كلام وخلاص

بدأت لحظة الكفاح لنقلع جذور الحزن ونبدلها بأفراح
ما خلاص روينا أرض الخوف بدم وجراح
علشان نشوف ثمر الحنضل يتحول تفاح
يلا الكل يساهم،إيد العامل مع إيد الصانع مع إيد الفلاح
ضمير الأستاذ مع أهل الدين ومهارة الجراح
فكر العالم مع عدل الحاكم مع شعب مجاهد طماح
كلنا إيد واحدة نبدأ عملنا باسم الفتاح
واللى مخاصم يلا يصالح كفاية عند ويلا سماح
ده الابن والأخ والأخت والزوج والأب فقدوا الأرواح
كانوا بيطالبوا بحرية وحقوقهم الآدمية والغدر بيهم أطاح
يلا نجاهد بالحب كله والخير والإصلاح
لنقطع شرايين الظلم ونقضى على السفاح
وبكده نمحى الخيالات ونودع الأشباح
ومسيلمة الكذاب مثيله فى النار واللى تقلد سجاح
ما هى مصر أمنا،وكيانها دمنا
واللى يحاول يؤذيها يسمع رعد الضباح
وبقلوبنا الكبيرة وبإيدينا القوية يصبح الانفتاح
وتقوى بلدنا وتعيش أمجادنا بمسيرة النجاح
وبصوت الحق نحمى أراضينا وندافع بروحنا حرس سلاح
ومصر تسعد بصوت كروان الصباح
ونشم عطورها أهو العطر خلاص فاح
الله اكبر حى على الفلاح
الله أكبر حى على الفلاح
بقلم:زينب محمد الدسوقى زكى

الله بجد جميلة اوووووووووووووووووووووي

حلي على الفلاح حي على الصلاح حي على الكفاح

بجد اكثر من رائع ميس زينب ربنا يكرمك

جزاك ِ ربي الفردوس الاعلى