هنا مناقشة أبحاث الدكتور ياسر

انا طالبة فى الدبلومة التربوية نظام العام الواحد اريد ان اعرف اذا ما كان الدكتور ياسر طلب اى ابحاث اخرى غير كيف تكون ايجابى؟؟؟؟

اه طلب بحث جديد بعنوان (اهمية تطوير الذات)

و طلب بحث تانى مكون 7 الى 10افراد بحيث ان يكون من بينهم حد يكون درس مناهج بحث وهم يختاروا انفسهم ويختاروا اكتر من موضوع للبحث وهو هيختار منهم موضوع واحد ويشتغلوا فيه جميعهم ويقدم فى خلال 3اسابيع
ملحوظه لازم يروح واحد من المجمومه للدكتور ومعاه اسماء المجموعه ومواضيع البحث خلال اسبوع على الاكثر

والله اعلم

جزاك الله خيرا يا استاذ اسلام .
معلش سؤال كمان ال7 افراد لازم يكونوا من نفس المجموعة والشعبة ولا ممكن من مجموعات مختلفة؟

الف شكرللاخت هبة على المرور وعلى الرد.

من مجموعه ومن اى شعبه ولازم يكون من بينهم حد يكون درس مناهج بحث

متى ميعاد التسليم

انا شايفة ان في بعض الزملاء كاتبين الابحاث تحت عنوان ( علم النفس ) و البعض الاخر كاتب تحت عنوان ( الدبلومة التربوية ) فهل يوجد اختلاف ؟
انا بحثي مندرج تحت عنوان علم النفس التربوي و مش عارفة اخلية يندرج تحت عنوان ( الدبلومة التربوية )

بسم الله الرحمن الرحيم

السلام عليكم ورحمة الله وبركاته

موضوع بحث الدكتور ياسر " تطوير الذات " هل هو 5 جمل مثل الموضوع

السابق ام بحث مفتوح يمكن كتابه الكم الذي اريده فيه

فى البحث الورقى انا جمعت اربع مواضيع يكفى هذا ولا لازم اجيب مواضيع اكتر

كيف ارسل البحث للدكتور ياسر كيف اكون ايجابى

شيماء محروس يوسف كتب:

كيف ارسل البحث للدكتور ياسر كيف اكون ايجابى

على يمين الصفحه فى الاعلى حتلاقى مصحف مفتوح مكتوب تحته ارسال موضوع جديد اضغطى عليه حتفتح صفحه تانيه اكتبى فيها موضوع كيف تكون ايجابيا واضغطى ارسال وبعدين تكررى نفس الخطوات وتكتبى الموضوع التانى اهميه تطوير الذات ارجو ان اكون افدتك
والله اعلم

ياريت اعرف امثال لاسماء البحث الورقى اللى طالبه الدكتور ياسر
ولكم جزيل الشكر

شكرا يا استاد خالد على اهتمامك لبنا يجعله فى ميزان حسناتك

اشكرك استاذ خالد للرد علي سؤالي .. جزاكم الله كل خير ..
- لي سؤال آخر ارجوا الرد علية
انا سمعت ان في الاعوام السابقةكان البحث الورقي عبارة عن كل طالب لة رقم علي ( سي دي ) يعطية الدكتور ياسر فياخذ الطالب الموضوع المدون تحت رقمة لعمل البحث الورقي باللغةالعربية و اخر مترجم انجليزي و كذلك ( 2 سي دي )احداهما عربي و الاخر باللغة الانجليزية .. فما جدوي صحة هذا الكلام

سؤال للاستاذ خالد من الاسبوع الماضي واحنا بندور علي الدكتور ياسر
بالتحديد من يوم الاثنين وسألت الدكتور محسوب عنه بالامس قال انه سوف يأتي اليوم ولم يأتي
فرجاءعاوزين نعرف هو جاي الجامعة الاسبوع ده ولو جاي ايه الوقت اللي بيكون موجود عشان نرحله
وجزاك الله عنا كل الخير

استفسارلو سمحتم هو البحث الورقى اللى هيتكتب هيكون ف شكل اطار ام هيكون ف شكل افكار مرتبه لانى انا دارسه مناهج بحث وعارفه شكل البحث الممنهج

