود فى الصورة اللى فاتت وتكتبه فى وقة
او انك تطلب من الواد بتاع السيبر او المركز وتقوله اكتبلى السريال فى ورقة
المهم خلوا بالكم كمان النسخة اللى هتطلبوها منها اسمها

windows xp professional

خلاص محدش يجيب غيرها وانا بستخدمها بنفسى والله
=================================

[ندعوك للتسجيل في المنتدى أو التعريف بنفسك لمعاينة هذه الصورة]
======================================

[ندعوك للتسجيل في المنتدى أو التعريف بنفسك لمعاينة هذه الصورة]
=======================================

[ندعوك للتسجيل في المنتدى أو التعريف بنفسك لمعاينة هذه الصورة]
=========================================

[ندعوك للتسجيل في المنتدى أو التعريف بنفسك لمعاينة هذه الصورة]
=====================================

[ندعوك للتسجيل في المنتدى أو التعريف بنفسك لمعاينة هذه الصورة]
===================================

[ندعوك للتسجيل في المنتدى أو التعريف بنفسك لمعاينة هذه الصورة]
======================================

[ندعوك للتسجيل في المنتدى أو التعريف بنفسك لمعاينة هذه الصورة]
====================================

[ندعوك للتسجيل في المنتدى أو التعريف بنفسك لمعاينة هذه الصورة]
======================================

[ندعوك للتسجيل في المنتدى أو التعريف بنفسك لمعاينة هذه الصورة]
===================================

[ندعوك للتسجيل في المنتدى أو التعريف بنفسك لمعاينة هذه الصورة]
===================================

[ندعوك للتسجيل في المنتدى أو التعريف بنفسك لمعاينة هذه الصورة]
======================================

[ندعوك للتسجيل في المنتدى أو التعريف بنفسك لمعاينة هذه الصورة]
=====================================

[ندعوك للتسجيل في المنتدى أو التعريف بنفسك لمعاينة هذه الصورة]
=======================================
وعيش بقى وادعيلى ومتبخلش بدعوتك بالله
وكده ياملعم عندك ويندوز جديد
بس خدوا بالكم انا هنبه دلوقتى
وهنبه باذن الله فى الدرس اللى جاى
اللى شاكك انه جهازة كان فيه فيروسات ميفتحش البارتشنات من جوة
يعنى ميروحش يفتح الالعاب والبرامج بارتشن الدى والاى والاف
خلاص القول ميفتحش
my computer
خلاص ويبعد ن الايقونة دى مؤقتا
=====================================

انتظرونى بذن اله فى الدرس القام من السلسلى بس بكرة بقى علشان عيونى وجعانى خالص اسمه
حان الان موعد تعلم الفرمته وعدم الوقوع ضحية اصحاب المراكز 4
===============================
السلام عليكم ورحمة الله وبركاته




بسم الله الرحمن الرحيم

ورجعنا تانى اعزائى الاعضاء والزوار الكرام فى الدرسة الرابع

من سلسلة
حان الان موعد تعلم الفرمته وعدم الوقوع ضحية اصحاب المراكز
======================================

الدرس المرة دى بعد ما نزلنا النسخة الجديدة ومفتحناش البرتشنات زى ما قلنا المرة اللى فاتت
ندخل بقى قصة تعرف المزر بورد وكارت الشاشة والشبكة والصوت والكلام ده
======================================
المرة دى مختلفة نظرا لتنوع المزر بورد عن كل شخص الموضوع ده هستقبل فيه طلباتكم اللى عنده مازر بورد ومش عارف يعرف الكروت اللى فيها او مش عارف يستخدمها يكتب اسمها بالكامل وبركز على بالكامل وتقولى اجيب اسمها بالكامل من فية اقولك من على الاسطوانة نفسها تمام يجماعة
وانا باذن الله ههحط شرح للبورد بتاعتكم حسب الطب بالصور
====================================
كده عدانى العيب بقى يالا بقى مستنى تقولولى انواع البورد بتاعتكم ايه وانا هشرححلكم الطريقة بالصور
======================================
ندخل باذن الله فى الدرس اللى جاى من وهو بعنوان
حان الان موعد تعلم الفرمته وعدم الوقوع ضحية اصحاب المراكز5
======================================
السلام عليكم ورحمة الله وبركاته

