أكون أختك مفيش مانع
لكن أصحاب اكيد لأ
وليه نتمشى فوق الحبل نتمايل ونطوح؟
ومن غير قصد نتمتع ونتوجع
فنتجرح
ونلقى للقلوب الخضره جوانا متين مطرح
تكون حجة
وفيه سكه ...
جميلة وواسعه وآخرها
نلقى الضله والضحكه
دة فوق الحبل لو ماشى
متستحملش لو زقه
أكون أختك مفيش مانع
لكن أصحاب أكيد لأ
انا قلبى اتولد نونو
وقلبك زى بيدور ع القلب اللى هيصونو
قلوبنا هديه صدقنى ودقاتها مهيش لعبة
أكيد صعبه
نجرى الميه فى عروق العطش حبه!!!
ونخلق وسط احساسنا حاجات تدارى فى الكدبه
ونلقى النبض زاد دقه
نقول دقة هوى يمكن ؟
لكن ممكن يكون لأ!!!
نقول صحبه ؟
لكن بين الصحاب لأ...!!
ونتعود على الاوهام
وتتعب مننل روحنا ما بين دنيا وبين أحلام
ونصحى ع النصيب فجأة
ونتلقاه بروح خايفه من الطعم اللى فيه حُرقه
أكون أختك مفيش مانع
لكن أصحاب أكيد لأ...!
المصدر : من ديوان بنت عادية جدا لرشا عبد الرازق .
موضوع: أكون أختك مفيش مانع . 
الأحد 2 فبراير 2014 - 22:54