السلام عليكم ورحمه الله وبركاته
نشكر الاستاذ ** خالد على متابعته لطلاب وتزويده لنا بمعرفه كل شى
وجزاه الله كل خير

السلام عليكم ورحمه الله وبركاته
اسمي محمد عبد المنعم ابو المجد
شعبه اجتماع
انا معرفش اي شخص من زمايلي في الدبلومه ومش عارف اعمل ايه في موضوع البحث الورقي وازاي انضم الي مجموعه من المجموعات ارجوكم ساعدوني ولكم جزيل الشكر(كان الله في عون العبد ما كان العبد في عون اخيه)

نشكر الأستاذ خالد
وغدا ان شاء الله سوف اكون بالجامعه واحضر المحاضرات

لو سمحت ياأستاذ خالد هو دكتور ياسر ان شاء الله هيكون موجود بكرة
لان احنا من اسوان وعاوزين نيجي خايفين ميكونش موجود

االسلام عليكم
ارجو الافاده
انا لم اصنع بحث كيف اكون ايجابى؟ وﻻ بحث اهميه تطوير الذات وﻻ البحث الذى يحتاج لمجموعه هذا
فما الحل ؟
هل اقوم بصنعهم جميعا مرة واحده ؟
ام ان الوقت انتهى ؟
علما بأننى درست مناهج بحث مسبقا
وشكرا لحسن تعاونكم معنا
وجزاكم الله عنا خيرا

السلام عليكم ورحمة الله وبركاته
الاخت/om omar
لوسمحتى هل انضممتى الى مجموعة ام لا لان هناك من اخواتنا لم يجدو احد دارس مناهج بحث
فارجو ان تردى علينا لكى نساعدهم واجرك على الله

ياجماعة انا معايا مجموعة للبحث بس مفيهاش حد درس مناهج بحث نعمل ايه 00 وممكن حد يقولي نعمل ايه 00 وايه التخصص ال بيدرس فيها مناهج بحث

السلام عليكم ورحمة الله وبركاته
الاخت نادية لم ينتهى الوقت ان شاء الله
ارفقى موضوعاتك فى المنتدى الاول والثانى
اما بالنسبة للبحث جمعى عشرة اشخاص من اى شعبة ولومكنتيش كونتى مجموعة فهناك اخوات يبحثون عن اى احد يكون دارس مناهج بحث
وتكون الاسماء عند الدكتور الاسبوع القادم والمواضيع المختارة

السلام عليكم
بالفعل انا لم اكون مجموعه واتمنى التعاون مع اى مجموعه
بس ياريت يكون حد منهم قادر على التواجد ﻻنى مش باستطاعتى التواجد ف الكليه
علما بانى درست مناهج بحث
انا قسم لغه عربيه

الاخت ناديه نبوي انا معايا مجموعة ممكن نضيفك معانا لو تقبلي انا تجارة ادارة اعمال من نجع حمادي لو تحبي قوليلي وممكن نتواصل مع بعض للبحث

استفسار ماهي الموضوعات اللي ممكن نختار في البحث الموضوع بره الماة ولا ايه النظام ارجو الرد

السلام عليكم ورحمة الله وبركاته
الاخت كريستين / اى موضوع ممكن تكتبى فيه لو نظرتى اعلى الصفحة ستجدى الاستاذ خالد انعم الله عليه اجاب على هذا السؤال ممكن تكون المواضيع
(دينيه أو إجتماعيه أو غيرها عن الحُريه عن الديمقراطيه
عن العداله في الإسلام -- عن الشورى في الإسلام -- إلخ
وإعرضي العناوين على الدكتور ياسرلكي يحدد لكم أحدهم)

السلام عليكم
استاذه منال
تشرفينى والله
انا من الاقصر
ويسعدنى التعاون مع مجموعتك
شوف حضرتك الطريقة المناسبه للتعاون بينا وانا تحت امرك
ولك منى جزيل الشكر

السلام عليكم انا كذلك لم اكون مجموعه واتمنى التعاون مع مجموعه ... وياريت نكون مجموعه

ناديه نبوى كتب:

السلام عليكم
بالفعل انا لم اكون مجموعه واتمنى التعاون مع اى مجموعه
بس ياريت يكون حد منهم قادر على التواجد ﻻنى مش باستطاعتى التواجد ف الكليه
علما بانى درست مناهج بحث
انا قسم لغه عربيه