]بالتوفيق

انا معاك يابو صلاح ياعبقرينو

انا هتابع معاك السلسله دى والله جات فى وقتها ياصحبى

ربنا يكرمك وانا تحت امرك انا خلاص باقى درس تانى
او درسين
انا نشرت الدروس تقدر تتطلع عليها

بارك الله فيك ....... جعله الله فى ميزان حسناتك

انا فعلا نفسى اتعلم اعمل كل حاجة فى الجهاز بنفسى وخصوصا

الفرمتة وتسطيبة الويندوز...... ربنا يباركلك

السلام عليكم ورحمة الله وبركاته
ما شاء الله عليك اخى محمد
واتمنى انك تستمر
فنحن نعلم جيدا مساهماتك ونتمنى من الله ان يوفقك
شوف يا استاذ محمد انا فى حجات كتير عايزه اعرفها من كل اللى ذكرته بس براحه شويه
وخصوصا تسطيب الويندوز بلاقى صعوبه فيه
بس انا مش ويندوز اكس بى ودايما بيسقط
والحجات اللى قلتها فى منها انا معرفوش
وهل يفرق لو كان مش جهاز عادى اللى حضرتك حتقوله ولا ايه

وربنا يوفقك ان شاء الله ويجعله فى ميزان حسناتك

حنين الى الاسلام انا فعلا فرحان انك عاوز تتعلمى وانا موجود فى اى وقت باذن الله

اما العدوة اللدودة سارة ههههههههههههه بتاعت كلية الاداب دى

متزعليش منى ياسارة بس انا مش فاهم سؤالك والله معلش انا عارف انه قصور فى المخ من عندى بس مش عارف

استخلص السؤال والله ممكن توضيح لاخوكى الغلبان

بارك الله فيك يا اخ محمد

وزادك الله من علمه

وجزاك الله خيرا

بس انا ليا سؤال صغير

انت مخاصم قسم البرمجيات ليه ؟؟؟

ياراجل مش تنفع قسمك شويه !!!!

ههههههههه اسعدنى ردك فانت دائما بالاضافة الى علمك وخبرتك فانت صاحب دعابة حلوة
مش ماصم القسم والله بس انا اعتبرت المواضيع دى مشاكل وحطتها هنا
اصلوا خد بالك كده من اسماء اقسامنا
مش لاقى القسم اللى يناسب افكار الموضوعات
على العموم انا تحت امرك ياباشا اول ما اخلص من السلسله هنقلهم فى القسم ده انت الخير والبركة

علشان بس تعرف يا استاذ محمد يعنى ايه كلية اداب
يلا مش مشكله اوضح وخلاص
انا سؤالى انى الجهاذ دوت قلولى مينفعش ليه ويندوز اكس بى وعلشان كدا بقلك انى مش ويندوز اكس بى فانا بسال عن تسطيب ويندوز غيره
والنقطه الثانيهعن الاشياء اللى حضرتك ذكرتها فوق فى منها حجات انا معرفهاش زى اسطوانة التعريف فين دى الجهاذ جه معاه اسطوانات كتير

وكفايه كدا دلوقتى لما تفتح باب الاسئله والاجابه يبقى اكمل استجواب

وبارك الله فيك يا عدو كلية الاداب

لالالالالا استنى انتى دورك بعدين ده انتى عاوزة شغل بعد الضهر واضح انك مختلفة مش بقول بتوع اداب دول خلف خلاق يلى ما علينا ربنا يعينا عليهم على العموم اتمنى تكتبيلى جهازك نوعه اية وتكتبيلى اسماء الاسطوانات كلها وتقوليلى ايه النظام اللى انت شغاله عليه كل المعلومات دى اكتبيها خلاص يااستاذة سارة مستنى البيانات دى تيجى باسرع ما يمكن مفهووووووووووووم

