ده يبقى ايه ؟؟؟

القصة دي حقيقية فعلااااا والله ( على لسان راويها )

العبرة فيها اننا نجاوب في الاخر

اللي بتعمله الست العجوز دي ,, دوت يبقى ايه ؟؟

نقرا مع بعض

اتصلت سيدة عجوز ببنك الطعام تطلب حضور مندوب لاستلام خمسة بطاطين تبرعاً منها

لصالح ضحايا السيول وتركت عنوانها بالتفصيل..

ميدان ثم شارع ثم حارة ثم حارة أخرى ثم دكان بقال ثم بيت!.

وصل مندوب البنك بصعوبة بالغة إلى مكان إقامة السيدة العجوز،

فوجدها عجوزا أكثر مما تصور، هزيلة أكثر من أى توقع، بسيطة أقل من كل فقر،

تسكن غرفة صغيرة لاتدخلها الشمس تحت بئر سلم!.

استقبلت موظف البنك باشتياق شخص يبحث عن ضوء فى عتمة،

أصرت على أن تعد له واجب ضيافة كوب من الشاى وهى تقدمه قالت له:..

«الشاى يا ابنى من يد خالتك كرمة، بالهنا والشفا،

والله كوبياتى نضيفة وزى الفل، ماتقرفش».

كان الموظف الشاب يشرب الشاى وهو يراقب عروق وجهها تنتفض

وهى تحكى منفعلة وكان مندهشاً،

تصرخ فى وجع:.. «.. ماتستغربش، أنا فقيرة أه.. بس فيه اللى أفقر منى، أنا معاشى من

جوزى الله يرحمه 300 جنيه، جبت بمتين وخمسين منهم البطاطين ديه،

وهتدبر لغاية آخر الشهر بالخمسين، ربنا بيبعت!».

غرفة لا تتسع أكثر من شخصين، سرير صغير يتحمل بصعوبة جسدها النحيل،

لمبة فى السقف وتليفزيون بإيريال معلق على شباك المنور،

تليفون موبايل قديم يبدو أنه نافذتها الوحيدة مع الحياة،

وابتسامة دافئة كبيرة تكشف عن زمن بعيد لم تعرف فيه أبعد من هذه الغرفة ومن هذا المكان.

الموظف:..«لكن ياحاجة كرمة، يعنى ماتفهمنيش غلط واستحملينى، مش برضه أنت أولى بحق الخمس بطاطين، ظروفك يعنى.. »..

وتخبط يدها على طرف السرير فيهتز وتقول بعبارات لا زيف فيها ولاتراجع:..

«..يا ابنى اللى شفته فى التليفزيون يقطع القلب، ناس عريانة مرمية فى الشوارع

من غير لا بيت ولا غطى، أنا فقيرة بس مش غلبانة..

هم غلابة ولو كانوا مش فقرة، أنا ربنا ساترنى فى أوضة باقفل بابها تدفينى وأنام..

هم ماعندهمش لا باب ولا أوضة، يا ابنى خد البطاطين وتوكل على الله

الحق ابعتها لحد محتاج قبل ما الليل ييجى، توصل بالسلامة وشرفتنى يا ابنى..».

ذهب الموظف بأغلى خمس بطاطين إلى مقر بنك الطعام

وحكى لهم ودموع كثيرة فى عينيه قصة الحاجة (كرمة) كرمها وكبرياؤها

ووجهها الصافى الصادق وكلماتها البريئة الحقيقية،

حكى لهم عن علاقتها مع الله، هذه المرأة العجوز التى نساها الزمن لم يهملها الله برحمته

فرزقها الحب والبساطة والشجاعة، هذه امرأة لاتخاف أحدا،

لاتخاف الفقر ولا الجوع والبرد ولا المرض ولا الموت، تحب الله وتعيش فى أمانه وفى وعده

الحق لها، حكى قصة امرأة نظنها أنها تعيش على هامش الحياة.. بينما هى الحياة نفسها.

قرر زملاؤه أن يفعلوا أى شىء لهذه المرأة، اقترحوا معاشاً شهرياً، معونة عاجلة،

البحث عن شقة صغيرة لها، سرير أكبر، ثلاجة بها طعام، فسحة فى مكان جميل،

لكن موظف البنك الذى ذهب لها قال لهم بثقة من عرفها عن قرب إنها سترفض كل شىء.

فى النهاية وصلوا إلى حيلة، اتصلوا بها على أنهم من شركة التليفونات التى تحمل أحد

أرقامهم، أبلغوها أنها فازت بجائزة مالية كبيرة،

فقالت لهم دون أن تهتز من فرحة أو مفاجأة:..

«.. عارفين بتوع بنك الطعام، اتبرعو لهم بالفلوس كلها، قولوا لهم يجيبوا بيها بطاطين كتيرة

لبتوع السيول، ماحدش بيموت من الجوع.. بس فيه ناس كتير بتموت من البرد».