السلام عليكم ورحمة الله
ياجماعة لو سمحتوا انا من اسوان ومش عارفه البحث الورقى هيتسلم امتى بالظبط واحنا التدريب العملى يوم 31 /3 ياريت تفيدونى جزااااااااااااااااااااااكم الله خيرا

اسراء خليفه

معلش ياجماعة ياريت تردوا عليا لان والله اول مرة اسمع عن البحث الورقى النهاردة ومنعرفش خطواته جزاكم الله خيرا ياريت تردوا علينا لان احنا مجناش غير مرة واحدة يوم الاختبار الشخصى فقط
افيدونا جزاكم الله خيرا
اسراء خليفه

بسم الله الرحمن الرحيم
السلام عليكم ورحمة الله وبركاته
جزاكم الله خيرا فى الدنيا والآخرة على هذا المجهود العظيم
أريد أن اعرف هل يمكن التحويل من الدبلومة ذات العام الواحد
إلى الدبلومة ذات العامين حيث وقت التقدم لم تكن موظفة ولكن اصبحت
موظفة ومن الممكن ان تحضر ما يثبت ذلك

اسراء خليفه كتب:

السلام عليكم ورحمة الله
ياجماعة لو سمحتوا انا من اسوان ومش عارفه البحث الورقى هيتسلم امتى بالظبط واحنا التدريب العملى يوم 31 /3 ياريت تفيدونى جزااااااااااااااااااااااكم الله خيرا

اسراء خليفه

الى الاخت اسراء لازم تكونى مجموعه من 7 افراد او 10 وتختارى موضوعين اوثلاثه اجتماعى
اواسلامى او علمى وتذهبى باسماء الافراد واسماء المواضيع الى الدكتور ياسر الاسبوع القادم والدكتور موجود فى الجامعه من السبت الى الثلاثاء والدكتور هو اللى هيختار موضوع من المواضيع اللى هتختاريها وتبدأى فيها اما عن آخر موعد لتسليم البحث فالله اعلم

جزااااااااااااااااك الله خيرا استاذ اسلام وجعله الله فى ميزان حسناتك ان شاء الله

جامعة جنوب الوادى
شعبة علوم
اعداد/ جوزيف يشرى رشدى
الدبلومة العامة التربوية نظام العام الواحد
تحت اشراف .د / ياسر عبدالله حنفى
ماذا نعنى بتطوير الذات ؟
-الاجابة-
هو منهج يعمل على تنمية واكتساب اى مهارة او معلومة او سلوك تجعل الانسان يشعر بالرضا وتعينه على التركيز على اهدافه فى الحياة وتحقيقها وتعده وتجهزه للتعامل مع اى عائق يمنعه .
اى انه يتم تطوير الذات :-
1- عندما يتعرف الانسان على المهارات والقدرات التى يملكها ويستطيع ان يوظفها فى خدمة نفسه وخدمة مجتمعه والتاثير فيه وتغير ما به من عيوب او اخطاء.
2- عندما يشعر الانسان بالرضا عند اكتسابه معلومة او سلوك يفيده فى تحقيق اهدافه ويتخطى بها اى عائق او عقبة تقابله فى حياته.
3- عندما يستخدم الانسان تكنولوجيا العصر ويستفيد منها .
4- عندما يقتبس الانسان السلوكيات الجيدة من الاخرين فى محيط مجتمعه ويتاثر بها فى حياته
ويؤثر بها فى مجتمعه ايجابيا

السلام عليكم ورحمة الله وبركاته
لو سمحتوا هو الدكتور : ياسر كان موجود فى الكليه النهاردة لان احنا من اسوان وعاوزين ان شاء الله نيجى يوم الاتنين وخايفين ميكنش موجود لان احناحنوصل ونرجع فى نفس اليوم.

وجزاكم الله خيرا

الدكتور موجود حتي يوم الثلاثاء لاخر اليوم
لكن قال اليوم اللي عاوزه يجيله بدري هو موجود من الساعة 8 ال 12 وبعدها عنده محاضرات

السلام عليكم ورحمه الله وبركاته
ياريت تاخدو فى الاعتبار من هم من اسوان واحنا موجودين طوال الاسبوع ان شاء الله