بارك الله فيك استاذ محمد والاستاذ محمود على تعبكم
هو مش مينفعش بس عرفت انى ويندوز اكس بى تقيل على الاب توب ويفضل شى تانى
وانا شغاله على ويندوز سبعه
واما الاسطونات فانا مش عارفه اصلهم كتير بس ححاول اشوفهم وححاول افهم
والحجات المطلوبه فوق با استاذ محمد موجوده فى الاب توب عادى ولا ايه

وشكرا لتعبكم استاذ محمود واستاذ محمد

شكرا ياستاذ محمد على المجهود الرائع هذا

ساره الملقب كتب:

بارك الله فيك استاذ محمد والاستاذ محمود على تعبكم
هو مش مينفعش بس عرفت انى ويندوز اكس بى تقيل على الاب توب ويفضل شى تانى
وانا شغاله على ويندوز سبعه
واما الاسطونات فانا مش عارفه اصلهم كتير بس ححاول اشوفهم وححاول افهم
والحجات المطلوبه فوق با استاذ محمد موجوده فى الاب توب عادى ولا ايه

وشكرا لتعبكم استاذ محمود واستاذ محمد

بصى يا استاذة سارة انا عرفت طلبك اللاب توب ده فعلا معاه اسطوانات كتيرة واسمها اسطوانات الريكفرى وده نظامها مختلف تماما خليكى انتى شوية زى ما قلتلك علشان موضوع كبير خالص
يابوووووووووووووووووووووووى على بتوع اداب دايما خلف خلاف

عبدالرحمن فاوى كتب:

شكرا ياستاذ محمد على المجهود الرائع هذا

ربنا يكرمك انت كمان يارب ويجعلنا سبب فى اسعادكم وافادتكم

عبدالفتاح جمعه كتب:

الفكرة أكثر من ممتازة موفق بإذن الله .

وزي ما قال أستاذ محمود ياريت الموضوع يكون في قسم البرمجيات .

وبالراحة على الناس شوية يا محمد مش ناقص إلا إنك تقول

هل هي sp 2 ولا sp 3 ههههههههههههههههههه

ياراجل وجميل منك حكاية التوضيح بالصور

هو ده الشغل يا راجل

الاول حمد الله على سلامتك ويارب يكون المانع خير
ثانيا انت بتقول فيها تصدق فعلا انى نسيت قصة
sp2 & sp3
ياجماااااااااااااااااااااعة
دى حزة تحديثات من شركة مايكرو سوفت وضرورية طبعا متقلقوش بتنزل مع النسخة تلقائى خالص sp2
دى حزمة تحديثات برضه بس احدث من اللى فاتت sp3
معنى الكلام انه فى اسطوانات ويندوز اسمها
windows xp professional sp2
windows xp professional sp3
والاحسن طبعا التانية علشان احدث اللى فوق بس برضه الاثنين حلوين خالص وانا ساعات بشتغل بالتنين مرة دى ومرة دى
ثالثا حمد الله على سلامتك مرة تانى ونورت بيتك تانى يا عبده

خالد السيد كتب:

السلام عليكم ورحمة الله وبركاته

هو ده الشغل إلي إحنا محتاجينه والله يامحمد وأنا نفسي أتعلمه والسلسله جميلة

ولكن كما قال أخي محمود وأخي عبدالفتاح مكانهم في القسم بتاعكم والشغل

هيخلي الزباين تنام عندكم وأنا أول واحد بس المشكلة نطلع الحاجات دي إزاي

والمفتاح مع الدكتور ياسر -- المهم تتحل إن شاء الله بس يامحمد وكمان أستاذ

محمود أي حاجة مهما كانت تخص كمبيوتر أو نت تبقى عندكم إن شاء الله

* أما القسم ده ياحمادة خاص بالإقتراحات والشكاوى فقط *

ومرة تانية أنا سعيد بهذا الموضوع وهذا الشرح بس ياريت واحده واحده

أنا عن نفسي عاوز كام يوم لكي أستوعب الدرس الأول خلاص ياشباب

ربنا يبارك فيك يامحمد ويجعله في ميزان حسناتك إن شاء الله وبالتوفيق

شرفت موضوعى يا استاذى العزيز وربنا يقدرنى واعرف اخدمكم على العموم الشرح بالصور وواحده واحد وفى النهاية باذن الله هعلمك طريقة تدربه بيها على الفرمتة من غير ما تعملوا حاجة خالص يعنى برنامج وهمى بتجربوا فيها زلما تنجحوا وتتقنوا تقدروا تفرمته الجهاز وتبقوا عشرة على عشرة