خلصت القصة

شفتوا الناس دي ؟؟؟

مييين دول وهو فيه كده اصلااااا

سبحانك الهي

انا بجد مزبهل من قناعتها ومن ثقتها الكاملة بأن ربنا مش هيضيعها

والمصيبة الاكبر اننا بنكون في اجمل حالاتنا وبردو طمعانيين في الزيادة

وكمان محنش بنشكر ربنا اوووووي

لا اله الا انت

العبرة من ده يا جماعة انه فعلااااا الغنى غنى النفس

وان ترضى بما قسمه الله لك تكن اغنى اناس

اللهم ارزقنا الرضا والتقى والعفاف والغنى

قولوا ماذا استفدتم ؟؟؟

حضرتك بتقول ده يبقي ايه؟؟

ده يبقي رضا وقناعة غير عادية بما قسمه الله لها

ليس هذا فقط ولكن احساس بالغير وتضحية ليس لها مثيل

هؤلاء من قال فيهم الله عز وجل((ويؤثرون علي انفسهم ولو كان بهم خصاصة))

هي تتصدق وهي في اشد الحاجة لمثل هذه الاشياء

وطبعا هذه السيدة الغنية روحيا تعلمنا كيف نحمد الله

وكيف ننظر الي من هم اقل منا ونشعر بهم

وتعلمنا اننا عندما نتصدق نتصدق باغلي ما عندنا وليس بالفائض منا فقط كما

يفعل الاخرون

طالما لنا رب كريم فلن نضيع ابدا

القناعة كنز لا يفنى ، وهذه السيدة ملكت هذا الكنز ...

شعرت بغيرها ، آثرتهم على نفسها ، فعلت مالم يفعله غيرها

من هم أغنى منها ، علّنا كلها نعتبر منها ..

جزاك الله خيراً أخى طه ..

بارك الله فيك ياطه

والله سيدها عظيمة لو أعرف مكانها

لذهبت إليها وقبلت قدمها قبل رأسها

فالقناعة كنز لايفنى

وهذا ماكنت دائماً أكتبه للأخوة المعتصمين

ويطلبوا زيادة رواتبهم ويعطلوا العمل والبلد في هذه الظروف

كنت أقول لهم أنظروا لمن هم أقل منكم مرتباً

وأحمدوا الله وإصبروا إلى أن تنهض البلد من كبوتها

كانوا يسخروا من كلامي ويظنوا أنني من الأثرياء

علماً أنني لاأملك إلا راتبي كأخصائي إجتماعي

فكم هي جميلة ورائعة ومؤمنة هذه العجوز شكلاً

والعروس الجميل قلباً وعقلاً وإنسانيةً

خالد السيد كتب:: بارك الله فيك ياطه

والله سيدها عظيمة لو أعرف مكانها

لذهبت إليها وقبلت قدمها قبل رأسها

فالقناعة كنز لايفنى

وهذا ماكنت دائماً أكتبه للأخوة المعتصمين

ويطلبوا زيادة رواتبهم ويعطلوا العمل والبلد في هذه الظروف

كنت أقول لهم أنظروا لمن هم أقل منكم مرتباً

وأحمدوا الله وإصبروا إلى أن تنهض البلد من كبوتها

كانوا يسخروا من كلامي ويظنوا أنني من الأثرياء

علماً أنني لاأملك إلا راتبي كأخصائي إجتماعي

فكم هي جميلة ورائعة ومؤمنة هذه العجوز شكلاً

والعروس الجميل قلباً وعقلاً وإنسانيةً

قسما بربي جميع من يعمل اعتصامات في ادارتك لو يعلمون انهم في انهاية لن يأخذوا شيئا لصمتوا طوال الدهر

عندهم ما يكفي قناعتهم

لكن الطمع يزداد في عيونهم

وتجدهم اغلبهم معملمي الدروس الخصوصية

والله يا استاذ خالد

معايا صحبي مدرس فيزيا

مخلي الدرس السنادي ب70 جنيه

بقوله بالله حرااااام ازززاااي اب لو معاه بنتين ثانوي هيعملك مرتب لوحده دروس خصوصية

قالي انا مليش فيه

اللي عاوز يجي واللي مش عاوز انا مضربتش حد

سبته على مزاجه بس مش قادر اتخيل اننا منبصش ع اللي اقل مننا عشان ننجح

وده سر تقوى الست كرمة صاحبة القصة

ربنا يكرمنا يارب بالقناعة ياااااارب

والاخلااص في القول والعمل

شكرا لحضرتك استاذ خالد

سلمت يمناك ☻☻♠♠

قصه ولا أروع ...اللهم ارزقنا القناعه ...

