ولادك مبيصلوش الحل السحرى ( شجره التفاح)بالخطوات المصوره

نقلت لكم الموضوع بالتفصيل وكما هو مكتوب
والصلاه والسلام على اشرف المرسلين سيدنا محمد عليه افضل الصلاه واتم التسليم
بإختصار انا فشلت بكل الطرق ان بنتى تداوم على الصلاه مهما صلت بتقطع ومهما حفزتها وشجعتها برده حماسها بيقل
الى ان هدانى الله الى

.
.
.
.
.

الى

.
.
.
.

شجره التفاح

هى دى

[ندعوك للتسجيل في المنتدى أو التعريف بنفسك لمعاينة هذه الصورة]

ببساطه هى شجره من الورق الكانسون وفروعها من الزرع الصناعى وتفاحها من الفلين
بس تأثيرها له العجب

الفكره هى ان الشجره دى لها 7 فروع بعدد ايام الاسبوع وكل فرع 5 اوراق بعدد صلوات اليوم الواحد
وبعد كل صلاه بتصليها بنتى بتاخد تفاحه وتعلقها فى مكانها فى شجره التفاح

وعشان احمسها عملت حاجتين اولاً عملناها مع بعض انا وهى فى 3 ايام متواصله فا هى حاسه جدا بأهميتها لانها تعبت فيها وكانت فرحانه قوى بيها

تانى حاجه عملت لاختها الصغيره شجره كمان عشان يكون فى تنافس بينهم وما شاء الله لا قوه الا بالله بيتسابقو على الوضوء والصلاه ( سبحان مغير الاحوال ) وكمان التفوتها صلاه بتعيط عشان نقصت تفاحه ( مع انى انا الكنت بعيت الاول من عدم انتظام بنتى على الصلاه لا بالمحايله ولا بالخناق انا باغلي)

والمكافأه كاااااااااااااانت كاالتالى :-

اليكون عدد التفاح عنده اكتر اخر الاسبوع يكون الفايز واجيب له هديه
**** وده عمل سوء سلوك عندهم للاسف بقت التصلى تتسحب عشان اختها متصليش وتاخد تفاحه عشان هى التفوز واختها لا
فتم التعديل السريع

·لو الشجرتين كاملين بكل الصلوات اجيب ليهم كل واحده هديتين بدل هديه واحده وهما اليختاروها بنفسهم ( وربنا يقوينى على المصاريف )
·لو واحده بس الشجرتها كامله لها هديه واحده فقط هى التخترها بنفسها
**( فا طبعا بقت كل واحده فيهم قبل ما تصلى لازم تفكر اختها بالصلاه ومتسبهاش الى لما تتأكد انها صلت عشان هديتين احسن طبعا من هديه واحده )
** وكمان زياده فى الاحتياط الاخت الكبيره بقت تاخد اختها فى ايدها وتصلى بيها جماعه عشان تتاكد انها صلت وملعبتش احسن الهديه التانيه تطيراحلى ابتسامة

ثالثا :- لو الشجرتين مش كاملين انا هجيب هديه للى تفاحه اكتر بس انا الاخترها مش هما
والحمد لله الطريقه دى خلتنى اقول ............ يا بناااااااااااااااات الظهر اذن يا بنااااااااااااااااات العصر اذن

من غير تعب على الاطلاق

******************

نيجى بقى لطريقه شجره التفاح الحل السحرى .... هى بسيطه جدا ومفيهاش اى تعب

1- كرتونه كبيره
2- مسدس شمع
3- غراء ابيض
4- مقص
5- بوكيه ورد صناعى
6- قصافه
7- ورق كانسون ملون

[ندعوك للتسجيل في المنتدى أو التعريف بنفسك لمعاينة هذه الصورة]

* نضع الغراء الابيض على الكرتونه بالكامل ونضع عليها فرخ كانسون اى لون نحبه

[ندعوك للتسجيل في المنتدى أو التعريف بنفسك لمعاينة هذه الصورة]

** نجهز بوكيه الورد ونقص التفاح منه ونقص خمس فروع منه للاسبوع

[ندعوك للتسجيل في المنتدى أو التعريف بنفسك لمعاينة هذه الصورة]

*** هتقص من باقى الفروع اجزاء منها عشان تكون زى المسامير نلصقها فى ورق الشجر لتثبيت التفاح عليها

ودى اشكال تانيه عملتها بالفوم وهعملها بالغراء الابيض والجليتر لتزين الشجره

[ندعوك للتسجيل في المنتدى أو التعريف بنفسك لمعاينة هذه الصورة]

بخرم التفاحه بنفس فرع البوكيه زى الهتتعلق فيه وهى من الفلين فا بتتخرم عادى جدا وبسهوله

[ندعوك للتسجيل في المنتدى أو التعريف بنفسك لمعاينة هذه الصورة]

دى صوره الفتحه او الخرم فى كل التفاح زى دى

[ندعوك للتسجيل في المنتدى أو التعريف بنفسك لمعاينة هذه الصورة]

وبالنسبه للتعلق هعيد جزء من شرحه تانى انا بدخل الفرع فى الكرتون زى كده

[ندعوك للتسجيل في المنتدى أو التعريف بنفسك لمعاينة هذه الصورة]

المفروض احط عليه من ورا شمع من مسدس الشمع بس زياده فى المتانه هحط قطعه كرتون صغيره عشان الفرع ميفلتش من الكرتونه

[ندعوك للتسجيل في المنتدى أو التعريف بنفسك لمعاينة هذه الصورة]

وبثنى طرفه عشان لو فلت من الكرتونه والشمع الجزء المتنى ميعديش
وبعدين الصقه بمسدس الشمع بكميه وفيره من الشمع

[ندعوك للتسجيل في المنتدى أو التعريف بنفسك لمعاينة هذه الصورة]

وده شكل التفاحه وهى متعلقه بتدخل عادى فى الفرع بتثبت لوحدها واخر الاسبوع احصد التفاح ويحصدوا هما الهدايا يارب وتفضى الشجره ونبدى تانى من اول وجديد وهكذا

[ندعوك للتسجيل في المنتدى أو التعريف بنفسك لمعاينة هذه الصورة]

والبوكيه انا اشتريته جاهز كده بورقه وتفاحه

روووووووووعة يا دعاء كعادتك

فكرة جميييييييييلة جدا وأكيد لها تأثير رااااائع

بارك الله فيك ِ دعاء فى ميزان حسناتك

فكرة جمــــــــــيلة .. دايما يا دعاء بتتحفينا بافكار شيقة وبناءة
بارك الله فيكى

شكرا يانور على مرورك العطر
بارك الله فيكى

بارك الله فيكى دعاءوهذا من فضل ربى
الحمد لله ان ربنى وفقنى وكنت سبب لافادتكم
شكرا على مرورك

جمييييييييييييل جدااااااااااا

فعلا الوساائل دى جذابة اووووى لاطفال

ربنا يباركلك يا دعاء

فى ميزان حسناتك

بارك الله فيكى فكره جميله

وبارك الله فيكى اريج
شكرا على مرورك

وبارك الله فيك استاذ حسنى
شكرا على مرورك

جزاك الله خيرا يادعاء

وجزاكى الله خير الجزاء سارة
وشكرا على مرورك

» شجره الضحك
» المصباح السحرى
» الفانوس السحرى *****
» الاسلام هو الحل
» الزوج العصبى والزوجة العصبية ! ما هو الحل ؟؟؟