كفتـــة البطاطــــس.

[ندعوك للتسجيل في المنتدى أو التعريف بنفسك لمعاينة هذه الصورة]
Smile

ازيكم ...عاملين ايه؟؟
طبعا بدأت الاجازة ورجعنا تانى للمطبخ Sad

النهاردة تطوعت انا - Embarassed

تم اجبارى- وعملتلهم الغداء فى البيت...وقعدت افكر scratch

تعملى ايه يابت يادودو تعملى ايه ..فققررت انى اعمل كفتة بطاطس وكالعادة افتكرتكم وقولت لالالا... مش ينفع آكل لوحدى لازم اعزم اعضاء المنتدى معايا يلا كده نبدأ
[ندعوك للتسجيل في المنتدى أو التعريف بنفسك لمعاينة هذه الصورة]

Like a Star @ heaven

3/4 كيلو بطاطس مسلوقه 3/4سوي وتبشر بالمبشره
Like a Star @ heaven

1/4 كيلولحمه متعصجه بدون طماطم
Like a Star @ heaven

1بيضة للبطاطس
Like a Star @ heaven

2ملعقه بشر بصل (التفل بس)
Like a Star @ heaven

2ملعقه بقدونس
Like a Star @ heaven

1كوب دقيق & 2بيضة +1/4كوب لبن &1 كوب بقسماط
زيت للتحمير

[ندعوك للتسجيل في المنتدى أو التعريف بنفسك لمعاينة هذه الصورة]

Like a Star @ heaven

تسلق البطاطس 3/4 سوي مع ماء بارد وشويه ملح
Like a Star @ heaven

بعد السلق نبشرها بالمبشره او نهرسها بالهراسه
Like a Star @ heaven

نضيف تفل البصل واللحمه المتعصجه والبقدونس والملح والفلفل والبيضة
Like a Star @ heaven

ونشكل الكفته علي هيئه صوابع أو كور حسب ما انتوا عاوزين
Like a Star @ heaven

نبدأ نحطها فى الدقيق ثم ( البيض المخفوق باللبن) ثم البقسماط المتبل
Like a Star @ heaven

بعد كده يتحط في الثلاجه لفترة وبعد خروجه من الثلاجه يقلي في زيت غزير ساخن
وشكله النهائى بيكون كده .
[ندعوك للتسجيل في المنتدى أو التعريف بنفسك لمعاينة هذه الصورة]
على فكرة دى صورة الكفتة بتاعتى يعنى مش عايزة تريقة لو سمحتوا .

خلاص أكلتوا بالهنا ... cheers

مين بقى اللى هيساعدنى فى غسيل الاطباق؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

ماشاء الله

اولا تسلم اديكي وان شاء الله هعملها
ثانيا انتي اموره اوي يادعاء وعرضك جميييييييل للموضوع

حسين مسلم كتب:: ماشاء الله

شكراً أ/حســــــــين
أسعدنى مرورك الكريم

كرامات محمد محمود هاشم كتب:: اولا تسلم اديكي وان شاء الله هعملها
ثانيا انتي اموره اوي يادعاء وعرضك جميييييييل للموضوع

شكرا كرامات انتى الاجمل ياحبيبتى
ويارب الأكلـــــه تعجبك

تسلم ايديك دعـــاء

بالهنا والشفا اما بالنسبه للغسيل من كل قلبي مسامحه اي حد يقوم بيه

ممكن لما تيجي تسنيم اصلها بتحب الشغل ده جدا

ايه الحلوة ديه والطعمة ديه
والله يتاكل اكل
تسلم ايديكي يااجمل شيف في المنتدي
ومنتظرينا وصفات اخري اجمل
وبالنسبة لاغسل الاطباق انا هساعدك bounce

بصى ياستى احنا ناكل اه
لكن نغسل لا
هوانت من الى يعزم المعازيم وهم يغسلو الاطباق
لا يعم بلاش اعملها انا احسن

تسلم ايديكى اختى دعاء وعلى فكرة الكفته ده بحبها جدا وبعملها على طول بس احيانا بدون لحمة
روعة

شكرا على غسيل الاطباق

فاطمة جمعة كتب:: تسلم ايديك دعـــاء

بالهنا والشفا اما بالنسبه للغسيل من كل قلبي مسامحه اي حد يقوم بيه

ممكن لما تيجي تسنيم اصلها بتحب الشغل ده جدا

كده يعنى ... مكنش العشم يافاطمة Crying or Very sad

شكلى كده هدبس انا لوحدى فى غسيل الأطباق
على العموم بالهنا والشفا ياقمر

شيماء فؤاد11 كتب:: ايه الحلوة ديه والطعمة ديه
والله يتاكل اكل
تسلم ايديكي يااجمل شيف في المنتدي
ومنتظرينا وصفات اخري اجمل
وبالنسبة لاغسل الاطباق انا هساعدك

تسلميلى ياشوشو بالهنا ياحبيبتى cheers

وبما انك هتغسلى معايا الاطباق ...هعملك طبق وصاية ليكى لوحدك Wink

علشان تغيظى الناس التانية

دعاء عبد العزيز كتب:: بصى ياستى احنا ناكل اه
لكن نغسل لا
هوانت من الى يعزم المعازيم وهم يغسلو الاطباق
لا يعم بلاش اعملها انا احسن

تسلم ايديكى اختى دعاء وعلى فكرة الكفته ده بحبها جدا وبعملها على طول بس احيانا بدون لحمة
روعة

شكرا على غسيل الاطباق

حتى انتى يا دعاء ... كله كده عايز يهرب من غسيل الاطباق
ده انا حتى كنت قريت موضوع هنا ف المنتدى ان غسيل الاطباق بيهدئ الاعصاب
اسمعى كلامى بس انتى وتعالى اغسلى الأطباق Wink

هتلاقى اعصابك هديـــــــت ع الاخر وابقى ادعيلى .

