انباء عن عقود وتثبيتات

ترددت انباء من عدد من المصادر انه سيتم تثبيت اصحاب العقود
وتحويل المكافأه الشامله الى عقود مميزة بمديريه قنا
هل هذه الاخبار صحيحه
الرجاء التاكد منها

هو فعلا ان شاء الله قرار تثبيت العقود وفعلا بعتوا نشرات للمدارس بخصوص انهم يبعتوا شهادة اى سى دى ال ومنتظرين الاسماء تيجى من القاهرة بس هى مسالة وقت لانها بترتبط بامور ماليه لان المرتب هيتضاعف ان شاء الله ومنتظرين الاسما تيجى من القاهرة ان شاء الله
اما بالنسبه لمكافاة شامله هتتحول الى عقود بس هتبقى عقود موحده مكافاة شامله وعقد محافظ ان شاء الله وانا متفائلة ان شاء الله

انا سمعت يا جماعه
ان شاء الله فيه عقود نازله الشهر ده للمكافاة الشامله وعقد محافظ وقرار 90 والعقود المميزة هتبقى عقود موحده ان شاء الله فى ناس مضت العقود فى محافظات تانيه كل واحد يسال فى الادارة التعليمه وربنا يكرمنا جميعااا ان شاء الله يارب

قرار 90 اصلا ثبت في 12 سنة 2011 يبقي ازاي يرجع ويتعمله عقد
دي حاجه محيرانا كلنا واحنا مش حنوافق نرجع لورا تاني

لو حد عنده معلومه اكيده عن قرار90 ياريت يفهمنا الحكايه

السلام عليكم
ايه ده كله يا دعاء لا هو استلام العمل وصورة المؤهل وصورة شهادة الميلادوصورة البطاقه وجواب من المدرسه بعدم الانقطاع من المدرسه بس هو ده اللى قدموه زملائى ومضوا العقد وبالنسبه لقرار 90 هو مجرد توحيد عقود علشان المسميات الكتييير دى

هل هناك اخبار اخرى
جزاكم الله كل خير

السلام عليكم
العقود القديمه اللى وقعنا عليها تم فيها تعديل وهنوقع على عقود جديده معدله الناس كلها هتمضى عقود جديده تانى والناس بتروح الادارة الايام دى

ياجماعه هى العقود اللى احنا وقعنا عليها
هتتفعل ولا هتتلغى ولا ايه النظام
بعد ما كنا بنقبض كل شهر رجعنا زى الاول تانى
بنقبض كل شهرين اواكتر
ومفيش اى خبر على العقود دى

واحنا مش عايزينه يقرر ومش عايزين منهم حاجه اصلا
لما ترجع حكومتنا الحقيقيه ان شاء الله تبقى هى اللى تقررلنا ان شاء الله

السلام عليكم ورحمة الله وبركاته
ياجماعه سمعتوا أنباء عن عقود وتثبيتات ,طيب مسمعتوش أنباء عن
مسابقات بالأجر أوحتى بالحصه ؟؟!!!!
بصراحه دفعتنا (2012) مظلومه جدا قالولنا فى سنه رابعه أن التكليف
حيتطبق عليكم ولما اتخرجنا كل الكلام أتبخر وحديثا سمعنا أن فيه
مسابقه فى شهر يوليو ,لكن الأنقلابيين ربنا ينتقم منهم ويعجل من
نهايتهم قلبوا الموازين .

ربنا  يصلح الحال

السلام عليكم اى ياجماعه مفيش اخبار عن التثبيت طيب اللي شغال بقاله سنتين بملاليم وبيصرف ع الشغل من جيبه وحياته واستقراره مرتبطين بحفظ الوظيفه وماجل سفره يعمل اى
هو ده حلال ولا حرام لما اخد كليه واعمل دبلومه واخد الاى سى دى ال وفى الاخر متثبتش ومقبضش غير ملاليم
التربيه والتعليم اصبحت نقمه على اصحابها

سيبوها على ربنا عادي يعني البلد كلها واقفة

ربنا يفرج الكرب والهم والغم

وبالنسبة للاستاذ خالد حضرتك تبشر ولا تنفر

خالد السيد كتب:

طه محمد كتب:

سيبوها على ربنا عادي يعني البلد كلها واقفة

ربنا يفرج الكرب والهم والغم

وبالنسبة للاستاذ خالد حضرتك تبشر ولا تنفر

أبشر وأنفر إيه ياطه

أنا كتبت معلومات عرفتها من وكيل الوزارة الجديد يوم السبت الماضي

وليس توقعات مني

مقصدش تتوقع حضرتك استاذ خالد

اللي اقصده ان فعلااااا اللي بيقدم في التربية والتعليم بيبقى عامل زي الغريق محتاج اي قشة تنقذه وتصبره على اللي هو فيه

حتى لو بالوهم

بس كده

والكل عارف ان البلد واقفة ومفيش اي شيء جديد طالع من اي وزارة

بس اي انسان يصبر واي مسئول مفروض يبشر الناس بكلمتين حلوين حتى لو بالوهم

الله يعزك

الله يعزك بجد ويعز بيك الاسلام

انا نفسي ابقى زي حضرتك وزي الدكتور ياسر وزي الحج احمد مسيدي

ربنا ييبارك فيك وفي ابناءك يا حج خالد

الله يعزك يا استاذ خالد ويعز بيكم الاسلام

يا جماعة انا سامع حاجات تخصكو بالنسبة للتثبيت انهم قرروا يثبتوا كل اللي كانوا بالاجر

الكلام دجه شفته ع الفيس واليوم السابع وكمان صحابي المدرسين كانوا بيحكوا عنه

يااارب يكون خير ليكو ان شاء الله

يا تر ي الكلام ده علي كل المحافظات ولا ومحافظات معينه ؟ ولا ده أصلا قرار وزاري ؟؟؟؟؟
وهيكون اعتبار من سنة امضاء العقد المميز ولا العقد المؤقت ؟ لأننا في سوهاج مضينا العقد المؤقت في 10 /2011 وبعديها مضينا العقد المميز
في 10/2012 مش عارفه ان كان عندكم في حاجه زي كده في قنا ولا لأ

وغير كده احنا إدربنا علي تدريب الأكادميه من غير الدبلومه بس حددو في العقد المميز مدة سنتين بس لأستيفاء الشروط للتعيين

انتو عندكم زي كده ولا لأ

يارب الخير يعم الجميع يا استاذ خالد

بصراحة فيه ناس منهم صبروا كتييير بجد

وفيه ناس بجد تعبت وبيصرفوا من جيبهم عشان يوصلوا لمدرستهم

بصراحة نفسي مؤسسة التربية والتعليم تبقى حاجة راقية لكن !!!!!

ربنا يكرمنا جميعآ يارب
انشاء الله خير