افــتــح الشــيــش

بسم الله الرحمن الرحيم

افتح الشيش

يرن المنبه عشان تصحى الصبح تبص ÷ الساعة ,, تقوم ضاغط ÷ زرار المنبه عشان

ميرنش تاني وكل هدفك انك تاخد كمان خمس دقايق زيادة نوم قبل ما تروح الشغل اللي

هتتهري فيه

المنبه يرن بعد 10 دقايق تاني .. تضغط عليه بقرف .. تقوم من ÷ السرير ضهرك واجعك

متكسر تدور ÷ الشبشب تحت رجلك متلاقيهوش لان عينك لسه مقفولة وشبه مفتوحه من تأثير

الظلام الذي يخيم ÷ غرفتك ,, تقوم ضاغط مفتاح الإضاءة ,, ترى شبشبك تلبسه وتخرج

بره الاوضه و÷ التلاجه فاتح قزازة ميه وشارب نصها تقريبا ,, تتحرك زى الإنسان الآلي

مش × وعيك ,, ترجع تاني الاوضة تجيب بشكيرك اللي نسيته ورايح ÷ دورة الميه

وواقف ÷ الحوض وباصص × المرايه ,, وشك زي ما هو متغيرش من امبارح بالليل ,,

تقوم مشغل الحنفية ÷ الميه السخنه ,, تحط أيدك وتشيلها بسرعة وتزود الميه السخنة بمية

باردة تغسل وشك مرة وتبص ÷ المرايه مره تانية تفتح عينك تلاقي ÷ المرايه الرف بتاع

الصابون والمعجون والفرشه وكريم الحلاقة والمكنة تمسك الفرشة تغسلها وتحط شوية معجون

تدعك بيه أسنانك تقوم مخلص ومتوضي وخارج بره دورة الميه وقافل الباب بقرف من غير

ما تطفي النور ,, تدخل المطبخ تقوم معلق ÷ الشاي × البويلر وتحط المج بالشاي والسكر

و÷ ما تغلي الميه تقوم مصلي ركعتين صبح أو ضحى لو كنت صليت الفجر حاضر ,,

تصب الشاي وتجيب فايش أو عيش فينو وتحشي جبنه فيتا دومتي استانبولي وتسـقــِّي ×

الشاي ومن سرعتك عشان تلحق ميعاد شغلك تقوم مقطم الساندويتش وأنت بتلبس عشان

متتأخرش ومن سرعة أكلك يتبقى اثر الجبنة ÷ بؤك جنب شفايفك وأنت مش واخد بالك منها

,, تلبس الشوذ وتورنشه و× لحظة تلاقي صاحبك بيرن تحت البالكونه عشان تنزله ما هو

سيادتك صاحي متأخر بقا ,, تقوم تكنسل عليه متمتما ً ببعض الكلمات غير المفهومة اصلااا

لان صوتك متغير لسه لأنك لسه صااحي ,, تحط مزيل عرق (آكس شيكولات) أو حتى

بيرفيم (وان مان شو) وترش ع الهوا لأنك لسه مش × كامل قواك العقلية ,,

تقفل باب الشقة ونازل ÷ السلم جررري ,, صاحبك يستقبلك بأحلى صباااااح

(( إيه يا زفت كللله ده تأخير )) تقوم رادد عليه بقرف

(( ياخي غوور مش ناقصك لسسه صاحي ومش متظبط خاااالص .... ))

وتقوموا واخدين الطريق كله اعتراضات ومناقشات سياسية واجتماعية ومهلبيه هبله لحد ما

توصلوا لمكتب مدير الشغل وتسمعوا أحلى صباح منه :

(( ما سيادتك دايما مع صاحبك متأخر ومقضيها سهر على النت والفيس والدش طول الليل ))

