عاوز حسنات كتير .. ادخل هاااااااام

بصوا يا جماعه ^_^

دى وسائل كتير تخليك تكسب حسنات
و تقرب من ربنا اكتر و اكتر
كلها معروفة
انا بس حبيت اجمعها

بس اهم حاجة يا جماعة
الصدق و الاخلاص فى التنفيذ


1- قلل من ذنوبك :
طبعا كل واحد فينا بيرتكب ذنوب و معاصى
لان كلنا بشر مفيش حد مننا ملاك
يبقى اول حاجة انك تقلل من سيئاتك
و ده اهم من انك تكتر من حسناتك
لان ( السيئات تأكل الحسنات كما تاكل النار الحطب )
كل واحد مننا يحاول يقعد مع نفسه
و يشوف ايه السيئات اللى بيعملها و يحاول يقلل منها بالتدريج
مش بقول يبطلها كلها مرة واحدة
لانه مش سوبر مان مثلا
انا بقول بالتدريج
علشان يكون الامر مستطاع





2- الصلاة فى وقتها:
مهما كانت الظروف و الاسباب حاول ان تقوم للصلاة فى وقتها
و يا حبذا لو كانت فى جماعة




3- الصلاة فى المسجد :
بالنسبة للاولاد
فالصلاة فى الجامع مهمة جدا
و ياريت تكون فى الصف الاول او التانى
حاول على قد ما تقدر تلتزم بالصلاة فى الجامع




4- السنن فى الصلاة:
قال الرسول صلى الله عليه و سلم ( من لم يتبع سنتى لا تحق له شفاعتى )
كلنا عارفين ان فى سنن فى الصلاة ( صلاة السنة )
نحاول نواظب عليها على قد ما نقدر
السنن المؤكدة هى 12 ركعة
2 قبل الفجر و 4 قبل الظهر و 2 بعد الظهر و 2 بعد المغرب و 2 بعد العشاء
كمان فى ركعتين الضحى و الشفع و الوتر





5- قيام الليل:
ده اجره عظيم جدا عند ربنا
كتير مننا بيسهر يتفرج على التليفزيون او على النت
بس محدش من الناس دى بيفكر يصلى قيام الليل
مع انه كده كده سهران

حاول تصحى قبل صلاة الفجر بساعة
او حتى بنص ساعة
و صلى قيام الليل و ادعى ربنا و استغفره
انت كده كده هتصلى الفجر
مش هتضرك نص ساعة بدرى تقومها
و جزائها عند ربنا كبير




6- صدقة يومية :
حاول تطلع كل يوم صدقة
حتى لو ربع جنيه مش مهم
المهم انك تواظب عليها و تحافظ عليها





7- قراءة القرآن :
ورد كل يوم حزب واحد تقرأه بتمعن
مش لازم تقرأه فى قاعدة واحدة
خليها صفحتين بعد كل صلاة
ده الحزب كله 8 صفح مش اكتر




8- حفظ القرآن :
احفظ كل يوم آية واحدة او آيتين
فى اقل من كده ؟
بس حاول الايات اللى تحفظها تقرأ تفسيرها كمان

و اكيد معظمنا حافظ اجزاء من القرآن
كل يوم راجع على سورة من السور اللى انت حافظها
علشان متتنسيش



9- الذكر :
اذكر ربنا دايما
و انت قاعد و انت واقف
فى وقت الفراغ
خلى ربنا دايما على بالك و اذكره



10 - اذكار الصباح و المساء:
مش هتاخد منك وقت
دى بسيطة و قليلة
و فوايدها كتير




11- غض البصر
و ده للولاد و البنات كمان
مش للولاد بس



12- رب عمل عظيم تحقره النية :
قبل ما تعمل اى حاجة اقف و حط نية للعمل ده بينك و بين نفسك
علشان تاخد حسنات على العمل ده




13- جهاد النفس:
( ان النفس لأمارة بالسوء )
حاول تجاهد نفسك و تبعدها عن الذنوب و المعاصى
قال الرسول صلى الله عليه و سلم ( اشد الجهاد جهاد النفس )


لاتنسوا الدعاء لى بالهدى والتقى والعفاف والغنى

تسلم اخى الفاضل على موضوعك الجميل ويارب كلنا انقلل من ذنوبنا وانكتر حسناتنا سلمت اخى وسلم كل كلامك
مع تمنياتى لك بالتوفيق

الله يسلم اخي عمر وربنا يهدينا جميعا الي مافيه خيرا الدنيا والاخره وشكرا لمرؤرك العاطر علي الموضوع

اللهم امين اختي الهام وجعلنا واياكي والمسلمين من الذين يظلهم في ظله يوم لا ظل الاظله

ربنا يتقبل منك اختي حنين وينفعنا واياكم بها وان يجعلنا متبعين لا مبتدعين اللهم امين وشكرا لمرورك العاطر علي الموضوع

جزاك الله كل خير وجعله الله فى ميزان حسناتك

ربنا يتقبل منا ومنكم ان شاء الله اختي