عارفة يا حبيبتي

طه محمد عبد الحميد كتب:: انا بجد قررت اكتب حاجه لحبيبتي والوقتي كمان

وهنا ع المنتدى

وتسمحولي ادخلها معانا واخليها تشوف الكلام كله

وانتو كمان شوفوا كل كلااامي لحد اخر حرف ارجوكم لانه بجد طالع من قلبي بجد

1- عارفه يا حبيبتي انا اول ما فتحت عيني وشفتك قلبي طار من فرحته اللي حس بيها ..

حسيت ان قلبي هو اللي شافك مش عيني واتأكدت فعلا وقتها

انك صاحبة اجمل قلب في الدنيا دي كلها .. صدقيني بجد انتي حبيبة قلبي وعينيا

***

2- عارفة يا حبيبتي انا لما بكون جنبك بحس ان الدنيا دي كلها جنبي

واما اكون مخنوق واجيلك ببقى عاوز اترمي في حضنك واضمك وتضميني اووووي

وببقى عاوزك تمسحي اي دمعه تنزل غصب عني ..

انا عارف انك بتعملي كده وبتسمعي اللي جوايا من غير ما اقوله ,,

وساعتها بحس ان الدنيا دي كلها متساويش ولا حاجه لو انتي بعدتي عني

او بعدت انا عنك

***

3- عارفه يا حبيبتي لما بنسهر مع بعض وخلااااص بيبقى النوم على عنيا

وتقوليلي يلالا يا حبيبي قوم ناام عشان تقدر تصحى الصبح ..

بحس وقتها اني نفسي افضل صاحي لحد ما انتي تنامي عشان اطمن عليكي

وببقى نفسي اصحى بدري عشان اكون اول حد يقولك صباح الخير

وتكوني انتي اول حد اشوفه في بداية يومي

***

4- عارفة يا حبيبتي .. نظرتك .. ابتسامتك .. فرحك ... زعلك .. خوفك عليا ..

همس صوتك اما بتناديني يا طه .. طعم مشاعرك اما تكوني جنبي ...

بيحسسوني انك فعلا مش انسانه طبيعية

لانك ببساطه انسانة ملائكية اوووي وقلبك ابيض اوووووي

***

5- اخيييييرا يا حبيبتي

خلاااااص قررت اني عمري ما هبعد عنك ابدا ولا عاوزك تبعدي عني لاني بحبك

بجد بحبك وبعشقك والله وبموت فيكي كمان

يا حبيبتي انتي اجمل انسانة شفتها في حياتي

وارق مخلوقة في الدنيا دي كلها

بحبك يا

يا امي

ربنا يخليكي ليا وميحرمنيش منك ابدا يا ماما

ابنك

طه محمد

( دماغكو مترحش لبعيييد )

الله ربنا ميحرمناش منها بنحبك يا ماما شكرا طه

هههههههههههههههه بصراحه هي راحت لبعيد فعلا ....

بس خلاص إذا كانت والدتك بقي ربنا يخليهالك ويديها الصحه يارب

وتكون جنبك دايما منوره وتفرح بيك وأميره وولاد ولادكم

كلمات رائعه فيها احساس جميل جدا

دائما متميز ابو نــــــور الله

انتي يا فاطمة متبعاه يتجوز ويخليه بته تروح فرنسا وخلاص سمتيه ابو نور يارب ياشيخه ولابلاش حرام علينا مش هدعي عليها البنيه لسه متولدتش ههههههههه شكرا فاطمة على ذوقك ودعواتك يا جميل

لازم ... لان الولاد محدش يقدر عليهم او يغير تفكيرهم وهو اللي قال بنتي نور

جبت حاجه من عندي يا شيخه علي الاقل يكون لينا دهر نتسند عليه ونتفشخر بيها

يمكن تخليكي تروحي شانزليزيه اللي بنسمعه بس هههههههههههههه

ربنا يخليك يا قمر وتجيلك نور تزهقك عمتو عمتو رحت فرنسا وانت لااااا ؟؟

علشان تعرف تدعي كويس ههههههههههههه

بصراحه هى ماراحتش لبعيد فى البدايه افتكرتك بتتكلم عن مصر

شكرا معلمتي الاستاذة زهرة الياسمين

بارك ربي فيكي ومصر بردو احيانا تستاهل كلام حلو هههههههه

امى الحبيبه

ادامك الله تاجا فوق رؤسنا
وشمعتنا فى بيتنا
امى اطال الله فى عمرك
تعجز كلاماتى عن وصفك
فلا ادرى ما اقول سوى
احبببببببببببببببببببببببببببببببببببك

بارك ربي فيك ميس ايمان

بالنسبة بقا للاخت فاطمة اللي جات ف صف البنت اميرة احب اقول لحضرتك

حسابكو معايا بكره بعد الاكزام

هخلص امتحن وارجع هكتب موضوع يبهدلكو يا بنات مااااشي ؟؟

يبقى اتريئوا على نور كويس بقا ههههههههههه

بردوا انا في صف اميره حرام عليك ده حتي بقول نتفشخر بيها بعدين

بالنسبه لانها هتبقي ريسه علي البلد هههههههههههههه

واحنا منتظرين موضوعك بس ماتبهدلناش قوي بالراحه يعني

وربنا يوفقك في الامتحان

عارفه يا فطووومة يا حبيبتي انا حاساكي صح في صفي ربنا يخليكي ليا يارب يا بطوطة وخلي يقابلنا لو بنته نور راحت حتى بنقلاديش مش فرنسا هههههههههههه

بصراحه هي راحت لبعيد

ربنا يخليهالك ويديها الصحه

بارك الله فيك

بصراحة لما قرأت العنوان فكرت انها عن مصر ، اول كام سطر قلت

لا مش ممكن الكلام ده عن مصر، فغصب عننا الدماغ راحت لبعيد ..

ربنا يخليهالك ويحفظلنا جميعاً أمهاتنا وآبائنا ...

جميل اوووووووي

ربنا يا رب يحفظ امهاتنا جميعا

ويكتب لهم الجنة

(ربنا يخليكي ليا وما يحرمنيش منك ابدا يا امي)

» عارفة يا حبيبتي
» إنها حبيبتي .
» إليكِ حبيبتي خطيبتي .....
» أسئلة إمتحانات سابقه للدبلومة العامة