بارك الله فيك استاذ محمد

جعله الله في ميزان حسناتك

بس شوية شوية علينا احنا من اصحاب العقول البسيطة

ولا اصحاب عقول ضعيفة ولا حاجة ده تواضع جاااامد
على العموم انا شغال بالراحة خالص فى الصور ولو اى حاجة غامضة او مش مفهومة انا موجود باستمرار باذن الله وربنا يكرمنا جميعا ويزيدنا بعلمه يارب

ساره الملقب كتب:

بارك الله فيك استاذ محمد والاستاذ محمود على تعبكم
هو مش مينفعش بس عرفت انى ويندوز اكس بى تقيل على الاب توب ويفضل شى تانى
وانا شغاله على ويندوز سبعه
واما الاسطونات فانا مش عارفه اصلهم كتير بس ححاول اشوفهم وححاول افهم
والحجات المطلوبه فوق با استاذ محمد موجوده فى الاب توب عادى ولا ايه

وشكرا لتعبكم استاذ محمود واستاذ محمد

الاخت ساره

اسمحى لى ان اقول لك ان هذا الكلام خطأ

كيف يكون ويندوز اكس بى اتقل من ويندوز سبعه

اذا كان مساحة الاكس بى بعد التسطيب لاتتعدى 2 جيجا

اما السبعه فتتعدى 20 جيجا فبالعقل ايهم اتقل

بس فيه توضيح الاول

فيه ويندوز اكس بى معدل ومعموله ثيمز سبعه وطبعا مع قلة العلم للاسف

اصحاب المراكز يوهموا الشخص بانه ويندوز سبعه

دا بالنسبه للوندوز

بالنسبه للاب توب بتاعك اوضحلك انا مشكلته ... وباذن الله معانا مافيش مشاكل ولا حاجه

اللاب توب به هارد ديسك ساتا والمازر بورد الخاصه به بتطلب تعريف للساتا اثنا تثبيت

الوندوز ... وهذا التعريف غير موجود فى وندوز اكس بى ... لذلك لا يستطيع صاحب المركز

تثبيت وندوز اكس بى .... فيلجأ الى النسخ المعدله والمحتويه على تعريفات الساتا

ويوهم صاحب الجهاز انه خدمه وثبت له ويندوز سبعه ... وهناك نسخه اسمها لايت

ايضا تحتوى على تعريف الساتا .... المهم السؤال هنا ... هل يصلح تثبيت ويندوز اكس بى للاب توب ؟؟؟

الاجابه نعم وبكل سهوله .... طب ازاى وانت لسه بتقول ان ويندوز اكس بى لايحتوى على تعرف الساتا

اقولك انا .... بس الاول اسمع الصلاه على النبى ... اللهم صلى وسلم وزد وبارك على اشرف الخلق

سيدنا محمد وعلى آله وصحبه وسلم .... نرجع للاجابه

احنا سبق وقولنا ان المازر بورد الخاصه باللاب توب بتطلب تعريف الساتا اثناء تثبيت الويندوز

طب ايه رأيكم لو احنا لغينا الطلب دا ... تقولى ازاى نلغيه ... اقولك ساهله ... طب ازاى

قبل ما أبدأ فى تثبيت الوندوز ندخل على شاشة البيوس ..... ايه شاشة البيوس دى ... دى هنتكلم عليها بعدين

اوكى دخلنا على شاشة البيوس ... منها نلغى تعريفات الساتا .... طب ازاى ... اقولك كل جهاز وليه طريقه

لذلك هنطلب من الاخت ساره انها تقولنا على نوع اللاب توب الخاص بها بالتفصيل علشان نعرف نمشى معاها وحده وحده

ونوع الجهاز بيبقى مكتوب على اللاب توب من الخارج ... ياريت تنقليه وتحطيه هنا بالتفصيل

