كيف تنكد على زوجتك

كيف تنكد على زوجتك بهدووء
( خلوا بالكم الموضوع كله لرسم الابتسامه علي وجوهكم فقط )
نصائح لمن يعاني من زوجته النكدية

كيف تنكد على زوجتك بهدوووووووووووء

اسمع يا سيدي

- اصحى يوم الجمعة بهمة ونشاط وجهز الفطار لزوجتك بس متنساش انك تستخدم15 طبق واكبر كميه من الملاعق والشوك و حلل من اللى عندكم فى البيت و10 كوبيات لاعداد طبق بيض وسندوتش جبنه

2- يراعى ترك اثار سمنة على الارض مع ترك التلاجة مفتوحة وقشر البيض فى الحوض

3-الصبح وانت رايح على شغلك هى نايمة تعمد اسقاط اى شىء او خبط الباب بصوت عالى عشان تصحيهاهى كمان اشمعنى انت ولو حاولت ترجع تنام تانى قولها مادام صحيتى حضريلى الفطار بقى

4-فى عيد ميلادها زين ليها تورتة عيد ميلادهاب60 شمعة ولو سالتك ليه 60 اتحجج لها بضعف الاضاءة فى البيت وانت بتبص على النجفة اللى عندكم فى البيت اللى فيها 30 لمبه مع ابتسامه صفراء خفيفة

5-لو عاملة رجيم اجرى على السوبر ماركت ومحلات الحلويات واملى التلاجة شوكلاته وحلويات وجاتوهات يراعى التجول واكل الجاتوهات امامها

6-ماتنساش رايك فى طبيخها لو عاملة لحمه قولها الفراخ دى حلوة اوى ولو طابخة باميه قولها حلوة اوى الملوخيه دى ولو عاملة كيكه قولها انا بحب اشرب شاى مع البسكوت الحلو ده

7-لو طلبت منك تنشر الهدوم قولها حاضر مع ابتسامه حنينه وبعد ماتخلص نشر قولها انا نازل اجيب الهدوم اللى وقعت منى فى الشارع ولو سالتك هوا ايه اللى وقع اذكرلها كل هدومها اللى كانت مغسولة مع فردة شراب من بتوعك عشان متبقاش مقصوده

8- لو حبت تمسح ارضيات البيت حاول انك تروح وتيجى على المناطق المبلولة متتحجج بانك محتاج تتصل ضرورى بواحد صاحبك ومرة تانيه عطشان وكده

9- لو هى مشغولة مع اولادك او بتنظف البيت وقالتلك اغسل الكوبيتين اللى فى الحوض ارجعلها كمان دقيقة وانت ماسك كوبايه من الاتنين وهى مكسورة وقولها ارمى دى فين ياحبيبتى

10- واخيرا وهى قاعدة معاك تتفرج على التليفزيون وهى طالع عينها من تنظيف البيت حبيبتى معلش ممكن كوبايه ميه عشان ضهرى بيوجعنى

احنا بنهدي النفوس والرجالة لبعضهم برضوا
اذكركم مره تاني >> الموضوع مجرد رسم بسمه علي وجوهكم

ههههههههههههههه جميلة
بس حرام عليك الستات ما يستاهلوش كده منكم

شيماء فراج كتب:: ههههههههههههههه جميلة
بس حرام عليك الستات ما يستاهلوش كده منكم

شكراً للمرورك العطر
أختي الفاضلة / شيماء
فعلاً ميستاهلوش ( بس انا حبيت رسم بسمه علي وجه من يقرأ الموضوع )
انا الحمدالله ربنا رزقني بالزوجة الصالحة
وبنساعد بعض في كل شئ
الحمدالله علي نعمه التي لا تعد ولاتحصي

هههههههههههه

موضوع جميل جداااااا

بس حراااااااااااااااااااااام

بارك الله فيك أخ عبد اللاه

ربنا يارب يباركلك ويزيدك من نعيمه اخي عبد اللاه

عبداللاه علي سيد كتب:: كيف تنكد على زوجتك بهدووء
( خلوا بالكم الموضوع كله لرسم الابتسامه علي وجوهكم فقط )
نصائح لمن يعاني من زوجته النكدية

كيف تنكد على زوجتك بهدوووووووووووء

اسمع يا سيدي

- اصحى يوم الجمعة بهمة ونشاط وجهز الفطار لزوجتك بس متنساش انك تستخدم15 طبق واكبر كميه من الملاعق والشوك و حلل من اللى عندكم فى البيت و10 كوبيات لاعداد طبق بيض وسندوتش جبنه

2- يراعى ترك اثار سمنة على الارض مع ترك التلاجة مفتوحة وقشر البيض فى الحوض

طبعا هى تدخل المطبخ وتنادى عليك وبكل هدوووووء اغسل الاطباق لانى رايحه ازور امى النهاردا

