البسيمه اللذيذه

السلام عليكم ورحمه الله وبركاته

ازيكم اخواتى فى الله يا رب تكونوا كلكم بخير
حبيت اجرب البسيمه بدقيق السميد و بصراحة كانت تجربه لذيذة و طعمة جدا
نفس المقاديرالعاديه لكن باختلاف بسيط هو اننا بدلنا الدقيق العادى بدقيق السميد
و زيادة قليلة جدااااا فى كمية اللبن لان دقيق السميد بيشرب سوائل اكتر

المقادير



2 كوب جوز هند


كوب الا ربع دقيق سميد
2 ملقة كبيرة سمنة او زبد
2 معلقة كبيرة سكر
كوب وربع ماء او لبن و قد يقل قليلا(اللبن افضل)
معلقة صغيرة بكنج بورد
سودانى للزينة ( اختيارى )
الشربات (( كوب سكر + كوب ماء+معلقة صغيرة عصير ليمون))

الطريقة


هو اننا هنضيف كل المكونات مع بعض ونقلبها كويس
هناخد عجينة البسيمة و هنفردها على صنيه مدهونة زيت او سمنة و نحاول
نساويها و نزينها بسودانى او زبيب او ممكن منزينهاش خالص
و بعدين نقطعها بالسكين

و بعدين ندخلها فرن ساخن فى الرف اللى النص
و لما تحمر و نطلعا نسقيها بالشربات الساخن ايضا و نغطيها

اتمنى انها تنول اعجابكم
فى رعاية الله و حفظه
احبكم فى الله