ملحوظــــــــــــــــــــــــــــــــــــــــــــــــــــــــــــــه

الاسطوانات التابعه للاب توب بيجى فيهم اسطوانة اكس بى مدمج فيها تعريفات الساتا لو الاسطوانه دى موجوده

مافيش مشكله ... اما اذا كانت ضاعت يبقى نبدأ فى شغلنا

واى خدمه باذن الله معكم الاخ محمد والعبد الفقير لله

لالالالالالالا معاها ربنا وانت انت استاذى طبعا يا استاذ محمود ربنا يوفقكم على المشكلة دى انا عارف بتوع اداب خلف خلاف ربنا يعينك عليهم يا استاذ محمود وانت لها والله من غير مجاملة

ازاى لالالالالالالالالالالالالالا انت لازم تكون معاى ولا ناسى ان ده موضوعك انت

انت عارف لو سبتنى لوحدى انا هخرج ومش هرجع تانى

على فكره دا تهديد انا مش بهزر

هههههههههههههه وانا مقدرش على زعلك انا معاك يا استاذى الجميل
وفى خدمتك وتحت رايتك على طول باذن الله

السلام عليكم ورحمة الله وبركاته
الف الف شكر يا استاذ محمود على تعبك
وشرحك رائع الصراحه ما شاء الله عليك
ومعلش يا استاذ محمد استحمل شويه بتوع اداب
المعلم لازم يكون صبور وربنا يعينكم
شوف يا استاذ محمود انا مقلتش والله انى ويندوز سبعه افضل بس انا بسمع انه هو والفيستا افضل والله اعلم
بس انا معرفش لعمل الحجات اللى حضرتك طلبتها دى يا استاذى انا يدوب فهمتها شكلها عايزه حد بيفهم
وايه نوع الاب توب كل الحجات اللى مكتوبه على الجهاز دى كتير ولا حاجه معينه هى اولهاcore2duo
هى دى ولا حاجه تانى
وشكرا خالص على تعبكم وجزاكم الله خير

ساره الملقب كتب:

السلام عليكم ورحمة الله وبركاته
بس انا معرفش لعمل الحجات اللى حضرتك طلبتها دى يا استاذى انا يدوب فهمتها شكلها عايزه حد بيفهم

يا استاذه ساره
احنا لسه معملناش حاجه وانتى بتقولى مش فاهمه
بالذمه دا كلام ... وبعدين ليه من ردك بفهم انك مش عاوزه تفهمى ومصره على كده
مين فينا ولد متعلم ... والله العظيم انا اول مره جلست امام الكمبيوتر كنت خايف ينفجر فى وشى
ولكن بالاصرار والحمد لله اصبحت فى وضع احسد عليه من اصدقائى والحمد لله
بلاش الكسل والخوف دا

اقتباس :

وايه نوع الاب توب كل الحجات اللى مكتوبه على الجهاز دى كتير ولا حاجه معينه هى اولهاcore2duo
هى دى ولا حاجه تانى

لا للاسف دا نوع البروسيسور
وبعدين مش بقولك انتى مكسله
يعنى مش قادره تنقلى الحاجات الكتيره المكتوبه
فعلا اداب خلف خلاف ههههههههههههه انا بهزر

اقتباس :

وشكرا خالص على تعبكم وجزاكم الله خير

مين قال اننا بنتعب
ماتتلككيش انتى مكسله وبتتتلككى
احنا مش بنعب بل بالعكس دا انا بتلذذ لما يجينى كمبيوتر وتكون فيه مشكله

وتاخد وقت كبير فى حلها ... ماوصفلكش السعاده اللى بتيجى بعد حل المشكله
حاولى تنقلى كل الموجود على اللاب توب
والله المستعان

مش كسل والله يا استاذنا
بس زى ما تقول كدا احساس انى مفيش فايده مش اكتر انا بحب الكمبيوتر والله وعملت الاى سى دى ال فى شهر واحد ومعايا ناس لسه فيها
بس انا مش بحب اجرب حاجه لانى معنديش حد يصلح او يتصرف لو حاجه باظت واخويا يدوب قلى خدى ادى الجهاز وسافر وانا بخاف يحصله حاجه وبيقولوا قال الاب توب حساس ومتعمليش فيه اى حاجه فقلت وعلى ايه دا كل الموضوع مش اكتر