سلام ومتنساش تحضر الغدى لنفسك وتغسل الاطباق

3-الصبح وانت رايح على شغلك هى نايمة تعمد اسقاط اى شىء او خبط الباب بصوت عالى عشان تصحيهاهى كمان اشمعنى انت ولو حاولت ترجع تنام تانى قولها مادام صحيتى حضريلى الفطار بقى

وترد هى
كويس انك صحتنى علشان اقلك انا رايحه فرح وحده صحبتى ومتنساش تجيب معاك هديه

4-فى عيد ميلادها زين ليها تورتة عيد ميلادهاب60 شمعة ولو سالتك ليه 60 اتحجج لها بضعف الاضاءة فى البيت وانت بتبص على النجفة اللى عندكم فى البيت اللى فيها 30 لمبه مع ابتسامه صفراء خفيفة

ترد هى

يا ابو العيال النهاردا عيد ميلادى انا مش عيد ميلادك انت
!!!

ملاحظة الاحتفال بعيد الميلاد لا يجوز

5-لو عاملة رجيم اجرى على السوبر ماركت ومحلات الحلويات واملى التلاجة شوكلاته وحلويات وجاتوهات يراعى التجول واكل الجاتوهات امامها

صحيح انا شفت صرصار فى التلاجة كدا من ربع ساعة اع

6-ماتنساش رايك فى طبيخها لو عاملة لحمه قولها الفراخ دى حلوة اوى ولو طابخة باميه قولها حلوة اوى الملوخيه دى ولو عاملة كيكه قولها انا بحب اشرب شاى مع البسكوت الحلو ده

ترد بكل هدوء
طيب انا النهاردا حجزتك عند دكتور اعصاب ومتنساش المعاد الساعة 7 رقم 3

7-لو طلبت منك تنشر الهدوم قولها حاضر مع ابتسامه حنينه وبعد ماتخلص نشر قولها انا نازل اجيب الهدوم اللى وقعت منى فى الشارع ولو سالتك هوا ايه اللى وقع اذكرلها كل هدومها اللى كانت مغسولة مع فردة شراب من بتوعك عشان متبقاش مقصوده

طيب متتاخرش علشان تحلق تغسلهم وتنشرهم تانى

8- لو حبت تمسح ارضيات البيت حاول انك تروح وتيجى على المناطق المبلولة متتحجج بانك محتاج تتصل ضرورى بواحد صاحبك ومرة تانيه عطشان وكده

وهى طبعا ميفتهاش انها تكب جردل ميه والحمد لله انه الكسر فى ايده بس

9- لو هى مشغولة مع اولادك او بتنظف البيت وقالتلك اغسل الكوبيتين اللى فى الحوض ارجعلها كمان دقيقة وانت ماسك كوبايه من الاتنين وهى مكسورة وقولها ارمى دى فين

من باب القهر المادى ترد هى
يا خسارة دول كانوا اخر كوبيتين فى البيت ابقى اشترى بدلهم
ومتنساش تجيب معاك 6 معالق لان العندى رسمتهم مش حلوه

10- واخيرا وهى قاعدة معاك تتفرج على التليفزيون وهى طالع عينها من تنظيف البيت معلش ممكن كوبايه ميه عشان ضهرى بيوجعنى

فرصة هى ومشية تشد سلك التلفيزيون وخاصة لو كان متش كورة

وتنظر بهدوء معلش مكنش قصدى

احنا بنهدي النفوس والرجالة لبعضهم برضوا
اذكركم مره تاني >> الموضوع مجرد رسم بسمه علي وجوهكم

شكراً جزيلاً لمروركما العطر
أختي/ أريج
أختي / شموخ

هههههههههههههههههههههههههههه

والله هم يستاهلوه اكتر من كده

ده انا نص الحاجات دي بعملها مع اختي ف البيت اومال مراتي هعمل معاها ايه

هههههههههههههههههههههههه

ان شاء الله بقا تتسهل

ناااايس توبيك يا مستر عبداللاه

والاخت شموخ بصراحه عنيده اووووووي ههههههههههههه

استاذ/ طه
شكراً لمرورك علي الموضوع
استاذ/ طه
افهم من كده ان الجيش مغيرش
فيكِ حاجه
وخلي بالك عند اختيار زوجه
اختار التقية والنقية التي تعرف دينها
كويس وبعد كده أنا متأكد إنك سوف تعيش
ك أنك في الجنة وسئل مجرب
يارب يرزقك بالزوجة الصالحة

ويوفقك في الدنيا ويرزقك الجنة في الآخرة

عبداللاه علي سيد كتب:: استاذ/ طه
شكراً لمرورك علي الموضوع
استاذ/ طه
افهم من كده ان الجيش مغيرش
فيكِ حاجه
وخلي بالك عند اختيار زوجه
اختار التقية والنقية التي تعرف دينها
كويس وبعد كده أنا متأكد إنك سوف تعيش
ك أنك في الجنة وسئل مجرب
يارب يرزقك بالزوجة الصالحة

