نصائح للاخوة الزملاء بخصوص المذاكرة والامتحانات

*** نصائح للاخوة الزملاء نسأل الله ان تكون خالصه لوجهه الكريم
1- الاستعانه بالله تعالى واخلاص النيه لطلب العلم
2- عمل تلخيص للمواد يحتوى على العناصر فقط لحفظها وتحت العنصر تلخيص سطر او سطرين من الكلام المهم علشان في الاجابه تبنى عليه وتكتب كتير
3- ترتيب وقتك والمذاكرة باهتمام
4- التركيز على الاسئله القديمه في الامتحانات السابقه وطريقه الامتحان ، بالاضافه لتركيز علي الفصول الجديده التى لاحظتها في مذكرات هذا العام
5- المحافظة علي هدوء الاعصاب والعباده في اوقاتها والمواظبه علي ادعيه الامتحان والمذاكرة
6- فيه بعض الملاحظين في الامتحانات بيستفزوكم ويحاولوا يضيعوا اعصابكم سيبكم منهم وكبروا دماغكم منهم
7- استخدام اقلام جاف سوداء لكتابه رؤؤس الاسئله اثناء الاجابه وكتابه العناصر الرئيسيه، وقلم اخضر لكتابه العناصر الفرعيه والقلم الازرق للشرح
8- التركيز في جزئيات السؤال لانه بيكون مطلوب اكثر من نقطه وبتعدى على ناس كتيرة
9- تنظيم الافكار في الاجابه وعرض الكلام باسلوب جميل زتكتبوا كتير
10- اللى يقفل كراسه الاجابه في المواد ماعدا قسم محسوب اقوله مبروك جيد جدا او ممتاز
11- معاك ثلاثه ساعات زمن الامتحان استغلها وبلاش تسرع
هذه النصائح قدمها لى اخ عزيز العام الماضي وبفضلالله حصلت على تقدير جيد جدا
وأولا واخيراً دعائى لكم بدوام النجاح والتوفيق واسألكم الدعاء

بارك الله فيك استاذ عمر ف ميزان حسناتك ان شاء الله
بس انا حسيت ان الامتحان بكرة ..... طيب اللى مش بيعرف يلخص خاااااااالص والوقت خلاص انا بحط عناصر ولازم اقرا الاول الماده او الفصل قراءه عابرة بس لسه المواد ماشاء الله بخيرها ومش عاوزة تخلص

بتنطيم الوقت تخلص ان شاء الله خدى فكرة عن العناصر بتتكلم عن ايه علشان الامتحان محتاج كتابه كتير وقفلي الورقه بتاعت الاجابه والدكتور محسوب مش محتاج كتابه كتير محتاج في الاجابه حضرتك فهمتى ايه من الماده عبري باسلوبك بس في المضمون

بارك الله فيك يا أستاذ عمر وجعله الله يوم القيامة في ميزان حسناتك

وبارك فيك اخى محمد ووفقك لكل خير

جزاك الله خيرا على هذه النصائج الغالية بس فعلا الوقت قصير والمواد كتيره واحنا لسه مستلمين الكتب قريب

المدة القصيرة هذه عاوزه مننا اعتكاف على الكتب ودا شبه مستحيل

عندك حق يا أستاذة زينب

والله فعلا يأستاذ / محمد انا عن نفسى اخرى ساعتين وبمل من الكتب لازم اعمل شئ أخر حتى أرجع للمذاكرة وإلى الأن لم أنتهى من أى مادة الا اللى قرأتها قراة جرايد ومرور الكرام

مفيش اعتكاف ولاحاجه ذاكر على حسب طاقتك وخد راحه بين المذاكرة وارجع كمل مذاكرة

شكر ليك يا استاذ عمر وربنا يجزيك خيرا عنا وانا عن نفسى مش بعرف اذاكر اي ماده غير لما اخصص ليها ميعاد معين ابتدى مذاكرة امتى وهتخلص امتى وباقى المواد كده برده وربنا يعينى ويعينكم ع مذاكراة المواد وتخلصوها ع الاقل قبل الامتحان يوم او يومين وانا معاكم يارب

شكرا ليكعلى نصائحك
ولكنهل استخدام الاقلام غير اللون الازرق مسموح بها

نعم مسموح والله انا وكتير من زملائنا العام الماضي كتبنا باللون الازرق والاخضر والاسود الممنوع الاقلام الحمراء فقط

واقلام الحبر مسموح بها ولا الجاف بس

بارك الله فيك ياأستاذ عمر ورزقك الخير الكثير فى الدنيا والاّخرة واستعملك فى طاعته اللهم ءاااااااااااااااااااااااااااامين.

شكرا خالص على النصائح الجميله
وكمان قبل ما نبتدى نذاكر نصلى ركعتين ونقرا بعض ايات القران الكريم وهنلاقى نفسنا مستعدين لمذاكرة ومتحمسين ومستوعبين وفاكرين كل حاجه وربنا يكرمنا جميعاااااااااا يارب

أهو هو ده الشغل ولا بلاش يامروة الله عليكى فعلا الصلاة تصفى القلب والذهن وتجعل الواحد مننا قريب جدا من ربه ربنا يديم عليكى نعمته فى طاعته فى الدنيا والاّخرة.

شكرا ليكم جميعا
بس النصائح دى كانت المفروض بدرى شويه
الامتحانات مزنوقه جدا