وعمومانكتب كل الحجات مش مشكله
core2duo
wide backlight lcd
1.3m webcam
turbo wlan
intel turbo memory
weight saver
e sata
srs trusurround hd
smart recovery

اهه كل حاجه يا استاذنااصلى انى الحجات دى مش هى المقصوده شوف حضرتك كدا

الاخت ساره

السلام عليكم ورحمة الله وبركاته

انا اسف على تأخرى فى الرد وذلك لعدم دخولى المنتدى الا الان

انا مقدر ظروفك ومعك حق فى عدم المخاطره وخاصة انك لا تجيدى التعامل مع الجهاز

عموما لو اردتى ان تكملى انا تحت امرك واذا اردتى الاكتفاء بهذ القدر فهذا من حقك

اخر سؤال هو جهازك شبه الجهاز الموجود فى الصور التاليه مع اختلاف الالوان ولا لأ



[ندعوك للتسجيل في المنتدى أو التعريف بنفسك لمعاينة هذه الصورة]










[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]

نوع البورده جيجا بايت 31

بعد اذننك يا محمد كنت عايزة دروس عن البرمجة والسودكود ضرورى لانى انا ان شاء الله هدرسهم السنادى انا طبعا عارفة الشرح اللى فى الكتاب بس فمينفعش يبقى زى زى طالب شاطر عندى لازم اعرف اكتر وياريت بطريقة مبسطة

واكون شاكرة افضالك وادعيلك فى رمضان

امانى محمد كتب:

بعد اذننك يا محمد كنت عايزة دروس عن البرمجة والسودكود ضرورى لانى انا ان شاء الله هدرسهم السنادى انا طبعا عارفة الشرح اللى فى الكتاب بس فمينفعش يبقى زى زى طالب شاطر عندى لازم اعرف اكتر وياريت بطريقة مبسطة

واكون شاكرة افضالك وادعيلك فى رمضان

الاخت العزيزة امانى عاوزة ايه عن البرمجة بالتحديد لان مجالها واسع خالص لو عاوزة كتب عن لغة بعينها حاااااااضر
لو عاوز كل الكتب عن كل انواغ اللغات للبرمجة برضه حاااااااضر باذن الله
وبالنسبة للسودوكو عاوزة كل حاجة عنها ولا ولا ايه
مستنى ردك علشان اعرف اخدمك كويس
ثم متدعيليش غير لو عملتلك خدمة ياساااااااتر منك مصلحجية من الاول
هههههههههههههههههههههههههههههههههه
شرفتى الموضوع ومستنى ردك

ههههههههههههههههه
لا يا عم هدعيلك من غير خدمات انا عايزة بالتحديد افهم السودوكود كويس دى اول حاجة وبعدين اقولك على الباقى
الدعوة بقى
يارب اكرم محمد صلاح واجعله من المعتوقين من النار فى هذا الشهر الكريم
ااااااااااااااااااااااااااامين يارب

بسم الله الرحمن الرحيم







فى البداية دى لعبة مسلية جدا وتنمى الذكاء

سودوكو لعبة منطقية مبنية على وضع الارقام في المكان المناسب. الهدف هو ملء ال 9*9

مربعات بارقام بحيث ان كل عمود وصف وكل مربع من المربعات التسعة والتي تدعى مناطق

تحتوي على الارقام من واحد إلى التسعة مرة واحدة فقط. واضع اللعبة يجهز بعض المربعات

الجاهزة. السودوكو الحديثة اخترعت من قبل المعماري الأمريكي هوارد جارنز في

1979 ونشرت من قبل مجلة ديل تحت اسم Number Place أصبح هذه اللعبة شعبية في

اليابان في عام 1986 بعد أن نشرها نايكولي واعطيت اسمها التي تعرف به الآن سودوكو

والذي يعني الرقم الوحيد وأصبحت عالمية في سنة 2005. من فوائد السودوكو أنها تقوم بحرق

90 وحدة حرارية في الساعة مما يوازي ممارسة رياضة خفيفة

=====================================

كيفية اللعب :

على اللاعب إكمال الجدول بواسطة أرقام من 1 - 9 ، شرط استعمال كل رقم مرة واحدة فقط

في كل خط أفقي وفي كل خط عمودي وفي كل منطقة من المناطق التسعة .