ويوفقك في الدنيا ويرزقك الجنة في الآخرة

السلام عليكم يا استاذ عبدالاله

لعل حضرتك والاهل جميعا بخير دائما يارب

اولا والله الجيش غير حاجات كتييير ابسطهم اما اقوم من ع السرير بطبق البطانيه حتى لو ف البيت Smile

ثانيا بالنسبة لاختيار الزوجة فده بقا ..... بعد مواصفاتي سايبها على ربنا

اخيرا

جزاك ربي الفردوس الاعلى ولك بمثل الدعاء

ههههههههههههههههههههههههههههههههههه

معلومات رائعه ياأبوسندس

أنا كنت بنفذ حاجات منها

وإن شاء الله هنفذ الباقي بالحرف الواحد

وإحنا مش بتوع هزار

خالد السيد كتب:: ههههههههههههههههههههههههههههههههههه

معلومات رائعه ياأبوسندس

أنا كنت بنفذ حاجات منها

وإن شاء الله هنفذ الباقي بالحرف الواحد

وإحنا مش بتوع هزار

يا أبوالحسن والحسين

مرورك علي الموضوع أسعدني كثيراً

خلي بالك متهزرش معاهم في الحجات اللي أنا ذكرتها لأن النساء لا تنسي من يُغضبها بسهولة (هههههههههه

وأجري علي الله

واخيرا وهى قاعدة معاك تتفرج على التليفزيون وهى طالع عينها من تنظيف البيت حبيبتى معلش ممكن كوبايه ميه عشان ضهرى بيوجعنى

اكيد حتقله طلقنى

بصراحه الواحد كده هيفكر 100مره قبل ما يعملها انا ابتديت اخاف منهم
وطبعا الاستاذ عبد اللاه اول واحد بينفذ الكلام ده من بعد استاذنا خالد اللى طلع استاذ ف كل حاجه ولو الستات زى الاخت شموخ كده يبقى احلوت
انا مش لاعب معاكم تانى
ههههههههههههه

ده طبعا اذا كان الراجل بيساعد فى حاجة فى البيت غير انه بيقلبه راسا على عقب ويوم ما يتكلم يقول شغل البيت ده انا اعمله فى نص ساعة بس بيعرفوا قيمتنا لما نسافر عند اهلنا اجازة بس للاسف بجد برجع الاقى البيت خرابة ده بالنسبة ليا طبعا وبيقول بيعمل كده عناد علشان احرم اسافر بيت اهلى اجازة شيفين الظلم

قدرية عبد الموجود ابراهيم كتب:: ده طبعا اذا كان الراجل بيساعد فى حاجة فى البيت غير انه بيقلبه راسا على عقب ويوم ما يتكلم يقول شغل البيت ده انا اعمله فى نص ساعة بس بيعرفوا قيمتنا لما نسافر عند اهلنا اجازة بس للاسف بجد برجع الاقى البيت خرابة ده بالنسبة ليا طبعا وبيقول بيعمل كده عناد علشان احرم اسافر بيت اهلى اجازة شيفين الظلم

انا ح اتكلم عن نفسي
الحمدالله بساعد علي كد مقدر وبصراحه برتب كل حاجه تخصني
بس متفق معها الحاجه اللي بضعها في مكان لازم اجدها في مكانها
و اللي اوله شرط اخرة .................

السلام عليكم ورحمة الله وبركاته

حرااااااااااااااااااااام عليكم ده الستات زينة البيت
ومفيش حد مفهوش عيوب بس حتعرفو قيمتنا لما يكون معاكم اولاد وتسيبهالكم ورونى حتعملو ايه
من كام يوم كنا عند دكتور الاسنان بنقوله ايه اخبار المدام والاولاد
قلنا والله على الرغم انهم بيطلعو روحى بس والله لما بيروحو كلهم عند جدتهم معرفش اقعد من غيرهم ولما تسيبهملى معرفش اعمل حاجة من غيرها
طب ينفع كده جيبتو احباط
وقال والله مش لاعب معاكم تانى
ازاى ده حضرتك قدوتنا بس لا اظن ذلك ده من ورا قلبك اكيد كفاية الحسن والحسين هو البيت ينفع من غير ست ولا اولاد
وبصراحه عجبنى كلام
ده مش فى نص ساعة فى اقل من ربع ساعة والجدع الى مرجع

على فكره زى مش كل الرجالة واحد كمان مش كل الستات واحد
صوابع ايدك مش زى بعضها وعلى العموم الايام بيننا لما نشوف حتنفذ ولا
اختار بس انت ومتشيلش هم ربنا يرزقك بالزوجة الصالحة الى اتغيرك مفاهيمك عن المراة