بس كده انا عرفت
طب مش كان قلتيلى من قبل كده
بدل مكان عملت اشعة مقطعية ورسم مخ
فى الاخر طلع لازم اهدى اعصابى
وفى النهاية طلع السبب غسيل الاطباق
لا ياعم احنا حلوين مع بعض اه لكن عند كده شكرا
بوركتى
ادعيلك على كده من غير غسيل
ههههههههههههههههههه

تسلم ايديكي اكله جميله تفتح النفس
لا اله الا الله محمد رسول الله
سبحان الله والحمد لله والله اكبر

شكرا يا ولاء ..بالهنا ... اسعدنى مرورك

[justify]طيب عاااااااااااوز طريقه كنافه بالكريمه
معموله بالنشاااااااااه
طعمها لذيذ بس معرفش ازاااى تتعمل الكريمه بالنشا دي
تعرفوا تتعمل ازاى
bounce

تســـــــلم ايــديـــكي يـــا دودو

شكلها جميــل واكيــد طعمـهـا اجمــل

[ندعوك للتسجيل في المنتدى أو التعريف بنفسك لمعاينة هذه الصورة]

محمد غريب محمود كتب:: [justify]طيب عاااااااااااوز طريقه كنافه بالكريمه
معموله بالنشاااااااااه
طعمها لذيذ بس معرفش ازاااى تتعمل الكريمه بالنشا دي
تعرفوا تتعمل ازاى

انا اسفة يا ا/ محمد شوفت رد حضرتك متأخر
بس لو حضرتك تقصد الكنافة بالمهلبيه ان شاء الله هكتبها لحضرتك فى موضوع مستقل

اميرة عبدالفتاح احمد كتب:: تســـــــلم ايــديـــكي يـــا دودو

شكلها جميــل واكيــد طعمـهـا اجمــل

[ندعوك للتسجيل في المنتدى أو التعريف بنفسك لمعاينة هذه الصورة]

ربنا يخليكى يا ميرو انتى الاجمل يا حبيبتى

الله عليكِ يادعاء ، ايه الحاجات الحلوة دى تسلم ايدك ..

تسلم ايدك يا دعاء

حنين الى الاسلام كتب:: الله عليكِ يادعاء ، ايه الحاجات الحلوة دى تسلم ايدك ..

اروح فين انا بس يا حنين.. انا سمعت انك طباخة ممتازة

أريج كتب:: تسلم ايدك يا دعاء

الله يسلمك يا اريج .. اسعدنى تواجدك

تسلم ايديكى يادودو....باين عليكى شطورة فى المطبخ

ميرسى ميرسى ياسارة ... بتحرجونى والله يا جماعه انا كده هصدق نفسى

جمييلة يا دعاء وشكلها كدا لذيذة أوووووى .. تسلمى

نور عبدالله كتب:: جمييلة يا دعاء وشكلها كدا لذيذة أوووووى .. تسلمى

الاجمل مرورك يا نور ... اتفضلى معانا بالهنا .

بارك الله فيك اخت دعاء روعة صراحة

لكن بصراحة الواحد عايز يقلكم حاجة بس مكسوف شوية Embarassed

كفتة البطاطس دى انا بعملها من الابتدائى كنت بقوم بكل شئ

لوحدى دون مساعدة احد فى البيت بس بطلت اعملها لما كبرت مفيش وقت بقى Smile

ربنا يبارك فيك اخت دعاء فكرتينى بماضى Smile

رووووووووعة يادودو خف عليا بقى نجرسكو وبعدين الكفتة
أعملى حسابك فيها غرامات عليك ياجميل عايزه من ده هى صح بتزود
الوزن ولكننى بحبها المطبخ ده حياتى وساحتى كما يقولون لا ست بيت شطووووووورة
وأمضى وأبصم كمان بكده Smile

وإلا غسيل الأطباق يادودو أنا كرهتها وبقيت متخصصة فيها دى عاملة زى الخميرة كل ما تدبى عليها تنفخ وتزيد .

الحسينى عبد الفتاح كتب:: بارك الله فيك اخت دعاء روعة صراحة

لكن بصراحة الواحد عايز يقلكم حاجة بس مكسوف شوية

كفتة البطاطس دى انا بعملها من الابتدائى كنت بقوم بكل شئ

لوحدى دون مساعدة احد فى البيت بس بطلت اعملها لما كبرت مفيش وقت بقى

ربنا يبارك فيك اخت دعاء فكرتينى بماضى

من الابتدائى ..... ماشاء الله يا أ/حسينى قدرات ربنا يزيدك ياعم وسيب الحاجات البسيطة دى للغلابة اللى زينا

فاطمة حمدى حسن كتب:: رووووووووعة يادودو خف عليا بقى نجرسكو وبعدين الكفتة
أعملى حسابك فيها غرامات عليك ياجميل عايزه من ده هى صح بتزود
الوزن ولكننى بحبها المطبخ ده حياتى وساحتى كما يقولون لا ست بيت شطووووووورة
وأمضى وأبصم كمان بكده وإلا غسيل الأطباق يادودو أنا كرهتها وبقيت متخصصة فيها دى عاملة زى الخميرة كل ما تدبى عليها تنفخ وتزيد .

حبيبتى يا بطوط والله انتى اللى جميلة دايما كده رافعة معنوياتى Embarassed