====================================

ده موقع لو عاوزة تلعبى السودوكو اونلاين

[ندعوك للتسجيل في المنتدى أو التعريف بنفسك لمعاينة هذا الرابط]

وده كمان

[ندعوك للتسجيل في المنتدى أو التعريف بنفسك لمعاينة هذا الرابط]

===================================

نصيحة شخصية منى يا امانى عليكى وعلى المكعب السحرى انا اخدت لتلات شهور علشان احله

مقدردش ومليت ورميته

ده اسطووووووووووووووووووورة

السلام عليكم ورحمة الله وبركاته
جزاك الله خيرا استاذ محمود وانا طبعا عايزه اكمل انا قلت الكلام ده لحضرتك عشان اوضحلك انه مش كسل ولكن لعدم وجود احد يصلح ما يمكن ان افسده مش اكتر والبركه فى حضرتك طبعا

وما شاء الله عليك فعلا جهازى هو نفس هذه الاجهزه

وحاليا الجهاز للاسف كانى لما تحدثنا عنه افتكر فشاشته سودا من امبارح ولا تريد ان تظهر اى خلفيه اضعه له ولا ادرى لماذا
وبالغ شكرى لك استاذى الفاضل

شكرا جدا ليك يا محمد انا اللعبة دى بالعابها على الموبايل بخمس ارقام بس مش تسعة واضح كده انى انت هتفيدنى كتير فى الحاسب

كله بثوابه تدعيلى اخدمك متدعيليش برضه اخدمك ربنا يكرمك ويكرمنا ولو احتجتى اى حاجة انا موجود فى الخدمة

انت صحيح ايه اخبار النتيجة بتاعتك يارب تكون كويسة
ممكن تقولى انه انتي فيرس احسن avera ,ولا avg

ساره الملقب كتب:

السلام عليكم ورحمة الله وبركاته
وحاليا الجهاز للاسف كانى لما تحدثنا عنه افتكر فشاشته سودا من امبارح ولا تريد ان تظهر اى خلفيه اضعه له ولا ادرى لماذا
وبالغ شكرى لك استاذى الفاضل

اسف لتأخرى فى الرد عليكى وذلك لظروف خاصه

تقبلى عذرى .. وان شاء الله متابع معكى للنهايه .. فلا تقلقى من تأخرى عليكى فى الرد ان حدث ذلك

بالنسبه للخلفيه السوداء ... تقصدى بكدا خلفية سطح المكتب اصبحت سوداء

اذا كان تقصدى خلفية سطح المكتب .. هل ظهر جوار الساعه بالاسفل نجمه

كالتى فى الصوره التاليه


[ندعوك للتسجيل في المنتدى أو التعريف بنفسك لمعاينة هذه الصورة]

اذا كانت الاجابه نعم .. اذن انتظرى الاجابه منى بعد ردك .. لان دا امر بسيط جدا

واعذرينى جدا لتأخرى فى الرد

بصراحة لاده ولا ده بس غلى العموم الافيرا افضل طبعا والنسخة الحديثة كويسة
بس الاقوى على الاطلاق بدون منازع الكاسبر سكاى وده عن تجربة 6 سنين
بالنسبة للنتيجة للاسف ربنا ما ارادش اكون من الدبلومة
هههههههه
لانى حديث التخرج من كلية التربية قسم رياضيات وباذن الله هقدم فى الدبلومة المهنية بعد العيد

السلام عليكم ورحمة الله وبركاته
لا العفو يا استاذ محمود وحضرتك براحتك فى الرد مفيش مشاكل
شوف يا استاذى هو ايوه سطح المكتب بس هو اسود ومفيش عليه غير الايقونات الخارجيه فقط وحتى الساعه مختفيه للاسف ومش بتكون موجوده النجمه دى نهائى
بس الجهاز بيشتغل عادى لما افتح اى شئ

