قلب الناس مراية

أصل الحكاية ..
إن قلب الناس مراية
والصور فـ القلب تشبه
فيلم سيما
من البداية للنهاية
في اللي صورته جديدة حلوة
أفيشها يجذب
وفي اللي صورته باهتة جدا
عشان بتكدب
وتحسها فعلا قديمة
فالصور ف القلب تشبه
فيلم سيما

ولمّا ييجي قصادنا مشهد
يحكي إن القلب فصل
في اللي فعلا حدّ شاطر
صورته تبقى طبق أصل
وفي اللي فعلا حدّ ساقط
صورته تعكس نقص وصل
أو مواقف مش سليمة
فالصور فـ القلب تشبه
فيلم سيما

في اللي قادر يعيش بصورته
مهما غاب
وفي اللي مهما جسده حاضر
برضه متاخد غياب
فلوّنوا دايماً قلوبكم بالحقيقة
علشان تعيشوا جوا صورة
عمر كامل.. مش دقيقة
بصورة واضحة .. صورة أولى
جوا مشهد فيلم سيما
قلوبكوا تاخد دور بطولة
وتكونوا دايما فيها أصل
فالحكاية ..
إن قلب الناس مراية !

لـ أحمد عبدالعليم

كلماتها حلوة اوووووووى

عجبانى خااااااااااااااااااااااااالص

ربنا يباركلك أخ طه

ربنا يبارك فيك ِ اختي اريج

» أتخاف الناس..ولا تخشى رب الناس ؟
» قال أبو العتاهية يصف الناس
» نفع الناس
» كيف يراك الناس
» أقاويل الناس .