ففروا الي الله

بسم الله الرحمن الرحيم(ففروا الي الله اني لكم منه نذير مبين(50))بينما انا اقرا سورة الذاريات واذا بي اصل الي

هذه الاية الكريمة.......وعندها توقفت عند هذه الاية وتاملت كثيرا في قوله(ففروا الي الله)

فبالفعل علينا ان نفر الي الله

علينا ان نقترب منه

نقف علي بابه

نخضع ونتذلل ونخشع اليه

سبحانه

ندعوه دائما ومهما اخطانا وارتكبنا من معاصي

لا نياس من رحمته فرحمته وسعت كل شئ

ندعوه

فيغفر لنا انه غفار الذنوب

بسم الله الرحمن الرحين(سابقوا الي مغفرة من ربكم وجنة عرضها كعرض السماء والارض اعدت للذين امنوا بالله

ورسله ذلك فضل الله يؤتيه من يشاء والله ذو الفضل العظيم(21) )سورة الحديد

**********************************************

و علينا دائما الا نرضي بالقليل في رحلة تعلقنا بالله والوصول الي جنته

ولكن نتسارع في الوصول الي اكبر عدد من الحسنات

علينا ان نتسابق في الوصول ال الله وكل واحد منا يرفع شعار(لن يسبقني احد الي الله)

فلو رفعنا هذا الشعار دائما سنكون الافضل ودائما سنبدل ونغير حالنا الي الافضل

لا نقف عند عبادة معينة ونقول قد وصلنا بها الي مرضات الله ولكن علينا ان نحاول الاكثار من عبادتنا وقربنا الي الله عز وجل

********************************************
وطبعا انا وبتكلم معكم عن التقرب الي الله والوصول اليه ونحن في ايام مباركة

اخص بالذكر طبعا شهر رمضان
الذي اوله رحمة واوسطه مغفرة واخره عتق من النار(الشهر ده اللي احنا فيه اللي ربنا انعم علينا ببلوغه)

يعني انا بتكلم علي شئ حاضر بنعيشه مش مثلا مستقبل تقولي ان شاء الله لما يجي او حتي ماضي تقولي يا عم انتي بتكلمينا عن حاجة عدت وفاتت

(يعني من الاخر كده مش عندك أي حجة)اوك.........تمام

**********************************************
(الشهر ده نعمة كبيرة من ربنا ولا يجوز ان تاتي النعمة الينا ولا نحمد الله عليها ولا نوفيه شكر هذه النعمة

فكوننا بلغنا هذا الشهر الكريم فاكيد ده في حد ذاته نعمة وفضل كبير من عند الله

والسؤال هنا

كيف نوفي شكر الله علي هذه النعمة؟؟؟؟؟

علينا ان نغتنم كل فرصة للتقرب اليه والوصول الي رضوانه والي جنته

يعني ما يصحش ابدا ياتي هذا الشهر الفضيل ونقول نعمل ايه احنا مش فاضيين

شغلنا واخد كل وقتنا

او مش فاضيين من العزومات اللي بتاخد اغلب وقتنا


يا جماعة ده مش باقي منه الا القليل

ايام المغفرة والعتق من النار

**********************************
وبوجه كلامي طبعا بالاخص لاخوتي البنات والسيدات اللي اغلبهم بيكون مشغول جدا في هذه الايام بالاخص

تقولي مشغولين يا تري باييييييه

اقولك يعني مثلا العيد قرب وطبعا لازم ضروووووووووووووري جدا يجيبوا لبس العيد

اوك انا معاكم المفروض يجي العيد علينا واحنا في احسن حال

لكن لا يجوز ابدا ان اضيع وقتي كله في هذه الايام لغاية وهدف واحد وهو(شراء الملابس)

وكل يوم خروج خروج علشان لازم طقم العيد يجي

*******************************************
او مثلا اخوتي السيدات المتزوجات اللي بيضيعوا اخر ايام رمضان كلها في تنظيف المنزل علشان العيد جاي ولازم وضروري جدا يجي العيد علينا ويكون المنزل اخر تمام

طبعا برده انا معاكم ولكن كل حاجة بالعقل يعني احاول انظم وقتي ما بين التعبد والتقرب الي الله وتنظيمي وتنظيفي للمنزل بس اهم حاجة ما يجيش دوت علي علاقتي وقربي من ربنا في هذه الايام المباركة

ايام المغفرة والعتق من النار
فاهمين يا جماعة يعني ايه العتق من النار

****************************************
او اخوتي اللي بيضيعوا وقتهم كله في سماع التلفزيون ومتابعة كل المسلسلات والبرامج

وكمان ممكن تفوتهم ليلة القدر وهي ليلة من اجمل ليالي التقرب والتذلل الي الله واستجابة الدعوات

معقول يعني هل يعقل اننا نفوت ليلة زي دي علشان الاعمال اللي ذكرتها لكم من قبل

طبعا ده شئ مستحيل

********************************

طبعا كل الاعمال ديت ممكن تتعوض وابحث عنها بعد رمضان لكن هل نستطيع ان ناتي بعد انتهاء شهر رمضان برمضان اخر

طبعا ده مستحيل

هل هناك منا من معه عصا سحرية ليعود لنا بالزمن مرة اخري ليعود بشهر الرحمة والمغفرة والعتق من النار من جديد

طبعا مستحيل

****************************************
وعلشان كده اخوتي واحبتي في الله ارجوكم اعادة النظر علي ما تبقي منه من ايام قلائل

فعلينا ان نحاول جميعا ان نكتسب فيها اكبر عدد من الحسنات

واسال الله ان يعيننا علي ذلك

ونخرج من هذا الشهر الكريم مغفورة ذنوبنا

ومكتوبين من العتقاء من النار

اللهم اميييييييييين

اللهم امييييييييييييييين

**********************************

من كتاباتي.......A.A.A

جمييييييل اوى تسنيم وكلامك كله صح بارك ربى فيكى حبيبتى

لي عوده للرد

موضوع جميل اووووي

تسلم اناملك

سبحانك ربى
عندما تحدث الله عن الدنيا قال (( فامشوا فى مناكبها وكلوا من من رزقه ))

وعندما تكلم عن المغفره والجنه قال(( وسارعوا الى مغفرة من ربكم ))

وعندما تكلم عن ذاته جل وعلا قال (( ففروا الى الله ))

ولا يخفى علينا الفرق بين المشى والسرعه والفرار
اعتقد انه آن الاوان ان نهرول ونفر الى المولى عز وجل فى هذه الايام المباركه تكون البدايه وقد صدق رسولنا الكريم عندما قال (( الا ان فى ايام دهركم لنفحات الا فتعرضوا لها

سلمتى وسلم من قرأ وسلم من علق وكل سنه وانتم بالف خير وصحه

كده بقى اطمنت عليكى ياتسنيم هههههههه ست بيت شاطرة بجد ما شاء الله عليكى ربنا يسعدك ودايما فى مزيد .

نورتي الموضوع يا اريج