كلام تكاتك (*_*)

طبعا طول ما احنا مشين في الشارع نشوف العربيات والتكاتك عليها كلام تحفه انا جيبلك شويه منو النهارده
سعيدة قويسعيدة قويسعيدة قويسعيدة قوي
ماتجريش ورايا اختك راكبه معايا

الحلوة من اليابان وصاحبها راجل غلبان

تعمل حسابي أقدرك، تهزر معايا أعورك"

" الحلوه لما تتدلع، تخلى الاسفلت يولع "

" ما تبحلقش كده يا لوح، دي جت بطلوع الروووح "

" ما تبصش كده يا عبيط، الحلوه دي بالتقسيط "

" سوقوا بالراحه يابهايم، أصل سواق العربيه نايم "

"الحلوه خوخه ،جت بعد دوخه "

"الحلوه تفاحه، للسفر والسياحه "

" دلعها فى الغيارات، وريحها على المطبات "

" متقولش دى بكام دى جايه بدهب المدام "

" ان نام السبع ،شويه كــلاب يكلوه "

" لما كنت عصفور كلونى، ولما بقيت اسد صاحبونى"

مشنه مشنه بس ممشيه حالنا"

تركب اسليك , تنزل اولع فيك

ما تزعليش يا اموره بكره يركبلك مقطوره

بنزين في التنك ولا مليون جنيه في البنك

لتهدي لتعدي

مستوره خليك هادي لاني مبعرفش ادادي

هسيبك كده ورايا انت مش مستوايا

اتنين ملهمش امان الفرامل و النسوان

فعلا والظاهرة منتشره فى مصر

والله يا أخت ايمان الكلام فيه وزن وقافية شفتى اذاى ان المصريين كلهم شعراء. ونصيحة من أخ بلاش تبصى كتير للتكاتك علشان ميردش عليك بعبارة من اللى مكتوبة عليه . بالمناسبة هو حضرتك شفتى الكلام ده كله فين .
عموما ربنا يسعدك خلتينى ايتسم رغم هم الدبلومه
اخيك / said

شكرا ليك حنين وفاطمه * نورتوا الموضوع *

شكرا استاذنا الكبير استاذ خالد شرفت الموضوع
انا فعلا بحب اقرا الكلام على المواصلات للافاده والضحك بس والله عمرى ما ركبت تكتك نفسى اركبه .

شكرا ليك استاذ ( said ) وربنا يكرمك فى الدبلومه وتجيبلنا الحلاة وانا انجح السنه دى

هههههههههههههههههههههههه

موضوع لذيذ بجد ميس ايمان

خفة دم المصرييين بتظهر ف المواصلات وربنا هههههههههههههه

بجد موضوع لذيذ

ربنا يبارك في حضرتك ومتألقة دايما

الى الاخت ايمان الشريف
ان شاء الله ربنا يكتب النجاح لكل الزملاء وحضرتك أولهم وأوعد حضرتك بالحلاوة ان شاء المولى عزوجل .واشكرك مرة تانى على موضوعك اللذيذ

بنشوف ونسمع اكتر من كده احيكى علي موضوعك المتميز خفيف الظل

رافعه حواجبها ولا حدش عاجبها شعب الفكاهة والنكتة والضحكة ههههههههه