المصائب لا تأتى فرادى .. (نقادة) تموت إكلينيكيا

المشاكل تحاصر مركز نقادة .. مدينة وقرية .. حتى أصبحت فوق صفيح ساخن من كثرة المشاكل اليومية للمواطنين .. فالصرف الصحي معطل بدون أسباب .. ومشاكل الكهرباء تحتاج لقاموس لفك شفرة اللوغريتمات المحيطة بالمسئولين عنها .. والمطافئ حدث ولا حرج .. والإدارات الخدمية داخل شقق سكنية ..

حسبى الله ونعم الوكيل فى كل واحد فالبلد دى ماسك منصب من اول رئيس مجلس المدينه لحد اصغر موظف فى مجلس المدينه ومليون حسبى الله ونعم الوكيل فى بتوع الشعارات الكذبه اللى هم بتوع مجلس الشعب

من الاخر دى بلد بتاعت مصالح احنا عيشين فيها وشيفين كل حاجه ومحدش بياخد منها حاجه الا لما يدفع

ربنا يرحمهم برحمته ويبعتلهم واحد بيتقى ربنا

يارب

بس اقولك على حاجه متتامليش ان الحال يتصلح طول ماالضمير اتعدم

تفاءلى ياشيماء ربنا قادر على كل شئ وان شاء الله يجيبلكم الشخص المناسب فى المكان المناسب ... وبعدين لو المسئولين مش عاملين حاجة اتفقوا انتو وشباب القرية وشوفوا مشاكلها متسكتوش

بصراحة مدن قنا كلها مش واخدة حقها لان الصعيد كله مش واخد حقه

وقضية مدينة نقادة زيها زي مدينة دشنا او قوص او قفط او اي مدينة يعني مش فاكر اسماء مدن بس اكيد دي كلها مدن مش واخدة حقها

ربنا يفك كربكو يارب ويصلح احوالنا واحوالكو

سورى يعنى العيب الاول والاخير من الاهالى... انها سكتت لحد ما المشكلة بقت مشاكل

كلامك صحيح بردو سلبية الاهالي خلت المشكلات تتطور

ربنا معاكو بجد

وربنا يصلح حال كل الصعيد

يا اما يخلوه دولة لوحده ههههههه

نقادة تبع قنا يا مس سارة

تقريبا مركز هي مركز كامل يعني فيه قرى وكده

بس معرفش مكانها فين في قنا

ومفروض الاهتمام من الدولة يبقى على اقل حاجة مش على المدن بس والمحافظات بس

لان اللي بيتعمل الوقتي هو اهتمام بس بالمحافظات

بس احنا دايما لما نعرف ان مسئول جى زيارة بنحاول نجمل الصورة... مش بنظهر المشاكل ولا الصورة الحقيقية..ربنا يصلح الحال

نقاده هى مدينه من مدن قنا يوجد بها98 قريه ونجع يعنى تعتبر من اكبر مدن قنا تبع عن محافظه قنا 31 كيلو

بس الغريب بقى ان المحافظ كان عندنا فى نقاده يوم السبت اللى عده بس تخيلى ان كل حاجه كانت على طبيعتها واللى قدر المحافظ عليه انه علق على حوار النظافه فى كل مكان وبس ومعملش حاجه تانى

انا اسفه على تعليقى يانور بس معلش معلوماتك عن نقاده انها بها قريتين رئيستين غلط و4قرى تابعه ليها

بارك الله فيكم

انا معايا صحبي اصله من نقادة بس عايش هناهو ومش بيروح هناك

بس بكلامكو ده كده نقادة كبييرة ومفروض الاهتمام بيها جدااا

سواء نقادة او قوص او دشنا مثلاا او بلد تبع قنا سواء مدينة او قرية

والاهالي مفروض تتكلم وتهتم مش يطنشوا ! !

يارب احفظ مصر بكل محافظاتها ومدنها وقراها

بصراحه هى مش نقاده بس الاهمال فيها وبس لا الاهمال ده على مستوى الصعيد كله مهمل من جهة الدوله خالص

وعلى فكره حال البلد مش هنصلح الا لما واحد صعيدى يمسكها ويبقى رئيس ده رايى لان الصعايده بطبعهم مش بيحبو الغلط برغم اراءهم المتعصبه لكن فى الازمات وغير الازمات رجاله على حق وكلمتهم وحده ملهاش تانى

واللى معايا يرفع ايده

والله عندك حق بس نعمل ايه فى زمن اتعدم فيه الضمير والواحد احتار فيه بس يلا ربنا يصلح الحال

شيماءحسن عادل كتب:

والله عندك حق بس نعمل ايه فى زمن اتعدم فيه الضمير والواحد احتار فيه بس يلا ربنا يصلح الحال

ربنا يصلح الحال

اللهم امين