نصائح لكِ ياعزيزتى .

نصــــائح منــــزلية :-
***********

1 . حطي في ملاحة الطعام .. كام حباية رز عشان الملح ميتجمدش منك في أيام الرطوبة .

*** _____ *** _____***

2 . لو عندك شرابات بيضاء اللون .. عاوزاها تبقي زي الفل .

*** _____ *** _____***

أنقعيها الأول نص ساعة في ماية سخنة ومعاها لمونة متقطعة شرائح .. هتفرق كتير في النظافة .

*** _____ *** _____***

3 . لو بتستعملى شموع في بيتك و حابة إنها تعيش و تقعد فترة أطول و متخلصش بسرعة .. حطيها قبل الإستخدام بفترة في الفريز . كده هتعيش معاكي أطول .

*** _____ *** _____***

4 . لو جبتي جزمة جديدة ليكي او لحد من أولادك او حتي جوزك وأكتشفتوا إنها بتعمل صوت أثناء المشي ( بتزيأء) هاتي زيت و دفيه أو سخنيه و هاتي قماشة و

أدهني النعل و الجناب بيه .. والصوت هيختفى تماماً .

*** _____ *** _____***
5 . لو حطيتي كوبايتن جوا بعض و معرفتيش تخرجيهم .. حطي الكوباية اللي تحت في ماية سخنه جدا .. و صبي في اللي فوق مايه ساقعة جدا . هينفصلوا بسهولة

*** _____ *** _____ ***

6 . لو بتستعملى مفرمة لحمة في البيت . و حابة إنك تنظفيها بسهولة ..ومن غير ما تسيب أثر لريحة اللحمة فيها .. بعد ما تخلصى الفرم هاتى قطعة عيش ناشفة و

أفرميها جواها .. و أغسليها . هتلاقي غسيلها سهل و مفيش روايح .

*** _____ *** _____ ***

7 . لو الأنترية أو السجادة أو أي مفرش عندك أتبقع . أتعاملى مع تنظيفه بطريقة الضغط .. مش الدعك . لأنك لو دعكتي البقعة هتنتشر و تكبر أكتر ..إنما هتجيبي

فوطة نظيفة و فيها المنظف بتاعك و تضغطي مرة ورا مرة لحد ما البقعة تختفى تدريجيا .

*** _____ *** _____ ***

8. لو عندك دهون في البوتجاز صعبة التنظيف .. هتجيبي ماية دافية و نقطتين سائل تنظيف الصحون و 3 معالق كبيرة خل .. هتفرق معاكي كتير و بدعكة خفيفة

الدهون هتنظف .

*** _____ *** _____ ***

9 . عشان تقللى كتير من ريحة السمك المقلى جوا البيت .. حطي في الزيت اللي هتقلى فيه نص لمونة أو نصيين . هتقلل من الريحة كتير .

*** _____ *** _____ ***

10 . لو عندك في التلاجة صدأ أو خدش مشوه شكلها نضفى المكان المخدوش أو المصدي كويس و هاتى منوكير أبيض أو كوريكتور وأدهني المكان ده و سيبيه

ينشف .. و هتلاقي الشكل بقي أحلى كتير من الأول .

*** _____ *** _____ ***

منقوووووووووووووول من الفيس .

نصائح حلوة اوووووووووى

وحلوة دى

لو حطيتي كوبايتن جوا بعض و معرفتيش تخرجيهم ..

حطي الكوباية اللي تحت في ماية سخنه جدا .. و صبي في اللي فوق مايه ساقعة جدا . هينفصلوا بسهولة

دا نا هجربها مخصوص هارفه يا بطوط لو اتكسروا

هغرمك دستة هههههههههههههههههههههههههههههههههه

أريج كتب:: نصائح حلوة اوووووووووى

وحلوة دى

لو حطيتي كوبايتن جوا بعض و معرفتيش تخرجيهم ..

حطي الكوباية اللي تحت في ماية سخنه جدا .. و صبي في اللي فوق مايه ساقعة جدا . هينفصلوا بسهولة

دا نا هجربها مخصوص هارفه يا بطوط لو اتكسروا

هغرمك دستة هههههههههههههههههههههههههههههههههه

هههههههههههههههه دستة مرة واحدة ماشى ياقمرى طيب إيه رأيك لو أتكسروا أجيبلك دستة منى مش كده أحسن Smile

.

حلوه خالص بس متحاوليش معايا اصلي خايبة في كل حاجه وأكتر حاجه عجبتني موضوع الكوبيات زي اريج .. بصي هابقى اعملها .. بس اقولك يا طماطم انا لا بعرف اطلع الكوبيات ولا افتح البرطمنات ولا بعرف اعمل حاجه خالص .. ونفسي اتعلم بس مكسله دا حتى البيض المسلوق بيتكسر مني اثناء سلقه ...طبعا انا هانفع مش كدا ..
بس جميل موضوعك دا اناهاكتبه واحاول اطبقه ان شاء الله

اسماء سليمان كتب:: حلوه خالص بس متحاوليش معايا اصلي خايبة في كل حاجه وأكتر حاجه عجبتني موضوع الكوبيات زي اريج .. بصي هابقى اعملها .. بس اقولك يا طماطم انا لا بعرف اطلع الكوبيات ولا افتح البرطمنات ولا بعرف اعمل حاجه خالص .. ونفسي اتعلم بس مكسله دا حتى البيض المسلوق بيتكسر مني اثناء سلقه ...طبعا انا هانفع مش كدا ..
بس جميل موضوعك دا اناهاكتبه واحاول اطبقه ان شاء الله

لا ياسمسمة إحنا ما عندى بنات خيبانين ولا حاجة بس أنت بتدلع ياجميل ومسيرك تتعلم .

موضوع جميل جدا جدا
شكلك ياجميل كلنا حتجبيلنا كوبيات
يلا استعدى لانى حجرب الموضوع ده وعلى ضمانتك اهينا بقينا 3
شهر كريم علينا وعليكم ان شاء الله

هههههههههه لا كده الموضوع وقع عليا بخسارة انت
أؤمر ياجميل بس مش تتعود على كده مش عارفة ايه حكاية الكوبيات دى الكل طمعان فيها ياربى .

» نصائح هكر تائب !!!
» نصائح غاليه
» نصائح منزليه
» نصائح مطبخيه
» نصائح كي تصبح كتوماً محافظاً على السر