محكمة المنتدى

"فاطمة حمدى حسن"

1) بما ان حضرتك أخصائى اجتماعى كبير وخبرة لو كان فى مشكلة ولابد

إنك تقابل فيها والد الطالب لحلها يعنى لها جانب أسرى وكده وعندما قابلك

قعد يزعق وكده وأحرجك قدام ابنه ولا يريد التفاهم ولا الكلام ولا الاستماع لك تتصرف ازاى ساعتها


خالد السيد / عادي هعرف إن الواد مظلوم وأبوه هو إلي محتاج علاج وبعد كده هستدعي أم الطالب وأطنش أبوه

"فاطمة حمدى حسن"
2) هل تسامح دوما وتعفو عن من ظلمك حتى لو تكرر منه نفس الموقف او موقف اخر ؟؟؟


خالد السيد / ببقى عاوز أولع فيه ولكن أول ميقابلني ويسلم عليَّ ويقولي أنا غلطان بنسى كل حاجة

"فاطمة حمدى حسن"

3) هل تعترف بخطئك إذا أخطأت وتعتذر مش شرط صراحة أنا أسف وكده يعنى بأى طريقة ولا
تجد صعوبة ف كده وخصوصا لو كان موقف مع أولادك ؟؟؟


خالد السيد / إذا إقتنعت إني غلطان بجري وأعتذر حتى لو كان طالب عندي في المدرسة ومع أولادي وزوجتي لو أخطأت بجد بأعتذر وأبوسهم كمان علشان أعودهم على الإعتراف بالخطأ وعدم التمادي فيه والإعتذار دي شجاعة

"فاطمة حمدى حسن"

4) لو شاهدت فى الشارع اتنين رجال يسرقا امرأة والشارع فاضى تعمل ايه معهم علما بأن معهم سلاح والمرأة تستغيث بك ساعتها ؟؟؟

خالد السيد / لو معاهم سلاح شومة أو سكينة طبعا هتعامل معهم أما لو سلاح ناري صعب التعامل معهم لإني لو إقتربت فرصاصة هتخلص عليَّ ومش هنقذها وهموت ولكن ممكن إبلاغ الشرطة ولو فيه سيارة آخد رقمها أما لو الموقف مع زوجتي وأولاده لا بقى ولا رصاص الدنيا هيحشني والموت في الدفاع عن المال والعرض شهادة في سبيل الله

"فاطمة حمدى حسن"

5) لو لم تكن خالد السيد الاخصائى تود تكون من وليه ؟؟؟


خالد السيد / لو بتتفرجي على المسلسل التركي أرطغرل فكان نفسي أكون بحارب معه ومع أصدقائه تورغوت وبامسي وعلي يار وغيرهم

"فاطمة حمدى حسن"

6) أريدك تعطينى منهج عملى لكيفية جعل الطفل سوى وخالى من المشاكل الاجتماعية ؟؟؟


خالد السيد / مافيش حد خالي من المشاكل الإجتماعية والنفسية ودي عاوزة كتاب ويبقى أروح أقفل الجروب بتاعي بقى
ولكن بإختصار أهم حاجة العلاقة الأسرية السليمة بين الوالدين من ناحية وبين الوالدين والطفل - إعطاء الطفل المساحة والفرص للعب ولكن مع أطفل من بيئة صالحة وإعطائه الفرصة للتعبير عما يجول بخاطره وعدم السخرية من كلامه ومحولة الرد على أسئلته مهما كانت بما يناسب سنه وإستيعابه عدم التدليل الزائد وعدم الإستجابة لكل طلباته - قدوة الولدين وخاصة في الأمور الدينية ---- الموضوع أكبر من رد على سؤال في تعليق

"فاطمة حمدى حسن"

7) هل تمنيت الموت يوما ما وليه ؟؟؟


خالد السيد / أهو ده بقى إلي عمري ماإتمنيته حتى وأنا في أشد لحظات الضيق -- ييجي براحته

"فاطمة حمدى حسن"

8) ما القرار الذى أخذته وندمان عليه لحد الاّن ؟؟؟

خالد السيد / سفري للسعودية بعد تخرجي في سفرية فاشلة وكنت أعلم أنها فاشلة ضيعت أحلى 6 سنين من عمري ولم أستفد منها مادياً وضيعت فرصة تعييني وحالياً من هم أصغر من ب10 سنوات أقدم مني في العمل

"فاطمة حمدى حسن"

9) هل تحب القراءة أم الاستماع أكثر ؟؟؟


خالد السيد / ماليش في موضوع القرءة كنت زمان أشتري الجريدة وأفصصها بالكلمة حتى صفحة الوفيات وفي الآخر أسهر على الكلمات المتقاطعة الآن النت ولفيس بوك والجروب بتاعي واخدين كل وقتي مافيش وقت لأي حاجة

"فاطمة حمدى حسن"

10) لو فى مسابقة وفاز بها ابناءك وجاءك والد احد المتسابقين وقال لك ابنى مريض نفسى وبيتعالج وفوزه بالمسابقة كان يحلم كتير به وهو خسر وابناءك فازوا وطلب منك تعطيه الجائزة كى يخفف عليه من مرضه ان ابناءك مثلا يأتوا إليه ويهدوه إياها ماذا تقول له ؟؟؟


خالد السيد / أقسم بالله ماهتأخر لحظة واحدة وهشرح الموضوع لأولادي وهما عاطفيين جداً وهيجروا يسلموا الجائزة لزميلهم وأنا أعوضهم بجائزة خاصة مني

"فاطمة حمدى حسن"

11) دى مشكلة كبيرة عندى ولازمن تقولى أعمل فيها ايه اتخلص ازاى من عصبيتى ؟؟؟


خالد السيد / أنا كنت داخل قبل ماأنام أنزل فيديو لنسيبي الشيخ على في القسم بتاعه ضيعتيني بأسئلتك
ولذلك لعلاج عصبيتك تروحي ترمي نفسك أمام القطار ال VIP علشان سريع وهيهديكي بسرعة ومش هتحسي بحاجة خالص

سلام ونتقابل في المتدى العام القادم