السلام عليكم ورحمة الله وبركاته
بارك الله فيك يا استاذ محمود
ما شاء الله عليك وربنا يزيدك من علمه
رجع الجهاز زى الاول الحمد لله
بارك الله فيك
بس يارب يفضل كدا

خالد السيد كتب:

السلام عليكم ورحمة الله وبركاته

أستاذ محمود بارك الله فيك وزادك من علمه وفضله وفرج الله كربك وهمك

* لي سؤال مستعجل أنا مسافرغداً الأربعاء مساءً وعاوز أشتري لاب توب قبل

سفري لكي استخدمه وأنا هناك بماذا تنصحني بإستفاضه لو سمحت وبالتفصيل

المُمل وعلى فكرة معلوماتك الكبيرة هذه في مجال الكمبيوتر والله عندي أحسن

وأفضل من 100 دكتوراه ربنا يزيدك ويصلح حالك وأهل بيتك ويسعدكم

اخى وحبيبى الاستاذ خالد

بارك الله فيك وجزاك الله خيرا لدعائك هذا لى ...
بالنسبه لسؤالك .. والله يا استاذ خالد انا خبرتى فى الكمبيوتر محدوده فى السفتوير

وقليل جدا جدا فى الهاردوير .. اما عملية البيع والشراء فليس لدى خبره عنها وخاصة

عن اللاب توب .. ولكن انصحك ببعض المعلومات السطحيه لدى .. اولا لو تكلمنا من ناحية

الماركه فأكيد فى ماركات عالميه مثل hp و LG و Dell و Toshiba وغيرها

ماركات كثيره .. ولكن الاهم من ماركت الجهاز مواصفات الجهاز .. وانت الذى تستطيع تحديد

مواصفات جهازك .. فمثلا اذا كنت تريد استخدام الجهاز فى الاعمال المكتبيه البسيطه هنا ستكون

المواصفات قليله وسيكون الجهاز ارخص .. اما اذا كنت ستستعمل الجهاز فى اعمال التصميم والجرافيك

او فى الالعاب ستحتاج الى مواصفات عاليه وبالتالى سعر الجهاز سيكون غالى .. والسؤال هنا

ماهى المواصفات التى ستبحث عنها عند شرائك جهاز كمبيوتر او لاب توب ؟؟؟؟

الرامات - 512 MB - 1 GB - 2 GB

كارت الشاشه يفضل اقل شيئ 1 GB

الكاش مومرى اقل شيئ 512 MB

المعالج او البروسيسور لايقل عن 3 GHz

هارد ديسك مساحته عاليه وعلى ما اعتقد ان اعلى مساحة هارد ديسك فى اللاب توب

بتكون 160 GB

دى مواصفات جهاز عالى الامكانيات وطبعا دا هيكون غالى وخاصة لو كانت ماركته عالميه

وكل ماتقل المواصفات بيقل السعر

وغالبا المواصفات بتكون مكتوبه على اللاب توب من الخارج ولكن بتكتب برموز

لذلك انصحك بان تأخذ معك ذو خبره عند الشراء

واعتذر انى لم اساعدك على الوجه الاكمل فى هذا الموضوع

واخيرا اشكرك لدعائك لى مره ثانيه وربنا يبارك فيك

بالنسبه للاخت ساره سأرد عليكى فيما بعد بإذن الله

أخى الاستاذ خالد

شكرا لك على هذه المعلومه

وارجوا ان تكون معلوماتى البسيطه افادتك

وعلى فكره انا بخير والحمد لله ولا تشغل بالك بى

وادعوا الله ان يبلغنا انا وانت وجميع المسلمين ليلة القدر

وتسافر وترجع بالسلامه ... وأكيد هيكون لك وحشه كبيره

ربنا يوفقك ان شاء الله فى الدبلومة المهنية
بس كاسبر سكاى تقيل على الجهاز وبسرعة جدا الكمبيوتر بيسقط ويندوز لما بحطوا على الجهاز
وانا ان شاء الله لو عايزة اسال عن حاجة تانية هبعتلك على الخاص اصلى انا خريجة تجارة مش حاسب خالص بس بحاول