و اللي اوله شرط اخرة .................(على العموم حنشوف سيتم تطبيقه ولا لا)
وبعدين خليك محضر خير

وعلى العموم اتفرج على الحوار ده
حوار بين : الذكر و الأنثى

قال لها :
ألا تلاحظين أن الكـون ذكـر ؟
... ... ... فقالت له :
بلى لاحظت أن الكينونة أنثى !
قال لها :
ألم تدركي بأن النـور ذكـر ؟
فقالت له :
بل أدركت أن الشمس أنثـى !
قـال لهـا :
أوليـس الكـرم ذكــر؟
فقالت له :
نعم ولكـن الكرامـة أنثـى !
قال لها :
ألا يعجبـك أن الشِعـر ذكـر؟
فقالت له :
وأعجبني أكثر أن المشاعر أنثى !
قال لها :
هل تعلميـن أن العلـم ذكـر؟
فقالت له :
إنني أعرف أن المعرفة أنثـى !
.. فأخذ نفسـا ً عميقـا ً ~ وهو مغمض عينيه ~
ثم عاد ونظر إليها بصمت لـلــحــظــات ثم .. قال لها :
سمعت أحدهم يقول أن الخيانة أنثى
فقالت له :
ورأيت أحدهم يكتب أن الغدر ذكر
قال لها :
ولكنهم يقولون أن الخديعـة أنثـى
فقالت له :
نعم وقالوا أن الكـذب ذكـر
قال لها :
هناك من أكّد لـي أن الحماقـة أنثـى
فقالت له :
وهناك من أثبت لي أن الغباء ذكـر
قـال لهـا :
أنـا أظـن أن الجريمـة أنـثـى
فقالـت لـه :
وأنـا أجـزم أن الإثـم ذكـر
قـال لهـا :
أنـا تعلمـت أن البشاعـة أنثـى
فقالـت لـه :
وأنـا أدركـت أن القبـح ذكر
.. سكت ونظر إلى الأعلى متأملاً
أما هي ابتسمت لأنها اعتقدت أنها ربحت الحوار ...
وعندما رآها تبتسم قال لها :
يبدو أنك محقة ..
فالروعة أنثـى
فقالت له :
وأنت قد أصبت فالجمال ذكـر
قـال لهـا :
لا بـل السـعـادة أنـثـى
فقالت له :
ربمـا ولـكن الحـب ذكـر
قال لها :
وأنا أعترف بأن التضحية أنثـى
فقالت له :
وأنا أقر بأن الصفـح ذكـر
قال لها :
ولكنني على ثقة بأن الوردة أنثى
فقالت له :
وأنا على يقين بأن العطر ذكر
.. ولا زال الجـدل قائمـا ً ~

إيه يادعاء مش تخليكي في المذاكرة أحسن

هو إنتي ماصدقتي هههههههههههههه

والله أنا عن نفسي بحب الهدوء بدرجة مرضيه

ولذلك بأكون في قمة سعادتي عندما يذهبوا جميعاً عند حماتي

أما من ناحية التعاون أتحدى أن يتعاون رجل ويساعد زوجته

كما أفعل أنا -- إمسكوا الخشب

ههههههههههههههههه

موضوع جميل ... شكرا لاختياره استاذ عبد اللاه ..

وخلوا بالكم احنا غلابة اه ، ومساكين اه ، لكن عند الجد مانعرفش حد .

اولا السلام عليكم الموضوع ظريف فعلا * بس يااخت دعاء الزوج كوم والاولاد كمان كوم لوحدهم انا بيتهيالى ان ابوهم موصيهم مايريحونيش خالص حتى وهو مش موجودمش بيبطلوا كلمة يا ماماعملين عليا عصابة هم وابوهم حتى المذاكرة مش مخلينى عارفة اذاكر كويس ربنا يسترها فى الامتحانات وكمان كل يوم بس الحق لله لما بكون تعبانة بيساعدنى هو برضوالكن للاسف علشان ظروف عملة طول اليوم وعدم وجوده فى البيت هى اللى بتحتم عليه كده ودى للاسف ظروف الشغل فى الغردقة كدة مع كل الناس بس بردوا حتى لو كان فاضى مش حيساعد الا لظرف طارق لانى للاسف عودتة على كدة وطبعا جوزك على ما تعوديه زى ما بيقولوا بس سيبك بيعرفوا قيمتنا لما نروح عند اهلنا

» كيف تسعد زوجتك؟؟؟؟؟؟
» لماذا تحب زوجتك هكذا .؟!
» رجلا سألوه لماذا تحب زوجتك هكذا .؟!
» المرأة كنز مفتاحة الحب .. امتلك زوجتك ؟!
» ايها الرجل .تعلم من الرسول (صلى الله عليه وسلم)كيف تحب زوجتك؟