كونى منظمه

كوني منظمة

لما تصحي الصبح احمدي ربكـ لأنه منّ عليكِ بيوم جديد تقدري تعملي فيه طاعات وتقرّبي أكتر لله

نيجي بقى للمشكلة ..
لما يبدأ يومكـ ومتكونيش مرتبة هنعملي إيه خلال اليوم -> بيضيع دون أي إستفادة

وده اللي بيخليكِ تحسي بملل وإن أيامك شبه بعض .. صح ؟؟

طيب انتي كـ مسلمة وقتك غالي أووي
لأنك بتحددي درجتك في الجنة على حسب عملك وإستغلالك للوقت في طاعة وقرب الله

يبقى الحل إني مع بداية كل يوم
أحدد أنا هعمل إيه طول اليوم -> اكتبيهمـ في ورقة ورتبي أمورك
تنظيمك لوقتك بيوفرلك وقت كبير أوي ..

قبل ما تعملي أي حاجة جددي نيتك وخلي يومك كله لله
وعددي نواياكِ في العمل الواحد >> الصحابة كانوا تجار نوايا

ولما هتجددي نيتك في كل حاجة هتحسي بطعم تاني لكل حاجة بتعمليها

خلي ليكِ ورد يومي من القرآن الكريمـ ولو حتى صفحة -> ابدأي يومكـ بالقرآن هتلاقي الوقت فيه بركة ..

وبعدين متضيعيش وقتك في اللي مش هيفيد
خليكِ واعية وقلبك يَقِظْ

وانتي مثلاً بتعملي شغل البيت -> اذكري ربك حبيبك
وأوعي تخلي أوقات الصلاة تضيع منك وسط زحمة شغل البيت

واقرأي كتاب مفيد يوسّع مداركك

نظمي وقتك وانجزي شغلك -> وخلي ليكِ وقت للأُنس بربكـ
ودايماً اطلبي من ربنا يباركلك في وقتك