تقوم متنرفز أنت × وش المدير وقالب حواجبك ونافخ × الأرض يقوم المدير مشطب عليكو

أو تتكتبوا عارضة أو اعتيادي أو غياب وده طبعا ÷ حسب الموود بتاع المدير

ذي الجلال والإكرام

تقوووووووووو

استووووووووووووووووووووووووووب

××××××××××××××××××××××××××

كفااااااية بقا

إيه ده كلللله

أسالك هنا سؤاااال عشان مرخمش اكتر من كده هههههههههههههههههه تخيل سيادتك لو بدأت

يومك بأذكار الصباح وتقوم مشغل إذاعة القران الكريم على صوت الشيخ محمد رفعت رحمه

الله وتقوم فاتح الشيش بتاع شباك اوضتك عشان الشمس تدخل وتبتسم لكل اللي في البيت

صباح الخير صباح الفل ازيك بابا ازيك ماما ازيك حبيبي .. وتتمنالهم يوم جميل بكل تفاؤل

وتعمل كل الحاجات اللي فاتت دي بس بنفس ورضا وأمل وتفاؤل وحب ومن غير قرف

وعشان كده أنا كتبت ده كله لسببين :

السبب التالت ههههههههه إني بدعيك الوقتي انك تفتح الشيش بتاع بؤك وابتسم من بداية يومك

وهتلاقي اليوم بجد بدأ بعطر ذكر الله وبالابتسامة وهيفضل لأخره زي العسل وهتلاقي كل

حاجه في حياتك بقت حلوة وماشيه الأمور حتى لو أتعقدت وخلي يومك يعدي على خير

وتيك كير وتصبح على خير

( حبيت اشرح حديث : " ابتسامتك في وجه أخيك صدقه " )

بطريقة جديدة غير روتينية

معلش لو غلست ههههههههههههههههههههههه

طـــــــــــــــه مـــــــحـــمـــد

اقتباس :

معلش لو غلست ههههههههههههههههههههههه

اتعودنا على حاجة ذى كدا

ولو ما غلستش فى الموضوع يبقى اكيد فى حاجة ناقصة

طريقة عرض الموضوع بحد تحفه

ودا من النادر اللى موجود فى المنتدى

وفى اعضاء متميزين فى طريقة عرضهم للموضوع

وانت اكيد منهم ربنا يحفظك

والله بجد الموضوع تحفه

ومعرضوع بطريقة اروع

والواحد هيخسر ايه لو صحى من نومه وقال لامه وابوه صباح الخير

مش هيخسر حاجة دا بالعكس هيكسب دعوة حلوة تنورله طريقه

الابتسامه اسهل طريق للعبور الى قلوب الاخرين

الابتسامه هى المفتاح الذى يفتح اقسى القلوب

الابتسامه تذهب الغضب وتسر القلب

الابتسامه لا تستغرق ثوانى ولكن اثرها يبقى ابد الدهر

وقال رسول الله صلى الله عليه وسلم ( تبسمك فى وجه اخيك صدقه )

بارك الله فيك أخ طه

جعله الله فى ميزان حسناتك

شكرا لحضرتك ميس اريج

بارك ربي فيكِ

وجزاكِ ربي الفردوس الاعلى

ههههههههههه والله عندك حق ياطه فى ناس بتصحى تتخانق مع دبان وشها

ولو مش لقت الدبان بتبص فى المراية وتتخانق مع نفسها ..

هيحصل ايه يعنى لو ابتسمنا فى وش الناس الصبح وقلنا صباح الخير

او السلام عليكم بس نقولها بنفس مش نقولها كإننا بنرمى فى وشه طوبة.

ربنا يهدى الناس على بعضها ..

****************

الموضوع جميل ومعروض بطريقة أجمل ..

دائماً فى تميز ياطه ، ودائماً موضوعاتك تلمس حياتنا اليومية ..

والله موضوع رائع جدااااااااااااااا وفعلا بتحصل كتير اوووى

وكمان طريقه العرض هايله

تسلم يا استاذ طه

موضوع جميل فعلا

بارك الله فيك اخى طه

بارك الله فيك اخ طه

علي هذا الموضوع الجميل وعلي التعبير الحقيقي

علي الواقع اللي عيشينه

وفعلا نحن محتاجين للابتسامة عشان تنور حياتنا

وتبعد الهموم عنا

اكثر من رائع

وده اللي بيحصل عندما لا نبدا يومنا بذكر الله

لكن لما بنبداه بذكر الله بيحصل العكس
وبنشعر بارتياح طول اليوم

شكرااااااا لكم جميعا ربنا يعزكم يارب ويسعدكم دااائما