هذه السيدة تعرف ان ما في يديها فان

وما عند الله باق فاختارت ما عند الله وهو خير وابقى وقليلا من يعرف هذه

الحقيقة وهى متوكلة على الله وتعطى عطاء من لا يخشى الفقر رغم حالها

البسيط كما كان يفعل النبى صلى الله عليه وسلم وآل بيته

نرجو من الله عز وجل ان نكون مثلها قال تعالى (وَيُؤْثِرُونَ عَلَى أَنْفُسِهِمْ وَلَوْ

كَانَ بِهِمْ خَصَاصَةٌ )

فهنيئا لها

بارك الله فيك اخى طه على هذه القصة الرائعة

اقتباس :: قسما بربي جميع من يعمل اعتصامات في ادارتك لو يعلمون انهم في انهاية لن يأخذوا شيئا لصمتوا طوال الدهر

عندهم ما يكفي قناعتهم

لكن الطمع يزداد في عيونهم

وتجدهم اغلبهم معملمي الدروس الخصوصية

والله يا استاذ خالد

معايا صحبي مدرس فيزيا

مخلي الدرس السنادي ب70 جنيه

بقوله بالله حرااااام ازززاااي اب لو معاه بنتين ثانوي هيعملك مرتب لوحده دروس خصوصية

قالي انا مليش فيه

اللي عاوز يجي واللي مش عاوز انا مضربتش حد

سبته على مزاجه بس مش قادر اتخيل اننا منبصش ع اللي اقل مننا عشان ننجح

وده سر تقوى الست كرمة صاحبة القصة

ربنا يكرمنا يارب بالقناعة ياااااارب

والاخلااص في القول والعمل

شكرا لحضرتك استاذ خالد

اولا اضم صوتي للاستاذ خالد
ثانيا اشكر حضرتك على القصة الجميلة جدا و التي كلها نصائح و عظة لنا
و اتمنى ان يقدرني الله في ان اكون مثلها
ثالثا منظومة التعليم منظومة كبيرة جدا و بتضم شرائح كتيرة من الوزير الى المستشارين الى الى الى المدرس
و دي صورة بمرتبات بعض المستشارين بالوزارة
[ندعوك للتسجيل في المنتدى أو التعريف بنفسك لمعاينة هذه الصورة]

والموضوع نشر في جريدة اليوم السابع
[ندعوك للتسجيل في المنتدى أو التعريف بنفسك لمعاينة هذا الرابط]
وبعد كده مدرسي التعليم الفني نسبة صغيرة اللي بتدي دروس خصوصية
مدرسي المرحلة الابتدائية نسبتهم صغيرة بالنسبة لعدد المدرسين بالمدارس الابتدائية
مدرسي الالعاب و الموسيقى و الحاسب الالي و غيره لا يعطوا دروس خصوصية
انا بشتغل معلم في مدرسة ابتدائي قوامها 35 مدرس اللي بيدوا دروس خصوصية 3 فقط
على فكرة انا من اسوان و معملتش اضراب او مظاهرات و اتمنى لبدلي الخير
و مش عايز زياده في المرتب في الوقت الحاضر بس المعلمين مش طماعين
لانهم بيطالبو بمرتب يضمن لهم حياة كريمة هم و اولادهم اللي ممكن يكونوا في
الجامعة و احنا عارفين مصاريف الجامعات
او مرحلة ثانوية و مصاريفها او شاب يريد الزواج و لا يجد معه الا 600 جنيه شهريا و غيره
معلش يا استاذ طه بس فكرة ان عاملين اضراب و مظاهرات ان الطمع يزداد في عيونهم مش صحيحة جزء منهم بس مش الجزء الاكبر

معلمي مستر طه

مبتكلمش غير على بعض الناس المرتاحين جدااااا وبردو بيعملوا اعتصامات واضرابات

دي نقطة

النقطة التانية يا معلمي

منظومة التربية والتعليم اسوأ منظومة في مصر

ومديريات الصعيد تشهد بذلك كثيرا يا اخي

اتمنى من الله ان يعدلوا من انفسهم وان يتقوا الله في اعمالهم

تشرفت بك اخي

الشرف ليا استاذ طه
شكرا للتوضيح اخي طه
و متزعلش من ردي لاني في الفترة الاخيرة شفت تعليقات كتيرة على الفيس بوك بتهاجم المدرسين و المعلمين و تتهمهم بالجشع و الطمع
و لما ترد على حد منهم يقول مهو انتو بتدوا دروس الخصوصية
و كأن كل معلمي مصر بيدو
دروس خصوصية.
اتفق معك بان منظومة التربية و التعليم ..............
شكرا لك استاذ طه

ده يبقى
ثـــــقة بالله
قنـــــاعه بان مالله بيزيــــد مش بيقـــــل.

عن أبي هريرة رضي الله عنه قال : قال رسول الله صلى الله عليه وسلم : " من تصدق بعدل تمرة من كسب طيب - ولا يقبل الله إلا الطيب - وإن الله يتقبلها بيمينه ، ثم يربيها لصاحبه كما يربي أحدكم فَلوَّه حتى تكون مثل الجبل " .
سيده عظيمه ربنا يبارك فيها
ويرزقنا الرضا والقناعه مثلها.
بارك الله فيك أ/ طه

» ........ و يبقى الحلم مجرد حلم ولكن !!!
» اللى مش حيقول امين يبقى خسران
» رغم الألم ....يبقى الأمل.......ونعيش رغم دموعنا
» يبقى الشيء ساكنا حتى تفكر فيه .. فيتحرك باتجاهك ------