سويسروووووولى

السلام عليكم ورحمه الله وبركاته

عملت سويسرول من يومين وقلت اقولكم طرقتى بس انا عارفه انكم اساتذه بس قلت عشان تشجعوووووووووونى

واعمل حجات حلوه وانزلها على المنتدى زى ما بستفاد منكو

صحيح الحلويات انا مش للدرجه فيها بس دى بعرف اعملها وياريت لو عندكم جديد تنزلوه


المقـــــادير

1 كوب دقيق

1كوب سكر مطحوووون

5 بيضات

بيكنج بودر

فانيليا

ملعقه صغيره خل عشان ظفارة البيض

1ملعقة نشا

الطريــــــــــــقه

بنجيب الخلاط ونضرب فيه البيض وعليه ملعقة خل وعليه الفانيليا

وبعدين ننزل عليه بالسكر المطحون ونضررررررب

وبعدين كوباية الدقيق منخول وعليها النشا والبيكنج بودر ونضيف على البيض اللى فى الخلاط بس

شويه شويه

لحد ما يضرب كله ننزل بيه فى صنيه مدهونه ومبطنه بدقيق

وبعدين ندخلها الفرن مش بتاخد وقت خالص ونطلعها من الفرن ولو الاطراف ناشفه بنشيلها

بعد ماطلعت من الفرن وبعدين نحشيها بالمربى او الكريمه

وبعين نغلفها بالفويل ونشيلها فى التلاجه نص ساعه وبعدين نطلعها ونزيينها ونقطعا


ويارب تكونوا مستفيدين

ربنا يخليكى يارب

تسلمى يا احلى شيماء

ربنا يخليكى يا ايمان

بارك الله فيكى