غدر الدنيا

( غدر الدنيا )


** خدتينى على خوانة يادنيا ..

وماقولتليش ..

لاجل اعمل حسابي فيكى ..

وأعرف أعيش ..

القساوة دى طبع فيكى ..

بس أنا ماعرفتكيش ..

رايحة جاية عند فيا..

فاكره إن غيرك مافيش

فاكره إنك لحن نغمى

لكن إنتى ماعرفتنيش

لحن نغمى هو ديني

وإنتى ماتهمنيش

حتى لو فاكرة نفسك طير سما

ماتهزنيش

عمرك ماتبقى كل همي

أصلى أنا بعرف أعيش

أعيش بديني .. أعيش سنينى ..أعيش بألمي

ومااشتكيش

لأن ألمي هو فرحى ..وبغير كده

ماتقنعنيش

أديني اهو قلت اللي عندي

وكفاية كده ماتعطلنيش

عبادة طاعة .. مافيش لكاعة .. مافيش تعب

وماتشغلنيش
( من خواطرى المتواضعة )

******************************

ما شاء الله جميله جدا

بارك الله فيك ياأشرف ..

كلماتكم هى الأروع ...


*************************
ربنا يباركلك ياتسنيم ..

جزاكِ الله كل الخير ..


************************

شكرا ليكى ياإيمان ..

أسعدنى مرورك العطر

*************************************

شكراً ليك ياطه .. ربنا يباركلك

والله هى مجرد محاولات ،بكتب اللى بحس بيه وبس ، مااستاهلش الكلام الكبير ده

***************************

جزاك الله كل الخير يا أستاذ خالد ..

أسعدنى ردك ورأيك كثيراً ...

************************

اللهم امين ياشيماء وإياكى يارب ..

كل الشكر لمرورك العطر ..